ماڭداي تەر مەن ىسكەرلىك سومداعان مىنەز - قۇلىق
− مەملەكەتتىك جۇمىسشىلار اۆانگاردى شينجياڭ تەمىر جول بارلاۋ - جوبالاۋ ورنى شەكتى سەرىكتەستىگى ءۇرىمجى حالىقارالىق قۇرلىقتىق پورتى ءوڭىرى جۇڭگو - ەۆروپا كەزەكشى پويەزدارىن شوعىرلاندىرۋ ورتالىعىنىڭ ينجەنەريا EPC نىسان ءبولىمى تۋرالى
انار بۇلت / شينجياڭ گازەتىنىڭ ءتىلشىسى لۋ فىڭباۋ
2021.04.29 13:33 كەلۋ قاينارى : شينجياڭ گازەتى
”2 جىلدان استام ۋاقىت وتسەدە، سول كەزدەگى كەزەكتەن تىس ۇستەمەلەپ جۇمىس ىستەگەن، جان قيارلىقپەن قۇرىلىسقا ات سالىسقان قىزمەت جاعدايى ءالى ەسىمدە“، - دەدى 4 - ايدىڭ 26 - كۇنى تۇستەن بۇرىن كەزىندە جۇڭگو تەمىر جول ءبىرىنشى بارلاۋ - جوبالاۋ ورنى توبى شەكتى سەرىكتەستىگى شينجياڭ تەمىر جول بارلاۋ - جوبالاۋ ورنى شەكتى سەرىكتەستىگى ءۇرىمجى حالىقارالىق قۇرلىقتىق پورتى ءوڭىرى جۇڭگو - ەۆروپا كەزەكشى پويەزدارىن شوعىرلاندىرۋ ورتالىعىنىڭ ينجەنەريا EPC نىسان ءبولىمىنىڭ جوبالاۋعا جاۋاپتىسى جاڭ حۇڭتاۋ.
ءۇرىمجى حالىقارالىق قۇرلىقتىق پورتى ءوڭىرى جۇڭگو - ەۆروپا كەزەكشى پويەزدارىن شوعىرلاندىرۋ ورتالىعى ينجەنەرياسىنىڭ جەر اۋماعى 960 مۋ، نەگىزىنەن كولىك ساقتاۋ الاڭىن جاڭالاۋ، 4 ارناۋلى جەلىنى جاڭالاۋ، بايلانىس جەلىسىن (ۋاڭجياگوۋ ارناۋلى جەلىسى) قۇرۋ جانە تيەۋ - ءتۇسىرۋ وڭىرىندەگى 5 جۇمىس ىستەۋ جەلىسىن قۇرۋ سياقتى جەلىلەس ينجەنەريالاردى قامتيدى. 2018 - جىلى 8 - ايدا ءۇرىمجى حالىقارالىق قۇرلىقتىق پورت ءوڭىرى جۇڭگو - ەۆروپا كەزەكشى پويەزدارىن شوعىرلاندىرۋ ورتالىعىنىڭ ينجەنەريا EPC نىسان ءبولىمى قۇرىلدى، نەگىزگى مۇشەلەردەن جالپى 35 ادام بار بولىپ، ورتاشا جاس شاماسى 30 جاس، مۇنىڭ 22سى پارتيا مۇشەسى ەدى، ولاردىڭ رادياتسيا باسقارۋ قۇرىلىس جۇرگىزۋشى قوسىنىنان 20دان استامى، جابدىقپەن قامداۋ ساۋداگەرلەرىنەن 30دان استامى بار، قۇرۋ، قۇرىلىس جۇرگىزۋ، جابدىق جاساۋشىلاردان 3000نان استام ادام بار بولىپ، جۇڭگو - ەۆروپا كەزەكشى پويەزدارىن شوعىرلاندىرۋ ورتالىعى ينجەنەرياسىنىڭ جوبالاۋ، ساتىپ الۋ، قۇرىلىس جۇرگىزۋ جالپى بارىسىن ۇستىلەرىنە العان.
”1 - مەرزىمدىك ينجەنەريادا سول جىلى 12 - ايدىڭ 3 - كۇنى ىسكە قوسىلۋى كەرەك ەدى، نىساننىڭ قۇرىلىس جۇرگىزۋ مەرزىمى قىسىلتاياڭ، جوبالاۋ تالابى جوعارى، قۇرىلىس جۇرگىزۋ قيىندىعى زور بولدى“، - دەدى جاڭ حۇڭتاۋ.
ينجەنەريا نىسان بولىپ بەلگىلەنگەننەن كەيىن، اسىلىندە 120 كۇندە ءبىتىرۋ قاجەت بولعان بارلاۋ - جوبالاۋدى 40 كۇندە بىتىرۋگە، بارلىق جۇمىس ءتارتىبىن، ءسوزسىز، قاۋىرت ىلگەرىلەتۋگە تۋرا كەلدى. 30 نەشە كۇن - ءتۇن نىسان قىزمەتكەرلەرى اپتا سوڭىنداعى دەمالىستارى مەن مەرەكە - مەيرام دەمالىسىنان ۋاز كەشە وتىرىپ، تۇگەلدەي ءبىرىنشى شەپتە جان قيارلىقپەن كۇرەس جاساپ، بارلاۋ، جوبالاۋ، قۇرىلىس جۇرگىزۋدى تەڭ قادامدا جۇرگىزىپ، كەزەكتەن تىس ۇستەمەلەپ جۇمىس ىستەۋدى ۇنەمىلىككە اينالدىردى.
”سول جىلى مەنىڭ جۇبايىم اۋىر اياق بولاتىن، مەنىڭ ونى شيپاحاناعا اپارىپ تەكسەرتۋگە مۇرسام تيمەدى. 10 - ايدىڭ 9 - كۇنى بالام تۋىلدى، مەن شيپاحانادا قىسقا ۋاقىت قارايلاسقاننان كەيىن، دەرەۋ قىزمەت ورنىما قايتا ورالدىم“، - دەدى جاڭ حۇڭتاۋ ەسىنە الا.
شوعىرلاندىرۋ ورتالىعى ينجەنەرياسىنىڭ جۇمىس باسىندا جۇمىسشىلار سانى مول، جۇمىس جۇرگىزۋ اۋماعى كەڭ، ۇيىمداستىرۋعا قيىن ەدى، تەك توپىراق قازۋ، تاسىمالداۋ اۋماعىنىڭ ءوزى 3 ميلليون 200 مىڭ تەكشەمەتردەن اساتىن. نىسان ءبولىمى كۇنى - ءتۇنى دامىل تاپپاي ىركىلىسسىز جۇمىس ىستەپ، كۇنىنە 80 مىڭ تەكشەمەتر، 3000نان استام اۆتوموبيل - رەت تاسىمالداۋ جىلدامدىعىمەن العا ىلگەرىلەپ، 40 كۇن ىشىندە - اق قازۋ، تاسىمالداۋ جۇمىسىن ءبىتىردى. سونىمەن بىرگە تيەۋ - ءتۇسىرۋ وڭىرىندەگى كانتينەرلەردى جيناۋ الاڭى جانە توسپا تامدى سەمەنتتەن قۇيۋ ، تەمىر جول جەلىسىن سالۋ سياقتى ”ماشاقاتتى“ ينجەنەريادان قامال الدىق.
قىس ماۋسىمىنا اياق باسقاندا ينجەنەريانىڭ اياق الىسى مەن ساپاسىنا شىنايى كەپىلدىك ەتۋ ءۇشىن نىسان ءبولىمى 8000 ماقتالى كورپە ساتىپ الىپ، ۇلكەن كوپىردەگى قۇرىلىس جۇرگىزۋ رايونى مەن توسپا تامعا ”كيىم كيگىزىپ، كورپە جاپتى“، پارنيك سالىپ، تاۋلىك بويى جىلۋمەن قامدادى، تەز جەتىلەتىن بەتون جانە تەز قاتىرعىش ىستەتىپ، قىس ماۋسىمىندا جۇمىس ىستەۋدەگى قيىن ماسەلەلەردى شەشتىك.
وسىلايشا نىسان ءبولىمى ۋاقىتپەن جارىسىپ، قىسقا عانا 90 كۇن ىشىندە نىساننىڭ 1 - مەرزىمدىك قۇرىلىسىن ورىنداپ، ادام تاڭعالارلىقتاي ”قۇرلىقتىق پورت ءوڭىرى جىلدامدىعىن“ جاراتتى. 2019 - جىلى تاعى دا 90 كۇن ىشىندە نىساننىڭ 2 - مەرزىمدىك ينجەنەريا قۇرىلىسىن ورىنداپ، اۋەلگى جوسپاردى مەرزىمىنەن 90 كۇن بۇرىن ورىندادى.
بارلىق قىزمەتكەرلەردىڭ جاپالى قۇلشىنىسىنىڭ ارقاسىندا نىسان ءبولىمى 2018 - جىلى شينجياڭ تەمىر جول بارلاۋ - جوبالاۋ ورنى شەكتى سەرىكتەستىگىنىڭ ەڭبەك جارىسىندا ”ۇلگىلى كوللەكتيۆ“ اتاعىنا؛ 2019 - جىلى جۇڭگو تەمىر جول 1 - اكادەمياسى توبىنىڭ ەڭبەك جارىسىندا ”وزات كوللەكتيۆ“ اتاعىنا؛ 2020 - جىلى اۆتونوميالى رايوندىق ”انكاڭ ساۋىتى اتىنداعى ۇزدىك بان گرۋپپا“ اتاعىنا؛ بيىل 4 - ايدىڭ 27 - كۇنى ”مەملەكەتتىك جۇمىسشى اۆانگاردى“ داڭق اتاعىنا يە بولادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
