قابىلاننىڭ قاشقانىن جاسىرعاندارعا دەلو تۇرعىزىلدى!
2021.05.11 13:56 كەلۋ قاينارى : حالىق تورابى
ءتىلشىنىڭ حاڭجوۋ قالاسى فۋياڭ رايوندىق حالىق ۇكىمەتىنىڭ اقپارات كەڭسەسىنەن ۇعىسۋىنشا، حاڭجوۋ قالالىق قوعام حاۋىپسىزدىگى مەكەمەسى فۋياڭ رايوندىق بولىمشە مەكەمەسى زاڭ بويىنشا حاڭجوۋ جابايى حايۋاناتتار الەمى شەكتى سەرىكتەستىگىندەگى قاتىستى ادامدارعا «قابىلاننىڭ سىرتقا قاشۋى وقيعاسىندا» قىلمىس وتكىزدى دەگەن كۇمانمەن دەلو تۇرعىزىپ، تەكسەرۋ جۇرگىزگەن، 5 – ايدىڭ 10 – كۇنى زاڭ بويىنشا بۇل سەرىكتەستىكتىڭ زاڭدى ۋاكىلى، باس ديرەكتورى جاڭ دىچۋان قاتارلى بەس ادامعا قىلمىستىق ىستەرگە ساي ءماجبۇرلى شارالاردى اتقارعان. قازىر دەلو ىشكەرىلەي تەكسەرىلۋدە.
وسىنىڭ الدىندا جاريالانعان حابار:
5 – ايدىڭ 10 – كۇنى ساعات 17 دە، حاڭجوۋ قالاسى اقپار جاريالاۋ ءماجىلىسىن اشىپ، «قابىلاننىڭ سىرتقا قاشۋى وقيعاسىنا» تەكسەرۋ جۇرگىزۋ جاعدايىن مالىمدەگەن. حاڭجوۋ قالاسىنىڭ ورىنباسار قالا باستىعى ۋاڭ حۇڭ قاتىستى جاعدايلاردى حابارلاعان:
5 – ايدىڭ 7 – كۇنى ساعات 23 تە، حاڭجوۋ قالالىق جابايى حايۋاناتتار الەمى حايۋاناتتاردى باسقارۋ ءبولىمىنىڭ جاۋاپتىسى ما جيڭحۋانىڭ ايتۋىنشا، 4 – ايدىڭ 19 – كۇنى ساعات 10 دا، باسقارۋشىلاردىڭ قۇنتسىزدىق ىستەۋى سەبەبىنەن، حايۋاناتتاردى اۋاشالاپ باعۋ رايونىنان تازالىق ىستەۋ بارىسىندا 3 قابىلان قاشىپ كەتكەن. ۇشەۋى دە 2 جاس، 3 اي مولشەرىندەگى تولىق جەتىلمەگەن قابىلاندار، بىرەۋى ەركەك، ەكەۋى ۇرعاشى. 4 – ايدىڭ 21 – كۇنى جابايى حايۋاناتتار الەمى ىزدەۋ سالعان، 4 – ايدىڭ 21 – كۇنى تۇستەن بۇرىن ناركوزدى مىلتىق ارقىلى بىرەۋىن قولعا تۇسىرگەن.
جاعدايدى بىلگەن سوڭ، سەرىكتەستىكتىڭ زاڭدى ۋاكىلى، باس ديرەكتورى جاڭ X چۋان دەرەۋ سەرىكتەستىكتىڭ باسقارۋ جىگىندەگىلەردى شاقىرىپ كەڭەسكەن، ەگەر ناقتى جاعدايدى جاريالاساق، جوعارىداعى باسقارۋشى تاراۋلارعا مالىمدەسەك، حايۋاناتتار الەمى باقشاسىنىڭ 1 – مامىر مەزگىلىندەگى ساۋداسىنا اۋىر ىقپال جەتكىزەدى دەپ قاراپ، ادەيى جاسىرۋدى، مالىمدەمەۋدى ۇيعارعان ءارى استىرتىن ءوز بەتتەرىمەن ىزدەگەن. 4 – ايدىڭ 21 – كۇنى كەشتە فۋياڭ رايونى يىنحى ءمالىسى دۇڭ – ۋشان قىستاعىنىڭ ماڭىنان قاشىپ جۇرگەن قابىلاننىڭ بىرەۋىن ۇستاعان. سول كۇنى كەشتە، جاڭ X چۋان سەرىكتەستىكتىڭ باسقارۋشى جىگىندەگىلەردى تاعى ءبىر رەت جيناپ، ءماجىلىس اشىپ كەڭەسۋ ارقىلى جالعاستى جاسىرۋدى، مالىمدەمەۋدى ۇيعارعان ءارى سەرىكتەستىكتىڭ ىشكى بولىگىندەگى جاعدايدى بىلەتىندەردەن بۇل ءىستى سىرتقا جايماۋدى تالاپ ەتكەن. وسىدان سوڭ، سەرىكتەستىك بۇل جاعدايدى جالعاستى جاسىرعان، جوعارىعا مالىمدەمەگەن، جالعاستى ءوز بەتتەرىمەن ىزدەۋ ۇيىمداستىرعان، 5 – ايدىڭ 7 – كۇنى كەشتە ەكىنشى قابىلاندى بايقاعان سوڭ، قىسىمعا شىداماي فۋياڭ رايوندىق ورمان شارۋاشىلىعى تاراۋى قاتارلى قاتىستى تاراۋلارعا جاعدايدى مالىمدەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved