شي جينپيڭ ۆەنگريانىڭ زۇڭليى وربانمەن تەلەفوندا سويلەستى
2021.04.30 16:26 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 29 - كۇنى، بەيجيڭ. مەملەكەت ءتوراعاسى شي جينپيڭ 4 - ايدىڭ 29 - كۇنى ۆەنگريانىڭ زۇڭليى وربانمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جۇڭگو مەن ۆەنگريا ەكى ەل جانە ەكى ەل حالقى ءبىرىن - ءبىرى قولداپ، ىندەتتەن ساقتانۋ - تىزگىندەۋ، جۇمىستى، ءوندىرىستى قالپىنا كەلتىرۋ سياقتى جاقتاردا تاماشا سەلبەستىك ورىستەتىپ، ماڭىزدى تابىستارعا قول جەتكىزدى، اسىرەسە، ۆاكسينا جونىندە تىعىز سەلبەستىك ورىستەتىپ، جوعارى دەڭگەيدەگى ساياسي سەنىمدىلىكتى ايگىلەدى، جۇڭگو - ۆەنگريا قاتىناسى اناعۇرلىم يكەمدى جانە ومىرشەڭدىك كۇشكە يە بولدى. جۇڭگو ۆاكسينانى دۇنيە جۇزىلىك الەۋمەتتىك ءونىم ەتۋ ۋادەسىن باتىل اتقارادى، ۆەنگريا جاقپەن ۆاكسينا سەلبەستىگىن ۇزدىكسىز كۇشەيتۋدى قالايدى.
شي جينپيڭ بىلاي دەپ دارىپتەدى: جۇڭگو ۆەنگريانىڭ جۇڭگوعا قاراتىلعان دوستىق ساياساتىن باتىل اتقارىپ، جۇڭگونىڭ ورتا، شىعىس ەۆروپا ەلدەرىمەن سەلبەستىگىن ىلگەرىلەتۋگە، جۇڭگو - ەۆروپا قاتىناسىنىڭ جالپى جاعدايىن قورعاۋعا ماڭىزدى ۇلەس قوسقانىن ايرىقشا القايدى. جۇڭگو ۆەنگريا جاقپەن ستراتەگيالىق بايلانىستى ۇزدىكسىز جيىلەتىپ، ساياسي سەنىمدىلىكتى بەكەمدەپ، ۆەنگريا - سەربيا تەمىر جولى سياقتى كەلەلى سەلبەستىك نىساندارىن جەتەكشى ەتىپ، ءار سالاداعى ناقتى سەلبەستىكتى تەرەڭدەتىپ، ءتۇرلى حاۋىپ - قاتەر مەن سىن - سايىسقا بىرگە توتەپ بەرىپ، جۇڭگو مەن ۆەنگريانىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز تىڭ دامۋعا قول جەتكىزۋىن ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى. تاياۋدا وتكىزىلگەن جۇڭگو - ورتا، شىعىس ەۆروپا ەلدەرى باسشىلارىنىڭ باس قوسۋى سەلبەستىك مەحانيزمىنىڭ دامۋىنا ماڭىزدى جوبا ازىرلەپ، جەتەكشىلىك ەتتى. جۇڭگو ۆەنگريا جاقپەن جانە باسقا دا قاتىناسۋشى جاقتارمەن بىرگە ءورىس اشا جاڭالىق جاراتىپ، جۇڭگو - ورتا، شىعىس ەۆروپا ەلدەرى سەلبەستىگىنىڭ ۇزدىكسىز دامۋىن ىلگەرىلەتۋدى قالايدى.
وربان مىنانى ءبىلدىردى: ۆەنگريا مەن جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ، اسىرەسە، ۆاكسينا جاعىنان تىعىز سەلبەستىك ورىستەتتى، جۇڭگو ۆەنگرياعا دەر كەزىندە قاستەرلى قولداۋ كورسەتىپ، ۆەنگريا جاقتىڭ ىندەتتى تىزگىندەۋىندە ماڭىزدى رول اتقاردى، ۆەنگريا بۇعان العىس ايتادى، جۇڭگومەن ۆاكسينا سەلبەستىگىن ۇزدىكسىز تەرەڭدەتۋدى ءۇمىت ەتەمىز. ۆەنگريا جۇڭگوعا قاراتىلعان قاتىناسىنا ايرىقشا ءمان بەرەدى، ەكى ەل ساۋداسىنىڭ ىندەتتىڭ ىقپالىن جەڭىپ، قيىن – قىستاۋ جاعدايدا ارتۋدى جۇزەگە اسىرعانىنا قۋانادى، ءتىپتى دە كوپ جۇڭگو كاسىپورىندارىنىڭ ۆەنگرياعا كەلىپ قارجى قوسىپ، سەلبەستىك جاساۋىن قارسى الامىز، بۇعان تاماشا ساۋدا ورتاسىن ازىرلەيمىز. ۆەنگريا جۇڭگومەن ۆەنگريا - سەربيا تەمىر جولى قۇرىلىسىن بەلسەندىلىكپەن ىلگەرىلەتۋدى قالايدى، ورتا، شىعىس ەۆروپا ەلدەرىنىڭ جۇڭگومەن سەلبەستىگىن جەبەۋدە ۇزدىكسىز بەلسەندى رول اتقارادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
