شي جينپيڭ كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، مەملەكەت ءتوراعاسى دياس - كانەلمەن تەلەفوندا سويلەستى
2021.05.07 15:01 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 6 - كۇنى، بەيجيڭ. 5 - ايدىڭ 6 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، مەملەكەت ءتوراعاسى دياس - كانەلمەن تەلەفوندا سويلەستى.
شي جينپيڭ جۇڭگو كوممۋنيستىك پارتياسى مەن جۇڭگو حالقى اتىنان كۋبا كوممۋنيستىك پارتياسىنىڭ مەملەكەتتىك 8 - قۇرىلتايىنىڭ تابىسپەن اشىلعانىن جانە دياس - كانەلدىڭ كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى بولىپ سايلانعانىن تاعى ءبىر رەت قۇتتىقتادى. شي جينپيڭ مىنانى ءبىلدىردى: كۋبا كوممۋنيستىك پارتياسىنىڭ 8 - قۇرىلتايى قازىرگى جانە بۇدان بىلايعى ءبىر مەزگىلدەگى كۋبا پارتياسى مەن مەملەكەت ىستەرىنىڭ دامۋى جونىندە ستراتەگيالىق جوبا جانە ورنالاستىرۋ جاسادى، بۇل كۋبانىڭ سوتسياليزم ىستەرى جونىنەن كەلەلى ماڭىزعا يە. دياس - كانەل ءبىرىنشى شۋجي جولداس باستاعان جاڭا كەزەكتى كۋبا كوممۋنيستىك پارتياسى ورتالىق كوميتەتىنىڭ باسشىلىعىندا كۋبا پارتياسى مەن ۇكىمەتىنىڭ كۋبا حالقىن باستاپ ىنتىماقتاسا كۇرەس جۇرگىزىپ، كۋباشا سوتسياليزم ىستەرىندە تىڭ تابىستارعا قول جەتكىزەتىنىنە سەنەمىن. شي جينپيڭ دياس – كانەل ارقىلى راۋل كاسترو جولداسقا ىقىلاستى سالەم جولدادى.
شي جينپيڭ بىلاي دەپ اتاپ كورسەتتى: جۇڭگو مەن كۋبا ابزال دوس، جاقسى جولداس، تاتۋ باۋىرلاس، ورتاق مۇرات - سەنىم ءبىزدى تىعىز بايلانىستىردى. تاياۋ جىلداردان بەرى مەن سىزبەن جاڭا داۋىردەگى جۇڭگو - كۋبا قاتىناسىنىڭ دامۋى جونىندە كوپتەگەن ورتاق تانىمعا كەلىپ، ەكى ەل قاتىناسىنىڭ تىڭ دامۋشىلىقتارعا قول جەتكىزۋىن ىلگەرىلەتتىم. بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى جانە جۇڭگونىڭ «14 – بەسجىلدىق» جوبانى اتقارىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاعان جىلى، سونداي - اق فيدەل كاسترونىڭ كۋبا توڭكەرىسىنىڭ سوتسياليستىك سيپاتقا يە ەكەنىن جاريالاعانىنىڭ 60 جىلدىعى جانە كۋبانىڭ ەكونوميكالىق، قوعامدىق ۇلگىنى جاڭالاۋدى ۇزدىكسىز ىلگەرىلەتىپ، گۇلدەنىپ - كوركەيگەن، باياندى سوتسياليستىك مەملەكەت قۇرۋدا ماڭىزدى قادام تاستاعان ءبىر جىلى. جاڭا جاعدايدا مەن سىزبەن جۇڭگو - كۋبا قاتىناسىنىڭ دامۋ بەتالىسىنا جەتەكشىلىك ەتۋدى كۇشەيتىپ، جۇڭگو - كۋبا دوستىق قاتىناسىن بەكەمدەپ جانە دامىتىپ، سوتسياليزم ىستەرىنە بىرگە تىڭ ءورىس اشىپ، تىڭ ۇلەس قوسۋدى قالايمىن. جۇڭگو كوممۋنيستىك پارتياسى كۋبا كوممۋنيستىك پارتياسىمەن كەلەلى نازاريالىق جانە امالياتتىق ماسەلەلەر جونىندەگى اۋىس - كۇيىستى، تالقىنى كۇشەيتۋدى قالايدى. ءبىز «ءبىر بەلدەۋ، ءبىر جولدى» بىرگە قۇرۋدى وراي ەتىپ، ەكى جاقتىڭ ءار سالاداعى ناقتى سەلبەستىگىن ورنىقتى ىلگەرىلەتۋدى قالايمىز. جۇڭگو كۋبامەن كەلەلى حالىقارالىق جانە وڭىرلىك ماسەلەلەردە تىعىز پىكىرلەسۋ مەن سايكەسۋدى ساقتاپ، دۇنيە ءجۇزىنىڭ بەيبىتشىلىگىن، ادىلدىگىن باتىل قورعايدى. جۇڭگو كۋبانىڭ مەملەكەتتىڭ يەلىك ۇقىعى مەن تاۋەلسىزدىگىن قورعاۋىن، ءوز ەلىنىڭ مەملەكەت جاعدايىنا ۇيلەسەتىن سوتسياليزم جولىمەن ءجۇرۋىن، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتۋىن بۇرىنعىداي قولدايدى.
دياس - كانەل راۋل كاسترونىڭ شي جينپيڭگە دەگەن ىزگى تىلەگىن جەتكىزدى، كۋبا كوممۋنيستىك پارتياسى 8 - قۇرىلتايىنىڭ قاتىستى جاعدايلارىن ءتۇيىندى تۇردە حابارلاندىرىپ، مىنالاردى ءبىلدىردى: كۋبا كوممۋنيستىك پارتياسىنىڭ 8 - قۇرىلتايىندا كۋبا ەكونوميكاسىنىڭ دامۋى، كۋبا كوممۋنيستىك پارتياسىنىڭ پارتيا قۇرىلىسى جانە كادرلار ساياساتى سياقتى ماسەلەلەر شوعىرلى تالقىلانىپ، كۋبانىڭ ەكونوميكالىق، قوعامدىق ۇلگىسىنىڭ جاڭالانۋى ءۇشىن جاڭا جوسپار جانە ساياسات شىعارىلىپ، كۋبانىڭ سوتسياليزم جولىمەن جۇرۋدە تاباندى بولۋ سەنىمى بەكەمدەلدى.
دياس - كانەل جۇڭگو كوممۋنيستىك پارتياسىنىڭ 100 جىلدان بەرى جۇڭگو حالقىنا باسشىلىق ەتىپ قول جەتكىزگەن تاريحي تابىستارىن، اسىرەسە، شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ باسشىلىعىندا، جۇڭگونىڭ سوتسياليستىك وسىزاماندانعان مەملەكەت قۇرۋدا قول جەتكىزگەن وراسان زور تابىستارىن جوعارى باعالاپ، شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ باسشىلىعىندا، جۇڭگونىڭ، ءسوز جوق، اناعۇرلىم زور تابىستارعا قول جەتكىزەتىنىنە كامىل سەنىم ءبىلدىردى. دياس - كانەل جۇڭگونىڭ ۇزاق ۋاقىتتان بەرى كۋبانىڭ ادىلەت ىستەرىن باتىل قولداعانىنا، ونىڭ ىشىندە كۋبانىڭ جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسىنە دەر كەزىندە كومەكتەسكەنىنە العىس ايتىپ، مىنانى ءبىلدىردى: كۋبا ءبىر جۇڭگو ساياساتىن باتىل قولداپ، جۇڭگونىڭ ىشكى ىسىنە كيلىگەتىن بارلىق ارەكەتكە قارسى تۇرادى. كۋبا كوممۋنيستىك پارتياسى جۇڭگو كوممۋنيستىك پارتياسىمەن ەل باسقارۋ تاجىريبەلەرىن اۋىستىرۋدى كۇشەيتىپ، كۋبا - جۇڭگو ەكونوميكا - ساۋدا ارالاسپا كوميتەتى سياقتى مەحانيزمدەردەن ويداعىداي پايدالانىپ، «ءبىر بەلدەۋ، ءبىر جولدى» بىرگە قۇرۋ سياقتى سالالارداعى ناقتى سەلبەستىكتى جەبەپ، ەكى پارتيا، ەكى ەل قاتىناسىنىڭ ۇزدىكسىز دامۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
