شينجياڭنان 3 ادام 3 – ايداعى «جۇڭگوداعى جاقسى ادامدار» تىزىمدىگىنە ەنگىزىلدى
2021.05.17 16:54 كەلۋ قاينارى : حالىق تورابى
تيانشان تورابى – شينجياڭ گازەتى حابارى ءتىلشىسى جاڭ يانفاڭ حابارلايدى. جۋىردا، ورتالىق كوميتەت وركەنيەت كەڭسەسى 2021 – جىلعى 3 – ايداعى «جۇڭگوداعى جاقسى ادامدار» تىزىمدىگىن جاريالادى، جانىمىزداعى جاقسى ادامداردان 105 ادام تىزىمدىككە ەنگىزىلدى. مۇندا، وتباسىندا قيىنشىلىعى بار ايەلدەردى كەدەيلىكتەن ارىلتىپ، اۋقاتتانۋعا باستاعان شاپشال سىبە اۆتونوميالى اۋدانىنداعى شيلي اپا وتباسىلىق قىزمەت وتەۋ ورتالىعىنىڭ جاۋاپتىسى تان جىنليان، زەينەتكە شىققان سوڭ، ىندەتتەن ساقتانۋدىڭ ءبىرىنشى شەبىنە بارۋدى ءوتىنىش ەتكەن سانجى قالالىق حالىق ەمحاناسىنىڭ ەمدەۋ ىستەرى ءبولىمىنىڭ بۇرىنعى مەڭگەرۋشىسى يۇي حاييىڭ، اكەسىنىڭ اماناتىنا يە بولىپ، 38 جىل بويى شەكارانى شارلاۋ – قورعاۋ قىزمەتىن اتقارعان شينجياڭ ءوندىرىس – قۇرىلىس بيڭتۋانى 4 – ديۆيزياسى 76 – تۋانىنىڭ شەكارا قورعاۋشىسى ساۋكىتىگىسى داڭقپەن تىزىمدىككە ەنگىزىلدى.
2000 – جىلدىڭ باسىندا، وتباسىلىق قىزمەت وتەۋ ىستەرى شاپشال اۋدانىندا جاڭا عانا بوي كوتەرگەن، اۋداندا جۇيەلى وتباسىلىق قىزمەت وتەۋمەن شۇعىلداناتىن بىردە – ءبىر سەرىكتەستىك جوق بولاتىن، تان جىنليان ساۋدا ورايىن دۇرىس كوزدەپ، 3 قۇربىسىمەن بىرگە كوشە بويىنداعى دۇكەندى مايعا الىپ، كاسىپ كوزىن اشۋ جولىنا ءتۇستى. شوگەل دە تىرىسشاڭ، قىزمەت وتەۋى جۇيەلى بولعاندىقتان، تەز ارادا بازارداعى ورىندارىن تاپتى. ىستەرى ىلگەرى باسىپ، اۋقاتتانا باستاعان سوڭ، تان جىنليان تۇرمىسىندا قيىنشىلىعى بار كوپتەگەن ايەلدەردى سەرىكتەستىگىنە كەلىپ قىزمەت ىستەۋگە قابىلداپ، ولارعا وتباسىلىق قىزمەت وتەۋ شەبەرلىكتەرىن ۇيرەتىپ، ولاردى دەربەس بولۋعا، قۇلشىنۋعا، قوس قولدارىمەن تاماشا تۇرمىستى جاراتۋعا شابىتتاندىردى.
2020 – جىلى جاڭا تيپتى ايدارشا ۆيرس وكپە قابىنۋ ىندەتى توساتتان تۋىلدى. 1 – ايدىڭ 24 – كۇنى ەسكى جىلدىڭ سوڭعى تۇنىندە، زەينەتكە شىققان يۇي حاييىڭ وتباسىنداعىلارعا تۇسىندىرۋگە دە ۇلگىرمەستەن، كورپە – جاستىعىن اسىعىس – ۇسىگىس جيناستىرىپ، سانجى قالالىق حالىق ەمحاناسىنا جونەلدى. ول ەمحانانىڭ ىندەتتەن ساقتانۋ – تىزگىندەۋ باسشىلىق گرۋپپاسى كەڭسەسىنىڭ مەڭگەرۋشىسى بولۋدى ىرىقتىلىقپەن ءوتىنىش ەتىپ، ءار كۇنى كەڭسەدە تاماقتانىپ، كەڭسەدە تۇردى، ءىس جۇزىندىك جاعدايعا قاراي ءتارتىپتى رەتكە سالۋ، زاتتاردى جوتكەۋ، قىزمەتكەرلەردى تاربيەلەۋ، دياگنوزىن ايىرۋ قاتارلى شارالاردىڭ تياناقتاندىرىلۋ جاعدايىن تەكسەرۋ، الدىن الا تەكسەرۋ - دياگنوزىن ايىرۋ ورنى مەن قىزۋى ورلەۋ ءبولىمىن تەكسەرۋ ... قاتارلى قىزمەتتەردى اتقاردى، بۇل ساقا شيپاگەر كوپتى كورگەن شيپاگەرگە ءتان قىزمەت ستيلىن ساۋلەلەندىرىپ، شايقاستىڭ ءبىرىنشى شەبىندە جاستارعا جەتەكشىلىك ەتىپ، ەمحانادا كوزگە كورىنبەيتىن «قورعانىس قامالىن» تۇرعىزدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
