شينجياڭ ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان 6 تيپتىك ماسەلەنى حابارلاندىردى
2021.04.30 15:40 كەلۋ قاينارى : حالىق تورابى
جۋىردا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان 6 تيپتىك ماسەلەنى اشىق جاريالادى. بۇل 6 تيپتىك ماسەلە مىنالار:
1. بۇگۇر اۋداندىق حالىق سوت مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى چين چاڭجياڭنىڭ بەلگىلەمەگە قايشىلىق جاساپ تارتۋ - تارالعى، سي اقى الۋ سياقتى ماسەلەلەرى. 2014 - جىلى 3 - ايدان 2018 - جىلى 8 - ايعا دەيىن چين چاڭجياڭ قىزمەت قولايلىلىعىنان پايدالانىپ، تالاي رەت بەلگىلەمەگە قايشىلىق جاساپ، باسقارۋ، قىزمەت وتەۋ وبيەكتىلەرى ۇسىنعان تارتۋ - تارالعى، سي اقى قاتارلىلاردى العان، اقشاعا سىندىرعاندا جيىنى 38 مىڭ 300 يۋان بولعان. چين چاڭجياڭعا پارتيا ىشىندە قاتاڭ ەسكەرتۋ جازاسى بەرىلدى.
2. قوبىقسارى موڭعۇل اۆتونوميالى اۋدانى شاعانعول اۋىلدىق سەنترلى مەكتەپتىڭ بۇرىنعى مەكتەپ باستىعى ساي جىجياڭنىڭ بەلگىلەمەگە قايشىلىق جاساپ، جاردەماقى، قوسىمشا قاراجات تاراتۋ، بەلگىلەمەگە قايشىلىق جاساپ، تارتۋ - تارالعى، سي اقى الۋ سياقتى ماسەلەرى. 2014 - جىلى 7 - ايدان 2019 - جىلى 2 - ايعا دەيىن ساي جىجياڭ بەلگىلەمەگە قايشىلىق جاساپ، ارناۋلى قارجىدان 18 مىڭ 400 يۋان اقشانى زاڭسىز الىپ شىعىپ، سول مەكەمە - ورىننىڭ وقىتۋشى - قىزمەتكەرلەرىنە قوسىمشا قاراجات تاراتقان؛ تالاي رەت بەلگىلەمەگە قايشىلىق جاساپ، باسقارۋ، قىزمەت وتەۋ وبيەكتىلەرى ۇسىنعان تارتۋ - تارالعىنى، سي اقىنى العان، اقشاعا سىندىرعاندا جيىنى 2400 يۋان بولعان. مۇنان سىرت، ساي جىجياڭدا تاعى باسقا دا تارتىپكە قايشىلىق جاساۋ ماسەلەلەرى بار، پارتيا دا 2 جىل قالدىرىپ باقىلاپ كورۋ، اكىمشىلىك مىندەتىنەن الىپ تاستاۋ جازاسى بەرىلدى.
3. گۇما اۋدانى گۇما قالاشىق پارتكومنىڭ ورىنباسار شۋجيى، قالاشىق باستىعى ابدۇحايبار ابدۇحالىقتىڭ ۇكىمەت اقشاسىمەن جەكە كولىگىن كۇتىمدەۋ ماسەلەسى. 2019 - جىلى 6 - ايدان 2020 - جىلى 12 - ايعا دەيىن ابدۇحايبار ابدۇحالىق ىلگەرىندى - كەيىندى 23 رەت بەلگىلەمەگە قايشىلىق جاساپ، ۇكىمەتتىڭ ماي كارتچكاسىمەن جەكە كولىگىنە ماي قۇيىپ، جەكەلىك بۇيىمدار ساتىپ الىپ جيىنى 7900 يۋان ىستەتكەن ءارى ۇيىم تەكسەرۋ جۇرگىزۋ بارىسىندا باسقالاردى ءوزىنىڭ ورنىنا سالىپ، شىندىقتىڭ جاي - جاپسارىن بۇركەمەلەمەك بولىپ، ناشار قوعامدىق ىقپال تۋدىرعان. ابدۇحايبار ابدۇحالىققا پارتيا ىشىندە قاتاڭ ەسكەرتۋ، اكىمشىلىك جاقتان ۇلكەن اعاتتىق جازۋ جازاسى بەرىلدى.
4. بۋرىلتوعاي اۋداندىق تۇرعىن ءۇي جانە قالا قۇرىلىسى مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى ۋاڭ جيانحۋانىڭ بەلگىلەمەگە قايشىلىق جاساپ قىزمەتتىك ءۇيدى الىپ پايدالانۋ ماسەلەسى. 2018 - جىلى 2 - ايدان 2020 - جىلى 10 - ايعا دەيىن ۋاڭ جيانحۋا 24.8 شارشى مەترلىك قىزمەتتىك ءۇيدى ءوزىنىڭ جەكە كەڭسەسى ەتىپ پايدالانعان، ءۇيدىڭ اۋدانى بەلگىلەنگەن اۋداننان 6.8 شارشى مەتر اسىپ كەتسە دە ىرىقتىلىقپەن وزگەرتپەگەن، دەر كەزىندە اۋىستىرماعان. ۋاڭ جيانحۋاعا پارتيا ىشىندە ەسكەرتۋ جازاسى بەرىلدى.
5. اقسۋ كونەشاھار اۋدانى جام قالاشىق پارتكومنىڭ ورىنباسار شۋجيى، قالاشىق باستىعى ابىلەمەت ابدۇرەشيتتىڭ بەلگىلەمەگە قايشىلىق جاساپ تارتۋ - تارالعى، سي اقى الۋ ماسەلەلەرى. 2018 - جىلى 1 - ايدان 2020 - جىلى 3 - ايعا دەيىن ابىلەمەت ابدۇرەشيت تالاي رەت بەلگىلەمەگە قايشىلىق جاساپ، باسقارۋ، قىزمەت وتەۋ وبيەكتىلەرى ۇسىنعان تەمەكى، اراق سياقتى تارتۋ - تارالعىنى، سي اقىنى العان، اقشاعا سىندىرعاندا، 16 مىڭ 400 يۋان بولىپ، ناشار ىقپال تۋدىرعان. ابىلەمەت ابدۇرەشيتكە پارتيا ىشىندە ەسكەرتۋ جازاسى بەرىلدى.
6. ءۇرىمجى قالاسى 117 - ورتا مەكتەپتىڭ ورىنباسار باستىعى حاليدا ءمامتىمىننىڭ بەلگىلەمەگە قايشىلىق جاساپ ۇيلەنۋ توي جاساۋ قوناعاسىن بەرۋ ماسەلەسى. 2019 - جىلى 12 - ايدا حاليدا ءمامتىمىن ءوزىنىڭ ۇيلەنۋ تويىن جاساۋ كەزىندە، ۇيلەنۋدەن بۇرىنعى «اقىلداسۋ شايى» اتىندا قوناعاسىدان بۇرىن 107 ادامدى شاقىرعان، بۇلاردىڭ ىشىندە باسقارۋ، قىزمەت وتەۋ وبيەكتىسى 50 ادامنان 41 مىڭ 700 يۋاننىڭ تارتۋ - تارالعىسىن الىپ، ناشار قوعامدىق ىقپال تۋدىرعان. حاليدا مامتىمىنگە پارتيا ىشىندە ەسكەرتۋ جازاسى بەرىلدى.
جوعارىداعى 6 تيپتىك ماسەلە، كەيبىر پارتيالى كادرلاردىڭ جوعارى كەرنەۋلى كۇيدە دە يمەنۋدى بىلمەي، تىزگىنىن، قولىن تارتپاعاندىعىن، كەيبىرەۋلەرىنىڭ تالەي سىناۋ ويىندا بولىپ، تارتىپكە قايشىلىق جاساۋ ءتاسىلىنىڭ ءتۇرىن وزگەرتىپ، جاڭالاعاندىعىن، كەيبىرەۋلەرىنىڭ توڭمويىندىقپەن تارتىپكە قايشىلىق جاساپ، اسا ناشار ىقپال تۋدىرعاندىعىن كورسەتەدى. بۇل ماسەلەلەردىڭ تۋىلۋى «ءتورت ءتۇرلى بۇرىس ستيل» ماسەلەسىنىڭ قيىندىعىن، قايتالانبالىعىن بىلدىرەدى، ءسوز جوق، كوز جازباي قاداعالاپ، قاتاڭ تۇزەتىپ، جونگە سالىپ، ءۇزىلدى - كەسىلدى قاتاڭ بولىپ، «ءتورت ءتۇرلى بۇرىس ستيل» مەرەزىن ۇزبەي تاباندىلىقپەن جونگە سالۋ كەرەك.
«1 - مامىر» دەمالىسى دا كەلدى، ءار دارەجەلى پارتيالى باسشى كادرلار جوعارىداعى دەلولاردان تەرەڭ ساباق الىپ، شىن مانىندە وزدەرىمەن بايلانىستىرىپ، ءوزىن تەكسەرىپ، ءوزىن ساقتاندىرىپ، باتىل تۇردە ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدى ساياسي ءتارتىپ پەن ساياسي قاعيدانى بەرىك ساقتاۋدىڭ، «ەكىنى قورعاۋدى» امالياتتا ايگىلەۋدىڭ ءىس جۇزىندىك ارەكەتى ەتىپ، پارتيانىڭ داڭقتى ءداستۇرى مەن تاماشا ستيلىن باستاماشىلىقپەن اسقاقتاتىپ، «ءتورت ءتۇرلى بۇرىس ستيلدى» جونگە سالىپ، جاڭا سالت ورناتۋدا الدا ءجۇرىپ، ونەگە كورسەتىپ، « سەركەلىك رولىن» ساۋلەلەندىرۋ كەرەك. ءار دارەجەلى پارتيا ۇيىمدارى ساياسي تۇرعىنى ونان ارى جوعارىلاتىپ، پارتيانى باسقارۋدىڭ، پارتيانى جونگە سالۋدىڭ ساياسي جاۋاپكەرشىلىگىن مۇقيات اتقارۋ، اسىرەسە، نەگىزگى باسشىلار ءبىرىنشى جاۋاپتى ادام بولۋ جاۋاپكەرشىلىگىن شىنايى اتقارىپ، القانى جاقسى ۇستاپ، قوسىندى جاقسى باستاپ، ءوزىن جاقسى باسقارىپ، وركەن كۇيدەگى، نىسايلىق ماسەلەلەردى دەر كەزىندە ءوزارا ەسكەرتىپ، بايقالعان زامان ءمىنىن بەتىنە باسىپ، «ءتورت ءتۇرلى بۇرىس ستيل» ماسەلەلەرىنىڭ قايتا كوبەيۋىنەن، قايتا ورشۋىنەن باتىل ساقتانۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ادىستە، تاسىلدە جاڭالىق اشىپ، دالمە - ءدال باقىلاپ، ءتارتىپ اتقارىپ، تاربيەلەۋدى، ەسكەرتۋدى، اشىق تەكسەرىپ، جاسىرىن جاعداي ۇعىسۋدى، حابارلاندىرۋدى، جاريالاۋدى ۇدايىلاندىرىپ ورىستەتىپ، اس - سۋداعى ىسىراپشىلدىق ارەكەتتەرىنە ۇزاق ۋاقىت باقىلاۋ جۇرگىزىپ، بەلگىلەمەگە قايشىلىق جاساپ تارتۋ - تارالعى، سي اقى الۋ - بەرۋ، ۇكىمەت اقشاسىمەن تۇتىنۋ، جاردەماقى، قوسىمشا قاراجات تاراتۋ، قىزمەتتىك كولىكتى، قىزمەتتىك ءۇيدى الىپ پايدالانۋ سياقتى راحاتقۇمارلىققا، استا - توك ىسىراپشىلدىققا قىلپى بىلىنە سالا سوققى بەرىپ، بەلگىلەمەگە قايشىلىق جاساپ ايگىلى، قىمبات، ەرەكشە ونىمدەر، تارتۋ - تارالعى، سي اقى الۋ - بەرۋ ماسەلەلەرىن قاتاڭ رەتتەپ - جونگە سالىپ، الەۋمەتتىك مۇددەگە سۇعاناقتىق جاساعان، يەمدەنگەن، سونداي - اق جەكە تيجاراتشى قوجايىندارعا جەكەلىك تۇتىنۋ ارەكەتىنە اقشا تولەتۋ سياقتى ەرەكشە ۇقىق يدەياسىنان، ەرەكشە ۇقىق جايتتەرىنەن قاي - قاشاندا ساقتانىپ، «ءبىر داستارقان»، «مەيرامحانا قوناعاسى»، «ءتۇرى وزگەرگەن ساياحات» سياقتى كومەسكى، ءتۇرى وزگەرگەن « ءتورت ءتۇرلى بۇرىس ستيلگە» وسكەلەڭ قىراعىلىق ساقتاپ، پارتيالى باسشى كادرلاردىڭ بەلگىلەمەگە قايشىلىق جاساپ ۇكىمەت اقشاسىمەن ءىشىپ - جەۋ، قىزمەت كەزىندە باس قوسىپ تاماقتانۋ، اراق ءىشۋ سياقتى ماسەلەلەرگە ۇزدىكسىز قاداعالاي نازار اۋدارىپ، قايتا - قايتا ەسكەرتىپ، «ءتورت ءتۇرلى بۇرىس ستيلدى» تۇزەتۋ، جونگە سالۋ قىزمەتىن ۇزدىكسىز تەرەڭدەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
