شينجياڭ ۇيعۇر اۆتونوميالى رايون اقپار جاريالاۋ ءماجىلىسىن اشتى
ءدۇيىم جۇرت بىلەگى ۇزىلگەن ۇل بالانىڭ قامىن جەپ، شينجياڭنىڭ ءار سالاسى قۇتقارۋ - كومەكتەسۋگە بار كۇشىن سالدى
2021.05.06 16:56 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 5 - ايدىڭ 4 - كۇنى ۇرىمجىدەن حابارلايدى. حوتان ايماعىنداعى بىلەگى ۇزىلگەن 7 جاسار ۇل بالانىڭ ناۋقاس جاعدايى بىرنەشە كۇننەن بەرى ءدۇيىم جۇرتتى الاڭداتتى، شينجياڭداعى ءارقايسى قاتىستى تاراۋلار قۇتقارۋ - كومەكتەسۋگە بار كۇشىن سالدى، ەل ءىشى - سىرتىنداعى قالىڭ توراپكەرلەر بۇعان ايرىقشا نازار اۋداردى. 5 - ايدىڭ 4 - كۇنى اۆتونوميالى رايون وسى ءىس جونىندە اقپار جاريالاۋ ءماجىلىسىن اشىپ، بالانىڭ ناۋقاس جاعدايىن جانە قۇتقارۋ، ەمدەۋ احۋالىن ەگجەي - تەگجەيلى تانىستىردى.
اقپار جاريالاۋ ماجىلىسىندە، قۇتقارىلىپ، ەمدەلگەن بالانىڭ تۋىسى ءابدىماجيت يمىن وقيعانىڭ تۇتاس بارىسىن تانىستىردى، حوتان ايماقتىق حالىق شيپاحاناسى سۇيەك اۋرۋلارى ءبولىمىنىڭ شيپاگەرى ەركىن رەجەپ، جۇڭگو وڭتۇستىك اۆياتسياسى شينجياڭ بولىمشە سەرىكتەستىگى جولاۋشىلار ءبولىمىنىڭ جولاۋشىلار ىستەرى باستىعى جاۋ يان، شينجياڭ مەديتسينا داشۋەسى شۇعىل قۇتقارۋ ورتالىعى 120 اۆتوكولىگىمەن بىرگە جۇرگەن شيپاگەر ساۋ حۇڭمين جانە شينجياڭ مەديتسينا داشۋەسىنە قاراستى جۇڭگوشا ەمدەۋ شيپاحاناسى سۇيەك اۋرۋلارى ءبولىمىنىڭ شيپاگەرى لي لي جەكە - جەكە ناۋقاس بالانى قۇتقارۋدا ىستەلگەن قىزمەتتەردى تانىستىردى، مۇندا دەرەۋ سايكەستىرىپ ورنالاستىرۋ جاساۋ، الدىن الا دايىندىق جوباسىن جاساۋ، جاسىل وتكەل اشۋ سياقتى قىزمەتتەر قامتىلعان.
”ۇكىمەت پەن كوپشىلىك كوڭىل ءبولىپ، كومەكتەسپەگەن بولسا بالا بالكىم قولىنان ايىرىلىپ قالار ەدى. وتباسىمىزداعى بارلىعىمىز جۇڭگودا ءومىر سۇرگەنىمىزدى، شينجياڭدا جاساعانىمىزدى ايرىقشا باقىت سەزىنەمىز“، - دەدى ءابدىماجيت.
اۋرۋ راقىمسىز بولعانىمەن جۇرت مەيىرىمدى. اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ مىنالاردى ءبىلدىردى: شينجياڭ قوعامىنىڭ ءار سالاسىنىڭ حوتان ايماعىنداعى 7 جاسار بالانىڭ ۇزىلگەن بىلەگىنە وپەراتسيا جاساۋعا كومەكتەسۋى پارتيا مەن مەملەكەتتىڭ ادامدى نەگىز ەتكەن، ءومىردى بارىنەن جوعارى قويعان قۇن ۇستانىمىن جاندى بەينەلەدى، شينجياڭداعى ءار ۇلت بۇقاراسىنىڭ ءبىر ءۇيلى جانداي ەتەنە، ءوزارا كومەكتەسىپ، ءوزارا قارايلاسقان جاراسىمدى قارىم - قاتىناسىن جاندى بەينەلەدى، شينجياڭنىڭ ءار سالاسىنىڭ ءومىردى قورعايتىن، سۇيىسپەنشىلىكتە شەت - شەكارا بولمايتىن قوعامدىق سالتىن جاندى بەينەلەدى، شينجياڭداعى ءار ۇلت بۇقاراسىنىڭ تىرشىلىك ۇقىعى، سالاماتتىق ۇقىعى سياقتى نەگىزگى ادامدىق ۇقىقتارى تولىق قامتاماسىز ەتىلگەن شىنايى جاعدايىن جاندى بەينەلەدى. الايدا امەريكاداعى، باتىستاعى جۇڭگوعا قارسى كۇشتەر شينجياڭنىڭ ءار ۇلت بۇقاراسىنىڭ ادامدىق ۇقىعىن قامتاماسىز ەتۋدەگى قۇلشىنىستارىن كورمەسكە سالىپ، شينجياڭداعى 25 ميلليوننان ارتىق ءار ۇلت بۇقاراسى تاماشا تۇرمىستىڭ راحاتىن كورگەن شىندىقتى كورمەسكە سالىپ، شينجياڭدى قايتا - قايتا قارالاپ، كىنا تاقتى. ولاردىڭ ماقساتى ەشقاشان دا ادامدىق ۇقىقتى دارىپتەۋ ەمەس، شينجياڭداعى ءار ۇلت بۇقاراسىنىڭ ادامدىق ۇقىعىنا كوڭىل ءبولۋ دە ەمەس، قايتا ساياسي ويىن ارقىلى شينجياڭنىڭ حاۋىپسىزدىگىن، ورنىقتىلىعىن ءبۇلدىرىپ، جۇڭگونىڭ دامۋىنا، زورايۋىنا بوگەت بولۋ. الايدا شينجياڭ ىستەگەن وسى ىستەر، ءار ۇلت بۇقاراسى ادامدىق ۇقىقتان تولىق يگىلىكتەنگەن شىندىق امەريكاداعى، باتىستاعى جۇڭگوعا قارسى كۇشتەردىڭ وسەك - اياڭىن قايتا - قايتا پاش ەتىپ، قايتا - قايتا جەرمەن جەكسەن قىلدى.
شۇي گۇيشياڭ مىنالاردى ءبىلدىردى: امەريكانىڭ ءوزىن الساق، بۇگىنگى سىرتتاي قاراعانداعى كوركەيىپ - گۇلدەنگەن جاعدايى ادامدىق ۇقىق اياققا تاپتالعان، ار - نامىس كەمسىتىلگەن قىلمىستى تاريحىن بۇركەمەلەي المايدى. بارشاعا بەلگىلى، امەريكا تاريحتا ۇندىستەردى كەڭ كولەمدە قۋعىنداعان، سىڭىرگەن جانە قىرعىنداعان، وسىنىڭ سالدارىنان ۇندىستەردىڭ جان سانى 1492 - جىلعى 5 ميلليوننان كۇرت ازايىپ، 20 - عاسىردىڭ باس شەنىندە 250 مىڭعا ءتۇسىپ قالعان، قازىر امەريكاداعى ۇندىستەردىڭ جان سانى امەريكاداعى جالپى جان سانىنىڭ نەبارى ％2ىن عانا ۇستايدى. قازىر امەريكا دۇنيەدەگى ەڭ ۇلكەن دامىعان ەكونوميكالىق تۇلعا بولا تۇرىپ «بالالار ۇقىعى شارتىن» ءالى بەكىتپەي وتىر، امەريكا ۇكىمەتىنىڭ ءالسىز توپتاردىڭ حال - جاعدايىن جاقسارتۋداعى ساياسي نيەتى كەمشىل بولىپ قانا قالماستان، قاتىستى قارجىلاي كومەكتەسۋ نىساندارىن ۇزدىكسىز كەمەيتۋدە، وسىنىڭ سالدارىنان كوپتەگەن بالالار ىشەر اس، كيەر كيىمنەن تارىعىپ، زورلىقتى كۇش، جابىرلەۋ، قورلاۋ سياقتى حاۋىپكە ۇشىراۋدا. امەريكا حالىق سانىن اداقتاۋ مەكەمەسىنىڭ ساندى مالىمەتىنىڭ كورسەتۋىنشە، 2018 - جىلعا دەيىن امەريكادا ءالى دە 12 ميلليون 800 مىڭ بالا كەدەيلىكپەن تۇرمىس كەشىرۋدە، مۇنىڭ تورتتەن ءۇش بولەگى از ساندى ءناسىل، از ساندى ءناسىل بالالارىنىڭ كەدەيلىك سالىستىرماسى مولشەرمەن ％25كە جەتەدى.
«لوس - انجەلەس ۋاقىت گازەتى» سايتىنىڭ 2020 - جىلى 11 - ايدىڭ 18 - كۇنى حابارلاۋىنشا، 2020 - جىلى 3 - ايدان بەرى امەريكا ۇكىمەتى ىندەتتىڭ تارالۋ حاۋىپ - قاتەرىنە قاراماي، از دەگەندە 8800 قاراۋشىسى جوق زاڭسىز كوشپەندى بالانى زورلىقپەن شەكارادان قۋىپ شىققان. بىرلەسكەن مەملەكەت ۇيىمى بالالار قور قوعامى: امەريكا زورلىقپەن قايتارعان مەكسيكا مەن ورتا امەريكا كوشپەندىلەرىنىڭ بالالارى حاۋىپ - قاتەر مەن كەمسىتۋگە ءدوپ كەلۋدە، - دەدى.
شۇي گۇيشياڭ بىلاي دەدى: ءوز باسى قىلمىسقا بەلشەسىنەن باتقان، جاماندىققا تولى امەريكا قاي بەتىمەن، قانداي سالاۋاتپەن جۇڭگو شينجياڭىنىڭ ادامدىق ۇقىق جاعدايى تۋرالى بىلگىرسىپ، ءسوز قوزعايدى؟
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
