بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مەكەنىنىڭ نان كاسىبىن دامىتۋعا بار قايراتىن سارقا جۇمسادى

− شينجياڭدى اشۋ، گۇلدەندىرۋ سيلىعىنىڭ يەگەرى تۇرسىنجان مۇقات جونىندە

انار بۇلت / شينجياڭ گازەتىنىڭ ءتىلشىسى جازيرا نەسىپبەك

2021.05.06 16:52     كەلۋ قاينارى : شينجياڭ گازەتى

  تاياۋدا عانا شينجياڭدى اشۋ، گۇلدەندىرۋ سيلىعىنا يە بولعان ىلە قازاق اۆتونوميالى وبلىسى قورعاس نان كاسىپ باقشاسىنىڭ تەحنيكالىق جەتەكشىسى تۇرسىنجان مۇقات 5 - ايدىڭ 2 - كۇنى باقشا رايونىنا ەرتەمەن كەلدى.

  ”ءبىز قازىر جاڭا بازاردى قالاي اشۋ جونىندە ويلانۋدامىز، وسى بىرنەشە كۇندە ەلىمىزدىڭ جەر - جەرىنەن كەلگەن ساياحاتشىلار وتە كوپ بولدى، بازارعا تەكسەرۋ - زەرتتەۋ جۇرگىزۋدىڭ ءبىر بولىگى رەتىندە، ولاردىڭ قانداي زاتتى ۇناتىپ ساتىپ الاتىنىن تەكسەرىپ كورمەكشىمىن“، - دەدى تۇرسىنجان.

  تۇرسىنجاننىڭ قورعاس نان كاسىپ باقشاسىنا دەگەن سۇيىسپەنشىلىگى وزگەشە، ويتكەنى ول كاسىپ باقشاسىنىڭ تولىسۋى مەن دامۋىنا ات سالىستى، كۋاگەر بولدى.

  2009 - جىلى سىرتقى ساۋدامەن اينالىساتىن تۇرسىنجان قارا ءبيداي تۇقىمىن ەنگىزدى ءارى تەكەس اۋداندىق اۋىل شارۋاشىلىعى تەحنيكالارىن جالپىلاستىرۋ پۋنكت قىزمەتكەرلەرىنىڭ كومەگىندە، قارا ءبيداي تۇقىمىن تەكەس اۋدانى قارادالا قالاشىعى قاپسالاڭ قىستاعىنا ءساتتى ەكتى. 3 − 4 جىل ۋاقىتتا جەرگىلىكتى ورىنداعى قارا ءبيداي ەگۋ كولەمىن 30 مىڭ مۋعا جەتكىزىپ، 2000نان ارتىق ەگىنشى وتباسىن كىرىسىن ارتتىرۋعا باستادى.

  قارا ءبيدايدى ءساتتى ەككەن سوڭ، تۇرسىنجان ەگىنشىلىك كاسىپتىك سەلبەستىك كووپەراتيۆىن قۇرىپ، مانەرلەۋ زاۆودىن سالىپ، ”ءۇيسىن شىنلياڭ“ ماركاسىن تىركەۋگە الدىرىپ، قارا ءبيداي كەبەكتى ۇنى، مانتى ۇنى، دايىن كەسپە، بولكا سياقتى 20دان ارتىق ءونىم تۇرلەرىن جاساپ شىعادى. ”ول كەزدە جاساۋ تەحنيكامىز وتە قاراپايىم بولاتىن، نان قوسىمشا ءونىم ەسەپتەلىنەتىن“، - دەدى تۇرسىنجان.

  2018 - جىلى ءۇرىمجى نان مادەنيەت كاسىپ باقشاسىنىڭ قۇرىلۋى تۇرسىنجانعا جاڭا وي سالادى. سول كەزدە تۇرسىنجان القا باستىعى مىندەتىن اتقارعان ءۇرىمجى جىبەك جولى سايحۇڭ ازىق - تۇلىك شەكتى سەرىكتەستىگى ءۇرىمجى نان مادەنيەتى كاسىپ باقشاسىنىڭ ساۋداگەر شاقىرىپ، قارجى ەنگىزۋ وبيەكتىسى رەتىندە كاسىپ باقشاسىنا كىرىپ، قارا ءبيداي نانى جەلىلەس ونىمدەرىن وندىرەدى. وسى جەردە تۇرسىنجان ”ءۇيسىن نانى“ ماركاسىن اشادى ءارى ىشكى وڭىرلەردىڭ بازارىنا ءساتتى كىرەدى. 2019 - جىلى سەرىكتەستىكتىڭ ءونىم قۇنى 55 ميلليون يۋاننان استامعا جەتىپ، ساتۋ كىرىسى 20 نەشە ميلليون يۋانعا جەتەدى.

  ”ءۇرىمجى نان مادەنيەت كاسىپ باقشاسىندا، مەن نان ونىمدەرىن جاساۋدىڭ جاڭا تەحنيكاسىن ۇيرەنىپ، كەيىن ىلەگە قايتىپ مەكەندى گۇلدەندىرۋگە نەگىز قالادىم“، - دەدى تۇرسىنجان.

  2019 - جىلى قورعاس نان كاسىپ باقشاسىنىڭ ۇسىنىسىمەن، تۇرسىنجان تەحنيكالىق جەتەكشى رەتىندە كاسىپ باقشاسىن جوبالاۋ جوسپارلاۋ، قۇرۋ، تيجارات جۇرگىزۋ سياقتى قىزمەتتەرگە ات سالىسادى. قورعاس نان كاسىپ باقشاسىنىڭ ءاربىر ورنالاستىرىلىمعا، ءاربىر جابدىققا، ءاربىر ونىمگە، ءاربىر قوراپقا تۇگەلدەي تۇرسىنجاننىڭ جۇرەك قانى سىڭگەن.

  قازىر قورعاس نان كاسىپ باقشاسىندا 500دەن ارتىق تونار بار، كۇنىنە 400 نەشە مىڭ نان جابادى، نەگىزىنەن ورتا ازيا بازارىنا ساتىلادى. 2020 - جىلى تۇرسىنجاننىڭ ۇسىنىسىمەن سالىنۋ ۇستىندەگى قورعاس نان كاسىپ باقشاسىنىڭ 2 - مەرزىمدىك قۇرىلىسى جەرگىلىكتى ورىننىڭ تابيعي گاز بايلىعىنان پايدالانىپ، ەلەكترلى توناردى تابيعي گازدى تونارعا وزگەرتىپ، جىلىنا 15 ميلليون يۋاننان ارتىق وزىندىك قۇندى ۇنەمدەدى.

  ”مەكەنىمنىڭ دامۋىنا كۇش - قۋاتىمدى ارناعانىمدى ماقتانىش ەتەمىن. مەن بازاردا جالعاستى ىزدەنىس جاساپ، نان كاسىپ باقشاسىنىڭ نان ونىمدەرىنە اناعۇرلىم ءورىستى بازار اشۋعا مۇمكىندىك جاسايمىن“، - دەدى تۇرسىنجان.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار