حان جىڭ گۋاڭدۇڭدا تەكسەرۋ – زەرتتەۋ جۇرگىزگەندە مىنانى دارىپتەدى
شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، رەفورما جاساپ، ەسىك اشۋدى تاباندىلىقپەن تەرەڭدەتىپ، ساپالى دامۋدى بۇلجىماستان ىلگەرىلەتۋ كەرەك
2021.04.26 15:56 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 25 – كۇنى، گۋاڭجوۋ (ءتىلشى چي جۇڭشي). 4 - ايدىڭ 23 - كۇنىنەن 25 - كۇنىنە دەيىن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ گۋاڭدۇڭ ولكەسىنىڭ گۋاڭجوۋ، شانتوۋ، چاۋجوۋ وڭىرلەرىندە تەكسەرۋ - زەرتتەۋ جۇرگىزدى. حان جىڭ مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، رەفورما جاساۋدى، ەسىك اشۋدى تاباندىلىقپەن تەرەڭدەتىپ، ساپالى دامۋدى بۇلجىماستان ىلگەرىلەتۋ كەرەك.
حان جىڭ گۋاڭجوۋدىڭ يۇڭچيڭفاڭ ميكرو وزگەرتۋ نىسانىنا بارىپ، قالانىڭ جاڭالانۋ جاعدايىن تەكسەردى؛ گۋاڭجوۋدىڭ مۇناراسىنا بارىپ گۋاڭجوۋدىڭ جالپى بەت - بەينەسىنە كوز جىبەرىپ، قالا جوباسى قۇرىلىسى سياقتى جاعدايلار جونىندەگى مالىمەتتى تىڭدادى؛ گۋاڭجوۋ يۋەجياڭ جولى كورمەسىنىڭ شيبيداۋ ۇلگى بولەگىنە، حايجۋ مەملەكەتتىك سازدى جەر باقشاسىنا بارىپ، قالانىڭ الەۋمەتتىك قۇرىلعى قۇرىلىسى، سۋ ورتاسىن جونگە سالۋ جاعدايىنا تەكسەرۋ - زەرتتەۋ جۇرگىزدى؛ شانتوۋ چياۋپي مادەني مۇرالار سارايى، چىن سىحۇڭ بايىرعى تۇراعى جانە چاۋجوۋ گۋاڭجي كوپىرى، راۋ زۇڭ - ي ءىلمي سارايى قاتارلىلارعا بارىپ، چاۋشان مادەنيەتىن قورعاۋ، جالعاستىرۋ جانە بايىرعى قۇرىلىستاردى جوندەۋ، قورعاۋ جاعدايىن ۇعىستى. ول مىنالاردى اتاپ كورسەتتى: قالانى جاڭالاۋدا جەرگىلىكتى جاعدايعا قاراي ىستەۋ كەرەك، جاپپاي بۇزىپ، جاپپاي قۇرۋعا بولمايدى، ءداستۇرلى مادەنيەت پەن تاريحي جۇرتتاردى قورعاۋدى كۇشەيتىپ، كوپشىلىكتىڭ تاريحتى ەستە ساقتاۋىنا، تاريحي جۇرتتاردان كوز جازىپ قالماۋىنا مۇمكىندىك جاساۋ كەرەك. سۋ ورتاسىن جونگە سالۋدى كۇشەيتىپ، حالىققا جاسىلدانعان، كورىكتى ورتا سيلاپ، حالىق بۇقاراسىن اناعۇرلىم تاماشا ەكولوگيالىق ورتادان يگىلىكتەندىرۋ كەرەك.
حان جىڭ گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ (گۋاڭدۇڭ) جاڭالىق اشۋدى، يگىلىك جاراتۋدى جەتىلدىرۋ بازاسىنا بارىپ، گۋاڭجوۋ قالاسى تيانحى رايونى شياڭگاڭدىق، اۋمىندىق جاستاردىڭ ۇيىنە بارىپ، شياڭگاڭدىق، اۋمىندىق جاستارمەن اڭگىمەلەستى. حان جىڭ بىلاي دەدى: شياڭگاڭ، اۋمىن − سەندەردىڭ ۇيلەرىڭ، گۋاڭدۇڭ − سەندەردىڭ ۇيلەرىڭ، ۇلكەن شىعاناق رايونى − سەندەردىڭ ۇيلەرىڭ، وتان − سەندەردىڭ ۇيلەرىڭ. كوپشىلىكتىڭ وزدەرىنىڭ كۇرەس نىساناسى مەن ءومىر قۇنىن قۇلشىنا جۇزەگە اسىرۋمەن بىرگە، وزدەرىنىڭ كەشىرمەلەرىمەن جانە كورگەن - بىلگەندەرىمەن ۇشتاستىرىپ، ۇلكەن شىعاناق رايونى مەن وتانىمىزدىڭ ىشكى ولكەلەرىنىڭ ناقتى جاعدايىن بەلسەنە ۇگىتتەپ، اناعۇرلىم كوپ شياڭگاڭدىق، اۋمىندىق جاستاردىڭ ۇلكەن شىعاناق رايونىن تۇسىنۋىنە كومەكتەسىپ، شياڭگاڭ مەن اۋمىننىڭ مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋىن قولداۋىن جانە جەبەۋىن ءۇمىت ەتەمىن. قاتىستى جاقتار ساياساتتى اناعۇرلىم كەمەلدەندىرىپ، شياڭگاڭدىق، اۋمىندىق جاستاردىڭ تۇرعىن ءۇي، پەرزەنتتەرىن تاربيەلەۋ، ەمدەۋ سياقتى ناقتى قيىنشىلىقتارىن شەشۋىنە كومەكتەسۋى كەرەك.
حان جىڭ گۋاڭجوۋ حالىقارالىق بيولوگيالىق ارالى گۋاڭجوۋ تاجىريبەحاناسىنا كەلىپ، تاجىريبەحانانىڭ قۇرىلۋ جانە تىنىس الۋ اۋرۋى سالاسىنداعى عىلمي زەرتتەۋدە قامال الۋ جاعدايىن ەگجەي - تەگجەيلى ۇعىستى. حان جىڭ تاجىريبەحانادا قول جەتكەن تابىستاردى تولىق تۇراقتاندىرىپ، ولاردى عىلىم - تەحنيكا تۇزىلىسىندە جاڭالىق اشۋ جونىندە بەلسەنە ىزدەنىس جاساۋعا، حالىقتىڭ سالاماتتىعىن قورعاۋعا اناعۇرلىم زور ۇلەس قوسۋعا شابىتتاندىردى.
حان جىڭ گۋاڭجوۋ قالاسى لوگاڭ - حىيۋان قامتاماسىزدىق تۇرعىن ءۇي شاعىن رايونىنا بارىپ، قامتاماسىزدىق تۇرعىن ءۇي نىسانىنىڭ جالپى تۇلعالىق جوباسى مەن شاعۋ - كوشىرۋ، ورنالاستىرۋ جاعدايى جونىندەگى تانىستىرۋدى تىڭداپ، الەۋمەتتىك مايعا بەرىلەتىن ءۇيدى مايعا الۋشىنىڭ ۇيىنە بارىپ، تۇرعىنداردىڭ ءوتىنىش ەتۋ شارتتارى، تۇرعىن ءۇي كولەمى، سونداي - اق ماياقىسى، مايعا بەرۋ مەرزىمى سياقتىلاردى ەگجەي - تەگجەيلى ۇعىستى. حان جىڭ مىنالاردى دارىپتەدى: الەۋمەتتىك مايعا بەرىلەتىن تۇرعىن ۇيمەن قامداۋدى ارتتىرىپ، جەرگىلىكتى ورىنداردى اناعۇرلىم جاقسى تاجىريبەلەردى قاراستىرىپ، ءىرى قالالارداعى كورنەكتى تۇرعىن ءۇي ماسەلەلەرىن كۇش سالا شەشۋگە شابىتتاندىرۋ كەرەك.
حان جىڭ ج ك پ ورتالىق كوميتەتىنەن ورتالىق سوۆەتتىك رايونعا دەيىنگى قۇپيا قاتىناس لەنياسىنداعى شانتوۋ قاتىناس ورتا بەكەتىنىڭ كونە ورنىنا كەلىپ، قىزىل تاريح پەن توڭكەرىستىك مادەنيەتتى قورعاۋ جاعدايىن ۇعىستى. حان جىڭ بىلاي دەدى: قىزىل ءداستۇردى بارىنشا ساۋلەلەندىرىپ، قىزىل گەندى جالعاستىرىپ، پارتيا تاريحىن ۇيرەنۋ تاربيەسىن ءىس جۇزىندىك ماسەلەلەردى شەشۋمەن ۇشتاستىرىپ، بۇقارا ءۇشىن شىنايى ناقتى ىستەر ىستەپ، قيىن ماسەلەلەردى شەشۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
