حالىق قۇرىلتايى تۇراقتى كوميتەتىنىڭ 28 - رەتكى ءماجىلىسى بەيجيڭدە اشىلدى
اۋىل - قىستاقتى كوركەيتۋدى جەبەۋ زاڭى جوباسى، ازىق - تۇلىك ىسىراپشىلدىعىنا قارسى تۇرۋ زاڭى جوباسى، جەكەلەردىڭ ينفورماتسياسىن قورعاۋ زاڭى جوباسى، حاينان ەركىن ساۋدا پورتى زاڭى جوباسى سياقتىلاردى ۇزدىكسىز قارادى
لي جانشۋ ءماجىلىستى باسقاردى
2021.04.27 16:52 كەلۋ قاينارى : حالىق تورابى
«حالىق گازەتى»، 4 - ايدىڭ 26 - كۇنى، بەيجيڭ. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 28 - ءماجىلىسى 4 - ايدىڭ 26 - كۇنى تۇستەن بۇرىن بەيجيڭدەگى حالىق سارايىندا ءبىرىنشى جالپى جيىنىن وتكىزدى. كوميتەت باستىعى لي جانشۋ ءماجىلىستى باسقاردى.
تۇراقتى كوميتەت قۇرامىنداعىلاردان 167 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى لي فەي جاساعان اۋىل - قىستاقتى كوركەيتۋدى جەبەۋ زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىنداعى جالپى ەرەجەدە اۋىل - قىستاق مادەنيەتىن كوركەيتۋ مازمۇنى كورنەكتىلەندىرىلدى ءارى جۇڭگو شارۋالار مول ءونىم مەرەكەسى جونىندەگى بەلگىلەمە قوسىلدى؛ ەگىستىك جەردىڭ «اۋىل شارۋاشىلىعىنان تىس پايدالانىلۋىنان»، «استىقتان باسقاعا پايدالانىلۋىنان» ساقتانۋ، سونداي - اق تۇقىم حاۋىپسىزدىگىن قامتاماسىزداندىرۋ سياقتى مازمۇندار قوسىلدى؛ اۋىل - قىستاق كاسىپ سالاسىنىڭ دامۋىن قولداۋ، اۋىل - قىستاق دارىندىلار قوسىنى قۇرىلىسى، قالا مەن اۋىلدىڭ توعىسپالى دامۋىن قولداۋ، اۋىل - قىستاقتى كوركەيتۋدى قولداۋ، قامتاماسىزداندىرۋ شارالارى سياقتى مازمۇندار تولىقتاندى.
ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى جوۋ گۋاڭچۋان جاساعان ازىق - تۇلىك ىسىراپشىلدىعىنا قارسى تۇرۋ زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 2 - رەت قارالعان نۇسقاسىندا ازىق - تۇلىك ىسىراپشىلدىعى جونىندەگى انىقتاما كەمەلدەندىرىلەدى؛ ازىق - تۇلىك ىسىراپشىلدىعىنا قارسى تۇرۋ قىزمەتىندەگى باستاماشى تاراۋلار مەن قاتىستى زاڭ اتقارۋ تۇلعالارى ونان ارى ايقىندالدى؛ ۇكىمەت جۇمىستارىندا تاماقتانۋدى باسقارۋ ونان ارى كۇشەيتىلىپ، ازىق - تۇلىك ىسىراپشىلدىعىنا قارسى ۇگىت - تاربيە كۇشەيتىلىپ، ۇنەمشىلدىك − داڭق، ىسىراپشىلدىق − نامىس دەيتىن قوعامدىق اۋقىم قالىپتاستىرىلدى، ت. ب.
ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى حۋ كىميڭ جاساعان تەڭىز قاتىناسى حاۋىپسىزدىگى زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 2 - رەت قارالعان نۇسقاسىندا تەڭىز - مۇحيت ەكولوگيالىق ورتاسىن قورعاۋ، تەڭىزدەگى قاتىناس حاۋىپسىزدىگى عىلىم - تەحنيكاسىنىڭ دەڭگەيىن جوعارىلاتۋ، كەمەدە ىندەتتەن ساقتانۋ - تىزگىندەۋدى كۇشەيتۋ سياقتى قاتىستى بەلگىلەمەلەر كەمەلدەندىرىلدى.
ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى شۇي حۇي جاساعان وقۋ - اعارتۋ زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 2 - رەت قارالعان نۇسقاسىندا اتىن جامىلىپ وقۋعا ءتۇسۋ ارەكەتىنىڭ زاڭدىق جاۋاپكەرلىگى كەمەلدەندىرىلىپ، جازالاۋ تەبىنى ارتتىرىلىپ، باسقالاردىڭ اتىن جامىلىپ وقۋعا ءتۇسۋ ارەكەتى جونىندەگى جازا كوبەيتىلدى.
نەگىزگى زاڭ جانە زاڭدار كوميتەتى جوعارىداعى 4 جوبا ءبىرشاما پىسىپ - جەتىلدى دەپ قاراپ، وسى رەتكى تۇراقتى كوميتەت ءماجىلىسىنىڭ قاراپ ماقۇلداۋىنا جولداۋدىۇسىنىس ەتتى.
ءماجىلىس شۇي حۇي جاساعان ساندى مالىمەت حاۋىپسىزدىگى زاڭى جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا ساندى مالىمەت قيمىلى، ساندى مالىمەت حاۋىپسىزدىگى سياقتى سوزدەردىڭ ماعىناسى كەمەلدەندىرىلىپ، مەملەكەتتىڭ ساندى مالىمەتتەردى تۇرگە، دارەجەگە ءبولىپ قورعاۋ ءتۇزىمىن ورناتۋ، ساندى مالىمەت حاۋىپسىزدىگىن قورعاۋدى كۇشەيتۋ سياقتى بەلگىلەمەلەر قوسىلدى.
ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى جياڭ بيشين جاساعان جەكەلىك ينفورماتسيانى قورعاۋ زاڭى جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا جەكەلەردىڭ ينفورماتسياسىن ءبىر جاقتى ەتۋدە بويسۇنۋعا ءتيىستى پرينسيپتەر مەن ەرەجەلەر كەمەلدەندىرىلەدى؛ ەرەكشە ءىرى ينتەرنەت تەكشەلەرىنىڭ جەكەلەردىڭ ينفورماتسياسىن قورعاۋ بورىشى كۇشەيتىلدى؛ مەملەكەتتىك توراپ حاۋىپسىزدىگى جانە ينفورماتسيالاندىرۋ تاراۋىنىڭ جەكەلەردىڭ ينفورماتسياسىن قورعاۋعا قاتىستى قىزمەت مىندەتتەرى ايقىندالدى؛ ازاماتتىق ىستەر زاڭناماسىنداعى قاتىستى بەلگىلەمەلەرمەن ۇشتاستىرۋ نەگىزىندە جەكەلەردىڭ ينفورماتسيا ۇقىق - مۇددەسىنە قول سۇعۋداعى ازاماتتىق ىستەر زاڭدىق جاۋاپكەرلىگى سياقتىلار كەمەلدەندىرىلدى.
ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى شىن چۇنياۋ جاساعان حاينان ەركىن ساۋدا پورتى زاڭى جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا وتكەل قۇرىلىسى مەن باقىلاۋ - باسقارۋدى كۇشەيتۋ جونىندەگى بەلگىلەمە قوسىلدى؛ شەكارا سىرتىنداعى جانە حاينان ەركىن ساۋدا پورتى اراسىنداعى زاتتار مەن بۇيىمداردى يمپورت - ەكسپورت ەتۋدە ەركىن كىرىپ - شىعۋدى پرينسيپ، شەكتەلگەن سالالار تىزىمدىگىن باسقارۋدى وزگەشەلىك ەتكەن باسقارۋ پرينسيبى ايقىندالدى؛ ەكولوگيالىق ورتانى قورعاۋدىڭ ەڭ قاتاڭ ءتۇزىمىن اتقارۋ بەلگىلەندى، ت. ب.
ءماجىلىس جياڭ بيشين جاساعان پروكۋرورلار زاڭى جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - قارالعان نۇسقاسىندا پروكۋرورلاردىڭ كولەمى جونىندە بەلگىلەمە جاسالدى؛ پروكۋرورلاردىڭ ىسكە قاتىستى ادامداردىڭ زاڭدى ۇقىق - مۇددەسىن قامتاماسىزداندىرۋ تالابى ايقىندالدى؛ جالپى ەرەجەدە پروكۋرورلاردىڭ باقىلاۋدى قابىلداۋى جونىندە بەلگىلەمە جاسالدى، ت. ب.
ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى ليۋ جيشيڭ جاساعان اسكەريلەردىڭ ورنى مەن ۇقىق - مۇددەسىن قامتاماسىزداندىرۋ زاڭى جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - قارالعان نۇسقاسىندا اسكەريلەردىڭ ورنى جونىندە ارناۋلى تاراۋ قوسىلدى؛ اۋىل - قالاشىق، ءمالى باسقارمالارىنىڭ، قالا - اۋىل الەۋمەتتىك اۋماقتارىنىڭ قاتىستى مىندەتتەرى تولىقتاپ بەلگىلەندى؛ قاراجات اۋىرتپالىعى مەحانيزمى ونان ارى ايقىندالدى؛ اسكەريلەردىڭ اتاق - ابىرويى جانە ولارعا شابىت بەرۋگە قاتىستى بەلگىلەمەلەر كەمەلدەندىرىلدى، ت. ب.
كەسىكتى بۇيىم بازارىنىڭ زاڭدىق ءتۇزىمىن اقاۋسىزداندىرىپ، كەسىكتى بۇيىم بازارىنىڭ ناقتى ەكونوميكاعا قىزمەت وتەۋ قابىلەتىن كۇشەيتىپ، كەسىكتى بۇيىم بازارىنىڭ سىرتقا ەسىك اشۋىن ىلگەرىلەتىپ، فينانس حاۋىپ - قاتەرىنەن ساقتانىپ جانە ونى شەشىپ، بازار ءتارتىبىن قورعاپ، ءار جاقتىڭ زاڭدى ۇقىق - مۇددەسىن قامتاماسىزداندىرۋ ءۇشىن، مەملەكەتتىك حالىق قۇرىلتايىنىڭ قازىنا - ەكونوميكا كوميتەتى كەسىكتى بۇيىم زاڭى جوباسىن قاراۋعا ۇسىنۋ جونىندەگى كەڭەس جوباسىن العا قويدى. قازىنا - ەكونوميكا كوميتەتىنىڭ مەڭگەرۋشى مۇشەسى شۇي شاۋشى تۇسىنىك جاسادى.
ءماجىلىس مەملەكەتتىك حالىق قۇرىلتايى سىرتقى ىستەر كوميتەتىنىڭ قۇرلىق شەكاراسى زاڭ جوباسىن قاراۋعا ۇسىنۋ جونىندەگى كەڭەس جوباسىن قارادى. سىرتقى ىستەر كوميتەتىنىڭ مەڭگەرۋشى مۇشەسى جاڭ يەسۇي تۇسىنىك جاسادى.
«رۇقسات كۋالىگى مەن تيجارات كۋالىگىن ايىرۋ» رەفورماسىن تەرەڭدەتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ونان ارى ىلگەرىلەتىپ، بازار تۇلعالارىنىڭ دامۋ ومىرشەڭدىك كۇشىن تاسقىنداتۋ ءۇشىن، مەملەكەتتىك كەڭەس جول قاتىناس حاۋىپسىزدىگى زاڭى سياقتى 9 زاڭعا وزگەرىس ەنگىزۋ جوباسى جونىندەگى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن ءادىليا مينيسترلىگىنىڭ مينيسترى تاڭ ي - جۇن تۇسىنىك جاسادى.
اسكەري قوسىننىڭ باسشىلىق، قولباسشىلىق ءتۇزىلىسى رەفورماسىنا سايكەسىپ، اسكەريلەردىڭ دەموكراتيالىق سايلاۋ ۇقىعىن زاڭ بويىنشا جۇرگىزۋىن قامتاماسىزداندىرۋ ءۇشىن، ورتالىق اسكەري ىستەر كوميتەتى جۇڭگو حالىق ازاتتىق ارمياسىنىڭ مەملەكەتتىك حالىق قۇرىلتايى مەن اۋدان دارەجەلىدەن جوعارى جەرگىلىكتى ءار دارەجەلى حالىق قۇرىلتايلارىنىڭ ۋاكىلدەرىن سايلاۋ ادىسىنە وزگەرى ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. ورتالىق اسكەري ىستەر كوميتەتىنىڭ تاپسىرۋىمەن ورتالىق اسكەري ىستەر كوميتەتىنىڭ مۇشەسى، اسكەري ىستەر كوميتەتى ساياسي قىزمەت ءبولىمىنىڭ مەڭگەرۋشىسى مياۋ حۋا تۇسىنىك جاسادى.
پارتيا ورتالىق كوميتەتىنىڭ شەشىم، ورنالاستىرۋلارىن جانە رەفورما شارالارىنىڭ تالاپتارىن دايەكتى تياناقتاندىرىپ، مەجە ەسەپ زاڭىن جاپپاي دايەكتى اتقارىپ، حالىق قۇرىلتايى ءتۇزىمىنىڭ مەملەكەتتىڭ ءتۇبىرلى ساياسي ءتۇزىمى بولۋ رولىن اناعۇرلىم ويداعىداي ساۋلەلەندىرىپ، اكىمشىلىكتى زاڭ بويىنشا جۇرگىزۋدى، قازىنانى زاڭ بويىنشا باسقارۋدى ونان ارى ىلگەرىلەتۋ ءۇشىن، كوميتەت باستىقتارى ءماجىلىسى مەملەكەتتىك حالىق قۇرىلتايى تۇراقتى كوميتەتىنىڭ ورتالىقتىڭ مەجە ەسەبىن تەكسەرۋ، باقىلاۋدى كۇشەيتۋ جونىندەگى قاۋلىسىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. كوميتەت باستىقتارى ءماجىلىسىنىڭ تاپسىرۋىمەن تۇراقتى كوميتەت مەجە ەسەپ قىزمەت كوميتەتىنىڭ مەڭگەرۋشىسى شى ياۋبين تۇسىنىك جاسادى.
مەملەكەتتىك كەڭەستىڭ تاپسىرۋىمەن تاڭ ي - جۇن مەملەكەتتىك كەڭەسكە ەركىن ساۋدا سىناق رايونىندا قاتىستى زاڭدىق بەلگىلەمەلەردى ۋاقىتشا رەتتەپ قولدانۋعا ۇقىق بەرۋ جونىندەگى قاۋلى جوباسى جونىندە تۇسىنىك جاسادى.
ءماجىلىس مەملەكەتتىك كەڭەستىڭ «<شاڭحاي ىنتىماقتاستىق ۇيىمىنا مۇشە ەلدەردىڭ بىرلەسكەن اسكەري مانەۆەر وتكىزۋ جونىندەگى كەلىسىمىنىڭ> تولىقتاما كەلىسىمىن» قاراپ بەكىتۋگە ۇسىنۋ جونىندەگى كەڭەس جوباسىن قارادى. مەملەكەتتىك كەڭەستىڭ تاپسىرۋىمەن قورعانىس مينيسترلىگى حالىقارالىق اسكەري ىستەر سەلبەستىك كەڭسەسى مەڭگەرۋشىسىنىڭ ورىنباسارى جاڭ باۋچۇن تۇسىنىك جاسادى.
مەملەكەتتىك كەڭەستىڭ تاپسىرۋىمەن سىرتقى ىستەر مينيسترلىگى مينيسترىنىڭ ورىنباسارى ما چاۋشۇي «جۇڭحۋا حالىق رەسپۋبليكاسى مەن يران ءىسلام رەسپۋبليكاسىنىڭ قىلمىستىق ىستەرگە ءادىليالىق كومەك بەرۋ شارتى» جونىندەگى كەڭەس جوباسىن قاراپ بەكىتۋگە ۇسىنۋ جونىندە تۇسىنىك، «جۇڭحۋا حالىق رەسپۋبليكاسى مەن يران ءىسلام رەسپۋبليكاسىنىڭ ازاماتتىق ىستەر جانە ساۋدا ىستەرى جونىندەگى ءادىليالىق كومەك شارتىن» قاراپ بەكىتۋگە ۇسىنۋ جونىندەگى كەڭەس جوباسى جونىندە تۇسىنىك جاسادى.
مەملەكەتتىك كەڭەستىڭ تاپسىرۋىمەن عىلىم - تەحنيكا مينيسترى ۋاڭ جىگاڭ «شارشى كيلومەتر اۋماقتارداعى استرونوميا ستانسياسىن قۇرۋ شارتىن» قاراپ بەكىتۋگە ۇسىنۋ جونىندەگى كەڭەس جوباسى جونىندە تۇسىنىك جاسادى.
ءماجىلىس ەكولوگيالىق ورتا مينيسترلىگىنىڭ مينيسترى حۋاڭ رۇنچيۋدىڭ مەملەكەتتىك كەڭەستىڭ تاپسىرۋىمەن جاساعان 2020 - جىلعى قورشاعان ورتا جاعدايى مەن قورشاعان ورتانى قورعاۋ نىساناسىنىڭ ورىندالۋ جاعدايى، توپىراقتىڭ لاستانۋىنان ساقتانۋ - جونگە سالۋ زاڭىنىڭ اتقارىلۋىن تەكسەرۋ بايانداماسى مەن قاراۋ پىكىرى جاعدايى، لاستانۋدان ساقتانۋ - جونگە سالۋدان قامال الۋ شايقاسىن زاڭ بويىنشا ويداعىداي جۇرگىزۋ قىزمەتىنىڭ جاعدايى جونىندەگى بايانداماسىن تىڭدادى.
ءماجىلىس تۇراقتى كوميتەت ۋاكىلدەرىنىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ۋ يۇيلياڭ جاساعان ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن تىڭدادى.
ءماجىلىس تاعى مىندەتكە تاعايىنداۋ، مىندەتىنەن قالدىرۋعا قاتىستى ىستەردى قارادى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، باس حاتشى ياڭ جىن - ۋ ماجىلىسكە قاتىناستى.
مەملەكەتتىك كەڭەس زۇڭليىنىڭ ورىنباسارى حۋ چۇنحۋا، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداستار، مەملەكەتتىك حالىق قۇرىلتايىنىڭ ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، مەملەكەتتىك حالىق قۇرىلتايىنىڭ ءىشىنارا ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
