ءبىرىنشى ماۋسىمدا شينجياڭنان سىرتقا جونەلتىلگەن ەلەكتر مولشەرى سايكەس مەزگىلدەگىدەن ％42 ارتتى
2021.04.29 13:29 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى چىن چياڭۋي 4 - ايدىڭ 26 - كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنەن ۇعىسۋىمىزشا، ءبىرىنشى ماۋسىمدا شينجياڭ ەلەكتر تورىنان شينجياڭنان سىرتقا جونەلتىلگەن ەلەكتر مولشەرى 29 ميلليارد 300 ميلليون كيلوۆات - ساعاتقا جەتىپ، سايكەس مەزگىلدەگىدەن ％42 ارتقان. مۇندا سىرتقا جونەلتىلگەن جاڭا ەنەرگيا ەلەكتر مولشەرى 7 ميلليارد 500 ميلليون كيلوۆات - ساعات بولىپ، ءبىرىنشى ماۋسىمدا سىرتقا جونەلتىلگەن جالپى ەلەكتر مولشەرىنىڭ مولشەرمەن ％25ىن ۇستاعان.
بيىل 3 - ايدا شينجياڭ ەلەكتر تورىنان سىرتقا جونەلتىلگەن جاڭا ەنەرگيا ەلەكتر مولشەرى 3 ميلليارد 100 ميلليون كيلوۆات - ساعاتقا جەتىپ، سايكەس مەزگىلدەگىدەن ％15.3 ارتتى، كۇنىنە ورتا ەسەپپەن سىرتقا جونەلتىلگەن جاڭا ەنەرگيا ەلەكتر مولشەرى 100 ميلليون كيلوۆات - ساعات بولدى.
شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنىڭ تالداۋىنا قاراعاندا، سىرتقا جونەلتىلگەن جاڭا ەنەرگيا ەلەكتر مولشەرىنىڭ ۇزدىكسىز ارتۋىنىڭ سەبەبى، ءبىر جاعىنان، جۇندۇڭ − ۋاننان 1100± كيلوۆولتتىق جوعارى كەرنەۋلى تۇراقتى توك جەتكىزۋ ينجەنەرياسىنىڭ سايكەستى جاڭا ەنەرگيا نىسانى تەز وندىرىسكە قوسىلىپ، حۋادۇڭ وڭىرىنە جەتكىزەتىن ەلەكتر مولشەرى زور دارەجەدە ارتقان. ەندى ءبىر جاعىنان، كاسىپورىن بۇكىل ەلدىڭ ءبىر تۇتاس ەلەكتر قۋاتى بازارىنىڭ ونىمدىلىگىن تولىق ساۋلەلەندىرىپ، ولكەلەر اراسىندا سىرتقا جونەلتۋدىڭ يكەمدى تاكتيكاسىن قولدانىپ، جاڭا ەنەرگيانى قىسقا مەرزىمدە كوپ كۇن ساۋدالاۋ سياقتى تاسىلدەرمەن ۋاقىتشا سىرتقا جونەلتۋدى ۇيىمداستىرىپ، شينجياڭنىڭ سىرتقا ەلەكتر جونەلتۋ ارناسىنىڭ توقىرامالى كۇيدەگى ەلەكتر جەتكىزۋ قابىلەتىن تولىقتاپ، ارنانىڭ پايدالانىلۋ ونىمدىلىگىن جوعارىلاتىپ، جاڭا ەنەرگيا ەلەكترىن سىرتقا جونەلتۋ مولشەرىنىڭ ارتۋىن جەبەدى.
شينجياڭ ەلەكتر قۋاتى ساۋدا ورتالىعى شەكتى سەرىكتەستىگى ساۋدا ءبولىمىنىڭ ارناۋلى جاۋاپتىسى جاڭ جۇن مىنانى ءبىلدىردى: مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى بيىل ەلەكتر قۋاتى ارقىلى شينجياڭعا كومەكتەسۋ توقتامىن جانە ەرەكشە جوعارى كەرنەۋلى شينجياڭ ەلەكترىن سىرتقا جونەلتەتىن 2 ارنانىڭ سايكەستى ەلەكتر كوزىنىڭ ەلەكتر جونەلتۋ جوسپارىن مەرزىمىنەن بۇرىن تياناقتاندىرىپ، شينجياڭنىڭ ەلەكتردى سىرتقا جونەلتۋ كولەمىن بارىنشا جوعارىلاتىپ، جاڭا ەنەرگيانى سىرتقا جونەلتۋدى كەڭەيتۋگە مىعىم نەگىز قالادى.
”14 - بەسجىلدىق“ كەزىندە مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى نازاردى شينجياڭ ءىشى، شينجياڭ سىرتى ەكى بازارعا، سونداي - اق ەنەرگيا ءوندىرۋ مەن تۇتىنۋ سىندى 2 تۇيىنگە شوعىرلاندىرىپ، ءوڭىر اتتاپ ەلەكتر جەتكىزۋ قابىلەتىن جانە ەنەرگيا بايلىعىن جايعاستىرۋ قابىلەتىن اناعۇرلىم كۇشەيتەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
