شي جينپيڭ تۇركىمەنستاننىڭ زۇڭتۇڭى بەردىمۇحامەتوۆپەن تەلەفوندا سويلەستى
2021.05.07 15:04 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 6 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 6 - كۇنى كەشتە تۇركىمەنستاننىڭ زۇڭتۇڭى بەردىمۇحامەتوۆپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن تۇركىمەنستان ديپلوماتيالىق قاتىناس ورناتقاننان بەرى ەكى ەل قاتىناسى كوپتەگەن «بىرىنشىلىكتى» جاراتتى، ەكى ەل تاماشا ستراتەگيالىق سەرىكتەر سانالادى. جۇڭگو مەن تۇركىمەنستان سەلبەستىگى ەكى ەل باسشىلارىنىڭ جانە ەكى ەل حالىقتارىنىڭ جۇرەك قانى مەن اقىل - پاراساتىن ۇيىستىردى، بۇل ەكى جاقتىڭ بارىنشا قاستەرلەۋىنە تاتيدى. بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى، سونداي - اق تۇركىمەنستاننىڭ تاۋەلسىزدىك العانىنىڭ 30 جىلدىعى، كەلەر جىلى ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن قارسى الامىز. ەكى جاق ورايدى مىقتى يگەرىپ، سەلبەستىكتى جاپپاي كەڭەيتىپ، ەكى ەل سەلبەستىگىنە تىڭ ومىرشەڭدىك كۇش قوسىپ، جۇڭگو مەن تۇركىمەنستاننىڭ ستراتەگيالىق سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتىپ، ەكى ەلدىڭ دامۋىنا، گۇلدەنۋىنە پارمەندى دەم بەرۋى كەرەك.
شي جينپيڭ بىلاي دەپ دارىپتەدى: تابيعي گاز سەلبەستىگى − جۇڭگو - تۇركىمەنستان قاتىناسىنىڭ ءوزارا تيىمدىلىك جەتكىزىپ، تەڭ يگىلىككە كەنەلۋىنىڭ ايقىن بەينەسى. جۇڭگو جۇڭگو - تۇركىمەنستان قاتىناسىنا ستراتەگيالىق جانە ۇزاق بولاشاقتىق تۇرعىدان مامىلە جاسايدى، تۇركىمەنستانمەن ۇزاق بولاشاقتى كوزدە ۇستاپ، بولاشاققا بەت الىپ، تابيعي گاز سياقتى ەنەرگيا سەلبەستىگىن كۇشەيتۋدى، سونىمەن بىرگە، باسقا سالالارداعى سەلبەستىكتى كۇش سالا كەڭەيتىپ، تۇركمەنستاننىڭ اناعۇرلىم كوپ ساپالى ونىمدەرىن يمپورت ەتىپ، ەكى ەلدىڭ ساۋدا قۇرىلىمىن ساپالىلاندىرىپ، بايلانىستىرۋ - تۇتاستىرۋ سەلبەستىگىن تەرەڭدەتىپ، سيفرلى كاسىپ، اۆياتسيا، عارىش سياقتى سالالارداعى سەلبەستىكتى كەڭەيتۋدى قالايدى. جۇڭگو تۇركىمەنستانمەن جۇڭگونىڭ ءىرى بازارى الا كەلگەن ورايدان تەڭ يگىلىكتەنىپ، ەكى ەلدىڭ بىرگە دامۋىن، گۇلدەنۋىن جۇزەگە اسىرۋدى قالايدى.
شي جينپيڭ بىلاي دەپ اتاپ كورسەتتى: جۇڭگو مەن تۇركىمەنستان جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جاعىندا ءبىر جاعادان باس، ءبىر جەڭنەن قول شىعارىپ، قيىنشىلىقتى بىرگە جەڭىپ، دۇنيە ءجۇزىنىڭ ىندەتكە قارسى اتتانۋىنا ماڭىزدى ۇلەس قوستى. قازىر بۇكىل دۇنيە جۇزىندەگى ىندەت جاعدايى ءالى دە جاقسى ەمەس، ۆاكسينا − ىندەتكە توتەپ بەرۋدىڭ ءونىمدى قالتقىسى. جۇڭگو تۇركىمەنستانمەن ىندەتكە قارسى اتتانۋ، اسىرەسە، ۆاكسينا سەلبەستىگىن ۇزدىكسىز ورىستەتىپ، حالىقتىڭ باس اماندىعى مەن دەنساۋلىعىن بىرگە قورعاپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋگە پەيىل.
بەردىمۇحامەتوۆ مىنانى ءبىلدىردى: قازىر تۇركىمەنستان - جۇڭگو قاتىناسى جان - جاقتى، ىشكەرىلەي دامۋدا. تۇركىمەنستان جۇڭگونىڭ تۇركىمەنستاننىڭ ماڭگىلىك بەيتاراپ تۇرۋ ساياساتىن جۇرگىزۋىن قولداعانىنا العىس ايتادى، جۇڭگونىڭ دۇنيە ءجۇزىنىڭ بەيبىتشىلىگىن، حاۋىپسىزدىگىن، ورنىقتىلىعىن قورعاۋ، سونداي - اق ءار ەلدىڭ بىرگە دامۋىن، گۇلدەنۋىن جەبەۋ جولىندا كورسەتكەن بەلسەندى قۇلشىنىستارىن القايدى. تۇركىمەنستان جۇڭگومەن تەرەڭ دوستىققا ايرىقشا ءمان بەرەدى ءارى ونى قاستەرلەيدى، وسكەلەڭ سەنىمدىلىك رۋحى بويىنشا، جۇڭگومەن ۇزدىكسىز ءوزارا قولداۋ كورسەتىپ، كومەسكى كۇشتەردى ونان ارى اشىپ، تابيعي گاز، ەكونوميكا - ساۋدا، شەكارا اتتاعان تاسىمال، ەمدەۋ - دەنساۋلىق ساقتاۋ سياقتى سالالارداعى ناقتى سەلبەستىكتى كۇشەيتىپ، گۋمانيتارلىق اۋىس - كۇيىستى تەرەڭدەتۋدى قالايدى. جۇڭگو جاقتىڭ تۇركىمەنستاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قاستەرلى كومەك كورسەتكەنىنە العىس ايتامىز، جۇڭگومەن ىندەتكە قارسى اتتانۋ سەلبەستىگىن كۇشەيتۋدى ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
