بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

”قوس شوعىرلاندىرۋ“ ”قارتتار مەن بالالاردىڭ“ باقىتىنا سايا بولدى

□ انار بۇلت / شينجياڭ گازەتىنىڭ ءتىلشىسى لي لين

2021.05.06 16:57     كەلۋ قاينارى : شينجياڭ گازەتى

  5 - ايدىڭ 2 - كۇنى كۇن قاراقاش اۋدانىنىڭ ورتالىق قارتتار كۇتىمحاناسىنا جايدارى شۋاعىن توگىپ تۇر. بۇل جەردە تۇراتىن قارتتاردىڭ كوبى ەرەكشە قيىنشىلىق سەبەبىنەن باعىپ - قاعىلاتىندار، شوعىرلى باعىپ - قاعۋعا الىنعان سوڭ، ولاردىڭ تۇرمىس ساپالارى جوعارىلاپ، ءار كۇنى جادىراپ - جايناپ جۇرەتىن بولدى. بۇنىڭ بارلىعى رايونىمىز ورىستەتكەن ”قوس شوعىرلاندىرۋ“ قىزمەتىنىڭ ارقاسى.

  2017 - جىلدىڭ باسىندا اۆتونوميالى رايوندىق حالىق ۇكىمەتى «”بەستە قامتاماسىز ەتىلەتىن“ قارتتاردى شوعىرلى باعىپ - قاعۋ جانە جەتىم بالالاردى شوعىرلى باعۋعا الۋ ءتۇزىمىن جاپپاي ورناتۋ جونىندەگى اتقارۋ پىكىرىن» جاريالادى. 2020 - جىلدىڭ سوڭىنا دەيىن رايونىمىزدا شوعىرلى باعىپ - قاعۋدا بولۋ نيەتى بار ”بەستە قامتاماسىز ەتىلەتىن“ قارتتاردى شوعىرلى باعىپ - قاعۋ مولشەرى %100كە، جەتىم بالالاردى شوعىرلى باعۋعا الۋ مولشەرى %100كە جەتتى.

  ”قوس شوعىرلاندىرۋ“ قىزمەتىنىڭ جۇرگىزىلۋى قيىنشىلىعى بار قاۋىمنىڭ ىشىندەگى ”قارت پەن بالانىڭ“ ماسەلەسىن ءونىمدى شەشتى. كاسىبي قارايلاسۋ قىزمەتىنە قول جەتكىزگەن ”قارتتار مەن بالالار“ جىلى شۋاقتى، ساپالى تۇرمىس وتكىزدى.

تۇرمىستىڭ زەينەتىن كورىپ، رۋحاني كەلبەتى جاڭاردى

  ”پارتيانىڭ ابزال ساياساتىنا العىس، ءبىز سوڭعى ءومىرىمىزدى باقىتتى وتكىزىپ جاتىرمىز“. 5 - ايدىڭ 1 - كۇنى جەمسارى اۋدانى دايوۋ قالاشىعىنىڭ قىستاق تۇرعىنى ۋ دىشياڭ قۋانىشپەن: جەمسارى اۋدانىنداعى قوعامدىق يگىلىك باسقارۋ ورتالىعىنا كەلگەننەن كەيىن، ىشەر اس، كيەر كيىمنەن الاڭسىز بولۋمەن قاتار، اۋرۋ كورسەتىپ، ءدارى ىشۋىمە دە قولايلىلىق جاسالدى، - دەدى.

  اۋىر جۇرەك اۋرۋىنا شالدىققان ۋ دىشياڭ جۇبايىمەن بىرگە ءبىر - بىرىنە سۇيەنىپ كۇنەلتىپ كەلە جاتقان بولاتىن. اۋداندىق قوعامدىق يگىلىك باسقارۋ ورتالىعىنا كەلگەننەن كەيىن باسقارۋ ورتالىعى قاريانىڭ دەنساۋلىق جاعدايى بويىنشا، ءار كۇنگى 3 ۋاق تاماقتى عىلمي، مايەكتى دايىنداپ بەردى. ءبىر ايعا جەتپەي، ول ءوزىنىڭ اياعىنا كۇش بىتكەنىن سەزدى، كەمپىرى دە وعان ءوڭ - رەتىڭ جاقسى بولىپ كەتىپتى دەدى. بيىل 3 - ايدىڭ 8 - كۇنى ۋ دىشياڭ 80 جاسقا تولعاندا، باسقارۋ ورتالىعى 3 - ايدا تۋعان قارتتارعا توپتىق تۋعان كۇن وتكىزىپ بەردى. تۋعان كۇن تورتىن كورىپ، يگى تىلەك سوزدەردى ەستىگەن ۋ دىشياڭ جادىراپ - جايناپ، ۇلكەن شاڭىراقتىڭ جىلۋىن سەزىندى.

  جەمسارى اۋدانى ارگۇڭ قالاشىعىنىڭ قىستاق تۇرعىنى، 81 جاستاعى ساۋ حاييىڭ شوعىرلى باعىپ - قاعۋداعى تۇرمىستى اۋىز جاپپاي القايدى. بۇل جەردە قىستا جىلىتقىش پار، جازدا سالقىن سامال بار، تۇرمىستىق بۇيىمداردىڭ نە كەرەگىنىڭ ءبارى تابىلادى، تاماعىڭدى جاساپ، كىرىڭدى جۋىپ بەرەتىن ادام بار، اي سايىن قارتتارعا بەرىلەتىن جاردەماقى الىپ وتىرامىز، شىنىندا، باقىت باقشاسىندا تۇرىپ جاتىرمىز، - دەيدى ول.

  ”بۇكىل اۋداندا وسىندا تۇرۋعا نيەتتى، ەرەكشە قيىنشىلىعى بار قارتتار تۇگەلدەي شوعىرلى باعىپ - قاعۋعا الىندى، تۇرمىس قاراجاتتارىن تۇگەلدەي قازىنا كوتەرىپ وتىر“. جەمسارى اۋدانى قوعامدىق يگىلىك باسقارۋ ورتالىعىنىڭ مەڭگەرۋشىسى شى چيڭشيۋدىڭ تانىستىرۋىنشا، ەرەكشە قيىنشىلىعى بار قارتتار، وتە - موتە، ءوزىن مەڭگەرۋ قابىلەتىنەن ايرىلعان نەمەسە جارتىلاي ايرىلعان قارتتار ءۇي كۇتىمىندە بولسا، كاسىبي قىزمەت وتەۋ جاعى بولسىن، الدە تۇرمىستىق شارت - جاعدايى بولسىن، بارلىعى دەرلىكتەي بولمايدى، يگىلىك قۇرىلىمدارىنداعى شوعىرلى باعىپ - قاعۋعا كەلگەن سوڭ، ءبىراز ۋاقىت دەن قويا كۇتىم جاسالعاننان كەيىن، ولاردىڭ دەنساۋلىقتارى مەن رۋحاني كۇيى تۇگەلدەي ايتارلىقتاي جاقسارادى ەكەن.

  تۇرمىستا ءوزىن مەڭگەرۋ قابىلەتىنەن ايرىلعان ەرەكشە قيىنشىلىعى بار قارتتار قوعامداعى ەڭ ءالسىز قاۋىمداردىڭ ءبىرى. باسقارۋ ورتالىعىنداعى كۇتىمدەۋ قىزمەتكەرلەرى وسى قارتتاردىڭ اۋزىنا سۋ، تاماق توسەپ، تۇرمىستا جان - جاقتى قامقورلىق جاسايدى. قارتتاردىڭ كۇندەلىكتى ءومىرىن بايىتۋ ءۇشىن، باسقارۋ ورتالىعى تاعى دەنە شىنىقتىرۋ اسپاپتارى، قيمىل ءۇيى، كىتاپحانا سياقتىلارمەن جابدىقتالعان، قارتتار ۇنەمى بىرگە دەنە شىنىقتىرىپ، ءان ايتىپ، ءبي بيلەپ، تەلەۆيزور كورىپ، راديو تىڭداپ، جىلى مەيىر مەن قىزۋ دۋمان قۇشاعىندا ءومىر سۇرەدى.

سابىرلى، ەگجەي - تەگجەيلى قىزمەت وتەپ، جالپى بارىستا ەمدەۋمەن جانە باعىپ - قاعۋمەن قامتاماسىز ەتتى

  5 - ايدىڭ 2 - كۇنى قاراقاش اۋدانىنداعى ورتالىق قارتتار كۇتىمحاناسىندا بولمەنىڭ اپپاق تامدارىنا، رەتتى توسەك ورنىنا قاراپ وتىرىپ، مامەتنياز رايىمنىڭ كوڭىل كوكجيەگى دە نۇرلانىپ سالا بەردى.

  مامەتنيازدىڭ ايتۋىنشا، 4 - ايدىڭ باسىندا ونىڭ كوزى كەنەت كورمەي قالىپتى، ورتالىق قارتتار كۇتىمحاناسىنداعى دارىگەرلەردىڭ دەن قويا ەمدەۋى بولماسا، كوز الدىنداعى كوركەم ءومىردى ول ەندىگارى كورە الماۋى مۇمكىن ەدى. ”قارتتار ۇيىندە اۋرۋ كورسەتە المايتىن، ەمحانا قارتتاردى باعىپ - قاعا المايتىن“ قيىن ماسەلەنى شەشۋ ءۇشىن، قاراقاش اۋداندىق ورتالىق قارتتار كۇتىمحاناسى ەمدەۋ مەن باعىپ - قاعۋدى بىرلەستىرىپ قىزمەت وتەۋدىڭ جاڭا ۇلگىسى جونىندە بەلسەنە ىزدەنىس جاساپ، قارتتار كۇتىمحاناسى پايدالانۋعا بەرىلگەن كەزدەن - اق قاراقاش اۋداندىق ۇيعۇر شيپاگەرلىگى ەمحاناسىمەن سەلبەسىپ، قارتتار كۇتىمحاناسىنان جالپىلىق اۋرۋلار ءبولىمىن اشىپ، 21 مەديتسينالىق قىزمەتكەر ورنالاستىرىپ، ءدارىحانا، ءدارى دايىنداۋ بولمەسى، پسيحيكالىق كەڭەس بولمەسى، دەنساۋلىقتى قالپىنا كەلتىرۋ اسپاپتار ءۇيى، بالنيتسا سياقتىلاردى اشىپ، قارتتارعا دەنساۋلىق ساقتاۋ جانە دەنساۋلىق كۇتىمدەۋ، پسيحيكالىق سالاماتتىق كەڭەس بەرۋ، ەمدەۋ، قالپىنا كەلتىرۋ، كۇتىمدەۋ سياقتى قىزمەتتەر ۇسىنعان. ساناق بويىنشا، 2021 - جىلدان بەرى اتالعان ورتالىق قارتتار كۇتىمحاناسىندا شوعىرلى باعىپ - قاعىلعان قارتتار 260 ادام (رەت) ەم قابىلداعان، 1174 ادام (رەت) قالپىنا كەلتىرۋ بويىنشا ەم قابىلداعان، ەمدەۋ اقىسى %100 ەسەپتەن كوتەرىلگەن.

  ءجۇرىس - تۇرىسى قولايسىز قارتتاردىڭ كۇندەلىكتى تۇرمىسى اناعۇرلىم قولايلى، اناعۇرلىم حاۋىپسىز بولۋ ءۇشىن، قاراقاش اۋداندىق ورتالىق قارتتار كۇتىمحاناسى بارلىق بولمەگە توت باسپايتىن بولات جاقتاۋ ورناتىپ، شاقىرعىش اسپاپ ورنالاستىرعان، شۇعىل جاعداي بولا قالسا، قىزمەتكەرلەر دەرەۋ جەتىپ كەلەدى. اۋاتحان اسەن ءوزىن مەڭگەرۋ قابىلەتىنەن جارتىلاي ايرىلعان كۇتىمدەلۋشى. كۇتىمدەۋشى قىزمەتكەرلەر وعان ايرىقشا كوڭىل ءبولىپ، ءار كۇنى ونى كيىندىرىپ، شاشىن تاراپ، جۋىندىرىپ، قان قىسىمىن ولشەپ تۇرادى.

  ۇعىسۋىمىزشا، رايونىمىزداعى ءار دارەجەلى قارتتار كۇتىمحاناسىنىڭ بارلىعىندا ەمدەۋ ءۇيى بار، تۇماۋ - سىماۋ سياقتى جاي اۋرۋلارعا دەر كەزىندە ەمدەۋ - كۇتىمدەۋ قىزمەتىن ۇسىنا الادى ەكەن؛ سونداي - اق جاقىن ماڭداعى مەديتسينالىق بايلىقتارمەن بايلانىس ورناتىپ، ناۋقاستاردىڭ دەر كەزىندە ەمدەلۋىنە، قۇتقارىلۋىنا شىنايى كەپىلدىك ەتىپ، ”قارتايعاندا باعىپ - قاعاتىن ورنى بولۋ، اۋىرسا ەمدەلە الۋ، ءوزىن مەڭگەرۋ قابىلەتىنەن ايرىلسا كۇتىمدەلە الۋ“ بارىسىندا سوڭعى ومىرلەرىن الاڭسىز وتكىزۋىنە مۇمكىندىك جاساعان.

قامقورلىق جۇرەككە ۇيالاپ، سالاماتتى ءوسىپ - جەتىلۋدىڭ قورعانى بولدى

  ىلە قازاق اۆتونوميالى وبلىسى يگىلىك ورنىنىڭ جەتىم بالالار بولىمىنە بارساڭىز، دۋماندى ۇلكەن شاڭىراققا كىرگەندەي بولاسىز: بالالاردىڭ كەيبىرى ويىن ويناپ، كەيبىرى قىزمەتكەرلەردىڭ جەتەكشىلىگىندە ساباق تەكسىن داۋىستاپ وقىپ جاتىر. ۇلكەنى 10 نەشە جاستاعى، كىشىسى 5 جاستاعى ولاردىڭ بارلىعىنىڭ كيىمدەرى رەتتى دە تازا، جۇزدەرى قۋانىشتان بال - بۇل جاينايدى.

  كۇتىمدەۋشى قىزمەتكەر ساۋلە شايمارداننىڭ پاتنوس كوتەرىپ كىرىپ كەلە جاتقانىن كورگەن بالالار جابىلا جۇگىرىپ قورشاي الىستى. ساۋلە پراندىكتەردى تاپ - تازا جۋىلعان بالدىرعان قولدارعا ۇلەستىرىپ جاتتى. بالالارعا پراندىك جاساپ بەرۋ ساۋلەنىڭ ولارمەن قارىم - قاتىناس جاساۋ ءتاسىلى ەكەن. ساۋلەنىڭ ايتۋىنشا، شوعىرلى باعۋعا الىنعان جەتىم بالالار يگىلىك ورنىنا العاش كەلگەندە باسقالارمەن سويلەسكىسى كەلمەيدى، سوندىقتان الدىمەن ولاردىڭ مىنەزىن، اۋەسىن بىلگەننەن كەيىن عانا، بالالاردىڭ جۇرەك تەرەزەسىن بىرتىندەپ اشۋعا بولادى ەكەن. اۋا رايى جاقسى كەزدە ول بالالارمەن بىرگە سەيىلدەپ، كوك اسپانعا، اقشا بۇلتتارعا كوز سالىپ، قىزىل - جاسىل گۇل - شوپتەردى تاماشالايدى. توسەكتەن تۇرا المايتىن بالالار كوپ ۋاقىت ۇيدە جاتىپ، ءىش قۇستا بولماسىن دەپ، ساۋلە ولارمەن اڭگىمەلەسىپ، كوڭىلدەرىن سەرگىتەدى. رايونىمىزداعى ءارقايسى بالالار يگىلىك قۇرىلىمدارىنداعى ساۋلە سياقتى قىزمەتكەرلەردىڭ بارلىعى جەتىم بالالارعا شىنايى سۇيىسپەنشىلىك، شىن مەيىرمەن كاسىبي قىزمەت وتەپ، ايالى الاقاندارىمەن بالالاردىڭ باقىتتى بالالىق شاعىنا سايا بولۋدا.

  اۆتونوميالى رايوندىق حالىق ىستەرى مەڭگەرمەسى قوعامدىق قۇتقارۋ - كومەكتەسۋ مەكەمەسىنىڭ قاتىستى جاۋاپتىسىنىڭ تانىستىرۋىنشا، ”قوس شوعىرلاندىرۋ“ ءىسىن ىلگەرىلەتۋ بارىسىندا، رايونىمىز ساياساتتىق جاقتان قامتاماسىز ەتۋدى ۇزدىكسىز كۇشەيتىپ، الەۋمەتتىك قىزمەت وتەۋ جۇيەسىن كەمەلدەندىرگەن، ناتيجەسىندە باعۋعا الىنعان وبيەكتىلەردىڭ نەگىزگى تۇرمىس ولشەمدەرى جىل سايىن جوعارىلاعان. بىلتىر رايونىمىز ەرەكشە قيىنشىلىعى بار ادامدارعا قارايلاسۋعا، ولاردى كۇتىمدەۋگە بەرىلەتىن جاردەماقى قارجىسىنان جانە ”قوس شوعىرلاندىرۋ“ نىسانى قۇرىلىسى قارجىسىنان 160 ميلليون يۋان ورنالاستىرىپ، قارتتاردى باعىپ - قاعۋ، بالالار يگىلىگى قۇرىلىمدارىنىڭ سايكەستى قۇرىلعىلارىن جاڭالاپ، قۇرىلىمداردىڭ قىزمەت وتەۋ دەڭگەيىن ءونىمدى جوعارىلاتقان؛ بيىل اۋىل - قىستاقتا شوعىرلى باعىپ - قاعىلاتىن ەرەكشە قيىنشىلىعى بار ادامداردىڭ نەگىزگى تۇرمىس ولشەمىن ايىنا 800 يۋاننان جوعارى دەڭگەيگە دەيىن، يگىلىك قۇرىلىمدارى باعۋعا العان جەتىم بالالاردىڭ نەگىزگى تۇرمىسىن قامتاماسىز ەتۋ ولشەمىن ايىنا 1250 يۋانعا دەيىن كوتەرگەن.

  جىلۋ مەن مەيىرگە تولى كورىكتى قونىس ورتاسى، مايەكتى دە ءدامدى 3 ۋاق تاماق، جان - جاقتى، ەگجەي - تەگجەيلى كۇتىمدەپ قىزمەت وتەۋ... قازىرگى تاڭدا ”قوس شوعىرلاندىرۋ“ ”قارتتار مەن بالالاردىڭ“ كوك اسپانىنىڭ كوكجيەگىن كەڭەيتىپ، جۇزدەرىنەن كوڭىل تۇكپىرلەرىنەن كوتەرىلگەن باقىت كۇلكىسى ەسۋدە.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار