شي جينپيڭ ب م ۇ - نىڭ باس حاتشىسى گۋتتەرەسپەن تەلەفوندا سويلەستى
2021.05.07 15:06 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 6 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 6 - كۇنى كەشتە ب م ۇ - نىڭ باس حاتشىسى گۋتتەرەسپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: وسى بىرنەشە جىلدا ب م ۇ سيرەك كەزدەسەتىن كۇردەلى جاعدايدى باستان كەشىردى، ءبىراق كوپ جاقتىلىق وسى سەبەپتى بارعان سايىن كوپ قولداۋعا يە بولدى. كوپ جاقتىلىق بىرلەسكەن مەملەكەتتەر ۇيىمىنان، حالىقارالىق زاڭنان، سونداي - اق ءار ەلدىڭ سەلبەستىگىنەن ايرىلا المايدى. دۇنيە ءجۇزى ناعىز كوپ جاقتىلىققا مۇقتاج. ءار ەل ب م ۇ ەرەجەسىنىڭ تۇپكى ماقساتى مەن پرينسيبى بويىنشا ءىس ىستەۋى كەرەك، سىڭار جاقتىلىققا، زورەكەرلىككە سالىنۋعا بولمايدى، كوپ جاقتىلىقتى جەلەۋ ەتىپ شاعىن شەڭبەر قالىپتاستىرىپ، يدەولوگيالىق جاقتان قارسىلاسۋعا بولمايدى. جۇڭگو ب م ۇ – نىڭ جانە باس حاتشى گۋتتەرەستىڭ قىزمەتىن ۇزدىكسىز قولداپ، ناعىز كوپ جاقتىلىقتى قورعايدى.
شي جينپيڭ بىلاي دەپ دارىپتەدى: قازىرگى حالىقارالىق قوعامنىڭ ەڭ ماڭىزدى مىندەتى ءالى دە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ. دۇنيە ءجۇزى سەلبەستىكتى كۇشەيتۋى، ساياسي الاياقتىق ىستەمەۋى كەرەك. ءىرى ەلدەر ونەگە بولىپ، اناعۇرلىم كوپ الەۋمەتتىك ونىمدەرمەن قامداۋى كەرەك. جۇڭگو وركەندەپ كەلە جاتقان 80 نەشە ەلگە ارت - ارتىنان ۆاكسينا بەرىپ كومەكتەسىپ، 50 نەشە مەملەكەتكە ۆاكسينا ەكسپورت ەتتى. جۇڭگو ب م ۇ - نىڭ بەيبىتشىلىكتى قورعاۋ ارەكەتى مەن حالىقارالىق وليمپيادا كوميتەتىن ۆاكسينامەن قامداۋدى ۇيعاردى، سونداي - اق «جاڭا تيپتى ايدارشا ۆيرۋس وكپە قابىنۋى ۆاكسيناسىن اتقارۋ جوسپارىن» ۇزدىكسىز بەلسەندىلىكپەن قولداپ، «يممۋنيتەت جىلعاسىن» جويۋعا ۇزدىكسىز قۇلشىنادى.
شي جينپيڭ بىلاي دەپ اتاپ كورسەتتى: دۇنيە ءجۇزىنىڭ كليمات وزگەرىسىنە توتەپ بەرۋى − ءىرى ءىس. جۇڭگو 2030 - جىلدان بۇرىن كومىرتەگى قوس توتىعىن ىعىستىرۋدى ەڭ جوعارى شەككە جەتكىزۋگە، 2060 - جىلدان بۇرىن كومىرتەگىن بەيتاراپتاندىرۋدى جۇزەگە اسىرۋعا كۇش سالاتىنىن جاريالادى، بۇل ۋاقىت دامىعان ەلدەر پايدالانعان ۋاقىتتان الدەقايدا قىسقا. بۇل جۇڭگونىڭ ىرىقتى ارەكەتى، ىرىقسىزدىقتان قولدانعانى ەمەس. ايتقاننان ىستەگەن ارتىق. جۇڭگو ءىس جۇزىندىك جاعدايعا ساي كليمات وزگەرىسىنە توتەپ بەرۋ ءۇشىن ەڭ زور قۇلشىنىس جاسايدى جانە ۇلەس قوسادى، ورتاق، ءبىراق پارىقتى جاۋاپكەرلىك ارقالاۋ پرينسيبى بويىنشا حالىقارالىق سەلبەستىكتى ۇزدىكسىز بەلسەندىلىكپەن ىلگەرىلەتۋدى قالايدى.
شي جينپيڭ بىلاي دەپ دارىپتەدى: جۇڭگو وركەندەپ كەلە جاتقان ەلدەر سەلبەستىگىن مۇمكىندىكتىڭ بارىنشا دامىتىپ، وركەندەپ كەلە جاتقان ەلدەرگە كومەك كورسەتتى، بۇل − جۇڭگونىڭ دايەكتى ءادىسى ءارى جۇڭگونىڭ ارقالاعان ءمورالدىق جاۋاپكەرلىگى. جۇڭگو العا قويعان كوپتەگەن دارىپتەمە، اسىرەسە، «ءبىر بەلدەۋ، ءبىر جولدى» بىرگە قۇرۋ تۇگەلدەي وسى وي نەگىزىندە العا قويىلعان. جۇڭگولىقتار ايتقانىن ورىنداپ، ءسوزىن ارەكەتىمەن كورسەتەدى.
شي جينپيڭ بىلاي دەپ اتاپ كورسەتتى: بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى، جۇڭگونىڭ كەدەيلىكتەن ارىلتۋدان قامال الۋدا جاپپاي جەڭىسكە جەتىپ، جاپپاي دوڭگەلەك داۋلەتتى قوعام قۇرۋدا كەلەلى ستراتەگيالىق جەتىستىكتەرگە قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستادى. بيىل جاڭا جۇڭگونىڭ ب م ۇ - داعى زاڭدى ورنىن قالپىنا كەلتىرگەنىنە 50 جىل تولادى، جۇڭگو سالتاناتتى ەسكە ءتۇسىرۋ قيمىلىن وتكىزەدى. جۇڭگو ب م ۇ - مەن سەلبەستىكتى كۇشەيتىپ، 2030 - جىلعا دەيىنگى باياندى دامۋ كۇن ءتارتىبىنىڭ تياناقتانۋىن ۇزدىكسىز ىلگەرىلەتۋگە پەيىل.
گۋتتەرەس جۇڭگو كوممۋنيستىك پارتياسىنىڭ 100 جىلدىق مەرەي تويىن، جاڭا جۇڭگونىڭ ب م ۇ - داعى زاڭدى ورنىن قالپىنا كەلتىرگەنىنىڭ 50 جىلدىعىن قۇتتىقتادى. ول مىنانى ءبىلدىردى: ب م ۇ جۇڭگونىڭ كەدەيلىكتەن ارىلۋ جاعىندا قول جەتكىزگەن ۇلى تابىستارىن، جۇڭگونىڭ كوپ جاقتىلىقتى باتىل قولداعانىن، ب م ۇ - نىڭ قىزمەتىن باتىل قولداعانىن، جۇڭگونىڭ دۇنيە ءجۇزىنىڭ كليمات وزگەرىسىنە توتەپ بەرۋ جونىندە جاريالاعان مەملەكەتتىڭ دەربەس ۇلەس قوسۋ نىساناسى مەن كەلەلى شارالارىن القايدى، جۇڭگونىڭ حالىقارالىق ىندەتكە قارسى تۇرۋ سەلبەستىگى، اسىرەسە، جاڭا تيپتى ايدارشا ۆيرۋس وكپە قابىنۋ ۆاكسيناسىنىڭ وركەندەپ كەلە جاتقان ەلدەرگە ءادىل ءبولىنۋىن جۇزەگە اسىرۋ جانە دۇنيە ءجۇزى ەكونوميكاسىنىڭ قالپىنا كەلۋىن، ارتۋىن ىلگەرىلەتۋ جولىندا قوسقان ماڭىزدى ۇلەسىنە العىس ايتادى. مەن ءار ەلدىڭ ب م ۇ ەرەجەسى مەن حالىقارالىق زاڭدى نەگىز ەتىپ، ناعىز كوپ جاقتىلىقتى ۇستانۋىن تولىق قۇپتايمىن. جۇڭگو حالىقارالىق كوپ جاقتى جۇيە جونىنەن توتەنشە ماڭىزدى. ب م ۇ دۇنيە ءجۇزىنىڭ بەيبىتشىلىگى مەن حاۋىپسىزدىگى، ورگانيزمدەردىڭ الۋان تۇرلىلىگىن قورعاۋ، كليمات وزگەرىسىنە توتەپ بەرۋ، وركەندەپ كەلە جاتقان ەلدەردىڭ باياندى دامۋىن جۇزەگە اسىرۋىنا كومەكتەسۋ سياقتى جاقتاردا جۇڭگومەن اناعۇرلىم تىعىز سەلبەستىك ورىستەتىپ، ب م ۇ مەن جۇڭگونىڭ قاتىناسىن تىڭ دەڭگەيگە كوتەرۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
