توحتى وبۇل:
مۇگەدەك بولسا دا قايتپاس قايسارلىقپەن بايىپ قانا قويماي، بايۋعا دا جەتەكتەدى
انار بۇلت / شينجياڭ گازەتىنىڭ ءتىلشىسى سۇڭ ۋيگو
2021.04.28 14:31 كەلۋ قاينارى : شينجياڭ گازەتى
4 - ايدىڭ 23 - كۇنى تاڭەرتەڭ جينداۋ كاسىپتىك باعىمشىلىق سەلبەستىك كووپەراتيۆىنىڭ قوراسى كۇن نۇرىنا شومىپ تۇر، بالداعىنا سۇيەنگەن توحتى وبۇل قوراعا كىرىپ سەمينتال سيىرىنا جەم - ءشوپ بەرۋگە ىڭعايلاندى. بۇل شاقتا قوراداعى سيىرلار وقىرعا قاراي بەتتەپ، ”تاڭعى اسپەن“ جاڭا كۇندى قارسى الدى.
توحتى − اقتاۋ اۋدانى قاراكەشىك اۋىلى مەينام قىستاعىنىڭ تۇرعىنى. بالا كەزىندە جىلىك مايى قابىنۋ ناۋقاسىنا شالدىققاندىقتان، سول اياعى كەسىلگەن، توحتى مۇگەدەك بولسا دا باقىتتى تۇرمىسقا تىنباي تالپىنعان. ول قىستاقتا ساۋدا دۇكەنىن، ۇتىس بەلەتى دۇكەنىن اشقان، ءبىر وتباسىنىڭ كۇن كورىسىنە جەتكەنىمەن، وعان تۇرمىستا ءبىراز نارسە كەم سياقتى سەزىلۋشى ەدى.
توحتى ءتىپتى كوپ قىستاق تۇرعىنىنىڭ جاقسى تۇرمىس كەشىرۋىنە كومەكتەسۋدى ارماندايدى. تەرەڭ تولعانعان ول ءوزىنىڭ باعىمشىلىق تەحنيكاسىنا سۇيەنىپ، باعىمشىلىق كووپەراتيۆىن اشۋدى ۇيعارادى. 2017 - جىلى 2 - ايدا جۇڭگو تەلەگراف شەكتى جارنا سەرىكتەستىگى شينجياڭ بولىمشە سەرىكتەستىگىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا مەينام قىستاعىندا تۇراتىن قىزمەت اترەتىنىڭ كومەگىندە جينداۋ كاسىپتىك باعىمشىلىق سەلبەستىك كووپەراتيۆى قۇرىلدى. ”سەلبەستىك كووپەراتيۆىن اشۋ ارقىلى ءتىپتى كوپ ادامنىڭ تۇرمىسىن جاقسارتۋىنا كومەكتەسە الامىن“، - دەدى توحتى.
كووپەراتيۆ قۇرىلعاننان كەيىن كوپتەگەن قىستاق تۇرعىنى قولىندا باعىپ وتىرعان سيىرلارىن اماناتتاپ باعۋعا اكەلدى. مۇنداي ”كووپەراتيۆ + شارۋا وتباسى“ فورماسىنداعى شارۋاشىلىق جۇرگىزۋ ءتاسىلى مالدى ارنايىلاندىرا باعۋ ماسەلەسىن شەشىم ەتىپ قانا قويماي، ەڭبەككۇشتى ازات ەتتى، قىستاق تۇرعىندارىنىڭ الاڭسىز ەگىن ەگۋىنە نەمەسە سىرتقا شىعىپ جۇمىس ىستەۋىنە بولادى، جىل سوڭىندا پايدادان ءبولىسىپ، ءبىر جولدا كوپ ءتۇرلى پايداعا كەنەلە الادى.
مالدى ءتىپتى دە جاقسى باعۋ ءۇشىن توحتى قىستاقتاعى 800 مۋ ەگىستىك جەردى كوتەرمەگە الىپ ءشوپ ەكتى، تاعى قىستاقتان سەلبەستىك كووپەراتيۆىن جانە ەگىستىك جەردى باسقارۋعا 6 قىستاق تۇرعىنىن جۇمىسقا قابىلدادى.
احىمەت بارات − جينداۋ كاسىپتىك باعىمشىلىق سەلبەستىك كووپەراتيۆىنىڭ پايداسىن كورۋشىلەردىڭ ءبىرى. احىمەت كووپەراتيۆكە كىرەردەن بۇرىن ەگىن ەگىپ كۇنەلتەتىن، ەگىس ارەدىگىندە سىرتقا شىعىپ ۇساق - تۇيەك جۇمىستار ىستەپ، ءۇپى - ءتاپى تۇرمىس كەشىرىپ كەلگەن. سەلبەستىك كووپەراتيۆى قىستاق تۇرعىندارىن باسقارۋ جۇمىسىنا قابىلداماقشى بولعاندا، توحتى احىمەت پەن ونىڭ ايەلىن ىزدەپ بارادى. قازىر ايەلى ەكەۋى بىرگە جۇمىس ىستەيدى، جىلدىق ەڭبەكاقى كىرىسىنىڭ ءوزى 50 مىڭ يۋاننان اسادى.
جينداۋ كاسىپتىك باعىمشىلىق سەلبەستىك كووپەراتيۆىنىڭ باعىمشىلىق كولەمى 2017 - جىلعى 15 سيىردان 2021 - جىلى 200 نەشە سيىرعا ارتتى، مۇندا كەدەي وتباسىلارىنىڭ سەلبەستىك كووپەراتيۆىنە اماناتتاپ باقتىرعان سيىرى 150. 2020 - جىلدىڭ سوڭىندا سەلبەستىك كووپەراتيۆى جۇمىسقا قابىلداعان قىستاق تۇرعىندارىنا 100 نەشە مىڭ يۋان ەڭبەكاقى بەرىپ، اماناتتاپ سيىر باقتىرعان كەدەي وتباسىلارىنا 130 مىڭ يۋان پايدا ءبولىپ بەردى، سونىمەن قاتار قىستاق تۇرعىندارىنا تاعى جەردى اينالىمعا سالۋ اقىسى ءۇشىن 400 نەشە مىڭ يۋان تولەدى.
توحتى تاعى ءوزىنىڭ باعىمشىلىق كولەمىن كەڭەيتۋدى جوسپارلاپ، سەلبەستىك كووپەراتيۆىنە كاسىبي مال شيپاگەرىن سەپتەپ، ءتىپتى دە كوپ اۆتوماتتى جابدىق ەنگىزىپ، سەلبەستىك كووپەراتيۆىن قىستاق تۇرعىندارىنىڭ بايۋىنداعى ”ىرىستى جەرىنە“ اينالدىرماقشى ەكەندىگىن ايتتى.
”باقىتتى تۇرمىس قاجىرلى ەڭبەكتەن كەلەدى. مەن مۇگەدەك بولسام دا، بۇل مەنىڭ ءبىلىمىم ، وي ءورىسىم جانە كوز ايام ارقىلى قىستاق تۇرعىندارىن بايۋعا جەتەكتەۋىمە ىقپال جاسامادى“، - دەدى توحتى، - ”قىستاق تۇرعىندارى تۇرمىسىنىڭ كۇننەن - كۇنگە جاقسارعانىن كورگەنىمدە توتەنشە ماعىنالى ءىس ىستەگەندەي سەزىنەمىن“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
