بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ازاماتتىق كۋالىككە قاتىستى بۇل ماسەلەلەر جونىندە قوعام حاۋىپسىزدىگى مينيسترلىگى جاۋاپ قايتاردى

2021.05.12 14:30     كەلۋ قاينارى : حالىق تورابى

  مەملەكەتتىك ساناق مەكەمەسى جاريالاعان مەملەكەت بويىنشا جان سانىنا جەتىنشى رەت جاپپاي تەكسەرۋ جۇرگىزۋ ساندى مالىمەتىنە قاراعاندا، بۇكىل ەلىمىز جان سانى ءبىر ميلليارد 411 ميلليون 780 مىڭ ادام بولعان. ەلىمىز ازاماتتارىنىڭ زاڭدى سالاۋاتىنا ۋاكىلدىك ەتەتىن كۋالىك رەتىندە، تۇرعىنداردىڭ ازاماتتىق كۋالىگى قوعامنىڭ ءتۇرلى سالالارىندا كەڭىنەن قولدانىلادى، ەگەر ونى ابايسىزدا جوعالتىپ الساڭىز، قىزمەت پەن تۇرمىسقا كوپتەگەن قولايسىزدىقتار تۋدىرادى. ەگەر جوعالتىپ العان ازاماتتىق كۋالىكتى زاڭسىز ەلەمەنتتەر پايدالانسا، بەيمالىم قارىزدار ارقالاپ قالۋ، سەنىمنەن ايرىلعانداردىڭ تىزىمدىگىنە ەنۋ سىندى جاسىرىن حاۋىپ – قاتەرلەر تۋىلادى. بۇل ماسەلەلەردى قالاي شەشىم ەتۋ كەرەك؟ قوعام حاۋىپسىزدىگى مينيسترلىگى بۇل جونىندە جاۋاپ بەردى.

  ازاماتتىق كۋالىكتى جوعالتىپ العان سوڭ، باسقالاردىڭ پايدالانۋىنان الاڭداسا قايتۋ كەرەك؟

  جوعالعان، ۇرلانعان ازاماتتىق كۋالىكتى باسقالاردىڭ پايدالانۋىنان ءونىمدى ساقتانۋ ءۇشىن، قوعام حاۋىپسىزدىگى مينيسترلىگى 2016 – جىلى 10 – ايدا تۇرعىنداردىڭ كۇشىن جويعان ازاماتتىق كۋالىكتەرىنە قاتىستى ينفورماتسيالار جۇيەسىن ىسكە قوسىپ، جۇرتشىلىقتىڭ جوعالتقان، ۇرلاتقان ازاماتتىق كۋالىكتەرىنىڭ ينفورماتسيالارى مەن جاڭادان كۋالىك بىتىرگەننەن كەيىنگى ازاماتتىق كۋالىكتەرىنىڭ ينفورماتسيالارىن جيناقتاپ، تاراۋلار ارا ينفورماتسيا ورتاقتاسۋ جانە قىزمەت وتەۋ تەكشەسى ارقىلى قوعامداعى كۋالىك قولدانۋدى قاجەت ەتەتىن قاتىستى تاراۋلارعا جانە ورىندارعا كۇشىن جويعان ازاماتتىق كۋالىكتەردى تەكسەرۋ جاعىندا قىزمەت وتەدى.

  قازىرگە دەيىن، ونەركاسىپ جانە ينفورماتسيالاندىرۋ مينيسترلىگى، مەملەكەتتىك باجى ىستەرى باس مەكەمەسى، قۇندى قاعاز ىستەرىن باقىلاۋ – باسقارۋ كوميتەتى قاتارلى تاراۋلار مەن ورىندار قوعام حاۋىپسىزدىگى مينيسترلىگىمەن سايكەسىپ، كۇشىن جويعان ازاماتتىق كۋالىكتەردى تەكسەرۋگە بولاتىن قولدانىلىمدى ىسكە قوستى.

  الدا قوعام حاۋىپسىزدىگى مينيسترلىگى كۇشىن جويعان ازاماتتىق كۋالىكتەردى تەكسەرۋ جونىندە قىزمەت وتەۋ اۋماعىن اناعۇرلىم كەڭەيتىپ، تۇرعىنداردىڭ ازاماتتىق كۋالىكتەرىن باسقالاردىڭ پايدالانۋىنان تۋىندايتىن ماسەلەلەردەن بارىنشا ساقتانادى.

  ازاماتتىق كۋالىكتىڭ جوعالعانىن ينتەرنەت ارقىلى تىزىمگە الدىرۋعا بولا ما؟

  2017 – جىلى 7 – ايدىڭ 1 – كۇنى ازاماتتىق كۋالىكتى سىرت جەردە بىتىرۋگە، جوعالعانىن سىرت جەردە تىزىمگە الدىرۋ جونىندە ءوتىنىش بەرۋگە جانە تابىلعان كۋالىكتى قايتارىپ الۋعا قاتىستى «ءۇش ءتۇرلى ءتۇزىم» بۇكىل ەلىمىز كولەمىندە ورىستەتىلدى، ازاماتتىق كۋالىك جوعالسا، ۇرلانسا، سول ماڭداعى ساقشى مەكەمەسىنە نەمەسە نوپوسقا قاتىستى ىستەردى ءبىتىرۋ ورنىنا بارىپ، جوعالعانىن تىزىمگە الدىرۋ جونىندە ءوتىنىش بەرۋگە بولادى.

  ازاماتتىق كۋالىكتىڭ جوعالعانىن ينتەرنەت ارقىلى تىزىمگە الدىرۋدا بىرەۋدىڭ اتىن جامىلۋ حاۋىپ – قاتەرى بولاتىنىن ويلاستىرا وتىرىپ، قازىر، ءىس جۇزىندە، ازاماتتىق كۋالىكتىڭ جوعالعانىن تىزىمگە الدىرۋدا تۇگەلدەي ءوزى ساقشى بولىمشەسىنە نەمەسە نوپوس ىستەرىن باسقارۋ ورنىنداعى قىزمەت وتەۋ تەرەزەسىنە بارىپ ءبىتىرۋدى تالاپ ەتەدى.

  وقىعان مەكتەبىڭىز 211، 985 تىزىمدىگىندە بار ما؟

  ازاماتتار تۇرعىندار ازاماتتىق كۋالىگىن جوعالتىپ السا، دەرەۋ قوعام حاۋىپسىزدىگى ورگاندارىنا مالىمدەۋى كەرەك. مالىمدەگەن كۇننەن باستاپ 3 اي ىشىندە تابىلماسا، جاڭادان كۋالىك بىتىرۋگە ءوتىنىش بەرۋى كەرەك.

  ازاماتتىق كۋالىكتى نوپوسى تۇرعان جەردە بىتىرسە، نوپوس داپتەرىن تەكسەرۋگە تاپسىرۋى، سۋرەتكە ءتۇسۋى، «تۇرعىنداردىڭ ازاماتتىق كۋالىگىن بىتىرۋگە ءوتىنىش بەرۋدى تىزىمدەۋ كەستەسىن» تولتىرۋى، كۋالىكتىڭ ماتەريال اقىسىن تاپسىرۋى كەرەك.

  كۋالىك ءبىتىرۋ رەسمياتىن بىتىرگەن سوڭ، 60 كۇن ىشىندە ازاماتتىق كۋالىكتى الۋعا بولادى؛ قاتىناسى قولايسىز جەرلەردە ۇزارتقان ۋاقىت 30 كۇننەن اسىپ كەتپەۋى كەرەك. شارت – جاعدايى بار جەرلەردە ءىس جۇزىندىك جاعدايعا قاراي كۋالىك تاراتۋ ۋاقىتىن قىسقارتۋعا بولادى.

  ازاماتتىق كۋالىكتى سىرت جەردە بىتىرۋگە بولا ما؟

  تۇراقتى نوپوستاعى جەردەن باسقا ولكەگە (اۆتونوميالى رايون، توتە قاراستى قالا) بارىپ زاڭدى، ورنىقتى كاسىپتەنگەن، وقىعان، قونىستانعان ازاماتتار قازىر تۇرعان جەرىندە قوعام حاۋىپسىزدىگى ورگاندارىنا ازاماتتىق كۋالىكتى اۋىستىرىپ الۋ، تولىقتاپ الۋ جونىندە ءوتىنىش تاپسىرۋىنا بولادى.

  سىرت جەردە ۋاقىتتىق ازاماتتىق كۋالىكتى بىتىرۋگە بولا ما؟

  قازىر سىرت جەردە بىتىرۋگە ءوتىنىش بەرۋ كولەمى ازاماتتىق كۋالىكتى اۋىستىرىپ الۋ، تولىقتاپ الۋ جاعدايىن عانا قامتيدى، ۋاقىتتىق ازاماتتىق كۋالىك ءبىتىرۋدى قامتىمايدى.

  قوعام حاۋىپسىزدىگى مينيسترلىگى ازاماتتىق كۋالىگىن جوعالتقان، ۇرلاتقان نەمەسە ۇمىتقان ادامنىڭ ۇشاققا، پويەزگە شۇعىل وتىرۋىنا تۋرا كەلگەندە نەمەسە قوناق ۇيگە جاتقاندا، اۋەجايداعى، پويەز بەكەتىندەگى ساقشى بولىمشەلەرىنەن جانە قوناق ءۇي تۇرعان اۋماقتى باسقاراتىن ساقشى بولىمشەسىنەن جۇرتشىلىققا دەر كەزىندە ۋاقىتتىق ازاماتتىق ىسپاتىن اشىپ بەرۋدى ايقىن تالاپ ەتتى.

  ازاماتتىق كۋالىكتىڭ «ينتەرنەتتەگى نۇسقاسىن» جالپىلاستىرۋ مۇمكىن بە؟

  ازاماتتىق كۋالىكتىڭ «ينتەرنەتتەگى نۇسقاسى» — ءىس جۇزىندە، تۇرعىنداردىڭ ازاماتتىق كۋالىگىنىڭ ەلەكتروندى نۇسقاسى، قوعام حاۋىپسىزدىگى مينيسترلىگى الداعى قىزمەت بارىسىندا بۇعان ىشكەرىلەي زەرتتەۋ جۇرگىزىپ، ىسپات توپتايدى.

  (ماتەريالدىڭ كەلۋ قاينارى: قوعام حاۋىپسىزدىگى مينيسترلىگى، جۇڭگو ۇكىمەت تورابى)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

ليۋ حۇڭ

لي كايتاۋ