لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2021.05.07 15:09 كەلۋ قاينارى : حالىق تورابى
استىق ءوندىرىسىنىڭ ورنىقتى دامۋىن اناعۇرلىم جەبەپ، استىق حاۋىپسىزدىگىن قامتاماسىزداندىرۋ قۋاتىن شىنايى جوعارىلاتۋدى ورنالاستىردى؛ «جۇڭحۋا حالىق رەسپۋبليكاسىنىڭ قازىنالىق باقىلاۋ زاڭىن (وزگەرىس ەنگىزىلگەن جوبا)» ماقۇلدادى
شينحۋا اگەنتتىگى، 5 - ايدىڭ 6 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 5 - ايدىڭ 6 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، استىق ءوندىرىسىنىڭ ورنىقتى دامۋىن اناعۇرلىم جەبەپ، استىق حاۋىپسىزدىگىن قامتاماسىزداندىرۋ قۋاتىن شىنايى جوعارىلاتۋدى ورنالاستىردى؛ «جۇڭحۋا حالىق رەسپۋبليكاسىنىڭ قازىنالىق باقىلاۋ زاڭىن (وزگەرىس ەنگىزىلگەن جوبا)» ماقۇلدادى.
ءماجىلىس بىلاي دەپ اتاپ كورسەتتى: استىق حاۋىپسىزدىگىن قامتاماسىزداندىرۋ مەملەكەتتىڭ حاۋىپسىزدىگى مەن دامۋ جالپى جاعدايىنا سايادى، اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋدىڭ ماڭداي الدى مىندەتى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، تاياۋ جىلداردان بەرى جەر - جەر، قاتىستى تاراۋلار اۋىل شارۋاشىلىق ءوندىرىسىن بار كۇشپەن مىقتى يگەرىپ، استىقتان جىل سايىن مول ءونىم الىپ، ماڭىزدى اۋىل شارۋاشىلىق ونىمدەرىمەن قامداۋ جەتكىلىكتى بولىپ، استىقپەن نەگىزىنەن ءوزىن - ءوزى قامداۋدى، ازىقتىق استىقتىڭ مۇلدەم حاۋىپسىزدىگىن جۇزەگە اسىرىپ، ەكونوميكانىڭ، قوعامنىڭ ورنىقتى دامۋىن جەبەۋ، جاڭا تيپتى ايدارشا ۆيرۋس وكپە قابىنۋ ىندەتىنە ءونىمدى توتەپ بەرۋ ءۇشىن بەرىك تىرەك ازىرلەدى. بيىل استىقتان مول ءونىم الۋدىڭ نەگىزى ءبىرشاما جاقسى، كۇزدىك ءبيدايدىڭ اۋماعى سوڭعى 4 جىلدان بەرى تۇڭعىش رەت ارتتى، ءوسۋ جاعدايى وتكەن جىلداعىدان جانە بۇرىنعى جىلدارداعىدان جاقسى بولدى، جازعى استىقتان تاعى دا مول ءونىم الۋدان ءۇمىت بار. كوكتەمگى ەگىس جۇمىسىنىڭ اياق الىسى ءساتتى جۇرگىزىلىپ، ەرتە پىساتىن كۇرىشتىڭ اۋماعى ورنىقتى بولدى. تۇتاس جىلدا استىق ەگۋ كولەمى ونان ارى كەڭەيدى، مۇنىڭ ىشىندە جۇگەرىنىڭ اۋماعى وتكەن جىلداعىدان ارتتى. ءماجىلىس مىنالاردى تالاپ ەتتى: ءبىرىنشى، استىقتان مول ءونىم الۋدى تيتتەي دە بوساڭسىماي مىقتى يگەرۋ كەرەك. كۇرىش، ءبيدايدىڭ ەڭ تومەنگى ساتىپ الۋ باعاسى، جۇگەرى، سويا بۇرشاق وندىرۋشىلەرگە قوسىمشا قاراجات بەرۋ سياقتى ساياساتتاردى ورنىقتىرىپ جانە كەمەلدەندىرىپ، ءۇش ۇلكەن استىق داقىلىنىڭ وزىندىك قۇنىن تولىق قامسىزداندىرۋ جانە كىرىستى قامسىزداندىرۋدى تۇيىندە سىناق ەتۋ كولەمىن كەڭەيتىپ، شارۋالاردىڭ استىق ەگىپ اقشا تابۋىنا مۇمكىندىك جاساۋ كەرەك. ورتالىقتىڭ مەجە ەسەبىندەگى قارجى قوسۋ، ولكە دارەجەلى ءبىر تۇتاس جوسپارلانعان جەردى وتكەرمەلەۋ پايداسىن پايدالانۋ سياقتىلاردا استىق وندىرەتىن ءىرى اۋداندارعا بەيىمدەلۋ كەرەك. جەرگىلىكتى ورىنداردىڭ استىق حاۋىپسىزدىگىنىڭ تۇلعالىق جاۋاپكەرلىگىن قاتاڭ تياناقتاندىرىپ، اتىز باسقارۋدى جانە جازعى جيىن - تەرىندى، جازعى ەكپەشىلىكتى كۇشەيتۋگە قۋزاپ، تەحنيكالىق قىزمەت وتەۋدى كۇشەيتىپ، اۋىل شارۋاشىلىق ماتەريالدارىمەن قامداۋدى قامتاماسىز ەتىپ، اۋىل شارۋاشىلىعىنداعى اۋىر دەرت - دەربەزدەن، زياندى جاندىكتەردەن ساقتانۋدى كورنەكتى تۇردە مىقتى يگەرۋ كەرەك. تاسقىننان ساقتانۋ، قۋاڭشىلىققا قارسى اتتانۋ قىزمەتىن ءبىر تۇتاس ويداعىداي ىستەۋ كەرەك. ەكىنشى، استىق ساتىپ الۋدى، زاپاس ساقتاۋدى جانە بازاردى رەتتەۋدى ويداعىداي ىستەپ، قامداۋ مەن باعانىڭ ورنىقتىلىعىن قامتاماسىز ەتۋ كەرەك. استىق ساقتاۋ، زات اينالىمى قۇرىلعىلارىن جاقسارتىپ، استىق زاپاسىنىڭ كولەمىن، قۇرىلىمىن ساپالىلاندىرۋ كەرەك. بازار مەحانيزمىنىڭ رولىن ساۋلەلەندىرىپ، قامداۋ ارناسىن كوبەيتىپ، قامداۋ جەتكىلىكتى، ءتۇرى مول بولۋدى ورىنداپ، استىق بازارىنىڭ ورنىقتى اينالىمىن ساقتاۋ كەرەك. ءۇشىنشى، ەگىستىك جەردى قورعاۋ مەن ساپا قۇرىلىسىن كۇشەيتۋ كەرەك. جاڭا كەزەكتى جوعارى ولشەمدى ەگىس اتىزى قۇرىلىسى جوباسىن اتقارىپ، بيىل 100 ميلليون مۋ قۋاڭشىلىق پەن سەل اپاتىنا توتەپ بەرەتىن، جوعارى ءونىمدى، تۇراقتى ءونىمدى، جوعارى ولشەمدى ەگىس اتىزىن قالىپتاستىرۋ كەرەك. ەگىستىك جەردىڭ پايدالانىلۋ جولىن باسقارۋدى كۇشەيتىپ، ەگىستىك جەردى «اۋىل شارۋاشىلىعىنان تىس پايدالانۋدى» باتىل شەكتەپ، «استىقتان باسقاعا پايدالانۋدى» قاتاڭ تىزگىندەپ، ءبىر ميلليارد 800 ميلليون مۋ ەگىستىك جەردىڭ قىزىل سىزىعىن قاتاڭ ساقتاۋ كەرەك. ءماجىلىس مىنالاردى دارىپتەدى: اۋىل شارۋاشىلىق ءوندىرىسىنىڭ عىلىم - تەحنيكالىق تىرەگىن كۇشەيتىپ، مەملەكەت جاعدايىن تياناق ەتىپ، حالىق بۇقاراسىنىڭ قاجەتىن ارقاۋ ەتىپ، عىلمي بولۋ، ناقتى ىستەۋ رۋحىمەن كۇش سالا قامال الىپ، ولقىلىقتاردى تولىقتاۋ كەرەك. كۇرىشتىڭ، ءبيدايدىڭ ساپاسىن جانە سويا بۇرشاقتىڭ ماي قۇرامىن جوعارىلاتىپ، ساپالى كوكونىس سورتىن جەتىلدىرىپ، ماڭىزدى اۋىل شارۋاشىلىق ونىمدەرىنىڭ بىرلىك ءونىمى مەن بازاردىڭ ۇيلەسىمدىلىگىن جوعارىلاتىپ، ساۋىن سيردىڭ ءسۇت بەرۋ مولشەرى مەن سويىس سيىردىڭ ساپاسىن جوعارىلاتۋ كەرەك. مەحانيزمدى كەمەلدەندىرىپ، بازار كۇشىن تولىق جۇمىلدىرىپ، عىلمي زەرتتەۋ قۇرىلىمدارىنىڭ، جوعارى مەكتەپتەردىڭ كاسىپورىندارمەن، شارۋا وتباسىلارىمەن سەلبەسىپ جاڭالىق اشۋىن ىلگەرىلەتۋ كەرەك. ساۋدالىق ساپالى تۇقىم جەتىلدىرۋ جۇيەسىن ورناتىپ جانە كەمەلدەندىرىپ، تۇقىم شارۋاشىلىعى كاسىپورىندارىن جەتىلدىرىپ، زورايتىپ، قولدانىلمالى جوعارى ءونىمدى اۋىل شارۋاشىلىق ماشينا - جابدىقتارىن زەرتتەپ جاساۋعا، جالپىلاستىرۋعا قولداۋ كورسەتۋ كەرەك. عىلىم - تەحنيكادا جاڭالىق جاراتۋ ارقىلى اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ كەرەك.
ءماجىلىس «جۇڭحۋا حالىق رەسپۋبليكاسىنىڭ قازىنالىق باقىلاۋ زاڭىن (وزگەرىس ەنگىزىلگەن جوبا)» ماقۇلدادى. جوبادا قازىنالىق باقىلاۋدىڭ نەگىزگى ءتۇزىمى وزگەرمەدى، نەگىزگى زاڭ مەن زاڭدار جۇلگەسىندە قازىنالىق باقىلاۋ كولەمى كەڭەيتىلىپ، ۇكىمەت قارجى قوسقان قۇرىلىس نىساندارىنان باسقا دا كەلەلى الەۋمەتتىك قۇرىلىس وبيەكتىلەرى، مەملەكەت مەنشىگىندەگى بايلىق، مەملەكەت مەنشىگىندەگى مال - مۇلىك، الەۋمەتتىك قارجى جانە جەرگىلىكتى بانكەلەر، ت. ب. جونىندە قازىنالىق باقىلاۋ جۇرگىزۋ بەلگىلەمەسى قوسىلىپ، قازىنالىق باقىلاۋدىڭ باقىلاۋ ءتاسىلى كۇشەيتىلىپ، قازىنالىق باقىلاۋداعى باقىلاۋدىڭ دەربەستىگى مەن الەۋمەتتىك سەنىمدىلىگى ارتتىرىلىپ، قازىنالىق تەكسەرۋگە الىنعان ورىنداردان قازىنالىق باقىلاۋدا بايقالعان ماسەلەلەردى بەلگىلەنگەن ۋاقىت بويىنشا رەتتەۋ – تۇزەتۋ تالاپ ەتىلدى، مۇندا قازىنالىق باقىلاۋ ورگاندارى رەتتەۋ - تۇزەتۋ جاعدايىنا قاداعالاي تەكسەرۋ جۇرگىزىپ، رەتتەۋ - تۇزەتۋدەن باس تارتۋ نەمەسە رەتتەۋ – تۇزەتۋ بارىسىندا كوز بوياۋشىلىق ىستەۋ جايتتەرى بولسا، جاۋاپكەرلىكتى زاڭ بويىنشا قۋزاۋى كەرەك. ءماجىلىس جوبانى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنۋدى ۇيعاردى.
ءماجىلىس باسقا دا ىستەردى اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
