بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

جۇڭگونىڭ ءتىل بايلىعىن قورعاۋ ينجەنەرياسىنىڭ 2 - مەرزىمدىك نىسانى باستالدى

2021.04.20 13:21   كەلۋ قاينارى : حالىق تورابى



  سۋرەتتە: 4 – ايدىڭ 19 – كۇنى جۇڭگونىڭ ءتىل بايلىعىن قورعاۋ ينجەنەرياسى نىسانىن ىلگەرىلەتۋ ءماجىلىسى بەيجيڭدە اشىلدى. شينحۋا اگەنتتىگىنىڭ ءتىلشىسى چىن يە حۋا فوتوسى

  شينحۋا اگەنتتىگىنىڭ ءتىلشىسى يۇي جۇنجيە 4 – ايدىڭ 19 – كۇنى بەيجيڭنەن حابارلايدى. ءتىلشىنىڭ 4 – ايدىڭ 19 – كۇنى وقۋ – اعارتۋ مينيسترلىگىنەن ۇعىسۋىنشا، جۇڭگونىڭ ءتىل بايلىعىن قورعاۋ ينجەنەرياسىنىڭ 2 – مەرزىمدىك نىسانى رەسمي باستالعان، مەملەكەتتە ورتاق قولدانىلاتىن ءتىل – جازۋدى كۇش سالا جالپىلاستىرۋمەن بىرگە، حانزۋ ءتىلىنىڭ ديالەكتتەرى مەن از ۇلتتاردىڭ ءتىل بايلىقتارى عىلىمي تۇردە ويداعىداي قورعالادى، ءتىل بايلىعىن اشۋ، پايدالانۋ ىلگەرىلەتىلەدى.

  جۇڭگونىڭ ءتىل بايلىعىن قورعاۋ ينجەنەرياسى نىسانىن ىلگەرىلەتۋ ءماجىلىسى 4 – ايدىڭ 19 – كۇنى بەيجيڭدە اشىلىپ، ءتىل بايلىعىن قورعاۋ ينجەنەرياسىنىڭ 1 – مەرزىمدىك نىسانىنىڭ تاجىريبەلەرى قورىتىندىلانىپ، 20 ورىن مەن 100 جولداسقا «جۇڭگونىڭ ءتىل بايلىعىن قورعاۋ سيلىعى» بويىنشا وزات كوللەكتيۆ جانە وزات جەكە اتاعى بەرىلدى.

  تانىستىرۋعا قاراعاندا، 2015 – جىلى باستالعان ءتىل بايلىعىن قورعاۋ ينجەنەرياسى وقۋ – اعارتۋ مينيسترلىگى مەن مەملەكەتتىك ءتىل – جازۋ كوميتەتى ۇيىمداستىرىپ، اتقاراتىن، مەملەكەتتىك قازىنا ارناۋلى قاراجاتپەن قولداۋ كورسەتەتىن ءتىل مادەنيەتى تۇرىندەگى ينجەنەريا، قازىرگى دۇنيە جۇزىندەگى كولەمى ەڭ ءىرى بولعان ءتىل بايلىعىن قورعاۋ نىسانى، قازىرگە دەيىن باسپادان شىعارعان نىشاندىق جەتىستىكتەرى «جۇڭگونىڭ ءتىل مادەنيەتىنىڭ قويماسى» (20 توم) جانە «جۇڭگوداعى جويىلۋعا تاياعان تىلدەر» (30 توم) قاتارلىلار بار.

  5 جىل مەرزىم بويىنشا اتقارىلعان ءتىل بايلىعىن قورعاۋ ينجەنەرياسىنىڭ 1 – مەرزىمدىك نىسانى 2019 – جىلى ءساتتى اياقتاپ، 123 ءتۇرلى ءتىل مەن بۇكىل ەلىمىزدىڭ جەر – جەرىندەگى ديالەكتتەرگە قاتىستى ناقتى ءتىل دەرەكتەرىنەن 10 ميلليوننان استامىن تەكسەردى جانە جينادى، مۇندا دىبىستى دەرەكتەر مەن كەسكىندى دەرەكتەردىڭ اربىرەۋىنەن 5 ميلليوننان استامى بار، جالپى مولشەرى 100 تەرابايتقا جەتەدى.

  وقۋ – اعارتۋ مينيسترلىگىنىڭ ورىنباسار مينيسترى تيان شۋەجۇن مىنانى ءبىلدىردى: ءتىل بايلىعىن قورعاۋ ينجەنەرياسىنىڭ 2 – مەرزىمدىك نىسانىنىڭ جوعارى ساپالى دامۋىن ىلگەرىلەتۋ ءۇشىن، اشۋ مەن پايدالانۋدى كۇشەيتۋ، مۇراگەرلىك ەتۋ مەن ساۋلەلەندىرۋدى ونان ارى ويداعىداي ىستەۋ كەرەك؛ ۇيىمداستىرۋ مەن اتتانىسقا كەلتىرۋدى كۇشەيتىپ، دارىندىلار قوسىنىن اناعۇرلىم ۇلعايتۋ كەرەك؛ اۋىس – كۇيىس پەن ءوزارا ۇلگى الۋدى كۇشەيتىپ، حالىقارالىق ىقپالىن اناعۇرلىم كەڭەيتۋ كەرەك.

  ۇعىسۋعا قاراعاندا، قازىر ءتىل بايلىعىن قورعاۋ ينجەنەرياسىنا قاتىناسىپ جاتقان جوعارى مەكتەپتەر مەن عىلىمي زەرتتەۋ قۇرىلىمدارىنان 350 نەشە ورىن بار، بۇل ورىندار كاسىپتىك تەحنيكالىق قىزمەتكەرلەردەن 4500 دەن استام قىزمەتكەردى، تىلدەر مەن ديالەكتتەردى دىبىستاۋشىلاردان 9000 نان استام ادامدى اتتانىسقا كەلتىرگەن، 57 رەت كۋرس وتكىزگەن، كۋرسقا قاتىناسقانداردىڭ سانى 4700 دەن استام ادام – رەتكە جەتكەن، بۇكىل ەلىمىز كولەمىندە ءتىل بايلىعىن قورعاۋ جاعىنداعى ۇزدىك قوسىندى قۇرىپ شىققان جانە شىنىقتىرعان.

  كەلۋ قاينارى: حالىق تورابى

【1】 【2】 【3】 
جاۋاپتى رەداكتورى : نۇرعيسا قۇرمانجان ۇلى

 سۋرەت