بايىنعولين وبلىسى حىچۇنجوۋ تۇقىم شارۋاشىلىعى شەكتى سەرىكتەستىگى:
ءبىزدىڭ دامۋىمىزعا وسەك - اياڭمەن كەدەرگىلىك جاسايمىز دەپ دامەلەنبەڭدەر
2021.04.26 16:40 كەلۋ قاينارى : شينجياڭ گازەتى
تاياۋدا H&M، نايك سياقتى حالىقاراداعى كيىم - كەشەك ماركالارى ايتىلمىس ”زورلىقپەن ەڭبەككە سالدى“ دەگەندى جەلەۋ ەتىپ، شينجياڭ ماقتاسىن شەكتەپ، ءبىزدىڭ ماقتا كاسىبى سالامىزدىڭ اتاق - ابىرويىنا اۋىر زيان جەتكىزدى. بايىنعولين وبلىسى حىچۇنجوۋ تۇقىم شارۋاشىلىعى شەكتى سەرىكتەستىگى ولاردىڭ سۇرقيا ارەكەتتەرىنە قاتتى كەكتەنەدى جانە باتىل قارسى تۇرادى!
سەرىكتەستىگىمىز ماقتا تۇقىمىن سۇرىپتاپ جەتىلدىرۋ، ءوندىرۋ، وڭدەۋ، ساتۋ ءبىر تۇلعالاندىرىلعان حالىق باسقارۋىنداعى عىلىم - تەحنيكالىق كاسىپورىن، كەمەلدى وسىزاماندانعان تۇقىم وڭدەۋ جابدىعى، ولشەمدەنگەن تۇقىم ساپاسىن تەكسەرۋ ءۇيى جانە كەمەلدى قامبادا ساقتاۋ جابدىعى بار. سەرىكتەستىك جەدەل دامۋمەن قاتار، جەرگىلىكتى ورىنداعى ەڭبەككۇشتەردىڭ جۇمىستانۋ ماسەلەسىن شەشۋگە كۇش سالدى. قازىر 30دان استام قىزمەتكەر بار، باسىم كوبى ۇيعۇر ۇلتى. سەرىكتەستىك ادام قابىلداۋ، ادام ىستەتۋدە كاسىپپەن اينالىسۋشىلاردىڭ تىلەگىنە تولىق قۇرمەت ەتىپ، تەڭ، ەرىكتى بولۋ پرينسيبىنە ساي، قىزمەتكەرلەرمەن ەڭبەك توقتامىنا قول قويدى، ”بەستى قامسىزداندىرۋ قاراجاتىن“ ۋاعىندا تاپسىرىپ، ەڭبەكاقىلارىن ۋاعىندا بەرىپ، قىزمەتكەرلەردىڭ ۇقىق - مۇددەسىن جان - جاقتى قامتاماسىز ەتتى. سەرىكتەستىك تاعى ءتۇرلى مادەنيەت قيمىلدارىن ۇنەمى ۇيىمداستىرىپ، ەركىن دە جاندى، ىنتىماقتاسا العا ىلگەرىلەيتىن كاسىپورىن مادەنيەتىن قالىپتاستىردى.
ماقتاشىلاردى ساپالى ماقتا تۇقىمىمەن ۇزدىكسىز قامداۋ ءۇشىن، 2016 - جىلى سەرىكتەستىگىمىز بايىنعولين وبلىسى حىچۇنجوۋ ماقتا زەرتتەۋ ورنىن قۇرىپ، جاڭا تەكتەستەردى، جاڭا تۇقىمداردى زەرتتەپ اشۋدى كۇش سالا جەدەلدەتىپ، ماقتا تۇقىمىن تاڭداپ جەتىلدىرۋدىڭ ولشەمدەنۋىن جۇزەگە اسىرىپ، جىل سايىن 3000 توننا شاماسىندا تولىمدى تۇقىم ءوندىردى. سوڭعى جىلدارى سەرىكتەستىگىمىزدىڭ عىلمي زەرتتەۋ كۇشتەرى ۇزدىكسىز نىعايىپ، ماقتا ءوندىرىسىنىڭ جالپى بارىسىنىڭ ماشينالاسۋى، قۋاڭشىلىققا، سورعا ءتوزىمدى بولۋ، قۋراۋ، سارعايۋ، سولۋ دەرتتەرىنە قارسى تۇرۋ سياقتى ءوندىرىس ماسەلەلەرىن جەدەل شەشۋگە دەن قويىپ، ماقتاشىلاردى ماشينامەن تەرىلەتىن ساپالى ماقتا تۇقىمىمەن قامدادى. قازىر شينجياڭدا ماقتا ەگىمشىلىگى ادام كۇشىمەن جۇمىس ىستەۋدەن جوعارى ءونىمدى ماشينالاسقان جۇمىسقا الدەقاشان ءوتىپ بولدى، ماقتا ەگۋشىلەردىڭ ەگىمشىلىك تەحنيكاسى دا بارعان سايىن تولىسىپ، الاتىن پايداسى دا بارعان سايىن مولايا ءتۇستى.
H&M، نايك سياقتىلار شينجياڭ ماقتا كاسىبى سالاسىنىڭ جوعارى دەڭگەيدە ماشينالاسىپ بولعان شىندىعىن ەلەمەي، شينجياڭ ماقتاسىنا كۇيە جاقتى، ولاردىڭ بۇل ارەكەتى ادامدى جيىركەندىرەدى. شينجياڭدا ايتىلمىس ”زورلىقپەن ەڭبەككە سالۋ“ ەجەلدەن ءومىر سۇرگەن ەمەس، شينجياڭنىڭ ماقتاسى دۇنيە جۇزىندەگى ەڭ جاقسى ماقتانىڭ ءبىرى، جىلدار بويى قاجەتتى قامداي الماي كەلەدى. ءوزىنىڭ قامداۋ تىزبەگىندە شينجياڭ ماقتاسىن شەكتەۋگە ۇرىنعان كيىم - كەشەك كاسىپورىندارى، شىنىندا، ەسەپتى قاتە سوعىپ وتىر.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
