”بالانىڭ وسىنشا جاقسى قالپىنا كەلەرىن ويلاماعان ەكەنمىن“
انار بۇلت / شينجياڭ گازەتىنىڭ تىلشىلەرى سۋ لۋپيڭ، جاۋ شييا، لي ياڭ
2021.05.08 16:00 كەلۋ قاينارى : شينجياڭ گازەتى
5 - ايدىڭ 6 - كۇنى ساعات 22 مولشەرىندە شينجياڭ مەديتسينا داشۋەسىنە قاراستى جۇڭي شيپاحاناسىندا ۇزىلگەن بىلەكتى جالعاۋدىڭ 5 - كۇنى، ىشتەي بار تىلەگىن تىلەگەن اناسى قاسىنا كەلگەندە ءدارى اۋىستىرعان ۋاقىتتا اندا - ساندا قىڭق ەتىپ قانا قوياتىن شياۋماي (جاناما ەسىمى) ەمىرەنىپ داۋىستاپ جىلاپ قويا بەردى.
4 - ايدىڭ 30 - كۇنى ساعات 20 مولشەرىندە حوتان اۋدانى لايقا اۋىلى قۇمارىق قىستاعىندا ءبىر ءۇيلى جان اتىزداعى جاڭعاق اعاشىنا ءدارى بۇركىپ جۇرگەن شاقتا 7 جاستاعى شياۋماي بايقاۋسىزدا قولىن تراكتوردىڭ اينالىپ تۇرعان تاسپالى دوڭگەلەگىنە سۇعىپ الىپ، وڭ جاق بىلەگى ءبىراق ءۇزىلىپ كەتەدى. شياۋمايدىڭ بىلەگىنىڭ ءۇزىلىپ كەتكەنىن كورگەن شەشەسى سۇديمما يمىنتوحتى قاس - قاققانشا دارمەنسىزدەنىپ، قيمىلداي الماي قالادى. ”ماعان قاراما، بالانى تەز شيپاحاناعا جەتكىز!“ دەپ سۋديا ءومىر جان ۇشىرا شياۋمايدىڭ ناعاشىسىنا ايعاي سالادى. قوعامداعى ءار سالانىڭ سەلبەسە كۇش شىعارۋىندا، 5 - ايدىڭ 1 - كۇنى تاڭعا جاقىن شياۋماي شينجياڭ مەديتسينا داشۋەسىنە قاراستى جۇڭي شيپاحاناسىنا جەتكىزىلىپ، ەمدەلىپ، ۇزىلگەن بىلەكتى قايتا جالعاۋدىڭ ەڭ جاقسى ۋاقىتىنا ۇلگىرىپ، قان تامىرى جالعانادى. قازىر دەنساۋلىق جاعدايى ورنىقتى، وڭ قولىنىڭ ىسىگى نەداۋىر قايتتى.
5 - ايدىڭ 6 - كۇنى دەنساۋلىعى ءبىراز قالپىنا كەلگەننەن كەيىن، سۇديمما اپەكەسىنىڭ سەرىك بولۋىمەن ۇرىمجگە كەلدى. انالى - بالالى ەكەۋى جولىققان شاقتا، بەتتەرىن ءتيىستىرىپ ۇزاق ۋاقىت جىلايدى. كوڭىلدەرى ورنىنا تۇسكەننەن كەيىن شياۋماي ءبىر جاعىنان كىشكەنتاي قولىمەن اناسىنىڭ شاشىن سىلاپ، ەندى ءبىر جاعىنان ”شەشە، جىلاماڭىز، قاراڭىزشى، مەنىڭ بىلەگىم جاقسى بولىپ كەلە جاتىر. بۇل اراداعى شيپاگەر اعالار مەن سەسترا اپەكەلەر ماعان جاقسى قاراپ جاتىر“، - دەيدى.
اۋىرىپ جىعىلىپ قالعان سول بىرنەشە كۇندە شياۋمايعا تەلەفون سوققاننان سىرت، توسەكتە جاتقان سۇديمما ءار كۇنى ەمدەۋ قىزمەتكەرلەرىنىڭ شياۋمايدى قۇتقارىپ - ەمدەگەن حابارلارىنا نازار اۋداردى: شيپاگەرلەر 24 ساعات كەزەكپەن كۇزەتتى، سەسترالار ءۇش كەزەكپەن اۋىسىپ كۇتىمدەدى، كوپ ءپان ماماندارى بىرگە شياۋمايدىڭ اۋرۋ جاعدايىن قاداعالادى... كورە - كورە كوزىنەن مونشاقتاپ جاس اقتى. ”بۇگىن ءوز كوزىممەن بالامدى كورگەندە كوڭىلىم ورنىنا ءتۇستى، بالانىڭ قالپىنا كەلۋىنىڭ مۇنشالىق جاقسى بولارىن ويلاماعان ەكەنمىن“.
سول كۇنى ساعات 23 مولشەرىندە اۋرۋلار بولمەسىندە ءبىر ساعات كۇتكەن سۇديمما الگىندە عانا وپەراتسيادان تۇسكەن جاۋاپتى شيپاگەر لي ليگە كەزىكتى. ول العا قاراي ءجىتى باسىپ ءبىر دوربا كەپتىرىلگەن جەمىستى لي ليدىڭ قولىنا ۇستاتا بەرىپ :”راقىمەت! سىزدەردىڭ مەنىڭ بالامدى قۇتقارعاندارىڭىزعا راقىمەت!“ كەپتىرىلگەن جەمىستى ول ۇيىنەن الا كەلگەن ەدى. جۋىپ الماستىراتىن ەكى كيىم مەن شياۋمايعا الا كەلگەن ءبىر دوربا قانت - كامپيتتەن سىرت، ەكى ۇلكەن سۋمكا تولى كەپتىرىلگەن جەمىستى ەمدەۋ - كۇتىمدەۋ قىزمەتكەرلەرىنە الا كەلىپتى.
لي ليدى كورگەندە شياۋمايدىڭ جۇزىنەن تاعى ءتاتتى كۇلكى وينادى. ول سول قولىن سوزىپ لي ليگە قاراپ باسبارماعىن كوتەرىپ، الاقانىن قاعىپ قويدى، بۇل ونىڭ لي ليمەن الدىن الا كەلىسىپ العان قايراتتان دەيتىن يشاراتى ەدى.
”بۇل سەسترا اپەكە ارشىپ بەرگەن الما، بۇل شيپاگەر اعاي بەرگەن كىشكەنتاي ۇشاق...“ شياۋماي ءبىر - بىردەن شەشەسىنە كورسەتىپ جاتىر، ”مەنىڭ ءتىل العانىما سيلىق ءۇشىن شيپاگەر اعاي ماعان تاعى كاۋاپ الىپ بەردى“. كوز الداعى ءبارىن كورگەن سۇديمما ءتۇيىلىپ قالعان قاس - قاباعى بىرتە - بىرتە جادىراپ، توقتاۋسىز ”راقىمەت“ دەي بەردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
