بۇل مەكتەپتىڭ جۇمىسى توقتاتىلىپ، رەتتەۋ – تۇزەتۋ جۇرگىزىلدى! مەكتەپ باستىعى قىزمەتىنەن بوساتىلدى!
2021.04.29 14:54 كەلۋ قاينارى : حالىق تورابى
جۋىردا حىنان ولكەسى جىڭجوۋ قالالىق چۇنلين كاسىپتىك كۋرس مەكتەبىنىڭ مەكتەپ باستىعى گو X نىڭ «بولمىس جاعراپياسى» اتتى جۋرنالعا شىعارعان «پىسقان جۇمىرتقانى قايتادان شيكى جۇمىرتقاعا اينالدىرىپ، ودان بالاپان شىعارۋ» جونىندەگى ديسسەرتاتسياسى قىزۋ تالقىعا مۇرىندىق بولدى.
اتالعان مەكتەپتىڭ جۇمىسى توقتاتىلىپ، مەكتەپ باستىعى گو X قىزمەتتەن بوساتىلدى
4 – ايدىڭ 28 – كۇنى ءتىلشىنىڭ جىڭجوۋ قالاسىنان ۇعىسۋىنشا، قاتىستى تاراۋلار بىرلەسكەن تەكسەرۋ جۇرگىزگەن، جىڭجوۋ قالالىق چۇنلين كاسىپتىك كۋرس مەكتەبى جالعان جارناما تاراتقاندىقتان، «جۇڭحۋا حالىق رەسپۋبليكاسىنىڭ حالىق باسقارۋىنداعى وقۋ – اعارتۋدى ىلگەرىلەتۋ زاڭىنىڭ» 62 – تارماعىنداعى بەلگىلەمەگە ساي، جىڭجوۋ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى چۇنلين كاسىپتىك كۋرس مەكتەبىنە رەتتەۋ – تۇزەتۋ جۇرگىزۋدى بۇيىرىپ، رەتتەۋ – تۇزەتۋ مەزگىلىندە وقۋشى قابىلداۋ مەن وقىتۋ قيمىلدارى ۋاقىتشا توقتاتىلعان. مۇنان سىرت، ۇعىسۋعا قاراعاندا، مەكتەپ باستىعى گو X دا قىزمەتتەن بوساتىلعان.
وسىنىڭ الدىندا جاريالانعان اقپارات قاراعاندا، مەكتەپ باستىعى پىسقان جۇمىرتقانى قايتادان شيكى جۇمىرتقاعا اينالدىرىپ، ودان بالاپان شىعارۋ جونىندە ديسسەرتاتسيا جازعان ءارى «تاجىريبە ءساتتى بولدى» دەگەن
«‹پىسقان جۇمىرتقانى قايتادان شيكى جۇمىرتقاعا اينالدىرىپ، ودان بالاپان شىعارۋ› جونىندەگى تاجىريبە مالىمەتى (جۇمىرتقادان شىعارۋ كەزەڭى)» اتتى ماقالانىڭ اۆتورى گو X ماقالادا كەلتىرگەن سيتاتىندا، پىسقان جۇمىرتقانى قايتادان شيكى جۇمىرتقاعا اينالدىرۋ تاجىريبەسى ءساتتى بولدى دەگەن ءارى پىسقان جۇمىرتقانى قايتادان شيكى جۇمىرتقاعا اينالدىرعان سوڭ، باسقا جۇمىرتقالارمەن بىردەي ومىرشەڭدىك قۋاتقا يە بولاتىنىن ايتقان. وسىنىڭ الدىندا، ديسسەرتاتسيا اۆتورى «پىسقان جۇمىرتقانىڭ شيكى جۇمىرتقاعا اينالۋى — بالاپان شىعارۋ تاجىريبەسى جونىندەگى مالىمەت» اتتى ماقالانى دا شىعارعان بولاتىن. ول ماقالادا وقۋشىلاردىڭ وزدەرى «اسىرە پسيحولوگيالىق تۇيسىك ەنەرگياسى ءتاسىلى» قاتارلىلاردى قولدانۋ ارقىلى 40 نەشە پىسقان جۇمىرتقانى شيكى جۇمىرتقاعا اينالدىردى دەلىنگەن.
«پىسقان جۇمىرتقانىڭ شيكى جۇمىرتقاعا اينالۋى — بالاپان شىعارۋ تاجىريبەسى جونىندەگى مالىمەت» اتتى ماقالادا ايتىلعان «وقۋشىلاردىڭ اسىرە پسيحولوگيالىق تۇيسىك ەنەرگياسى ءتاسىلىن پايدالانىپ، پىسقان جۇمىرتقانى قايتادان شيكى جۇمىرتقاعا اينالدىرۋى» جونىندە، گو X تاجىريبە بارىسىندا شىنىندا وسىنداي جاعدايدىڭ بولعانىن ايتىپ: «قانداي قاعيداعا ساياتىن بىلمەيمىن، مەن تەك وسىنداي قۇبىلىس بار ەكەنىن بىلەمىن»، — دەگەن.
جيلين ولكەلىك اقپارات – باسپا ءسوز مەكەمەسى: «بولمىس جاعراپياسى» جۋرنالىنىڭ جۇمىسى توقتاتىلىپ، رەتتەۋ – تۇزەتۋ جۇرگىزىلەدى
4 – ايدىڭ 27 – كۇنى جيلين ولكەلىك اقپارات – باسپا ءسوز مەكەمەسى باسپا ءسوز سالاسىن باسقارۋعا قاتىستى بەلگىلەمەلەرگە نەگىزدەلە وتىرىپ، «پىسقان جۇمىرتقانى قايتادان شيكى جۇمىرتقاعا اينالدىرىپ، ودان بالاپان شىعارۋ» جونىندەگى ديسسەرتاتسيانى جاريالاعان «بولمىس جاعراپياسى» اتتى جۋرنالدىڭ جۇمىسىن توقتاتىپ، وعان رەتتەۋ – تۇزەتۋ جۇرگىزەتىنىن ايتقان، اتالعان جۋرنال مەكەمەسىن ءوزىن – ءوزى تەكسەرۋگە، وزىندە ساقتالىپ وتىرعان ماسەلەلەردى ىشكەرىلەي تەكسەرۋگە بۇيىرعان. اتالعان مەكەمە ارناۋلى قىزمەت گرۋپپاسىن قۇرىپ، «بولمىس جاعراپياسى» جۋرنال مەكەمەسىنە ورنالاستىرعان، مەكەمەنىڭ نەگىزگى جاۋاپتىسىن، قاتىستى جاۋاپتىلارىن شاقىرىپ اڭگىمەلەسىپ، تەكسەرۋ جۇرگىزەدى ءارى جۋرنال نۇسقاسى مەن قاتىستى ماتەريالداردى تەكسەرىپ، قاتىستى جاعدايلاردى انىقتايدى.
ۇعىسۋعا قاراعاندا، «بولمىس جاعراپياسى» جۋرنالى جيلين ولكەلىك اقپارات، راديو – تەلەۆيزيا مەكەمەسىنىڭ باسقارۋىنداعى، جيلين ولكەلىك يۇيلين گازەت – جۋرنالداردى دامىتۋ شەكتى سەرىكتەستىگى شىعاراتىن مەملەكەتتىك جاڭا گۇلدەنگەن جاعراپيالىق امبەباپ تۇردەگى كاسىپتىك عىلىمي نازاريالىق مەرزىمدى باسىلىم ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
