”التى ساراي، ءبىر ورتالىق“ قۇرىلىسى قاۋىرت ءجۇرىلۋ كەزەڭىنە ءوتتى
انار بۇلت / شينجياڭ گازەتىنىڭ ءتىلشىسى جاڭ دۇڭمەي، ەرىكتى ءتىلشى فىڭ يۋەلۇڭ
2021.05.07 16:55 كەلۋ قاينارى : شينجياڭ گازەتى
”نىسان قاۋىرت ءجۇرىلۋ كەزەڭىنە ءوتتى، مەجەمەن جۇمىس جىل ىشىندە اياقتالادى“، - دەدى جۇڭگو قۇرىلىس 3 - ينجەنەريا مەكەمەسى باتىس سولتۇستىك بولىمشە سەرىكتەستىگى شينجياڭ ديرەكتورلىق ءبولىمىنىڭ نىسان ديرەكتورى ليۋ ميڭ دابىرالى تۇردە سالىنىپ جاتقان ءۇرىمجى قالاسى مادەنيەت ورتالىعىنىڭ (قىسقاشا ”التى ساراي، ءبىر ورتالىق“ دەلىنەدى) جۇمىس باسىندا تۇرىپ.
ءۇرىمجى قالاسى شينجياڭ حالىقارالىق ءماجىلىس - كورمە ورتالىعى اۋماعىنداعى ”التى ساراي، ءبىر ورتالىق“ ۇلكەن تەاترحانا، مۋزيكا زالى، كىتاپ ورتالىعى، اسەمونەر سارايى، مۇراجاي، قالا جوسپارلاۋ سارايى جانە مادەنيەت مۇناراسىنان قۇرالعان، جالپى قۇرىلىس اۋدانى شامامەن 248 مىڭ شارشى مەتر.
4 - ايدىڭ 20 - كۇنى ءتىلشى جۇمىس باسىنا بارىپ تىلشىلىك ىستەگەندە، ماتەريال تاسىعان اۆتوموبيلدەردىڭ ارلى - بەرلى قايشالىسىپ، جۇمىسشىلاردىڭ كەيبىرەۋلەرى جەرگە قىش توسەپ، كەيبىرەۋلەرى الاڭدى تەگىستەپ جاتقاندىعىن كوردى. قارعالداق گۇلىنىڭ التى جاپىراقشاسى ىسپەتتى التى الاڭ ساراي مەن گۇل وزەكشەسى ىسپەتتى مادەنيەت مۇناراسىنىڭ سىرتقى بەتتىك اشەكەيلەۋ جۇمىسى نەگىزىنەن ورىندالىپ بولىپتى.
”بۇل نىسان 2017 - جىلى 5 - ايدا باستالعان، قازىر بارلىق نەگىزگى تۇلعالاردىڭ اينەك داۋالدارى نەگىزىنەن ورناتىلىپ بولدى، قازىر بولمە ىشتەرىنىڭ يقۋاتىن كەمەلدەندىرىپ جاتىرمىز“، - دەدى ليۋ ميڭ.
جەر استىندا 2 قابات، جەر ۇستىندە 9 قابات، بيىكتىگى 77.7 مەتر كەلەتىن مادەنيەت مۇناراسىنىڭ بەتىندە باي شيڭۋان جانە ونىڭ جۇمىستاستارى مادەنيەت مۇناراسىنىڭ تور قۇرىلىمدىق اينەگىن ورناتۋدا، ءۇشبۇرىشتى اينەكتەر تور قۇرىلىمىنا اسا دالدىكپەن ورناتىلىپ جاتىر.
مادەنيەت مۇناراسىنىڭ تور قۇرىلىمى وزگەرمەلى ءپىشىندى قۇرىلىمعا جاتاتىندىقتان، اينەكتى كرانمەن كوتەرۋدىڭ، ورناتۋدىڭ قيىندىعى اسا زور، ءار كەسەك اينەكتىڭ جەڭىلدەرى 50 −60 كيلوگرام بولسا، اۋىرلارى 100 كيلوگرامعا جۋىق، تۇتاس ءۇي بەتىنە جيىنى شامامەن 1800 شارشى مەتر كەلەتىن، 3166داي ۇلكەن - كىشىلىگى ءار قيلى ءۇشبۇرىش اينەك ورناتۋ قاجەت. ليۋ ميڭ تانىستىرىپ بىلاي دەدى: اياق الىستى تەزدەتىپ، ساپاعا شىنايى كەپىلدىك ەتۋ ءۇشىن، جۇمىس بارىسىندا ارنايى قولدانىلاتىن اينەك كوتەرگىش كران جانە ورناتۋ تۇعىرى جاسالدى.
مادەنيەت مۇناراسىنىڭ 7 - ، 8 - ، 9 - قاباتتارىنا ەكسكۋرسيا قاباتى ءارى سەيىل - سەرۋەن اۋماعى ورنالاستىرىلعان، ەكسكۋرسيا قاباتىنىڭ اۋدانى 3000 شارشى مەترگە تاياۋ. رەسمي پايدالانۋعا بەرىلگەننەن كەيىن، قالا تۇرعىندارى ەكسكۋرسيا لەفتىمەن شىعىپ، كورمە شاعىن اۋماعىنىڭ تۇتاس كورىنىسىن كورە الادى.
مادەنيەت مۇناراسىنىڭ بەتتىك كورىنىس تۇعىرىنا شىققاندا، تاس ماتەريالدارىن جاتقىزۋشى جۇمىسشى جوۋ كايگو ءۇي بەتىنە قاربالاس ماتەريال جاتقىزىپ جاتىر ەكەن. ونى قامتىعان 15 جۇمىسشى ءار كۇنى 150 شارشى مەتر جەرگە تاس كەرپىش جاتقىزعاندا، قازىرگە دەيىن شامامەن ％60تىك جاتقىزۋ، ورناتۋ اۋدانىن ورىنداپ بولىپتى.
جۇڭگو قۇرىلىس 3 - ينجەنەريا مەكەمەسى باتىس سولتۇستىك بولىمشە سەرىكتەستىگى شينجياڭ ديرەكتورلار ءبولىمىنىڭ ءوندىرىس ديرەكتورى ما گاڭ بىلاي دەدى: ءار كۇنى جۇمىس اياقتالعاننان كەيىن تەكسەرىپ وتكىزىپ الىنادى، تالاپقا ۇيلەسپەگەندەرى تۇگەلدەي جۇمىستى قايتا ىستەپ وزگەرتىپ، جۇمىستىڭ ساپاسىنا شىنايى كەپىلدىك ەتەدى.
ەڭ الدىمەن تۇلعالانعان ءبىر ”گۇل جاپىراقشاسى“− اسەمونەر سارايى، ول قۇرىلىس شوعىرىنىڭ باتىس جاعىندا. اسەمونەر سارايى جەر استىنداعى ءبىر قاباتتى، جەر ۇستىندەگى 5 قاباتتى قامتيدى، وندا ساقتالما بۇيىمدار قامباسى، بايانداما زالى، كورمە زالى، كەڭسە، بۇقارالىق قيمىل ءۇيى، ايگىلى شەبەرلەر جۇمىس بولمەسى سياقتىلار بار. اسەمونەر سارايى گۇل جاپىراقشاسى پىشىنىندە جوبالانعان، قاباتتىڭ استى كىشكەنە، ءۇستى ۇلكەن، ءاربىر بولات تىرەۋ بۇرىش جاساپ كولبەۋ ورنالاستىرىلعان، ءاربىر بولات تىرەۋدىڭ كولبەۋ بۇرىشى ءار ءتۇرلى، بۇل بولات تىرەۋلەردىڭ ءتۇبى تۇتاسقان، بۇرىش ورنى بەكەم، وعان كولبەۋ ءماتشانىڭ ءوزارا تىرەۋى قوسىلىپ بولات قۇرىلىمدى جالپى تۇلعاعا اينالدىرعان.
ءتىلشى مىنانى ۇعىستى: مەيلى مادەنيەت مۇناراسى، اسەمونەر سارايى بولسىن، الدە ۇلكەن تەاترحانا، مۋزيكا زالى بولسىن، بولمە ءىشىن جوبالاۋدا تۇگەلدەي تۇرلىشە قۇرىلىستىڭ جەكە تۇلعالىق ەرەكشەلىگى ويلاستىرىلعان، دىبىس عىلىمى بويىنشا جوبالاۋ، جارىق، جازىق بەتتىك ورنالاستىرۋ سياقتى جاقتاردان تۇگەلدەي تۇرلىشە سيپاتتاعى پايدالانۋ كەڭىستىك يقۋاتى تالابى قاناعاتتاندىرىلعان. ەنەرگيا ۇنەمدەيتىن، قورشاعان ورتانى قورعايتىن ماتەريالداردىڭ پايدالانىلۋىمەن بولمە ءىشى ورتاسىنىڭ ساپاسى ءونىمدى مەڭگەرىلىپ، ەنەرگيانى سارىپ ەتۋ مولشەرى تومەندەتىلگەن.
جوسپارعا نەگىزدەلگەندە، ”قارعالداقتى“ ءپىشىن ەتكەن ”التى ساراي، ءبىر ورتالىق“ شينجياڭ حالىقارالىق ءماجىلىس - كورمە ورتالىعىنىڭ ”تيانشان جارىق ايىمەن“ ءبىر - بىرىنە كورىك قوسىپ تۇرادى ەكەن. ”تۇرلىشە قۇرىلىستاردىڭ بولمە ءىشى كەڭىستىگىندە ايقىن دارالىق ەرەكشەلىك بار، تۇتاس تۇلعالى بولمە ءىشى ستيلىندە ءبىر تۇتاستىق تا بار“، - دەدى ليۋ ميڭ، - ”التى ساراي، ءبىر ورتالىق“ ءۇرىمجىنىڭ قالا باۋرامدىلىعىن ايگىلەيتىن بەلگى سيپاتتى قۇرىلىسقا اينالادى.
جالعاستىرىپ وقۋ
ءۇرىمجى قالاسى مادەنيەت ورتالىعى نىسانىنىڭ جوسپارلانعان جالپى جەر اۋدانى 195621.39 شارشى مەتر، جالپى قۇرىلىس اۋدانى 254546.51 شارشى مەتر. التى ۇلكەن الاڭ، سارايدان قۇرالعان، ءپىشىنى قارعالداق گۇلىنىڭ التى جاپىراقشاسىنا ۇقسايدى، گۇل جۇرەكشەسى مادەنيەت مۇناراسىن توڭىرەكتەي ورنالاسقان، بۇل اشىلعان قارعالداق گۇلى ىنتىماق گۇلىنىڭ، جاراسىمدىلىق گۇلىنىڭ، گۇلدەنۋ گۇلىنىڭ سيمۆولى. سالىنىپ بولعاننان كەيىن، ءۇرىمجى قالا تۇرعىندارىنىڭ مادەني تۇرمىسىنا تاماشا ورىن ازىرلەپ، قالانىڭ مادەنيەت دەڭگەيىن بارىنشا جوعارىلاتادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
