بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

”قارعام، ۇيىقتاما!“

− 10 مىڭ مەتر كەڭىستىكتە ۇشقان 90 مينۋتتا نەندەي ىستەر تۋىلدى

انار بۇلت / شينجياڭ گازەتىنىڭ ءتىلشىسى ما ينيڭ

2021.05.06 16:56     كەلۋ قاينارى : شينجياڭ گازەتى

  5 - ايدىڭ 1 - كۇنى 10 مىڭ مەتر كەڭىستىكتە ۇشقان 90 مينۋتتا نەندەي ىستەر تۋىلدى؟

  ءتۇن ورتاسى، حوتاننان ۇرىمجىگە ۇشقان كەزەكشى ۇشاقتا ”قارعام، ۇيىقتاما!“ دەگەن داۋىس ءبىر بىلەگى ۇزىلگەن ۇل بالانىڭ قۇلاعىنا جاڭعىرىپ تۇردى... وسى ارادا، ءومىردى جالعاۋ شايقاسى ءجۇرىلىپ جاتتى.

  بۇل 7 جاستاعى ۇل بالا شياۋمايدىڭ (جاناما ەسىمى) ءۇيى حوتان اۋدانىنىڭ لايقا اۋىلى قۇمارىق قىستاعىندا تۇرادى. 4 - ايدىڭ 30 - كۇنى ساعات 20 مولشەرىندە ول بايقاۋسىز دا قولىن تراكتوردىڭ تاسپالى دوڭگەلەگىنە سۇعىپ الادى دا وڭ بىلەگىن وراپ اكەتەدى. جاعداي تىم شۇعىل بولعاندىقتان، ول تەك ەڭ جاقىن ۋاقىتتا ۇشاتىن كەزەكشى ۇشاققا وتىرىپ ۇرىمجىگە جەتىپ وپەراتسيا جاساتۋعا تۋرا كەلەدى.

  ساعات ءتىلىن 4 - ايدىڭ 30 - كۇنى 23تەن 40 مينۋتقا شەگەرەيىك، شينجياڭ حوتان اۋەجايى، سول كۇنگى ەڭ سوڭعى كەزەكتەگى حوتاننان ۇرىمجىگە ۇشاتىن وڭتۇستىك اۆياتسيا CZ6820 كەزەكشى ۇشاعى جوسپار بويىنشا ۇشاق بولمەسىنىڭ ەسىگىن جاۋىپ، ۇشاق توقتاتۋ ورنىنان شىعىپ، ۇشۋعا دايىندالادى. كەنەت ۇشاق قىزمەتكەرلەرى اۋەجاي نۇسقاۋ مۇناراسىنىڭ شۇعىل شاقىرتۋىن قابىلدايدى: ”ۇشاق قىزمەتكەرلەرى، ۇشۋدى كەشەۋىلدەتە تۇرىڭىزدار، ءبىر بالانىڭ بىلەگى ءۇزىلىپتى، ءسوزسىز، 3 ساعاتتىڭ ىشىندە اۆتونوميالى رايوندىق جۇڭگوشا ەمدەۋ شيپاحاناسىنا جەتكىزىلۋ كەرەك، ويتپەگەندە بالا بىلەگىنەن ايرىلادى!“.

  ”جارايدى!“ وسى كەزەكتى ۇشاقتىڭ ۇشاق باستىعى تاڭ حۇيجۇڭنىڭ 10 جىلدىق ۇشۋ تاريحىندا ۇشاقتى قايتا شاقىرتىپ العان جاعدايعا تۇڭعىش رەت كەزدەسۋى ەدى، ءبىراق ادام جانىن تۇرشىكتىرەرلىك حاباردى ەستىگەندە ول ەش ويلانباستان نۇسقاۋ مۇناراسىنا جاۋاپ قايتارادى.

  وسى ساتتە 101 جولاۋشى ۇشاقتىڭ كوتەرىلۋىن كۇتىپ جىم - جىرت وتىرعان ەدى. جولاۋشىلار بولمەسىنىڭ راديوسىنان توساتتان: ”... جەر بەتىنىڭ حابارلاندىرۋىن قابىلدادىق، ءبىر جولاۋشىنى ۇرىمجىگە شۇعىل جەتكىزىپ قۇتقارىپ ەمدەۋ قاجەت. ۇشاقتىڭ قازىر ۇشاق توقتاتۋ ورنىنا قايتا قايتۋى قاجەت بولدى. سايكەسكەندەرىڭىزگە راقىمەت“، - دەگەن سوزدەر ايتىلادى.

  ”ۇشاق ەسىگى قايتالاي اشىلسا كەزەكشى ۇشاق، ءسوزسىز، كەشىگەدى دە، ۇشاقتاعى 100 نەشە جولاۋشىنىڭ قالىپتى ساپارىنا ىقپال جاسايدى. توتەنشە شۇعىل جاعداي بولماسا، ۇشاق ءجۇرىپ كەتكەن سوڭ قايتا قايتۋدى تالاپ ەتۋگە بولمايدى“، - دەدى ۇشاق قىزمەتكەرلەرى باستىعى جاۋ يان.

ىلە - شالا ۇشاق قىزمەتكەرلەرى جولاۋشىلاردى كەڭىرەك ورىن قالدىرۋعا سايكەستىرىپ، قيىرشىق مۇز سياقتى بۇيىمداردى دايىندادى؛ 23تەن 54 مينۋت وتكەندە ۇشاق بولمەسىنىڭ ەسىگى قايتالاي اشىلىپ شياۋماي ۇشاققا جەتكىزىلەدى؛ ساعات نولدە ۇشاق ورنىنان قوزعالادى ءارى ءساتتى ۇشادى.

  بۇل ءبىر رەتكى ۋاقىتپەن جارىسقان ۇشۋ ساپارى بولدى. شيپاگەر جاۋ يانعا بالانى استە ۇيىقتاتپاۋدى، قان كوپ كەتۋدىڭ الدىن الۋ ءۇشىن قيىرشىق مۇزدى اۋىستىرىپ، بالانىڭ ۇزىلگەن بىلەگىنىڭ تەمپەراتۋراسىن ساقتاۋدى تاپسىرعان بولاتىن. ۇشقاننان كەيىن بالانىڭ وياۋ وتىرۋى ءۇشىن ۇشاق قىزمەتكەرلەرى سۋلى ورامالمەن كەز كەلگەن ۋاقىتتا ونىڭ بەتىن ءسۇرتىپ، قول تەلەفوننان بەينەجازبا كورسەتىپ، بالاعا مۋزيكا تىڭداتىپ، ءبىر ۇشاق قىزمەتكەرىن ارناۋلى تۇردە بالاعا قارايلاسۋعا، اسپا ۋكول جاعدايىن باقىلاۋعا ورنالاستىرادى، باستان - اياق: ”قارعام، ۇيىقتاما! سەن باتىر بالاسىڭ! استە ۇيىقتاۋشى بولما...“ دەپ جىگەرلەندىرىپ وتىرادى.

  تالەيىنە اۆتونوميالى رايوندىق دەنساۋلىق ساقتاۋدى، سالاماتتىقتى جالپىلىق باقىلاۋ، زاڭ اتقارۋ مەكەمەسىنىڭ كادرى دۇڭ شيانجيە دە ءدال وسى ۇشاقتا ەدى. ول اۋە جولاۋشى قىزمەتكەرىنىڭ اسپا ۋكول قۇمىراسىن بيىك كوتەرىپ تۇرۋىنىڭ قولايسىز ەكەندىگىن بايقاپ، دەرەۋ بارىپ ۇشاق قىزمەتكەرىنە قۇمىرانىڭ استىندا شىعىرىق بارلىعىن ايتىپ، اۋە جولاۋشى قىزمەتكەرىنە ءجىپ تاۋىپ كەلۋگە بۇيىرادى دا ءجىپتى جولاۋشىلار بولمەسىنىڭ قالتقىسى مەن جولاۋشىلار بولمەسى اراسىنداعى ساڭلاۋدان وتكىزىپ، تاعى ەكى قۇمىرا اسپا ۋكول قۇمىراسىن شىعىرىقتان وتكىزىپ ءىلىپ، اسپا ۋكول قۇمىراسىن ورنىقتى ەتىپ اسىپ بەرەدى.

  ”كەزىندە اسكەري شيپاگەر بولعانمىن، حيرۋرگيا ءبولىمىنىڭ جاۋاپتى شيپاگەرى دە بولعانمىن. مەن قارايلاسايىن“، - دەدى دۇڭ شيانجيە. 90 مينۋتتىق ۇشۋ ساپارىندا دۇڭ شيانجيە تۇتاس بارىستا بالانىڭ قاسىنان ەكى ەلى ايرىلماي قارايلاسادى.

  ۇشاق قىزمەتكەرى مەن دۇڭ شيانجيەنىڭ بىرگە قاراۋىنىڭ ارقاسىندا شياۋمايدىڭ جاعدايى باستان - اياق تۇراقتى بولادى.

  سول ساتتە تاڭ حۇيجۇڭ دا بار زەردەسىمەن ءار مينۋت - سەكۋندتى قولدان جىبەرمەي ۇرىمجىگە قاراي ۇشادى. ول جارالانعان بالانىڭ ءوزىنىڭ بالاسىمەن جاستى، وتباسى جاعدايىنىڭ تىم شىركىن - اي ەمەس ەكەندىگىن بىلگەننەن سوڭ دەرەۋ 1000 يۋان ناق اقشا الىپ شىعىپ، ۇشاق قىزمەتكەرى ارقىلى بالانىڭ ءۇي ىشىندەگىلەرگە تابىس ەتەدى، ۇشاق قىزمەتكەرلەرى دە تۇس - تۇستان قالتالارىنداعى ناق اقشالارىن جىلۋعا اتاي باستايدى. بالانىڭ جاقىندارى قىستىعا، اۋىز جاپپاي: ”راقىمەت سىزدەرگە!“ - دەۋمەن بولادى.

  ۇرىمجىدەن شالعايداعى وڭتۇستىك اۆياتسيا GOC (جۇمىس باسىندىق اينالىم ورتالىعى) زالىنداعى كەزەكشى قىزمەتكەرلەر ءۇرىمجى ديوپۋ حالىقارالىق اۋەجايىنا قوناتىن كەزەكشى ۇشاقتاردىڭ قونۋ ۋاقىتىن جانە ۇشاق توقتاتۋ ورنىن سايكەستىرۋگە شۇعىل دايىندالادى. بايلانىس جاساۋ ارقىلى اۋەجاي 20 مينۋت كەشىكتىرىلىپ، كەزەكشى ۇشاق قونعاننان كەيىن بەكىتىلەتىن بولادى؛ بۇرىنعى جوسپارداعى ۇشاق توقتاتۋ ورنى قاناتتاس 1 - ءنومىرلى جول اۋزىنا سايكەستىرىلىپ وزگەرتىلىپ، ناۋقاستىڭ التىن ۋاقىتتا ۇشاقتان ءتۇسىپ ەمدەلۋىنە كەپىلدىك ەتتى.

  5 - ايدىڭ 1 - كۇنى بىردەن 36 مينۋت وتكەندە كەزەكشى ۇشاق ءۇرىمجى حالىقارالىق اۋەجايىنا ءساتتى قونادى. تاڭ حۇيجۇڭ ساعاتىنا ءبىر قارادى دا تەرەڭ تىنىستاپ: ”15 مينۋت بۇرىن جەتكەن ەكەنبىز“، - دەدى.

  ”سىزدەردىڭ تۇسىنگەندەرىڭىزگە جانە سايكەسكەندەرىڭىزگە راقىمەت، بىزبەن بىرگە ۋاقىتپەن جارىسىپ، ومىرگە اراشا بولعاندارىڭىزعا راقىمەت“، - دەدى جولاۋشىلارعا بالانى ءساتتى جەتكىزىپ، ۇشاقتان تۇسىرگەننەن كەيىن جاۋ يان راديودا.

  ءسال جىم - جىرتتىقتان سوڭ جولاۋشىلار بولمەسىن شاتىرلاعان شاپالاق ءۇنى كەرنەدى.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار