سانجى قالاسى اشىلى قازاق اۋىلى نۇرجا قىستاعى:
وسى زامانعى مال شارۋاشىلىعى − بايۋدىڭ جاڭا دەمەۋشىسىنە اينالدى
دوڭگەلەك داۋلەتتىلىككە ءبىر نيەتپەن ۇمتىلۋ
انار بۇلت / شينجياڭ گازەتىنىڭ ءتىلشىسى حي حۇڭۋي
2021.04.26 16:38 كەلۋ قاينارى : شينجياڭ گازەتى
4 - ايدىڭ 20 - كۇنى سانجى قالاسى اشىلى قازاق اۋىلىنىڭ نۇرجا قىستاعىنداعى سانجى قالاسى شينفىڭ ساۋىن سيىر باعىمشىلىعى كاسىپتىك سەلبەستىك كووپەراتيۆىندە ۇستىنە قىزمەت كيىمىن كيىپ، ماسكى تاعىپ، قولعاپ كيگەن باقتاشى قاجىبەك ساۋلەت قوراداعى ساۋىن سيىرلارعا جەم بەرىپ جاتتى.نۇرجا قىستاعى − الىس - جۋىققا اتى ءمالىم مال شارۋاشىلىعى قىستاعى، مال شارۋاشىلىعى − سول جەردەگى ەگىنشى - مالشىلاردىڭ نەگىزگى كىرىس كوزى. سوڭعى جىلدارى رايونىمىزدىڭ مال شارۋاشىلىعى قۇرىلىمىنىڭ ۇزدىكسىز ساپالىلانىپ، دارەجەسىنىڭ وسۋىنە ىلەسە، نۇرجا قىستاعى سياقتى وسى زامانعى مال شارۋاشىلىعىن دامىتقان قىستاقتاردىڭ قاتارى بارعان سايىن كوبەيە ءتۇستى.
سەلبەسىپ تەڭ يگىلىككە كەنەلدى، بۇقارانى بايۋعا باستادى
نۇرجا قىستاعىنا بارعانىمىزدا الدىمىزدان ايناداي جارقىراعان تاپ - تازا كوشە، رەتتى ۇيلەر كوزىمىزگە شالىندى، جولدىڭ ەكى جاعاسىنداعى جاڭا بۇرلەي باستاعان تەرەكتەر قىستاق تۇرعىندارىنىڭ دوڭگەلەك داۋلەتكە ۇمتىلۋ ءۇمىتىن اڭعارتىپ تۇرعانداي.
20 - عاسىردىڭ 80 - جىلدارىنان باستاپ تاۋدان كوشىپ ءتۇسىپ، وتىرىقتانعان قازاق مالشىلارى تۇگەلدەي ساۋىن سيىر باقتى، كەي وتباسىلار 3- 5 باسقا دەيىن سيىر ءوسىردى، قىستاقتىڭ كىرەر بەرىسىندەگى جول بويىنا بايلانعان سيىرلار تۋرالماعان جۇگەرى ساباعىمەن باعىلاتىن، قىستا دا جىلى قورا جوق، زارارسىزداندىرۋ، ىندەتتەن ساقتانۋ، ءسۇت ساپاسى دەگەندەر مۇلدە قامتاماسىز ەتىلمەگەن، ونىڭ ۇستىنە قىستاقتىڭ قورشاعان ورتاسىن لاستايتىن.
”بۇرىن كوبىندە بىتىراڭقى شارۋاشىلىقپەن اينالىسىپ، ءوزىمىز ءوندىرىپ، ءوزىمىز ساتتىق، كىرىسىمىز دە ماندىمدى بولمادى“. نۇرجا قىستاعىنىڭ تۇرعىنى قادىلجان جۇماننىڭ ايتۋىنشا، ول ايەلى مايگۇل كوبەگەن ەكەۋى سەلبەستىك كووپەراتيۆىنە كىرگەننەن كەيىن كىرىستەرى بارىنشا ارتىپتى.
2009 - جىلى اسكەري قوسىننان قايتقان وسى قىستاقتاعى جاڭ فىڭ 11 مالشىنى باستاپ نۇرجا قىستاعىندا سانجى قالاسى شينفىڭ ساۋىن سيىر باعىمشىلىعى كاسىپتىك سەلبەستىك كووپەراتيۆىن ۇيىمداستىرىپ، ”سيىر اماناتتاپ باعۋ ورنىن“ قۇرادى.
جاڭ فىڭ: ”شاشىرامالى باعىمشىلىقتىڭ قيىن جاعدايىن وزگەرتۋ ءۇشىن، ءسوز جوق، وسى زامانعى مال شارۋاشىلىعىن دامىتىپ، شوعىرلانعان، كولەمدەنگەن، ارنايىلانعان سەلبەستىك جولىمەن ءجۇرۋ كەرەك“ دەدى.
سەلبەستىك كووپەراتيۆى قۇرىلعان العاشقى تۇستا، قاجىبەك ءوزىنىڭ 5 سيىرىن سەلبەستىك كووپەراتيۆىنىڭ باعۋىنا اماناتتاپ بەردى، قازىر ونىڭ ايەلى مەن قارىنداسى سەلبەستىك كووپەراتيۆىندە جۇمىس ىستەيدى، اربىرەۋى اي سايىن 4000 يۋان شاماسىندا ەڭبەكاقى الادى، سيىردى اماناتتاپ باعۋدان تۇسەتىن پايدا ءبولىسىن قوسقاندا، اجەپتاۋىر كىرىستەرى بار.
قاجىبەك بىلاي دەدى: ”كولەمدەنگەن باعىمشىلىقتىڭ ارقاسىندا كىرىسىمىز ەسەلەپ ارتتى، اۋىر جۇمىستارعا قوش ايتتىق. وسى ارادا قۇلشىنا ىستەپ، كوبىرەك تەحنيكا ۇيرەنىپ، اقشا تاۋىپ، كەيىن ءوز الدىمىزعا شارۋاشىلىق قۇرامىز با دەگەن ويىمىز بار“.
”اماناتتاپ باقتىرۋ“ ۇلگىسى ەگىنشى - مالشىلاردىڭ عىلمي باعىمشىلىقپەن شۇعىلدانۋىنا ۇلگى كورسەتىپ، باستاماشىلدىق ەتىپ، باعىمشىلىق وتباسىلارى مەن سەلبەستىك كووپەراتيۆىنىڭ تەڭ يگىلىككە كەنەلۋىن جۇزەگە اسىردى. سانجى قالاسى شينفىڭ ساۋىن سيىر باعىمشىلىعى سەلبەستىك كووپەراتيۆىنىڭ ۇلگىسى مەن تاجىريبەسى سانجى حۇيزۋ اۆتونوميالى وبلىسىندا جالپىلاستىرىلدى.
ۇجىمداسىپ يگىلىككە كەنەلدى، باسىمدىققا يە بايلىقتاردى بىرىكتىردى
”سەلبەستىك كووپەراتيۆى جەتىلدىرگەن ساپالى تۇقىم قويدىڭ ەت مولشەرىن، ءجۇن مولشەرىن بارىنشا جوعارىلاتتى، تالاي جىل قوي باققانىممەن، قويدى، ءسىرا، قالاي باعۋ كەرەكتىگىن ەندى عانا ءبىلدىم“، - دەدى قىستاق تۇرعىنى ريزابەك اسقار.
كەزىندە كەدەيلەر قاتارىندا بولعان ول جانە ايەلى 2012 - جىلى سانجى قالاسى تيانتاي مال شارۋاشىلىق باعىمشىلىعى كاسىپتىك سەلبەستىك كووپەراتيۆىنە كىرىپ، سەلبەستىك كووپەراتيۆىندە 100 باس قويدى اماناتقا الىپ باعىپ، جىل اياعىندا 20 مىڭ يۋان پايدا الدى، ەرلى - زايىپتى ەكەۋىنىڭ سەلبەستىك كووپەراتيۆىندە ىستەگەنىن قوسقاندا ءبىر جىلدا 100 مىڭعا تاياۋ كىرىس تاۋىپ، ءساتتى تۇردە كەدەيلىكتەن ارىلىپ بايىدى. بۇل سەلبەستىك كووپەراتيۆىن جاڭ فىڭ مەن قىستاق تۇرعىندارى باسىمدىققا يە بايلىقتى بىرىكتىرۋ ارقىلى قۇرعان بولاتىن.
باستاپقى جىلداردا ءاربىر قىستاقتا قۇرىلعان شارۋالار كاسىپتىك سەلبەستىك كووپەراتيۆتەرىنىڭ كولەمى شاعىن بولۋ، شارۋاشىلىعى ارناعا تۇسپەۋ، ونىمدىلىگى ناشار بولۋ، ءومىر ءسۇرۋى قيىن بولۋ سياقتى ءىس جۇزىندىك جاعدايلارعا، سونداي - اق جايلىمدا ۇزاق ۋاقىت شەكتەن اسىرىپ مال باعۋ، مال مەن ءشوپتىڭ ەكولوگيالىق تەپە - تەڭدىگىنىڭ بۇزىلۋى سىندى ەندىگارى سوزا بەرۋگە كەلمەيتىن قيىن ماسەلەلەرگە ءدوپ كەلدى. 2016 - جىلدان بەرى جاڭ فىڭ قىستاق تۇرعىندارىن باستاپ جۇرەكتىلىكپەن ىزدەنىس جاساپ، ”تۇرالاعان“ كاسىپتىك سەلبەستىك كووپەراتيۆىن جانداندىرىپ، سانجى قالاسى بىرلەس ەگىن، مال شارۋاشىلىعى كاسىپتىك سەلبەستىك بىرلەسكەن كووپەراتيۆىن قۇردى، بىرلەسكەن كووپەراتيۆ كاسىپ سالاسىن ۇزارتۋ، اينالىمعا سالىپ پايدالانۋ سياقتى پرينسيپتەرگە ساي، حالىقتى بايىتۋدىڭ ”كاسىپ سالاسى دامۋ وداعىن“ قۇردى.
بىرلەسكەن كووپەراتيۆ 1200دەن استام ەگىنشى - مالشىنى مۇشەلىككە الىپ، مالدى اماناتتاپ باقتىرۋعا جارنا قوسۋ، قارجىنى جارناعا قوسۋ، جەردەن پايدالانىپ بىرلەسىپ شارۋاشىلىق جۇرگىزۋ، جايلىمنان پايدالانىپ بىرلەسىپ شارۋاشىلىق جۇرگىزۋ، ەگىنشى - مالشىلاردىڭ سيىر باعىمشىلىق فەرماسىندا، قوي باعىمشىلىق فەرماسىندا جۇمىس ىستەۋى سياقتى كوپ نەگىزدى كىرىستى ارتتىرۋ جولىمەن ءجۇردى. 2020 - جىلى كووپەراتيۆكە مۇشە وتباسىلارىنىڭ جىلدىق ورتاشا كىرىسى 80 نەشە مىڭ يۋانعا جەتتى.
قىستاقتىڭ دامۋ بولاشاعى دا ءبىر توپ جاستى وزىنە باۋرادى، بۇلاردىڭ اراسىندا اسەنقان مۇحيت تا بار. 1994 - جىلى دۇنيەگە كەلگەن اسەنقان ورتا مەكتەپتى تاۋىسقان سوڭ سەلبەستىك كووپەراتيۆىندە جۇمىسقا ورنالاستى، قازىر شينفىڭ ساۋىن سيىر باعىمشىلىعى كاسىپتىك سەلبەستىك كووپەراتيۆىنىڭ وندىرىسكە جاۋاپتى ورىنباسار الاڭ باستىعى، جىلدىق تابىسى 100 مىڭ يۋانعا تايايدى. سەلبەستىك كووپەراتيۆى ۇلگىسى وسىزاماندانعان باعىمشىلىقتى دامىتىپ، قىستاق تۇرعىندارىن بايۋعا جەتەكتەدى، مەن كوبىرەك ۇيرەنىپ، ءوز جۇمىستارىمدى دامىتامىن“، - دەدى اسەنقان.
توعىسپالى دامۋدى ىسكە اسىرىپ، كاسىپ سالاسىن جىنتىكتەي، تەرەڭدەي جۇرگىزدى
4 - ايدىڭ 20 - كۇنى 50 جاستاعى قىستاق تۇرعىنى ەركىن كالەن ساندىقشا جۇك اۆتوموبيلىنە جەم - ءشوپ تيەپ قىستاققا كەلدى. ەركىن وسىزاماندانعان مال شارۋاشىلىعى باعىمشىلىعىنىڭ پايداسىن ەڭ ەرتە كورگەن ادامداردىڭ ءبىرى.
5 سيىرىن سەلبەستىك كووپەراتيۆىنە باعۋعا اماناتتاعان ول، ايەلى ەكەۋى بىردەي سەلبەستىك كووپەراتيۆىندە جۇمىس ىستەيدى، ەكەۋى ءار ايدا 6000 يۋان كىرىس تابادى. ەركىننىڭ مۇندا جۇمىس ىستەگەنىنە 4 جىل بولدى، اقشا تاۋىپ اۆتوموبيل ساتىپ الىپ، تاسىمالمەن شۇعىلدانىپ، قىستاق تۇرعىندارى مەن سەلبەستىك كووپەراتيۆىنىڭ سيىرلارىن، جەم - ءشوبىن تاسىپ بەرىپ، جىلىنا 150 مىڭ يۋان تابىس تابادى.
”تۇرمىسىمىز بارعان سايىن جاقسارادى، قىستاق ساياحات پەن اۋىل شارۋاشىلىعى قوسىمشا ونىمدەرىن وڭدەۋ كاسىبىن دە دامىتىپ وتىر، مەنىڭ تاسىمال ساۋدام دا بارعان سايىن كۇسەتتەندى“، - دەدى ەركىن.
جاڭ فىڭ كاسىپتىك سەلبەستىك كووپەراتيۆىن باستاپ كاسىپ سالاسىنىڭ بىرلەسىپ قيمىلداۋىن ۇزدىكسىز كەڭەيتىپ، كوپ نەگىزدى، بىرىككەن شارۋاشىلىقتىڭ دامۋىن ىلگەرىلەتىپ، كاسىپ سالاسى تىزبەگىن ۇزارتىپ، قوسىمشا قۇندى جوعارىلاتتى. جاڭ فىڭ بىلاي دەدى: ”ءبىز كاسىبي تەحنيكالىق ۇجىم ارقىلى جالپىلىق جوبا جاساپ، اۋىل شارۋاشىلىعى ءوندىرىسىن، اۋىل شارۋاشىلىعى ونىمدەرىن وڭدەۋ مەن ساتۋدى، اس - سۋدى، دەمالىس، سونداي - اق باسقا دا قىزمەت وتەۋ كاسىپتەرىن ورگانيكالى تۇردە بىرىكتىرىپ، اۋىل - قىستاقتىڭ 1 -، 2 -، 3 - كاسىپ سالالارىنىڭ تىعىز جالعاسىپ، سايكەسە دامىپ، ەڭ سوڭىندا اۋىل شارۋاشىلىعى كاسىپ سالاسى تىزبەگىنىڭ ۇزارۋىنىڭ، كاسىپ سالاسى كولەمىنىڭ كەڭەيۋىنىڭ جانە شارۋالار كىرىسىنىڭ ارتۋىن جۇزەگە اسىرۋعا مۇمكىندىك جاسادىق“.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
