بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

سىرت جەردە ناۋقاس كورسەتۋگە قاتىستى ساياساتقا جاڭا وزگەرىس ەنگىزىلدى

مەديتسينالىق قامسىزداندىرۋ كارتۋچكاسىنان پايدالانباقشى بولساڭىز، الدىمەن مىنا جۇمىستى ىستەۋدى ۇمىتپاڭىز

2021.05.10 15:21     كەلۋ قاينارى : حالىق تورابى

  ەمدەلۋ، ازىق – تۇلىك، باسپانا، كيىم - كەشەك، ءجۇرىس – تۇرىس سياقتىلاردىڭ بارلىعى حالىق تۇرمىسىمەن تىعىز قاتىستى ىستەر! جۇرتشىلىق نازار اۋدارىپ وتىرعان، ولكە اتتاپ، سىرت جەردە ەمدەلۋگە قاتىستى ساياساتقا جاڭا وزگەرىستەر ەنگىزىلدى.

  جۋىردا ەكى تاراۋ «امبۋلاتوريالىق قاراجاتقا قاتىستى ولكە اتتاعان تىكەلەي ەسەپ جابۋعا مۇمكىندىك جاراتۋدى جەدەل ىلگەرىلەتۋ جونىندەگى ۇقتىرۋدى» بىرگە تاراتىپ، مىناداي ىستەردى جىل سوڭىنان بۇرىن ورىنداپ بولۋدى تالاپ ەتتى:

  ءارقايسى ولكەلەردەگى %60 تەن استام اۋدانداردا امبۋلاتوريالىق قاراجاتقا قاتىستى ولكە اتتاعان ەسەپ جابۋ ءىسىن ينتەرنەت ارقىلى ورىنداي الاتىن جاي قۇرىلىمداردان كەمىندە بىرەۋى بولۋى، ءبىرتۇتاس جوسپارلاناتىن ءارقايسى وڭىرلەر جاي امبۋلاتوريالىق قاراجاتقا قاتىستى ولكە اتتاعان ەسەپ جابۋعا مۇمكىندىك بەرۋدى نەگىزىنەن ورىنداپ بولۋى كەرەك.

  جۇرتشىلىقتىڭ قاجەتسىنۋى جوعارى بولعان، جەر – جەردەگى جاي ەمحانالار جاپپاي ورىستەتكەن جوعارى قان قىسىمى، قانتتى نەسەپ اۋرۋى، قاتەرلى وسپەگە امبۋلاتوريالىق حيميالىق ەمدەۋ جۇرگىزۋ، نەسەپتىڭ ۋىتى جايىلۋدى دياليزدەۋ، دەنە ورگاندارىن كوشىرۋ وپەراتسياسىن جاساعاننان كەيىن بوگدەسىنۋگە قارسى ەمدەۋ جۇرگىزۋ قاتارلى 5 ءتۇرلى امبۋلاتوريالىق جاي اۋرۋعا قاتىستى ءارقايسى ولكەلەردە قاتىستى ەمدەۋ قاراجاتتارىنا بايلانىستى ولكە اتتاعان ەسەپ جاساۋعا مۇمكىندىك بەرۋدى ورىنداعان ءبىرتۇتاس جوسپارلاناتىن وڭىردەن كەمىندە بىرەۋى بولۋى كەرەك.

  مەملەكەتتىك سىرت جەردە ەمدەلۋ ىستەرىن جەدەل ەستەلىككە الدىرۋ جۇيەسىن جەلىگە قوسقان نەمەسە سىرت جەردە ەمدەلۋگە قاتىستى تىكەلەي ەسەپ جاساۋ قىزمەتىن ءوزى دەربەس ىسكە قوسقان ولكەلەر 2021 – جىلى 6 – ايدىڭ سوڭىنان بۇرىن ءبىرتۇتاس جوسپارلاناتىن جەرلەردى تۇگەل قامتۋدى ورىنداپ بولۋى كەرەك. 2021 – جىلى 9 – ايدىڭ سوڭىنان بۇرىن، بۇكىل ەلىمىز بويىنشا ءبىرتۇتاس جوسپارلاناتىن وڭىرلەر مەملەكەتتىك مەديتسينالىق قامسىزداندىرۋعا قاتىستى قىزمەت وتەۋ تەكشەسىن سۇيەنىش ەتە وتىرىپ، ينتەرنەت ارقىلى ءبىرتۇتاس ەستەلىككە الۋ قىزمەتىن ىسكە قوسۋى كەرەك.

  2021 – جىلى 6 – ايدىڭ سوڭىنان بۇرىن، ءارقايسى ولكەلەردەگى (اۆتونوميالى رايون، توتە قاراستى قالا) مەديتسينالىق قامسىزداندىرۋعا جاۋاپتى تاراۋلار جۇيەنىڭ جالعانىم ارناسىنىڭ دارەجەسىن جوعارىلاتۋدى حاۋىپسىز، ورنىقتى، ءتارتىپتى ورىنداپ بولۋى، جاڭا جالعانىم ارناسى مەديتسينالىق قامسىزداندىرۋ ەلەكتروندى ىسپاتى، ازاماتتىق كۋالىك، قوعامدىق قامتاماسىزداندىرۋ كارتۋچكاسى قاتارلى ءتۇرلى مەديتسينالىق قىزمەت دانەكەرلەرى ارقىلى تىكەلەي ەسەپ جاساۋدى قولدايتىن بولۋى كەرەك.

  جاڭا ساياسات ەمدەلۋدى اناعۇرلىم قولايلى ەتە ءتۇستى، الايدا، مىنانى ۇمىتپاڭىز —

  مەيلى، ەمحانادا جاتىپ ەمدەلگەندە بولسىن، الدە، امبۋلاتوريالىق ناۋقاس كورسەتۋ بارىسىندا بولسىن، ولكە اتتاپ سىرت جەردە ەمدەلگەندە، تىزىمگە الدىرعان سوڭ عانا تىكەلەي ەسەپ جاساۋعا بولادى.

  مەملەكەتتىك كەڭەستىڭ كليەنتى مەن شاعىن پروگرامماسىنا قوسىلىپ، ۇيدەن اتتاپ شىقپاي – اق، ساۋساقتارىڭىزدى قيمىلداتىپ قانا، ءوزىڭىز بەن وتباسىڭىزداعىلارعا تىزىمگە الدىرۋ رەسميەتىن بىتىرە الاسىز.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار