جاڭالىق اشۋدى جان جۇيەسىنە ءسىڭىردى
− شينجياڭدى اشۋ، گۇلدەندىرۋ سيلىعىنىڭ يەگەرى باھرام اكبار جونىندە
انار بۇلت / شينجياڭ گازەتىنىڭ ءتىلشىسى چىن چياڭۋي
2021.05.06 16:53 كەلۋ قاينارى : شينجياڭ گازەتى
4 - ايدىڭ ەڭ سوڭعى كۇنى، جاڭا عانا شينجياڭدى اشۋ، گۇلدەندىرۋ سيلىعىنا داڭقپەن يە بولعان مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى ءۇرىمجى ەلەكترمەن قامداۋ سەرىكتەستىگى قالا اۋماعى 3 - ەلەكترمەن قامداۋ ورتالىعىنىڭ ورىنباسار ديرەكتورى باھرام اكبار بەيجيڭدە 10 كۇندىك كۋرسىن اياقتاتىپ، باعالاۋدان ءوتىپ، مەملەكەتتىك ەلەكتر تورى شەكتى سەرىكتەستىگىنىڭ العاشقى توپتاعى ”جاس ماركسيزمشىلەر“ لەكسياشىلار ۇيىرمەسىنىڭ ءبىر مۇشەسىنە رەسمي اينالدى.
”الداعى 2 جىلدا، مەن باسقا دا لەكسياشىلارمەن بىرگە نەگىزگى ساتىعا بارىپ ارالاپ لەكسيا جاساپ جانە ينتەرنەت جەلىسىندە لەكسيا جاساپ، اناعۇرلىم كوپ جاس قىزمەتشىلەرگە پارتيانىڭ نازاريالارىن ۇگىتتەيمىن“، - دەدى باھرام.
كۋرستى اياقتاتقاننان كەيىن باھرام دەرەۋ ۇرىمجىگە قايتتى. ”1 - مامىر“ دەمالىسىندا ول قىزمەت ورنىنان تاپجىلماي، قاراستى اۋماقتاعى ەلەكتر تورىنىڭ ەلەكترمەن قامداۋ حاۋىپسىزدىگىن قامتاماسىز ەتتى.
بيىل 32 جاستاعى باھرام كاسىپورىن ىشىندە تانىمال تاباندى ادام جانە جاڭالىق اشۋعا جەتەكتەۋشى. داشۋەدەن وقۋ تاۋىسقاننان كەيىن، ول جەڭىل قىزمەت تاڭداماي، جۇمىسىن نەگىزگى ساتىداعى ەلەكتر قۋاتىن تەكسەرۋ - ولشەۋ جۇمىسشىسى بولۋدان باستاپ، ءبىرىنشى شەپتەگى قىزمەت ورنىندا تاپجىلماي ۇزاق جىل ىستەدى. بيىككە شىعاتىن قاتەرلى جۇمىستان، ماشاقاتتى، سۇركەيلى شۇعىل جوندەۋ ورتاسىنان ول ەشقاشان شەگىنشەكتەمەي، 3 جىلدا جەدەل تۇردە كاسىپتىك تەحنيكالىق تىرەكتى بولىپ جەتىلدى، سونداي - اق سەرىكتەستىكتىڭ ەلەكتر وزگەرتۋدىڭ ءبىرىنشى رەتتىك جابدىقتارىن تەكسەرۋ - جوندەۋ بانى 2 - بانىنىڭ باستىعى بولدى.
قىزمەتتە باھرام وي جۇگىرتۋگە شەبەر بولدى. ءبىرىنشى شەپتە تەكسەرۋ - جوندەۋ جۇمىستارىن جۇرگىزگەندە، باھرام ترانسفورماتور ستانسياسىنىڭ جوعارى كەرنەۋلى اجىراتقىشىنان قىس بولدى توك ءۇزىلىپ قالاتىن جاعداي تۋىلاتىندىعىن بايقايدى. زەر سالا باقىلاۋ جانە تەكسەرۋ ارقىلى ول جابدىقتاعى سيرەك كەزدەسەتىن گازدىڭ تومەن تەمپەراتۋراعا جولىققاندا سۇيىلىپ، جابدىقتى قورعاۋ قاسيەتىنەن ايرىلاتىندىعىن بىلەدى. ماسەلەنى تاپقان سوڭ، سيرەك كەزدەسەتىن گازدىڭ سۇيىلۋىنىڭ الدىن الۋ ءۇشىن، باھرام قىزمەتتەستەرىمەن بىرگە جابدىق ىشىنە جىلتۋ قۇرىلعىسىن قوسىپ سىناپ كورەدى. اماليات بارىسىنداعى وسى شاعىن جوبالاۋ كوپ وتپەي جابدىق جاساۋشىعا اڭىس ەتىلىپ، جاڭالىق اشۋ تاجىريبەسى رەتىندە بۇكىل شينجياڭعا جالپىلاستىرىلادى.
2014 - جىلى ءبىر 220 كيلوۆولتتىق ترانسفورماتور ستانسياسىنىڭ تيبىن اۋىستىرۋ ينجەنەرياسىندا، باھرام زەرتتەپ ورتاعا قويعان جاڭا تەحنيكالىق جوبا قۇرىلىس ۋاقىتىن ايتارلىقتاي قىسقارتىپ، ەلەكتر قۋاتى ينجەنەرياسىنداعى قيىن ماسەلەنى شەشەدى، بۇل تەحنيكا مەملەكەتتىڭ قولدانىلمالى جاڭا تيپتى پاتەنتىنە يە بولادى. ءدال وسى جىلى باھرام سەرىكتەستىكتىڭ ءبىر جاڭالىق اشۋ قىزمەتحاناسىنا بارادى، 2017 - جىلى وسى قىزمەتحانانىڭ جەتەكشىسى بولادى.
”مەن اشقان كوپتەگەن جاڭالىقتار قىزمەت امالياتىندا جۇزەگە اسقان، ويتكەنى جۇمىس باسىندا قۇرىلىس جۇرگىزۋ مەن تەحنيكادا جاڭالىق اشۋ ءبىر - بىرىنەن ايرىلا المايدى، جاڭالىق اشۋ ارقىلى جابدىقتاردى نەمەسە تەحنيكالىق ولشەمدەردى شينجياڭ كليماتىنا، ءوندىرىس امالياتىنا اناعۇرلىم ۇيلەستىرۋگە، ەلەكتر تورىنىڭ حاۋىپسىز، سەنىمدى اينالىم جاساۋىنا شىنايى كەپىلدىك ەتۋگە بولادى“، - دەدى باھرام.
2018 - جىلى باھرام ۇجىم باستاپ، حۋنان داشۋەسىمەن بىرلەسىپ يزولياتورلاردى تەكسەرۋ - ولشەۋ جانە سەنىمدىلىگىن جوعارىلاتۋ جونىندە ارناۋلى تاقىرىپتىق زەرتتەۋ ورىستەتىپ، ”شىرعالاڭنان كەيىن ءبىر جاقتى ەتۋدى“ ”شىرعالاڭنان بۇرىن الدىن الۋعا“ وزگەرتەدى، بۇل تەحنيكا اۆتونوميالى رايوننىڭ عىلىم - تەحنيكا العاباسارلىعىنىڭ 3 - دارەجەلى سيلىعىنا يە بولادى. قازىرگە دەيىن باھرام 25 ءتۇرلى جاڭالىق اشۋ تاقىرىبىنا جەتەكشىلىك ەتىپ جانە ونى ورىنداپ، 9 ءتۇرلى مەملەكەتتىك تاپقىرلىققا جانە قولدانىلمالى جاڭا تيپتى پاتەنتكە يە بولدى، 18 جاڭا تەحنيكاسى شينجياڭدا كەڭىنەن قولدانىسقا ءتۇستى، 23 ترانسفورماتور ستانسياسىن جاڭالاپ، وزگەرتىپ، كەڭەيتىپ سالۋ ينجەنەرياسىن تەكسەرىپ وتكىزىپ الۋ، ەلەكتر جەتكىزۋ مىندەتىن ورىنداۋعا قاتىناستى.
”قازىر مەن تەكسەرۋ - جوندەۋدىڭ ءبىرىنشى شەبىنەن اۋىسىپ كەتكەنىممەن، جاڭالىق اشۋ امالياتىنا ءالى تاباندى بولىپ كەلەمىن. قازىر مەن ۇجىم باستاپ ىشكى وڭىردەگى جوعارى مەكتەپتەرمەن سەلبەسىپ جاڭالىق اشۋ تاقىرىپتىق زەرتتەۋلەرىمەن شۇعىلدانىپ جاتىرمىن، زەرتتەۋ جەتىستىكتەرىمنىڭ وندىرىسكە اناعۇرلىم ويداعىداي قىزمەت ەتۋىن ءۇمىت ەتەمىن“، - دەدى باھرام.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
