ۋيچات ماڭىزدى ۇقتىرۋ جاريالادى!
2021.05.18 15:06 كەلۋ قاينارى : حالىق تورابى
جۋىردا، ۋيچات ۇجىمى ينتەرنەت ارقىلى قۇمار ويناۋ ماسەلەسى جونىندە ەڭ جاڭا ۇقتىرۋ جاريالادى. ينتەرنەت ارقىلى قۇمار ويناۋ شەكارا اتتاعان قۇمار ويناۋ ارەكەتىنىڭ ەڭ كوپ كەزدەسەتىن فورماسىنىڭ ءبىرى رەتىندە، زاڭعا قايشى بولىپ قالماستان، ول الدامكوستىك قاتارلى سۇرقيا ارەكەتتەردى وتە وڭاي تۋىنداتىپ، ينتەرنەتتىڭ ەكولوگيالىق ورتاسىنا اۋىر زيان جەتكىزەدى.
ۋيچات ۇجىمى تەكشەنىڭ جانە قولدانۋشىلاردىڭ حاۋىپسىزدىگىنە كەپىلدىك ەتۋگە كۇش سالىپ، مەملەكەتتىڭ قاتىستى زاڭ – بەلگىلەمەلەرىنە، سونداي – اق تىڭشۇن سەرىكتەستىگىنىڭ قاتىستى تەكشەلىك بەلگىلەمەلەرىنە قاتاڭ بويسۇنىپ، قۇمار ويناۋ قاتارلى زاڭ – تۇزىمگە قايشى مازمۇندارعا رۇقسات ەتپەيدى، تەكشە مازمۇنىنىڭ زاڭ – تۇزىمگە قايشى كەلمەۋىنە كەپىلدىك ەتەدى.
«ۋيچاتتاعى جەكەلىك اككاۋنتتى پايدالانۋدى جۇيەگە ءتۇسىرۋ» بەلگىلەمەسىنە نەگىزدەلگەندە، ۋيچاتتى قولدانۋشىلاردىڭ قۇمار ويناۋ ارەكەتىنە نەمەسە قۇمار ويناۋ قۇرالدارىنا، سونداي – اق ادىستەرىنە قاتىستى مازمۇنداردى جاساۋىنا، كوشىرۋىنە، جاريالاۋىنا، تاراتۋىنا بولمايدى. بۇل مىنالاردى قامتيدى ءارى بۇلارمەن عانا شەكتەلمەيدى: باسقالاردى قۇمار ويناۋعا ۇسىنىس ەتۋگە، ەلىكتىرۋگە نەمەسە زورلاۋعا بولمايدى؛ قۇمار ويناۋ قۇرالدارىن ساتۋعا، قۇمار ويناۋ ءتارتىبى مەن ويناۋ ءادىسىن تانسىتىرۋعا، قۇمار ويناۋ شەبەرلىگى، ءتاسىلى، ءادىسى قاتارلىلاردى تاراتۋعا بولمايدى.
«ۋيچات ارقىلى اقى تولەۋگە قىزمەت وتەۋ جونىندەگى كەلىسىمشارتقا» نەگىزدەلگەندە، پايدالانۋشىلار ۋيچات ارقىلى اقى تولەۋ بارىسىندا، تىكەلەي نەمەسە جانامالاي ينتەرنەت ارقىلى قۇمار ويناۋ تەكشەسىنە، ينتەرنەت ارقىلى ۇتىس بەلەتىن ساتۋ تەكشەسىنە بۇل يقۋاتتى قولدانباۋى كەرەك، ايتپەگەندە، سايفۋتۇڭ ۇجىمى ونىڭ اقى تولەپ، ەسەپ جابۋىنا قىزمەت وتەۋدى توقتاتۋعا ۇقىقتى.
الايدا، جۋىردان بەرى پايدالانۋشىلاردىڭ شاعىمدانۋىنا ساي بايقاۋعا قاراعاندا، ءالى دە كوپتەگەن پايدالانۋشىلار قۇمارعا قاتىستى ارەكەتتەرمەن شۇعىلدانۋدا. بۇل جونىندە ۋيچات ۇجىمى ارناۋلى جونگە سالۋ تەبىنىن ارتتىرىپ، مەملەكەتتىڭ قاتىستى زاڭ – تۇزىمدەرىنە، سونداي – اق «تىڭشۇن ۋيچات جۇمساق بولشەگىنىڭ رۇقساتناماسى جانە قىزمەت وتەۋ كەلىسىمشارتى»، «ۋيچاتتاعى جەكەلىك اككاۋنتتان پايدالانۋدى جۇيەگە ءتۇسىرۋ» قاتارلى قۇجاتتارعا ساي، ماسەلەنىڭ اۋىرلىق دارەجەسىنە قاراي، بەلگىلەمەگە قايشىلىق جاساعان اككاۋنتتارعا ساتىلى فورمادا جازا قولدانادى، جازا تومەندەگى مازمۇندارى قامتيدى ءارى بۇلارمەن عانا شەكتەلمەيدى:
◆ قۇمار ويناۋعا قاتىناسقان نەمەسە ۇيىمداستىرعان اككاۋنتتاردىڭ تولەۋ قۋاتىنا شەكتەمە قويۋ؛ ◆ قۇمار ويناۋعا قاتىناسقان نەمەسە ۇيىمداستىرعان اككاۋنتتاردى جابۋ؛ ◆ قۇمار ويناۋعا قاتىستى ۋيچات توپتارىنىڭ توپ يقۋاتىن جانە اقى تولەۋ قۋاتىن شەكتەۋ.
بيىل 1 – ايدان قازىرگە دەيىن، ۋيچات ۇجىمى قۇمار ويناۋعا قاتىستى اقشا جينايتىن اككاۋنتتاردان 200 مىڭنان استامىنا سوققى بەرىپ، قۇمارعا قاتىستى 15 مىڭنان استام ۋيچات توبىنىڭ اقى تولەۋ يقۋاتىن شەكتەدى، بۇل 200 ميلليون يۋان اينالاسىنداعى قاراجاتقا سايادى.
الدا ۋيچات ۇجىمى سوققى بەرۋ مەن جونگە سالۋدى ۇزدىكسىز ىشكەرىلەي ىلگەرىلەتىپ، مەملەكەتتىڭ شەكارا اتتاعان قۇمار ويناۋعا سوققى بەرۋ قىزمەتىنە ءۇن قوسادى. الايدا، تاماشا تەكشە ءتارتىبى كوپشىلىكتىڭ بىرگە قورعاۋىن قاجەت ەتەدى. وسى ارادا ۋيچات ۇجىمى قالىڭ پايدالانۋشىلارعا مىناداي ۇندەۋ تاستايدى: قۇمار ويناۋدان باس تارتىپ، ءارقانداي فورماداعى ينتەرنەت ارقىلى قۇمار ويناۋ قيمىلىنا قاتىناسپاۋ نەمەسە ونى ۇيىمداستىرماۋ كەرەك، ۇتىس الدامكوستىگىنىڭ شىرعاسىنا تۇسۋدەن ساقتانۋ ءۇشىن، بەيتانىس جالعانىمداردى الباتى اشپاۋ نەمەسە بەلگىسىز قولدانىلمالى پروگراممالاردى قولفونعا تۇسىرمەۋ كەرەك.
ەگەر ينتەرنەت ارقىلى قۇمار ويناۋ قاتارلى زاڭ – تۇزىمگە قايشى ارەكەتتەردى بايقاساڭىز، كليەنت ارقىلى نەمەسە «腾讯110» ۋيچات شاعىن پروگرامماسى ارقىلى اشكەرەلەۋدى ۇمىتپاڭىز، ۋيچات ۇجىمىمەن بىرگە حاۋىپسىز، اقاۋسىز، جاسىل تەكشە ەكولوگيالىق ورتاسىن قۇرۋعا ۇلەس قوسىڭىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
