شي جينپيڭ سەررا - لەوننىڭ زۇڭتۇڭى بيومەن تەلەفوندا سويلەستى
2021.05.08 16:00 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 7 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 7 - كۇنى سەررا - لەوننىڭ زۇڭتۇڭى بيومەن تەلەفوندا سويلەستى.
شي جينپيڭ بىلاي دەپ اتاپ كورسەتتى: بيىل − جۇڭگو مەن سەررا - لەوننىڭ ديپلوماتيالىق قاتىناس ورناتقانىنىڭ 50 جىلدىعى. جارتى عاسىردان بەرى، حالىقارالىق جاعداي قالاي قۇبىلسا دا، جۇڭگو مەن سەررا - لەون ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە باستان - اياق ءبىرىن - ءبىرى قولداپ، ەبولا، جاڭا تيپتى ايدارشا ۆيرۋس وكپە قابىنۋى سياقتى اۋىر ىندەتتىڭ شۇعىل كەزەڭىندە باستان - اياق تاباندىلىقپەن ءبىر مايداندا تۇردى. ەكى جاق جوعارى دەڭگەيدەگى ساياسي سەنىمدىلىكتى باستان - اياق ساقتاپ كەلەدى، جاقىن باۋىرلاس، ابزال دوس سانالادى. جۇڭگونىڭ سەررا - لەونعا كومەككە بارعان ەمدەۋ اترەتى، ماماندار گرۋپپاسى، ىندەتكە قارسى اتتانۋ زاتتارى مەن ۆاكسينالارى سەررا - لەوننىڭ ىندەتتەن ساقتانۋ - تىزگىندەۋىندە بەلسەندى رول اتقاردى، جۇڭگو سەررا – لەون جاقپەن ىندەتكە قارسى اتتانۋ سەلبەستىگىن كۇشەيتىپ، سەررا – لەون جاقتىڭ ىندەتكە قارسى اتتانۋىنا قولداۋ جانە كومەك كورسەتۋدى قالايدى.
شي جينپيڭ بىلاي دەپ دارىپتەدى: 2021 - جىل جۇڭگو مەن سەررا – لەون ەكى ەل، ەكى پارتيا، سونداي - اق ەكى ەلدىڭ قاتىناسى جونىنەن ماڭىزدى جىل بولدى. ەكى جاق ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتاۋ قيمىلىن بىرگە ويداعىداي وتكىزىپ، ءداستۇرلى دوستىقتى ساۋلەلەندىرىپ، ءوزارا ءتيىمدى سەلبەستىكتى كەڭەيتىپ، بىرگە دامۋدى جەبەۋى كەرەك. جۇڭگو سەررا - لەوننىڭ مەملەكەت ەكونوميكاسىنىڭ دامۋىن جۇزەگە اسىرۋىنا شاماسىنىڭ كەلىسىنشە قولداۋ جانە كومەك كورسەتەدى. دۇنيە جۇزىندە ءجۇز جىلدان بەرى بولماعان زور وزگەرىس الدىندا ەكى جاق ىنتىماقتى، سەلبەستىكتى كۇشەيتىپ، ءبىر - ءبىرىن تاباندىلىقپەن قولداپ، حالىقارالىق ادىلدىك پەن ادىلەتتىلىكتى بىرگە قورعاپ، وركەندەپ كەلە جاتقان ەلدەردىڭ ورتاق مۇددەسىن قورعاۋى كەرەك. جۇڭگو سەررا - لەونمەن جۇڭگو - افريكا سەلبەستىك تالقى مىنبەرى جۇلگەسىندە ءتۇيىلىسۋدى كۇشەيتىپ، تالقى مىنبەرىنىڭ بەيجيڭدەگى باسشىلار باس قوسۋىنىڭ جەتىستىكتەرىن ويداعىداي تياناقتاندىرۋدى قالايدى.
بيو مىنانى ءبىلدىردى: مەن جۇڭگو كوممۋنيستىك پارتياسى قۇرىلعانىنىڭ 100 جىلدىعىن جانە سەررا – لەون مەن جۇڭگونىڭ ديپلوماتيالىق قاتىناس ورناتقانىنىڭ 50 جىلدىعىن قىزۋ قۇتتىقتايمىن. جۇڭگو حالىقتى بارىنەن جوعارى قويۋدا تاباندى بولىپ، كەدەيلىكتەن ارىلتۋ، جاڭا تيپتى ايدارشا ۆيرۋس وكپە قابىنۋىنا قارسى اتتانۋ جاعىندا كورنەكتى، كەلەلى تابىستارعا قول جەتكىزدى، جۇڭگونى ونان ارى قۇدىرەتتەندىرىپ قانا قويماي، دۇنيە ءجۇزىنىڭ بەيبىتشىلىگى مەن حاۋىپسىزدىگىنە جانە ەكونوميكاسىنىڭ ارتۋىنا دا ماڭىزدى ۇلەس قوستى. جۇڭگونىڭ سەررا - لەون جاقتىڭ ەكونوميكالىق، قوعامدىق دامۋىنا، سونداي - اق ىندەتپەن كۇرەسىنە كورسەتكەن ناقتى كومەگىنە العىس ايتامىن، جۇڭگو − سەررا - لەون مەن افريكا حالقىنىڭ ناعىز سەنىمدى جاقسى دوسى. سەررا - لەون ءبىر جۇڭگو ساياساتىن باتىل اتقارادى، جۇڭگونىڭ مەملەكەتتىڭ يەلىك ۇقىعىن، حاۋىپسىزدىگىن، تەرريتوريا تۇتاستىعىن قورعاۋىن باتىل قولدايدى. سەررا - لەون جۇڭگومەن سەررا - لەون مەن جۇڭگونىڭ دوستىق قاتىناسىن تەرەڭدەتىپ، وقۋ - اعارتۋ، دەنساۋلىق ساقتاۋ، استىق حاۋىپسىزدىگى سياقتى سالالارداعى سەلبەستىكتى كۇشەيتىپ، جۇڭگو - افريكا سەلبەستىك تالقى مىنبەرى جۇلگەسىندەگى سەلبەستىكتى ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
