بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ كونگونىڭ (كينشاسا) زۇڭتۇڭى تسيسەكديمەن تەلەفوندا سويلەستى

2021.05.08 16:02     كەلۋ قاينارى : حالىق تورابى

  شينحۋا اگەنتتىگى، 5 - ايدىڭ 7 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 7 - كۇنى كونگونىڭ (كينشاسا) زۇڭتۇڭى تسيسەكديمەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: كونگو (كينشاسا) − جۇڭگونىڭ افريكاداعى ماڭىزدى سەلبەستىك سەرىگى، ءوزارا قولداۋ، ءوزارا سەنىم ارتۋ − ەكى ەلدىڭ تاڭداۋلى ءداستۇرى. جۇڭگو ەكى ەل قاتىناسىنا باستان - اياق ستراتەگيالىق جانە ۇزاق بولاشاقتىق تۇرعىدان مامىلە جاسايدى جانە ونى دامىتادى، كونگو جاقتىڭ مەملەكەتتىڭ تاۋەلسىزدىگىن، يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن قولدايدى، كونگو جاقپەن ساياسي بارىس - كەلىستى جانە ەل باسقارۋ اۋىس - كۇيىسىن كۇشەيتۋدى قالايدى. كونگو جاق «ءبىر بەلدەۋ، ءبىر جولدى» بىرگە قۇرۋ باستاماسىنا قاتىناسىپ، جۇڭگو - كونگو سەلبەستىگىنە جاڭا تۇعىر ازىرلەپ، جاڭا بولاشاق اشتى. جۇڭگو كونگو جاقپەن كەلەسى قادامداعى سەلبەستىكتى بىرگە جوبالاپ، ەكونوميكا - ساۋدا، نەگىزدىك قۇرىلعى، ەمدەۋ - دەنساۋلىق ساقتاۋ، اۋىل شارۋاشىلىعى، مادەنيەت سياقتى سالالارداعى ناقتى سەلبەستىكتى كۇشەيتىپ، جۇڭگو - كونگو قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.

  شي جينپيڭ بىلاي دەپ دارىپتەدى: ەكى جاقتىڭ بىرگە قۇلشىنۋىندا، جۇڭگو مەن افريكانىڭ ءداستۇرلى دوستىعى مەن ساياسي سەنىمدىلىگى ۇزدىكسىز تەرەڭدەپ، ساۋدا، قارجى قوسۋ سياقتى سالالارداعى سەلبەستىگىنىڭ تەبىنى كۇشەيىپ، حالىقارالىق ىستەردەگى سەلبەستىگى اناعۇرلىم نىعايا ءتۇستى. افريكا ەلدەرىمەن ىنتىماقتى، سەلبەستىكتى كۇشەيتۋ − باستان - اياق جۇڭگونىڭ بەرىك ستراتەگيالىق تالعامى. جۇڭگو كونگونىڭ (كينشاسا) افريكا وداعىنىڭ كەزەكتى ءتوراعاسى مىندەتىن وتەۋىن قولدايدى، كونگو جاقپەن پىكىرلەسۋدى جانە سايكەسۋدى كۇشەيتىپ، جاڭا كەزەكتى جۇڭگو - افريكا سەلبەستىك تالقى مىنبەرى ءماجىلىسىن ويداعىداي اشىپ، جۇڭگو مەن افريكانىڭ ەركىن ساۋدا رايونى قۇرىلىسى، الەۋمەتتىك دەنساۋلىق ساقتاۋ، بەيبىتشىلىك، حاۋىپسىزدىك، كليمات وزگەرىسى سياقتى سالالارداعى سەلبەستىگىن تەرەڭدەتىپ، جۇڭگو مەن افريكانىڭ جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ جاڭا جاعدايىن بىرگە اشۋدى قالايدى. جۇڭگو افريكانىڭ ب م ۇ - نىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋىن قولدايدى، حالىقارالىق قوعامنىڭ افريكانىڭ دامۋىن قولدايتىن بىرىككەن كۇش قالىپتاستىرۋىن ىلگەرىلەتەدى.

  تسيسەكدي مىنانى ءبىلدىردى: مەن كونگو (كينشاسا) مەن افريكا وداعى اتىنان جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتايمىن. كونگو مەن جۇڭگونىڭ دوستىعى تەرەڭ، كونگو ءبىر جۇڭگو ساياساتىندا تاباندى بولىپ، كونگو مەن جۇڭگونىڭ دوستىعىنا باتىل كۇش سالىپ، جۇڭگونىڭ افريكاداعى ماڭىزدى سەلبەستىك سەرىگىنە اينالدى. كونگو جۇڭگومەن ءجيى بارىس - كەلىس جاساپ، ەكونوميكا - ساۋدا، بايلىق، نەگىزدىك قۇرىلعى سياقتى سالالارداعى سەلبەستىكتى تەرەڭدەتۋدى قالايدى. جۇڭگو جاقتىڭ افريكا ەلدەرىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا زات، ۆاكسينا سياقتى جاقتاردان كومەك كورسەتكەنىنە العىس ايتامىن، افريكا جاق جۇڭگو جاقپەن ىندەتكە قارسى اتتانۋ، ەكونوميكانى قالپىنا كەلتىرۋ، قورشاعان ورتانى قورعاۋ، ەركىن ساۋدا رايونى قۇرىلىسى سياقتى سالالاردا سەلبەستىكتى كۇشەيتىپ، افريكا - جۇڭگو قاتىناسىنىڭ جانە افريكا - جۇڭگو سەلبەستىك تالقى مىنبەرىنىڭ تىڭ دامۋشىلىقتارعا قول جەتكىزۋىن ىلگەرىلەتۋدى ءۇمىت ەتەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار