كلينيكالىق زەرتتەۋ وكپەنى تازالاپ، ۋىتتى ايداۋ سورپاسىنىڭ جاڭا تيپتى ايدارشا ۆيرۋس وكپە قابىنۋىن ەمدەۋدەگى ءونىمى كورنەكتى بولاتىنىن ۇعىندىردى
2021.05.19 15:59 كەلۋ قاينارى : حالىق تورابى
«حالىق گازەتى»، 5 - ايدىڭ 18 - كۇنى، بەيجيڭ (ءتىلشى ۋاڭ جۇنپيڭ). بىرنەشە كۇننىڭ الدىندا جۇڭگو مەديتسينا عىلىم اكادەمياسى فۋۋاي شيپاحاناسىنىڭ پروفەسسورى لي جيڭ باستاعان زەرتتەۋ توبى جاريالاعان ءبىر زەرتتەۋدە كورسەتىلۋىنشە، ەلىمىزدىڭ جاڭا تيپتى ايدارشا ۆيرۋس وكپە قابىنۋىن ەمدەۋ جوباسىندا كلينيكادا كەڭىنەن قولدانىلعان وكپەنى تازالاپ، ۋىتتى ايداۋ سورپاسى جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردىڭ قازا بولۋ قاتەرىن جارىمىنداي تومەندەتكەن.
وسى زەرتتەۋ تابىسى «وسىمدىك مەديتسيناسى» («Phytomedicine») جۋرنالىندا جاريالانعان، بۇل − قازىرگە دەيىنگى وكپەنى تازالاپ، ۋىتتى ايداۋ سورپاسىنا قاتىستى ەڭ زور كولەمدى، كوپ وزەكتى كلينيكالىق زەرتتەۋدىڭ جەمىسى. زەرتتەۋگە قاتىناستىرىلعان، بالنيتساعا جاتىپ ەمدەلگەن جاڭا تيپتى ايدارشا ۆيرۋس وكپە قابىنۋىنا شالدىققان 8 مىڭ 939 ناۋقاستىڭ %29 ى وكپەنى تازالاپ، ۋىتتى ايداۋ سورپاسىمەن ەمدەلگەن. وكپەنى تازالاپ، ۋىتتى ايداۋ سورپاسىمەن ەمدەلمەگەن ناۋقاستاردىڭ شيپاحانادا ەمدەلۋ بارىسىندا قازا بولۋ شاماسى %4.8 بولعان، ال ونىمەن سالىستىرعاندا، وكپەنى تازالاپ، ۋىتتى ايداۋ سورپاسىمەن ەمدەلگەن ناۋقاستاردىڭ قازا بولۋ شاماسى %1.2 قانا بولعان. ەكى توپتاعى ناۋقاستاردىڭ كلينيكالىق ەرەكشەلىگى، باسقالاي ەمدەلۋى سياقتى پارىقتاردىڭ ىقپالىن شىعارىپ تاستاعاننان كەيىن، وكپەنى تازالاپ، ۋىتتى ايداۋ سورپاسىمەن ەمدەلگەن ناۋقاستاردىڭ اۋرۋدان قازا بولۋ قاتەرى وكپەنى تازالاپ، ۋىتتى ايداۋ سورپاسىمەن ەمدەلمەگەن ناۋقاستاردىڭ اۋرۋدان قازا بولۋ قاتەرىنىڭ جارىمىنداي عانا بولعان.
ءار ءتۇرلى دارىلەردىڭ كلينيكالىق ەمدىك ءونىمىن باعالاۋ ءۇشىن، عىلمي زەرتتەۋ جۇرگىزۋ شۇعىل قاجەت بولادى. «عىلمي زەرتتەۋ كلينيكالىق ەمدەۋ ءونىمىن دالەل - سىپاتپەن قامدادى. ءبىز كەڭ كولەمدى قۇجات تەكسەرۋ، رەتتەۋ، جيناقتاۋ نەگىزىندە، كوپ ءتۇرلى دارىلەردى تاڭدادىق، جۇڭگوشا دارىلەر دە، باتىسشا دارىلەر دە بار، سونداي - اق جاڭا تيپتى ايدارشا ۆيرۋس وكپە قابىنۋىن ەمدەيتىن دارىلەردى باعالادىق» دەدى لي جيڭ.
«ءبىر تۇردەگى ءدارىنىڭ كلينيكالىق ەمدىك ءونىمىن باعالاعاندا، ءسوزسىز، جەتكىلىكتى مولشەردەگى ناۋقاسقا تالداۋ جاساۋ كەرەك. وكپەنى تازالاپ، ۋىتتى ايداۋ سورپاسى وسى رەتكى ىندەت بارىسىندا بالنيتساعا جاتقان، ءبىرشاما سالماقتى ناۋقاستار اراسىندا كەڭ كولەمدە قولدانىلىپ، ءبىزدىڭ ەمدەۋ ونىمدىلىگىن باعالاۋىمىزعا نەگىز قالادى». لي جيڭ تانىستىرىپ بىلاي دەدى: جاڭا تيپتى ايدارشا ۆيرۋس وكپە قابىنۋىنىڭ 6 -، 7 -، 8 - نۇسقاداعى مەملەكەتتىك ەمدەۋ جوبالارىندا وكپەنى تازالاپ، ۋىتتى ايداۋ سورپاسى جەڭىل، ادەتتەگى، اۋىر جانە قاتەرلى ناۋقاستاردى ەمدەۋدەگى بىردەن - ءبىر امبەباپ رەتسەپ دەپ تۇراقتاندىرىلعان. الايدا وكپەنى تازالاپ، ۋىتتى ايداۋ سورپاسىندا جاڭا تيپتى ايدارشا ۆيرۋس وكپە قابىنۋىنا شالدىعۋشىلاردىڭ قازا بولۋ قاتەرىن تومەندەتۋدىڭ دالەل - سىپاتتارى جونىندە باستان – اياق نازار اۋدارۋ سيپاتىنداعى دۇرىس قورىتىندى زەرتتەۋى كەمشىل بولىپ كەلەدى.
لي جيڭ باستاعان زەرتتەۋ توبى جاڭا تيپتى ايدارشا ۆيرۋس وكپە قابىنۋىن ەمدەۋدە ءتۇيىن ەتىلگەن 558 شيپاحانادان بالنيتسادا جاتىپ ەمدەلگەن ناۋقاستار 100 دەن تومەن بولماعان، ونىڭ ۇستىنە وكپەنى تازالاپ، ۋىتتى ايداۋ سورپاسىن ىشكەن ناۋقاستار 50 دەن تومەن بولماعان 15 شيپاحانانى تاڭداپ العان، وسى 15 شيپاحانادا 2020 – جىلى 1 - ايدان 5 - ايعا دەيىنگى ارالىقتا جاتىپ ەمدەلگەن جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى تۇگەلدەي زەرتتەۋگە ەنگىزگەن. 3 ايدان استام ۋاقىت قاجىرلىلىقپەن قۇلشىنۋ ارقىلى لي جيڭ باستاعان زەرتتەۋ توبى ناۋقاستىڭ كلينيكالىق ەرەكشەلىگى، ەمدەۋ بارىسى جانە ەمدەۋ ونىمدىلىگى سياقتى قاتىستى ساندى مالىمەتتەردى ءساتتى جيناقتادى.
گۋاڭدۇڭ جۇڭگوشا شيپاگەرلىك داشۋەسىنىڭ مەكتەپ مەڭگەرۋشىسى ۋاڭ ۋەي باستاعان زەرتتەۋ توبى وكپەنى تازالاپ، ۋىتتى ايداۋ سورپاسىن زەرتتەۋ قىزمەتىمەن شۇعىلدانادى. ۋاڭ ۋەي بىلاي دەدى: لي جيڭ باستاعان زەرتتەۋ توبىنىڭ زەرتتەۋ قورىتىندىسى ولاردىڭ قاتىستى زەرتتەۋىندە ءوزارا دالەلدەندى. بۇل زەرتتەۋ وكپەنى تازالاپ، ۋىتتى ايداۋ سورپاسىنىڭ جاڭا تيپتى ايدارشا ۆيرۋس وكپە قابىنۋىنا شالدىققانداردى ەمدەۋدەگى كورنەكتى ەمدىك ءونىمىن دالەل - سىپاتپەن جانە عىلمي نەگىزبەن قامدادى. وكپەنى تازالاپ، ۋىتتى ايداۋ سورپاسىن ەرتە پايدالانعان سايىن ءونىمدى بولادى، جەڭىل اۋرۋدىڭ سالماقتى اۋرۋعا اسقىنۋ جولىن ءۇزىپ تاستاپ، جاڭا تيپتى ايدارشا ۆيرۋس وكپە قابىنۋىنان قازا بولۋ قاتەرىن كورنەكتى تومەندەتۋگە بولادى. بازارعا سالۋ رۇقساتىن العان جاڭا تيپتى ايدارشا ۆيرۋس وكپە قابىنۋىن ەمدەيتىن ءونىمدى ءدارى رەتىندە، وكپەنى تازالاپ، ۋىتتى ايدايتىن تۇيىرشىكتەردىڭ اناعۇرلىم كەڭ كولەمدە جالپىلاسىپ، دۇنيە ءجۇزىنىڭ ىندەتكە قارسى اتتانۋىنا وزگەشە جۇڭگو اقىل - پاراساتى مەن جۇڭگو جوباسىن ارناۋىن ءۇمىت ەتەمىن.
جۇڭگو جۇڭگوشا شيپاگەرلىك عىلىم اكادەمياسىنىڭ ۇسىنىس ەتىلگەن زەرتتەرمەنى، وكپەنى تازالاپ، ۋىتتى ايداۋ سورپاسىنىڭ تانىستىرۋشىسى گى يوۋىن بىلاي دەدى: لي جيڭ زەرتتەۋ توبىنىڭ وكپەنى تازالاپ، ۋىتتى ايداۋ سورپاسىنىڭ جاڭا تيپتى ايدارشا ۆيرۋس وكپە قابىنۋىنان قازا بولۋ شاماسىن تومەندەتۋى جونىندەگى زەرتتەۋى جۇڭگوشا شيپاگەرلىك - دارىگەرلىكتىڭ جاڭا تيپتى ايدارشا ۆيرۋس وكپە قابىنۋىن ەمدەۋدەگى كورنەكتى ايقىن رولىن تاعى ءبىر رەت قورىتىندىلادى. وكپەنى تازالاپ، ۋىتتى ايداۋ سورپاسىنىڭ ءونىمى تەز، كەرى اسەرى از بولۋداي ەرەكشەلىكتەرى بار، بۇل جاعىنداعى قورىتىندىلاۋ، زەرتتەۋ قىزمەتى دە جۇرگىزىلۋدە. ۆيرۋس ءالى دە كوپتەگەن ەلدە قۇتىرىنا تارالۋدا، وكپەنى تازالاپ، ۋىتتى ايداۋ تۇيىرشىگىنىڭ مەملەكەت قاقپاسىنان تەزىرەك شىعىپ، دۇنيە ءجۇزىنىڭ ىندەتكە قارسى سوعىس مايدانىن پارمەندى قارۋمەن قامداپ، اناعۇرلىم زور رول اتقارۋىن ءۇمىت ەتەمىز.
«ەگەر وكپەنى تازالاپ، ۋىتتى ايداۋ سورپاسىنا قاراتا كەزدەيسوق سالىستىرۋ سىناعىن جۇرگىزسەك، وندا ونىڭ كلينيكالىق ەمدەۋ ءونىمىن ونان ارى دالەلدەپ، ونىڭ كەڭ كولەمدە قولدانىلۋىن ىلگەرىلەتە الامىز، جاڭا تيپتى ايدارشا ۆيرۋس وكپە قابىنۋىنا شالدىققانداردىڭ ءومىرىن قۇتقارۋ ءۇمىتى زورايادى». لي جيڭ بىلاي دەدى: جۇڭگوشا شيپاگەرلىك - دارىگەرلىك ەلىمىزدىڭ ەمدەۋ امالياتىندا كەڭىنەن قولدانىلادى، عىلمي زەرتتەۋ ارقىلى جۇڭگوشا شيپاگەرلىك - دارىگەرلىكتىڭ كلينيكالىق قولدانىلۋىن ۇزدىكسىز ساپالىلاندىرىپ، بۇقارانىڭ دەنساۋلىعىن قورعاۋدا جانە كۇشەيتۋدە اناعۇرلىم زور رول اتقارۋىنا مۇمكىندىك جاراتۋدى ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
