شي جينپيڭ حالىقارالىق وليمپيادا كوميتەتىنىڭ ءتوراعاسى باحپەن تەلەفوندا سويلەستى
2021.05.08 16:01 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 7 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 7 - كۇنى حالىقارالىق وليمپيادا كوميتەتىنىڭ ءتوراعاسى باحپەن تەلەفوندا سويلەستى.
شي جينپيڭ باحتىڭ حالىقارالىق وليمپيادا كوميتەتىنىڭ ءتوراعاسى بولىپ تاعى دا تاعايىندالعانىن قۇتتىقتاپ، مىنانى ءبىلدىردى: ءتوراعا باحتىڭ باسشىلىعىندا حالىقارالىق وليمپيادا كوميتەتى ءار جاقتاعى كۇشتەرمەن ىنتىماقتاسىپ، وليمپيادا سپورتىنىڭ قارىشتاپ دامۋىن ىلگەرىلەتتى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى حالىقارالىق وليمپيادا كوميتەتى كوپتەگەن قىزمەت ىستەپ، دۇنيە ءجۇزىنىڭ ىنتىماقتاسا وتىرىپ ىندەتكە قارسى اتتانۋىنا وڭ ەنەرگيا ازىرلەدى. ىندەت وليمپيادا سپورت جارىسى سياقتى دەنەتاربيە جينالىستارىنا اسا زور ىقپال جاسادى. جۇڭگو حالىقارالىق وليمپيادا كوميتەتىمەن ۇزدىكسىز سايكەسىپ، توكيو وليمپيادا سپورت جارىسىن وتكىزۋدى قولدايدى. جۇڭگو حالىقارالىق وليمپيادا كوميتەتىمەن ۆاكسينا سەلبەستىگىن كۇشەيتىپ، سپورتشىلاردىڭ جارىسقا حاۋىپسىز قاتىناسۋىنىڭ ءونىمدى قالتقىسىن بىرگە قۇرۋدى قالايدى.
شي جينپيڭ بىلاي دەپ دارىپتەدى: جۇڭگو بەيجيڭ قىسقى وليمپياداسىن، مۇگەدەكتەر قىسقى وليمپياداسىن ۋاعىندا وتكىزۋ نىساناسىن ارقاۋ ەتىپ، ءتۇرلى دايىندىق قىزمەتتى ورنىقتى ىلگەرىلەتۋدە. قازىر بارلىق جارىس الاڭدارى مەن سارايلارى تۇگەلدەي سالىنىپ بولدى، جارىس ۇيىمداستىرۋ جانە الاڭ - سارايلار تارتىپپەن جۇرگىزىلىپ، جارىس ىستەرىنە قىزمەت وتەۋ، قامتاماسىزداندىرۋ قىزمەتى جەدەل ىلگەرىلەتىلىپ، ۇگىتتەۋ، جالپىلاستىرۋ جانە مادەنيەت قيمىلدارى تارتىپپەن ىلگەرىلەتىلدى. جۇڭگو قار ءۇستى نىسانىن، مۇز ءۇستى نىسانىن سىناقتان وتكىزۋ قيمىلىن وتكىزىپ، جارىس وتكىزۋگە ساياتىن شەشۋشى فاكتورلارعا ءونىمدى تەكسەرۋ جۇرگىزدى. جۇڭگو سوڭعى جارتى جىلداعى ءتۇرلى سىناق جارىسىن ويداعىداي ۇيىمداستىرىپ، بەيجيڭ قىسقى وليمپيادا سپورت جارىسىنا، مۇگەدەكتەر قىسقى وليمپيادا سپورت جارىسىنا اناعۇرلىم بەرىك نەگىز قالايدى.
شي جينپيڭ مىنالاردى دارىپتەدى: بەيجيڭ قىسقى وليمپياداسى، مۇگەدەكتەر قىسقى وليمپياداسى − دۇنيە جۇزىندەگى ءار ەلدىڭ سالتاناتتى جينالىسى، دۇنيە جۇزىندەگى سپورتشىلاردىڭ ءادىل باسەكە ساحناسى. حالىقارالىق وليمپيادا كوميتەتىنىڭ بەيجيڭ قىسقى وليمپيادا سپورت جارىسىنىڭ، مۇگەدەكتەر وليمپيادا سپورت جارىسىنىڭ دايىندىق جۇمىستارىنا بەلسەندى قولداۋ كورسەتكەنىنە جانە جەتەكشىلىك ەتكەنىنە العىس ايتامىن. جۇڭگو بەيجيڭ قىسقى وليمپيادا سپورت جارىسىنىڭ، مۇگەدەكتەر وليمپيادا سپورت جارىسىنىڭ ۋاعىندا ءساتتى وتكىزىلۋىنە تولىق سەنىم ارتادى، حالىقارالىق وليمپيادا كوميتەتىمەن جانە حالىقارالىق قوعاممەن بىرگە بەيجيڭ قىسقى وليمپيادا سپورت جارىسىنىڭ، مۇگەدەكتەر وليمپيادا سپورت جارىسىنىڭ قاراپايىم، حاۋىپسىز، تارتىمدى وليمپيادا سپورت جارىسى رەتىندە وتكىزىلۋىنە كەپىلدىك ەتۋگە پەيىل.
باح مىنالاردى ءبىلدىردى: جۇڭگونىڭ ءار سالاداعى دامۋدا قول جەتكىزگەن ماقتانىشتى تابىستارىن قۇتتىقتايمىن، اسىرەسە، جۇڭگو جاڭا تيپتى ايدارشا ۆيرۋس وكپە قابىنۋىنا الدىمەن توتەپ بەرىپ، ەكونوميكانىڭ ارتۋىن الدىمەن قالپىنا كەلتىرىپ، دۇنيە ءجۇزىنىڭ ىندەتكە قارسى اتتانۋ سەلبەستىگى مەن ەكونوميكاسىنىڭ قالپىنا كەلۋى ءۇشىن ماڭىزدى جەتەكشىلىك رول اتقاردى. حالىقارالىق وليمپيادا كوميتەتى جۇڭگومەن تاماشا سەلبەستىككە ايرىقشا ءمان بەرەدى، جۇڭگومەن ۆاكسينا سەلبەستىگىن كۇشەيتۋدى قالايدى. قازىر بەيجيڭ قىسقى وليمپيادا سپورت جارىسىنىڭ دايىندىق قىزمەتى ماڭىزدى كەزەڭدە تۇر. حالىقارالىق وليمپيادا كوميتەتى «وليمپيادا ەرەجەسىن» بەرىك ساقتاپ، وليمپيادا سپورتىن ساياسيلاندىرۋعا قارسى تۇرادى، جۇڭگومەن ۇزدىكسىز تىعىز سەلبەسىپ، جۇڭگونىڭ بەيجيڭ قىسقى وليمپياداسىن، مۇگەدەكتەر وليمپياداسىن ۋاعىندا وتكىزۋىن بار كۇشپەن قولداۋعا پەيىل. بەيجيڭ قىسقى وليمپيادا سپورت جارىسىنىڭ، مۇگەدەكتەر وليمپيادا سپورت جارىسىنىڭ دۇنيە جۇزىنە ىندەتكە قارسى اتتانۋدىڭ ۇلگى كۇشىن ايگىلەپ، دۇنيە ءجۇزىنىڭ قار - مۇز سپورتىنىڭ دامۋىن ىلگەرىلەتىپ، وليمپيادا سپورتىنىڭ دامۋىنا ماڭىزدى ۇلەس قوساتىنىنا سەنەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
