شىنياڭدا انالى – بالالى ەكەۋىنىڭ دياگنوزى تۇراقتاندىرىلدى! ەكەۋى دە ۆاكسينا ەكتىرمەگەن
2021.05.17 16:53 كەلۋ قاينارى : حالىق تورابى
5 – ايدىڭ 16 – كۇنى، شىنياڭ قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ قىزمەتى جونىندەگى 36 – رەتكى اقپار جاريالاۋ ماجىلىسىندە، شىنياڭ قالالىق اۋرۋدىڭ الدىن الۋ جانە تىزگىندەۋ ورتالىعىنىڭ ورىنباسار مەڭگەرۋشىسى ۋاڭ پيڭ مىنانى حابارلاندىردى: 5 – ايدىڭ 15 – كۇنى ساعات 19 دەن 5 – ايدىڭ 16 – كۇنى ساعات 15 كە دەيىن، شىنياڭ قالاسىندا جەرگىلىكتى ورىننان جاڭا تيپتى ايدارشا ۆيرۋس وكپە قابىنۋ ىندەتىنە شالدىقتى دەپ دياگنوز قويىلعان ءبىر ادام قوسىلعان، ول 5 – ايدىڭ 15 – كۇنى شىنياڭ قالاسى مالىمدەگەن جەرگىلىكتى ورىننان دياگنوزى تۇراقتاندىرىلعان (61 جاستاعى ەر) ادامنىڭ اناسى ەكەن.
5 – ايدىڭ 16 – كۇنى ساعات 10 عا دەيىن، تىكەلەي جاناسۋشىلاردان 59 ادام انىقتالىپ، 52 ادام قالالىق مەديتسينالىق باقىلاۋ ورنىنا جەتكىزىلىپ، شوعىرلى اۋاشالاۋعا الىنعان، 6 ادام سىرت جەردەن توتە اكەلىنگەن، ءبىر ادامنىڭ نۋكلەين قىشقىلىن تەكسەرۋ ناتيجەسى بولىمدى بولىپ، قالالىق 6 – ەمحاناعا جوتكەلگەن.
ۇعىسۋعا قاراعاندا، جوعارىداعى 2 ناۋقاس تا شىنياڭ قالاسىندا ءبىرىنشى توپتا ۆاكسينا ەگىلگەن 18 – 59 جاس ارالىعىنداعى ءتۇيىندى توپتاعى ادامدار ەمەس، ەكەۋى دە جاڭا تيپتى ايدارشا ۆيرۋس ۆاكسيناسىن ەكتىرمەگەن.
5 – ايدىڭ 15 – كۇنى ساعات 18 گە دەيىن، ءتۇيىندى وڭىرلەردەن شىنياڭعا كەلگەن، قايتىپ كەلگەن ادامداردان جيىنى 9897 ادام تەكسەرىلگەن. مۇندا يىڭكوۋ قالاسى بايۇيچۋان رايونىنان 9876 ادام، گايجوۋ قالاسى چىنتۇن قالاشىعىنان 17 ادام، انحۇي ولكەسى حىفەي قالاسى فەيشي اۋدانىنان 3 ادام، ليۋ – ان قالاسى جين – ان رايونىنان ءبىر ادام بار. قازىر 423 ادام شوعىرلى اۋاشالاۋعا الىنعان، 9474 ادام وتباسىندا اۋاشالاۋعا الىنعان، قالعان 1225 ادامنىڭ نۋكلەين قىشقىلىن تەكسەرۋ جۇمىسى قازىر ورىستەتىلۋدە، قالعاندارىنىڭ تەكسەرۋ ناتيجەسى تۇگەلدەي بولىمسىز بولعان.
لياۋنيڭ ولكەلىك اۋرۋدى تىزگىندەۋ ورتالىعى 2 ناۋقاسقا جاڭا تيپتى ايدارشا ۆيرۋس نۋكلەين قىشىلى تۇتاس گەندەر جيىنتىعىنىڭ تىزبەگىن تەكسەرۋ قىزمەتىن ورىستەتكەن، قازىر بۇل تەكسەرۋ قىزمەتى جالعاستى ورىندالۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
