بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كوركەم شينجياڭنىڭ بارلىق جەرى ەرەكشە كوركىمەن كوز تارتادى

− ساياحاتتىڭ جوعارى ساپالى دامۋىن ىلگەرىلەتۋگە نازار

2021.05.17 16:19     كەلۋ قاينارى : شينجياڭ گازەتى

  ”مەنىڭشە، قاشقاردا كورەرىمىز كوپ ەكەن، بۇل ويىما قوسىلاتىن شىعارسىزدار!“ ”كوگىلدىر كوز Andy“ اتالعان جاڭا زەلانديالىق بلوگەر اندي بورحام ”1 - مامىر“ كەزىندە جۇڭگونىڭ شينجياڭىنا كەلىپ، قاشقار بايىرعى قالاسىندا ءدامدى تاعامداردى مەيىرى قانعانشا جەۋمەن بىرگە، Vlog جاريالاپ، ”قىزىقتى“، ”تاتىمدى“ اسەرلەرىن كوپشىلىكپەنءبولىسىپ، توراپتاستارىنا شينجياڭعا كەلىپ ساياحاتتاۋدى ۇسىنىس ەتتى.

  شينجياڭنىڭ ساياحات بايلىعىنىڭ باي مازمۇندى، الۋان تۇرلىلىگى ساياحاتشىلاردى باۋراۋىنىڭ ماڭىزدى سەبەبى. ”سارا جەلىلەردى اشۋ، ساياحاتقا قىزمەت وتەۋ دەڭگەيىن جوعارىلاتۋ، مادەنيەت پەن ساياحاتتى تەرەڭ توعىستىرۋ سياقتى سالالارعا جاپپاي كۇش سالۋ ارقىلى شينجياڭ تاڭداۋلى بايلىقتى تاڭداۋلى ساياحات كەشىرمەسىنە اينالدىرىپ، ساياحاتشىلاردى شينجياڭعا قايتالاي ساياحاتتاي كەلۋگە باۋرادى“، - دەدى بىرنەشە كۇننىڭ الدىندا مافىڭۋو ساياحات زەرتتەۋ ورتالىعىنىڭ جاۋاپتىسى فىڭ راۋ.

تاماشا كورىنىسكە ءتانتى بولماي قويمايسىز

  ”ءبىز وسى جولى ءوز اۆتوكولىگىمىزبەن شينجياڭدى ساياحاتتاعاندا، وڭتۇستىك شينجياڭداعى تاشقورعان - ياركەن بايىرعى جولىنا باردىق، سولتۇستىك شينجياڭدا S101 جەلىسىن تاڭدادىق. جول بويىنداعى كوركەم كورىنىستى تەك ’كەرەمەت‘ دەگەن سوزبەن عانا سۋرەتتەي الاسىڭ“.

  5 - ايدىڭ باسىندا شىنجىندىق ساياحاتشى لي سۇڭميڭ دوسىمەن بىرگە ۇرىمجىگە ۇشىپ كەلىپ، ءبىرىنشى ىستەگەن ىستەرى دالالىق اۆتوكولىك جالداپ الۋ بولدى. S101جەلىسى چيسايشان، بايليدانشيا، ۇلۋجان سياقتى كورىنىس ءوڭىرىن، كورىنىس ءتۇيىنىن كوكتەي وتەدى دە، ءوز اۆتوكولىگىمەن ساياحاتتاپ سۋرەت تۇسىرۋگە، دالا ساياحاتىن جاساپ جاياۋ تارتۋعا، سۋرەت سىزۋعا ەرەكشە ۇيلەسەدى.

  ”ءوز اۆتوكولىگىمەن ساياحاتتاۋ شينجياڭنىڭ كوركەم كورىنىسىن ءتۇسىنۋدىڭ ماڭىزدى تاسىلىنە اينالىپ، جولداردى جەلى ەتە وتىرىپ، جول بويىنداعى تولىپ جاتقان كورىنىس وڭىرلەرىن، كورىنىس تۇيىندەرىن كوكتەي وتەسىڭ“. شيەچىڭ توبىنىڭ ورىنباسار باسالقاسى، حۋاشي بولىمشە سەرىكتەستىگىنىڭ باس ديرەكتورى جاڭ گوچياڭ تانىستىرىپ بىلاي دەدى: 3 - ايدان بەرى ينتەرنەتتەن ”شينجياڭدا ءوز اۆتوكولىگىمەن ساياحاتتاۋدى“ سۇراستىرۋشىلار سانى ۇزدىكسىز ارتتى. شينجياڭ ءوز اۆتوكولىگىمەن ساياحاتتاۋ ساياحات كووپەراتيۆى شەكتى سەرىكتەستىگىنىڭ باس ديرەكتورى ما شۇي تىلشىگە سەرىكتەستىكتىڭ الدا باستالاتىن G219 جەلىسىنىڭ شينجياڭ بولەگىندە ءوز اۆتوكولىگىمەن ساياحاتتاۋعا قاۋىرت دايىندالىپ جاتقاندىقتارىن ايتتى.

  جول بويىنداعى كورىنىستەر ادامداردى باۋراي الاتىن بولسا بولعانى، ءوز اۆتوكولىگىمەن ساياحاتتاۋ جەلىسى ساياحاتشىلاردىڭ قارسى الۋىنا بولەنە الادى. ”شينجياڭنىڭ جەرى كەڭ - بايتاق، جەر بەدەرى ءار الۋان، ساياحات بايلىعى مول، قالاي قىزىقتاساڭ دا كەرەمەت. اسىرەسە، ءبىر جاعىنان، كولىك جۇرگىزىپ، ەندى ءبىر جاعىنان، كورىنىستى تاماشالاۋ دەگەنىڭىز توتەنشە باقىتتى ءىس“. اۆتونوميالى رايوندىق مادەنيەت جانە ساياحات مەڭگەرمەسى بايلىقتى اشۋ باسقارماسىنىڭ باستىعى جاڭ چۇنميڭ تانىستىرىپ بىلاي دەدى: شينجياڭ مەملەكەت ساياحات بايلىعىن تۇرگە ايىرۋ ولشەمىندەگى تۇتاس 8 نەگىزگى ءتۇردىڭ، 31 تيپ تارماعىنىڭ %96.7ىن قامتيدى؛ 5A دارەجەلى ساياحات كورىنىس وڭىرىنەن 16سى بار، مەملەكەت بويىنشا 3 - ورىندى يەلەيدى؛ 4A دارەجەلى ساياحات كورىنىس وڭىرىنەن 109ى بار، 7 ورىن مەملەكەتتىڭ تۇتاس وڭىرلىك ساياحاتتان ۇلگى كورسەتۋ رايونىنا تاڭدالدى، ءبىر ورىن مەملەكەت دارەجەلى ساياحات - دەمالىس ورنى بولدى.

تاماشا بايلىقتى قالاي قاراساڭىز دا تىڭ تىنىس بايقاتادى

  ”تاريحي مادەنيەتتى ءتۇسىنىپ قانا قويماي، ادەت - عۇرىپتىق ءان - بيلەردى دە تاماشالادىق، ءبىز جارتى كۇننەن استام ۋاقىت تاماشالاساق تا قۇمارىمىزدان شىقپادىق“. ۇرىمجىلىك ساياحاتشى لي جۋان بىرنەشە كۇننىڭ الدىندا ءۇي ىشىندەگىلەرمەن بىرگە قاشقار قالاسىنداعى يپارحان قابىرى كورىنىس ءوڭىرىن تاماشالادى، جول بويى بەيزاتتىق مادەني مۇرا ويىندارىن كورىپ، ”يپارحان وتباسىنىڭ“ ادەت - عۇرىپ توي سالتىن تاماشالاپ، قولا قۇرالدارى كونە بازارىن ارالادى... ماعىنالى ساپار ونىڭ قۇماردان شىعۋىنا مۇمكىندىك جاسادى. قاشقار ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار باستىعى ليۋ حۇي بىلاي دەدى: ”قاشقار بايىرعى قالاسى، يپارحان قابىرى سياقتى كورىنىس وڭىرلەرىن، كورىنىس تۇيىندەرىن تياناق ەتىپ، وڭتۇستىك شينجياڭ جىبەك جولى مادەنيەت جانە ۇلتتىق ادەت - عۇرىپ ساياحات نىسانالى جەرىن قۇرۋدى ارقاۋ ەتە وتىرىپ، قاشقار قازىرگى بار ساياحات بايلىعىن تەرەڭدەي اشىپ، جاڭا ونىمدەردى ۇزدىكسىز ورتاعا سالىپ، ساياحاتشىلارعا ءار جولى كەلگەن سايىن سونى لەپ اڭعارتۋعا مۇمكىندىك جاساۋدا“.

  داڭقى بارعان سايىن اسقاقتاعان ”اقسۋ بايىرعى كوشەسى“ − وڭتۇستىك شينجياڭداعى تاعى ءبىر، ءسوزسىز، ساياحاتتاپ باراتىن ءتۇيىن، اس - سۋدى، كوڭىل اشۋدى، دەمالۋدى، وزگەشە عۇرىپ - ادەتتى سەزىنۋدى ءبىر تۇلعالاندىرعان، اقسۋ قالاسىنداعى كولەمدى وزگەشە حالىقتىق تۇسەلحانا نىسانى. وتكەندەگى تۇرعىندار ءۇيىنىڭ كوپ ساندىسى حالىقتىق تۇسەلحانا بولىپ وزگەرتىلىپ قۇرىلىپ، كوركەمونەر قىزمەت ءۇيى، ادەت - عۇرىپ، مادەنيەت كورمە سارايى سياقتىلارمەن كوركىن اسىردى، كوشەنىڭ ەكى جاعالاۋىنداعى كورمە تەرەزەلەرىنە جەرگىلىكتى قىش، اعاش جابدىقتارىنان جاسالعان قۇرالدار، دوپپا سياقتى قولونەر بۇيىمدارى قويىلعان. بىتىك وسكەن تۇت اعاشىنىڭ ساياسىندا ساياحاتشىلار ارلى - بەرلى ءوتىپ، دامىلداپ، كوڭىلىندەگىدەي كورىنىستەن ءلاززات الادى.

  بۇكىل شينجياڭنىڭ جەر - جەرىندەگى كورىنىس وڭىرلەرى، كورىنىس تۇيىندەرى وزگەشە بايلىقتى تياناق ەتىپ، جاسىل دامۋدى ارقاۋ ەتىپ، قامداۋ جانە قاجەتسىنۋ ەكى جاعىندا جاڭالىق اشىپ، ساياحات ونىمدەرىن مولايتىپ، قىزمەت وتەۋ ساپاسىن جوعارىلاتتى. شينجياڭ بارعان سايىن كوبەيگەن ساياحاتشىلاردىڭ ەڭ الدىمەن تاڭدايتىن نىسانالى جەرىنە اينالدى. بيىل الدىڭعى 4 ايدا شينجياڭ 42 ميلليون 314 مىڭ 600 ادام - رەت ساياحاتشى قابىلداپ، ساياحات كىرىسى 33 ميلليارد 935 ميلليون يۋان بولدى.

ولقىلىقتاردى تولىقتاپ، قارجى ەنگىزۋ قابىلەتىن جوعارىلاتتى

  تاياۋدا عانا مەملەكەتتىك 5A دارەجەلى ساياحات كورىنىس ءوڭىرى بولعان سايرام كولى كورىنىس ءوڭىرى كول، سازدىق، جايلىم، ورمان، قارلى تاۋ، مۇزدى القاپ سياقتى اۋەلگى ەكولوگيالىق كورىنىستى شوعىرلاندىرىپ، ءبىر تۇلعالاندىردى. ”3 - ايدان باستاپ ساياحاتشىلار كورنەكتى ارتتى، مۇنىڭ %60ى ىشكى وڭىردەن كەلگەن ساياحاتشىلار“، - دەدى سايرام كولى ايگىلى كورىنىس ءوڭىرى پارتيا قىزمەتى كوميتەتىنىڭ ورىنباسار شۋجيى، باسقارۋ كوميتەتىنىڭ مەڭگەرۋشىسى ليۋ شياۋشيان، - كورىنىس ءوڭىرى جول، دارەتحانا، اۆتوتۇراق سياقتى نەگىزدىك قۇرىلعى قۇرىلىستارىن كۇشەيتۋمەن بىرگە، ”قونۋداعى“ جانە ”كوڭىل اشۋداعى“ ءالسىز تۇستارعا قاراتا ساۋداگەر شاقىرىپ قارجى ەنگىزىپ، كورىنىس ءوڭىرىنىڭ قابىلداۋ قۋاتى مەن دەڭگەيىن ۇزدىكسىز جوعارىلاتتى.

  ”كورىنىس ءوڭىرىن اشۋ جاي باستالعانىمەن، ءبىراق اشۋ قۇرىلىسى جاعىندا ءبىز ايگىلى قوناق ءۇي باسقارۋ كاسىپورنىن ىرگە تەبۋگە باستادىق، باستاما ءبىرشاما جوعارى بولدى. ءبىز كورىنىس وڭىرىندەگى قوناق قابىلداۋ توسەك ورنىن 1000نان 4000عا دەيىن ارتتىرۋدى، سونىمەن بىرگە كوڭىل اشۋ نىساندارىن ەنگىزىپ، ءبىر كۇندىك ساياحاتتى تۇنەمەلى ساياحاتقا اينالدىرۋدى جوسپارلاپ وتىرمىز“، - دەدى ليۋ شياۋشيان.

  ساياحات بايلىعىن اشۋعا ۇسىنىلىمدى ارتتىرۋدى ارقاۋ ەتىپ، ساياحات كاسىبىنىڭ دامۋىنا ومىرشەڭ كۇش ۇستەۋ ءۇشىن، جەر - جەر ءادىس - امال قاراستىرىپ، قوعامدىق كاپيتالدى ساياحات كاسىبىن اشۋعا ات سالىسۋعا باۋراپ، بايلىق باسىمدىعىن كاسىپ سالاسىن دامىتۋ باسىمدىعىنا اينالدىردى.

  5 - ايدىڭ 9 - كۇنى التاي ايماعى سان - يا قالاسىندا ايتۋلى قوناق سارايلارىنا ارناۋلى ساۋداگەر شاقىرۋ - تانىستىرۋ جيىنىن اشتى. التاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار باستىعى نيە پيڭ بىلاي دەدى: ”جاتىن ورىن جانە قوناق قابىلداۋ دەڭگەيىن جوعارىلاتۋعا مەڭزەس، ءبىز جوعارى دارەجەلى، جۇلدىز دارەجەلى قوناقجاي ەنگىزىپ، ساياحاتقا قىزمەت وتەۋدىڭ جاڭا ولشەمىن تۇلعالاپ، التاي ايماعىن جۇڭگوداعى ەڭ ۇزدىك ساياحات نىسانالى جەرى ەتىپ قۇرۋعا بەرىك نەگىز قالاۋىمىز قاجەت“.

  2020 - جىلى شينجياڭ مادەنيەت جانە ساياحات نىسانىنا جالپى 28 ميلليارد 874 ميلليون يۋان قارجى قوستى. بيىل اۆتونوميالى رايوندىق مادەنيەت جانە ساياحات مەڭگەرمەسى 300 كەلەلى مادەنيەت جانە ساياحات كاسىبىنە قارجى قوسۋ نىسانىن سالالاپ، جالپى قوسىلعان قارجى مولشەرى 104 ميلليارد 208 ميلليون يۋانعا جەتىپ، بايلىق باسىمدىعىن كاسىپ سالاسى باسىمدىعىنا اينالدىرۋعا اناعۇرلىم مۇمكىندىك جاساپ، شينجياڭنىڭ ساياحات كاسىبىنىڭ جوعارى ساپالى دامۋىن ىلگەرىلەتتى.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

ليۋ حۇڭ