قايتا جالعانعان وڭ بىلەكتىڭ ىسىگى قايتا باستادى
2021.05.10 14:03 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ تىلشىلەرى سۋ لۋپيڭ، جاۋ شييا 5 - ايدىڭ 7 - كۇنى ۇرىمجىدەن حابارلايدى. 5 - ايدىڭ 7 - كۇنى شينجياڭ مەديتسينا داشۋەسىنە قاراستى جۇڭي شيپاحاناسىنان حوتان اۋدانىنان كەلگەن ۇل بالا شياۋمايدىڭ (جاناما اتى) جالعانعان وڭ بىلەگىنىڭ ىسىگى قايتا باستادى دەگەن شات حابار تارالدى.
4 - ايدىڭ 30 - كۇنى ساعات 20 مولشەرىندە حوتان اۋدانى لايقا اۋىلى قۇمارىق قىستاعىندا 7 جاستاعى شياۋماي ابايسىزدا قولىن تراكتوردىڭ تاسپالى دوڭگەلەگىنە سۇعىپ الىپ، وڭ جاق بىلەگى ءبىراق ءۇزىلىپ كەتەدى. جەرگىلىكتى ورىنداعى شيپاحانادا ميكروسكوپيالىق سىرتقى اۋرۋلار وتا ءبولىمى ءالى قۇرىلماعاندىقتان، قوعامداعى ءار سالانىڭ كۇش سالا كومەك بەرۋىندە، شياۋماي شينجياڭ مەديتسينا داشۋەسىنە قاراستى جۇڭي شيپاحاناسىنا جەتكىزىلىپ، ۇزىلگەن بىلەگى قايتادان جالعانادى.
5 - ايدىڭ 7 - كۇنى ءتىلشى اۋرۋحانادا شياۋمايدىڭ وڭ بىلەگىندەگى تەرى بەدەرىنىڭ ايقىن كورىنە باستاعاندىعىن، ەمدەۋ - كۇتىمدەۋ قىزمەتكەرلەرىنىڭ كومەگىندە ساۋساعىن اقىرىن يدىرە الاتىن كۇيگە كەلگەنىن كوردى. ”وسىنشالىقتى تەز قالپىنا كەلگەندىگىن كورىپ تاڭدانىپ دا قۋانىپ وتىرمىن“، - دەدى قاسىندا تۇرعان شياۋمايدىڭ شەشەسى سۇديمما يمىنتوحتى تەبىرەنە.
سول كۇنى تاڭەرتەڭ اۋزىن شايىپ، بەتىن جۋعاننان كەيىن اسحاناداعى اپەكەلەرىنىڭ قورەكتىك تاماقتى اكەلىپ بەرۋىن توسقان ارالقتا شياۋماي شيپاگەردىڭ ۇيرەتكەن ءادىسى بويىنشا سول قولىمەن وڭ قولىنىڭ ساۋساقتارىن اقىرىن - اقىرىن ارەكەتتەندىرە باستادى. وپەراتسيا جاسالعاننان كەيىنگى 6 - كۇندە شياۋمايدىڭ قايتا جالعانعان وڭ بىلەگىنىڭ ىسىگى بىرتە - بىرتە قايتىپ، بۇرىنعى بەينەسىنە كەلە باستادى.
اۋىر جاراقاتتان سوڭ، شياۋمايدىڭ ءال - دارمەنىنىڭ قۇرىعاندىعى جونىندە شينجياڭ مەديتسينا داشۋەسىنە قاراستى جۇڭي شيپاحاناسىنىڭ جەتەكشى مامانى چىن باۋپان جانە وسى شيپاحانانىڭ سۇيەك اۋرۋلار ءبولىمىنىڭ اعا شيپاگەرى ۋاڭ جيشيان جۇڭي ديالەكتيكالىق ەمدەۋ جوباسىن بەلگىلەپ، توساپ ءدارى بەرۋ ارقىلى شياۋمايدى قۋاتتاندىرىپ قانىن تولىقتاپ، ىستىعىن باسىپ، ۋىتىن قايتاردى. سونىمەن بىرگە، جۇڭيداعى ەرەكشە ەمدەۋ جاپسىرما جاپسىرىپ ەمدەۋ ءتاسىلى ارقىلى قايتا جالعانعان وڭ بىلەگىنىڭ قان اينالىسىن تەزدەتىپ، ۇيۋدىڭ الدىن الدى.
وسى بىرنەشە كۇندە قورەكتىك بولىمىندەگى شيپاگەرلەردىڭ تاپسىرۋى بويىنشا سەسترالار ءار كۇنى شياۋمايعا 2 رەت ايران بەرىپ، ونىڭ ىشەك جولدارىن ميكروپتان قورعادى، سونداي - اق ۆيتامين C، ۆيتامين D جانە قۇراما ۆيتامين Bنى تولىقتاپ، يممۋنيتەتتىك قۋاتىن ارتتىردى. جۇڭگوشا، باتىسشا ەمدەۋدى ۇشتاستىرىپ ەمدەۋ ءتاسىلىنىڭ ارقاسىندا شياۋمايدىڭ تاماق ءىشۋى، دارەتكە وتىرۋى قاتارلىلار نەگىزىنەن جارالانۋدان بۇرىنعى قالپىنا كەلە باستادى، رۋحاني كۇيى دە بارعان سايىن جاقساردى. ادامدى قۋانتاتىنى، شەشەسى كەلگەننەن كەيىن، شياۋمايدىڭ توساپ ءدارى ءىشۋ بەلسەندىلىگى كورنەكتى جوعارىلاپ، ەمدەۋ - كۇتىمدەۋ قىزمەتكەرلەرىنە ەرەكشە سايكەسەتىن بولدى.
”شيپاگەر، سەسترالار قۇددى وزدەرىنىڭ بالاسىن قاراعانداي، جەيتىن، ىشەتىن، پايدالاناتىن بارلىق جاقتى تولىق ويلاستىرىپ قويىپتى، ەرەكشە العىس ايتامىن! ءبىز بالانىڭ تەزىرەك ساۋىعىپ، مەكتەپ قۇشاعىنا قايتادان ورالۋىن ءۇمىت ەتەمىز“، - دەدى سۇديمما اسەرلەنە.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
