بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

”تاۋ“، ”وزەندە“ ايگىلەنگەن اۋەلگى ماقسات

− باس شۋجي شي جينپيڭ بارعان قىزىل قاسيەتتى جەرلەر: جياڭشي ءبولىمى

شينحۋا اگەنتتىگىنىڭ تىلشىلەرى / گو يۋانميڭ، فان فان

2021.05.19 16:40     كەلۋ قاينارى : شينجياڭ گازەتى

  ايباتتى جيڭگاڭشان تاۋى، قاتپار - قاتپار شىڭ - قۇزدار، جۇڭگو توڭكەرىسىنىڭ ۇشقىنى وسى جەردە جالىن بولىپ قاۋلاعان؛

  تولقىن اتا يرەلەڭدەي اققان كوركەم يۇيدۋ وزەنى، ورتالىق قىزىل ارميا وسى جەردە جينالىپ ۇزاق جورىققا اتتانعان.

  تاۋ مەن وزەن − بەلگى، تاريح − كۋاگەر. قازىرگى تاڭدا، جياڭشيدىڭ جيڭگاڭشان تاۋىن ساعالاپ، يۇيدۋ وزەنىن جاعالاپ قىزىل ىزدەردى ىزدەسەڭىز، مىڭداعان شاقىرىمعا سوزىلعان بۇرىنعى جەرلەردىڭ ەسكى كەلبەتىنىڭ جاڭا تۇسكە ەنگەندىگىن كورەسىز، اۋەلگى ماقسات پەن بورىشتى ارقالاعان وسىناۋ قىزىل جەر جاڭا ءداۋىردىڭ ايبىندى كارتيناسىن سالۋعا ۇمتىلۋدا.

  سەنىمدى بەكەمدەپ، ايبىندى اۋەلگى ماقسات ورناتتى

  【قىزىل تاريح . جيڭگاڭشان توڭكەرىستىك بازاسى】

  جياڭشيدىڭ جيڭگاڭشان تاۋى، جۇڭگو كوممۋنيستىك پارتياسى وسى جەردە العاشقى اۋىل - قىستاق توڭكەرىستىك بازاسى − جيڭگاڭشان توڭكەرىستىك بازاسىن قۇرىپ، ”اۋىل - قىستاق ارقىلى قالانى قورشاۋعا الۋ، قارۋلى كۇش ارقىلى بيلىكتى تارتىپ الۋ“ ۇشقىنىن وسى جەردە تۇتاتتى. جيڭگاڭشانداعى 2 جىل 4 ايلىق كۇرەستە، 48 مىڭعا جۋىق ەر جۇرەك باتىر قۇربان بولىپ، ورتاشا ەسەپپەن كۇنىنە 60قا تاياۋ ادام ومىرىنەن ايرىلدى.

  【كوورديناتتىق سىلتەمە . جيڭگاڭشان توڭكەرىستىك قۇرباندار قابىرستاندىعى، جيڭگاڭشان سەگىز بۇرىشتى عيماراتى توڭكەرىستىك كونە تۇراقتار شوعىرى】

  2016 - جىلى 2 - ايدا باس شۋجي شي جينپيڭ جيڭگاڭشانعا كەلىپ، جيڭگاڭشان توڭكەرىستىك قۇرباندار قابىرستاندىعىن ىززەت قۇرمەتپەن كوردى. ەسكەرتكىش سارايىنىڭ ازا ءبىلدىرۋ زالىندا ول توڭكەرىستىك قۇرباندارعا گۇلدەستە قويدى جانە 3 رەت تاعزىم ەتتى. كورمە زالىندا جانە ارداگەرلەر رۋحى زالىندا شي جينپيڭ مەملەكەت قۇرعان ارداگەرلەر مەن توڭكەرىسشىل قۇربانداردىڭ سۋرەتتەرىنە ۇڭىلە قاراپ، تەرەڭ تولعانىسپەن بىلاي دەدى: جيڭگاڭشان تاۋى − توڭكەرىستىڭ تاۋى، شايقاستىڭ تاۋى، سونداي - اق قاھارمانداردىڭ تاۋى، داڭقتىڭ تاۋى، ءار جولى كەلىپ، توڭكەرىستىك ارداگەر قۇربانداردى ساعىنا ەسكە العان سايىن، يدەيام شىڭدالىپ، جان دۇنيەمدە تەبىرەنىس پايدا بولادى.

  وسىدان سوڭ، ول تاعى جيڭگاڭشان سەگىز بۇرىشتى عيماراتى توڭكەرىستىك كونە تۇراقتار شوعىرىنا كەلدى. شي جينپيڭ ءتۇسىندىرۋدى تىڭداي ءجۇرىپ، قاتىستى ءمان - جايدى سۇرادى. شي جينپيڭ بىلاي دەپ اتاپ كورسەتتى: جۇڭحۋا ۇلتى − قاھارمانداردى ارداقتايتىن، قاھارماندار جەتىلدىرەتىن، قاھارماندار جارىققا شىعاتىن ۇلت، بەيبىت زامان دا قاھارماندىق پەيىلدى قاجەت ەتەدى.

  ”باس شۋجيدىڭ توڭكەرىستىك ارداگەرلەر مەن قىزىل تاريحتى قۇرمەت تۇتقان سۇيىسپەنشىلىگى مەن ءۇشىن تەرەڭ ءماندى ساباق بولدى. مەن اناعۇرلىم جاندى ءتۇسىندىرۋ ارقىلى جيڭگاڭشان رۋحىمەن اناعۇرلىم كوپ ادامدى اسەرلەندىرەمىن“. قۇرباندار قابىرستاندىعىنىڭ ءتۇسىندىرۋشىسى جاڭ جيڭ سول كەزدە باس شۋجي شي جينپيڭگە لي جۇيكۇي، زىڭ جى قاتارلى توڭكەرىستىك ارداگەرلەردى جانە حۋ شاۋحاي، ۋ رولان قاتارلى قۇربانداردىڭ حيكايالارىن تانىستىردى، بۇل رەتكى ءتۇسىندىرۋ بارىسىن ول ءومىر بويى ۇمىتپاق ەمەس.

  【قىزىل تاريح . ورتالىق قىزىل ارميانىڭ ۇزاق جورىققا جينالعان، اتتانعان جەرى】

  يۇيدۋ وزەنىنىڭ جاعاسى، ورتالىق قىزىل ارميانىڭ ۇزاق جورىققا اتتانۋ ەسكەرتكىشى اسقاق بوي سوزىپ تۇر. 1934 - جىلى 10 - ايدا پارتيا ورتالىق كوميتەتىنىڭ ورگانى، ورتالىق اسكەري ىستەر كوميتەتى جانە ورتالىق قىزىل ارميانىڭ نەگىزگى كۇشى وسى جەردە جينالىپ، ۇزاق ساپارعا اتتاندى.

  سوۆەتتىك رايون كەزىندە 300 مىڭنان استام حالقى بار يۇيدۋ اۋدانىندا، دەرلىك ءار 5 ادامنىڭ بىرەۋى قىزىل ارمياعا قاتىناسسا؛ ۇزاق جورىقتا ورتاشا ەسەپپەن ءار كيلومەتر جەردە ءبىر يۇيدۋلىق قۇربان بولدى.

  【كوورديناتتىق سىلتەمە . ورتالىق قىزىل ارميانىڭ ۇزاق جورىققا اتتانۋ ەسكەرتكىشى】

  2019 - جىلى 5 - ايدا شي جينپيڭ يۇيدۋ اۋدانىنا كەلىپ، ورتالىق قىزىل ارميانىڭ ۇزاق جورىققا اتتانۋ ەسكەرتكىشىن قۇرمەتپەن كورىپ، ورتالىق قىزىل ارميانىڭ ۇزاق جورىققا اتتانعان جەرىنىڭ كونە تۇراعى بۇرىنعى يۇيدۋ اۋدان قالاشىعىنىڭ شىعىس قاقپا وتكەلىن كوزدەن كەشىرىپ، ورتالىق قىزىل ارميانىڭ ۇزاق جورىققا اتتانۋ ەسكەرتكىش سارايىن ەكسكۋرسيالادى. ول بىلاي دەپ باسا دارىپتەدى: پارتيانىڭ اۋەلگى ماقساتى مەن بورىشىن ۇمىتۋىمىزعا بولمايدى، توڭكەرىستىك مۇرات پەن توڭكەرىستىڭ باس ماقساتىن ۇمىتۋىمىزعا بولمايدى، توڭكەرىس تۋىن ۇزدىكسىز بيىك ۇستاپ، ۇلى ۇزاق جورىق رۋحىن اسقاقتاتىپ، جۇڭحۋا ۇلتىنىڭ ۇلى گۇلدەنۋ نىساناسىن بەتكە الىپ ەرلىكپەن العا ىلگەرىلەۋىمىز كەرەك.

  ”ەكسكۋرسيالاعان كەزدە باس شۋجي ءالسىن - ءالى كىدىرىپ تەكسەرىپ كوردى، ونىڭ ءار ءسوز - ارەكەتىنەن ءبىز ونىڭ تەرەڭ قىزىل سۇيىسپەنشىلىگىن سەزىندىك“، - دەدى سونداعى تەبىرەنىسى كوڭىلىن تولقىتقان ورتالىق قىزىل ارميانىڭ ۇزاق جورىققا اتتانۋ ەسكەرتكىش سارايىنىڭ ورىنباسار باستىعى جۇڭ مين سول كەزدەگى جاعدايدى ەسكە الىپ: ”تاريحتى ۇمىتپاۋ − ۇزدىكسىز العا باسۋىمىز ءۇشىن بولىپ تابىلادى، ءبىز ۇزاق جورىق حيكايالارىن جاقسى بايانداپ، ۇزاق جورىق رۋحىمەن ادام تاربيەلەپ، قىزىل گەننىڭ الاۋىن جالعاستىرۋىمىز كەرەك“.

  【سەنىمنىڭ جالعاسۋى . ءبىرىن - ءبىرى كورىكتەندىرە تۇسكەن ”تاۋ“، ”وزەن“】

  قازىرگى تاڭدا وسىناۋ قىزىل توپىراق ادامداردىڭ سەنىمگە كۇش - قايرات الاتىن رۋحاني بيىك تۇعىرىنا اينالعان. سوڭعى جىلداردان بەرى ورتاشا ەسەپپەن جىلىنا ءبىر ميلليون ادام (رەت) جيڭگاڭشانعا بارىپ، توڭكەرىستىك قۇرباندار قابىرستاندىعىنا قۇرمەت ءبىلدىرىپ، توڭكەرىستىك كونە تۇراقتاردى ەكسكۋرسيالاپ، توڭكەرىستىك حيكايالاردى تىڭدايدى، جۇرت وسى جەردەن قىزىل رۋحتى سەزىنىپ، اۋەلگى ماقسات پەن سەنىمدى ىزدەستىرەدى.

  يۇيدۋدا توڭكەرىستىك ءداستۇر تاربيەسى سول جەردەگى وقۋشىلاردىڭ مىندەتتى وقيتىن ساباعىنا اينالعان. يۇيدۋ اۋدانىنىڭ چاڭجىڭيۋان باستاۋىش مەكتەبى ورتالىق قىزىل ارميانىڭ ۇزاق جورىققا اتتانۋ ەسكەرتكىش باقشاسىنىڭ جانىنا ورنالاسقان، مەكتەپتەگى وقىتۋشى - وقۋشىلار قىزىل سىرناي تارتۋ، ”قىزىل بالا ءتۇسىندىرۋشى“ بولۋ، قىزىل حيكايالاردى جاقسى بايانداۋ، قىزىل وقۋلىقتاردان جاقسى پايدالانۋ، كلاسسيكالىق قىزىل اندەردى شىرقاۋ سياقتى قيمىلدار ورىستەتۋ ارقىلى ۇزاق جورىق رۋحىن ۇرپاقتان - ۇرپاققا جالعاستىرىپ كەلەدى.

  حالىق تۇرمىسىنىڭ ىرىس - قۇتى ادال نيەتتى اۋەلگى ماقساتقا كۋا بولدى

  【كوورديناتتىق سىلتەمە . جيڭگاڭشان شىنشان قىستاعى】

  ءتىلشى شىت جاڭا تاۋ جولىمەن جيڭگاڭشان قالاسى شىنشان قىستاعىنا كەلدى، جول بويىنداعى ”كۇلىمدەگەن جۇزدەر داۋالى“ ايرىقشا كوز تارتادى، كەدەيلىكتەن ارىلعان كوپتەگەن قىستاق تۇرعىندارىنىڭ كۇلىمدەپ تۇرعان سۋرەتى جۇرەك ءتارىزدى ءپىشىن بولىپ قۇراستىرىلىپ، قىستاق تۇرعىندارىنىڭ بارعان سايىن شالقي تۇسكەن تاماشا تۇرمىسىن ورنەكتەپتى.

2016 - جىلى 2 - ايدا شي جينپيڭ كولىكپەن ءيىر - قيىر تاۋ جولىن بويلاپ شىنشان قىستاعىنا كەلىپ، قىستاق پارتيا ياچەيكاسىندا قىزمەت تەكسەرىپ، قىستاق دارەجەلى ۇيىمداردىڭ قۇرىلىسى مەن كەدەيلەردى دالمە - ءدال سۇيەمەلدەۋ جاعدايىن ۇعىستى. ول بىلاي دەپ اتاپ كورسەتتى: كەدەيلەردى سۇيەمەلدەۋ جولىندا بىردە - ءبىر كەدەي وتباسىن قاتاردان قالدىرۋعا، بىردە - ءبىر كەدەي بۇقارانى ارتقا تاستاۋعا بولمايدى. كەدەي وتباسى جاڭ چىڭدىنىڭ ۇيىندە شي جينپيڭ ءۇي بولمەلەرىن ءبىر - بىردەن ارالاپ كورىپ، ەرلى - زايىپتى ەكەۋىمەن بىرگە كىرىس - شىعىس ەسەبىن جاساپ، ولاردان نە ەككەنىن، نە باققانىن، ىشەر اس، كيەر كيىم، تۇرعىن ءۇي، ءجۇرىس - تۇرىس جاعىندا تاعى قانداي قيىنشىلىقتارى مەن قاجەتتىلىكتەرى بار ەكەندىگىن سۇرادى.

  【قىزىل توپىراقتىڭ جاڭا كەلبەتى . دوڭگەلەك داۋلەتتىلىك ارمانى ورىندالدى】

  جۋىقتا قىستاق تۇرعىنى جاڭ چىڭدىنىڭ ۇيىندە قۋانىش قۋانىشقا ۇلاستى: حالىقتىق تۇسەلحانا مەن شارۋالار شاتتىعى ساياجايىنىڭ ساۋداسى ايرىقشا كۇسەت بولدى؛ سىرتقا شىعىپ جۇمىس ىستەيتىن كىشى ۇلى قىستاقتا قالۋدى ۇيعارىپ، ونىڭ ءبىر قولعاناتى كوبەيدى؛ جاڭ چىڭدى مەن زايىبى پىڭ شيايىڭدى قۋانتقان ەڭ ۇلكەن قۋانىش، ۇلكەن ۇلىنىڭ ۇيلەنگەندىگى بولدى.

  ”كەزىندە باس شۋجي مەنىڭ قولىمدى ۇستاپ تۇرىپ، مەنى كەدەيلىكتەن ارىلۋعا، بايۋعا سەنىم ورناتۋعا ىنتالاندىرعان ەدى، مىنە بۇگىن بايۋ جولىنا ءتۇسىپ، دوڭگەلەك داۋلەتتىلىككە جەتۋ ارمانىمىز ورىندالىپ وتىر، بالداي ءتاتتى تۇرمىستىڭ ءدامىن بارعان سايىن تاتۋدامىز!“، - دەيدى پىڭ شيايىڭ.

  جاڭ چىڭدى وتباسىنداعىلاردىڭ تاماشا تۇرمىسىنىڭ استارىندا شىنشان قىستاعىنداعى، ءتىپتى، جيڭگاڭشانداعى تاۋلى اۋىلدىڭ زور وزگەرىسى جاتىر. كەدەيلەردى سۇيەمەلدەۋ ساياساتىنىڭ قولداۋىندا اۋىل - قىستاق ساياحاتى قارىشتاپ دامىپ، شىنشان قىستاعىنىڭ جان باسىنا شاققانداعى جىلدىق كىرىسى 2015 - جىلعى 2800 يۋاننان 2020 - جىلى 28 مىڭ يۋانعا ءوسىپ، ءبىرتالاي قىستاق تۇرعىنى جەكە اۆتوكولىك ساتىپ الدى.

  2017 - جىلى 2 - ايدا جيڭگاڭشان قالاسى بۇكىل مەملەكەت بويىنشا ەڭ الدىمەن كەدەيلىك قالپاعىن الىپ تاستاعاندىعىن رەسمي جاريالاپ، ەلىمىزدىڭ كەدەيلىك تىزىمىنەن شىعارۋ مەحانيزمى ورناتىلعاننان كەيىن كەدەيلىك قالپاعىن الىپ تاستاعان العاشقى اۋدان بولدى.

  【كوورديناتتىق سىلتەمە . يۇيدۋ اۋدانى تانتوۋ قىستاعى】

  اسفالت جول قىستاقتى كەسىپ ءوتىپ، كوكشىل قارا قاڭىلتاق كەرپىش پەن اق ءتۇستى قابىرعالار نۋ اعاشتارمەن كورىك تالاستىرىپ، تۇپ - تۇنىق كولشىك، كورىنىستىك سامالدىق اراسىن ايشىقتاپ تۇر... جاز باسىنداعى مەزگىل، ءتىلشى يۇيدۋ اۋدانى زىشان قالاشىعى تانتوۋ قىستاعىندا وزگەشە اسەم ەگىنجاي، باۋ - باقشا سۋرەتىن كورگەندەي بولدى.

  2019 - جىلى 5 - ايدا شي جينپيڭ وسى جەرگە كەلىپ، توڭكەرىستىك بايىرعى رايوننىڭ كەدەيلىكتەن ارىلتۋدان قامال الۋ، اۋىل - قىستاقتى گۇلدەندىرۋ، دامىتۋ جاعدايى جونىندە ناقتى قىزمەت تەكسەردى. باس شۋجيدىڭ كەلگەنىن كورىپ، قىستاق تۇرعىنى سۇن گۋانفا ۇلىن، كەلىنىن، نەمەرە ۇلىن، نەمەرە قىزىن ەرتىپ، قۋانىشپەن باس شۋجيدى ۇيىنە ۇسىنىس ەتتى. قوناق بولمەسىندە قورالاي وتىرىپ، شي جينپيڭ سۇن گۋانفا وتباسىنداعىلارمەن جانە جەرگىلىكتى قالاشىق، قىستاق كادرلارىمەن اڭگىمە دۇكەن قۇردى. باس شۋجي بىلاي دەدى: وسى رەت جياڭشيگە سوۆەتتىك رايوندارداعى اۋىلداستارعا امانداسۋ ءۇشىن كەلدىم، اۋىلداستاردىڭ تۇرمىسىنىڭ جاقسارعان - جاقسارماعاندىعىن، بايىرعى رايونداردىڭ كەدەيلىك قالپاعىن دەر كەزىندە الىپ تاستاي الاتىن - المايتىندىعىن بىلۋگە كەلدىم“.

  【قىزىل توپىراقتىڭ جاڭا كەلبەتى . اۋىل - قىستاقتى گۇلدەندىرۋ】

  تانتوۋ قىستاعى قىزىل ارميا قىستاعى سانالادى، كەزىندە ول دا كەدەي قىستاق بولاتىن. كەدەيلىكتەن ارىلتۋدان قامال الۋدىڭ جەڭىسىنە قول جەتكىزۋ، اۋىل - قىستاقتى گۇلدەندىرۋمەن تىعىز ۇشتاستىرىلىپ، قىستاقتا شىت جاڭا وزگەرىس جارىققا شىقتى. قىستاقتا ساياحات اشۋ شەكتى سەرىكتەستىگى قۇرىلىپ، قىستاق تۇرعىندارى ”سەلەندى اسحانا“، حالىقتىق تۇسەلحانا جانە قىزىل زەرتتەۋ، وقۋ، ساياحاتتاۋ سياقتى نىسانداردى بىرگە دامىتىپ، كوپشىلىك ءتۇسىندىرۋشى، تازالىقشى، قىزمەتشى، اسپاز... سياقتى جاڭا سالاۋاتقا يە بولدى.

  ”جارناعا كىرىپ پايدادان ۇلەس الدىم، حالىقتىق تۇسەلحانادان تابىس تاپتىم، ۇلىم سىرتقا شىعىپ جۇمىس ىستەدى، بىلتىر وتباسىمنىڭ جىلدىق كىرىسى 220 مىڭ يۋانعا جەتتى، مۇنداي بولاتىندىعىن بۇرىن ويلاماعان ەدىك !“. قوناق ۇيدەگى ورىندىقتا وتىرعان سۇن گۋانفا ساۋساعىن ساناپ تىلشىگە وتباسىنىڭ كىرىس - شىعىس ەسەبىن كورسەتتى.

  جوعارى ساپالى دامۋ اۋەلگى ماقساتتان اينىماۋعا ساۋلە شاشتى

  【جيڭگاڭشاننىڭ جاڭا كەلبەتى . ”3 قوزعاۋشى تەگەرشىك“】

  جيڭگاڭشان شيۋحۋ زەردەلى جاساۋ ەلەكتروندى شەكتى سەرىكتەستىگىنە بارساڭىز، ءبىر - بىرلەگەن LED الىپ ەكرانى الۋان ءتۇستى ساۋلە شاشادى. ”ءبىز XR تەحنيكاسىن سۇيەنىش ەتىپ، جورامال كەسكىن تۇسىرەتىن LED ۇلكەن ەكرانىن وندىرەمىز، ونىمدەرىمىزدى تولاسسىز تاراتىلاتىن كوپتەگەن قويىلىمدار پايدالانۋدا“، - دەدى سەرىكتەستىكتىڭ جاۋاپتىسى يان يىڭحاۋ.

  شيۋحۋ زەردەلى جاساۋ تەك توڭكەرىستىك بايىرعى رايوننىڭ جاڭا ەكونوميكانى قارسى الۋىنىڭ، جاڭا قوزعاۋشى قۋات جەتىلدىرۋىنىڭ ءبىر شاعىن كورىنىسى عانا. جۋىق جىلداردان بەرى زەردەلى زات ينتەرنەت كاسىپ سالاسى باقشاسى، جاڭا ەكونوميكا كاسىپ سالاسى باقشاسى، زەردەلى قويما زات اينالىمى باقشاسى سياقتى ءبىر - بىرلەگەن جاڭادان گۇلدەنگەن كاسىپ سالاسى باقشالارى جيڭگاڭشاننىڭ دامۋ جاڭا كارتيناسىن كەسكىندەدى.

  ساياحات كاسىبىندە ”ءبىر كاسىپتەن زورايۋدان“ تۇتاس وڭىرلىك ساياحات، جاڭاشا ونەركاسىپتەنۋ، وسى زامانعى اۋىل شارۋاشىلىعى سىندى ”3 قوزعاۋشى تەگەرشىككە“ دەيىن جيڭگاڭشاننىڭ جوعارى ساپالى دامۋ جولى بارعان سايىن كەڭەيىپ، جاڭالىق اشۋ قوزعاۋشى قۋاتى ۇزدىكسىز كۇشەيدى. 2019 - جىلى جيڭگاڭشان قالاسىنىڭ تۇتاس ونەركاسىپ جالپى ءوندىرىس ءونىم قۇنى 9 ميلليارد 265 ميلليون يۋانعا جەتىپ، 5 جىلدىڭ الدىنداعىمەن سالىستىرعاندا %50تەن استام ارتتى، بىلتىر 5 كاسىپورىن مەملەكەتتىك جوعارى، جاڭا تەحنيكا كاسىپورنى بولىپ بەكىتىلدى. سونىمەن بىرگە بۇرىنعى شالعايداعى تاۋلى قىستاقتار ءارقايسىسى وزىندىك ەرەكشەلىككە يە تاڭداۋلى حالىقتىق تۇسەلحانالاردى دامىتتى، تۇتاس قالا بويىنشا 15 اۋىل شارۋاشىلىق كاسىپورنى ورگانيكالىق كۋالاندىرۋدان ءوتىپ، ورگانيكالىق اۋىل شارۋاشىلىق ونىمدەرى 42 تۇرگە جەتتى.

  【يۇيدۋدىڭ جاڭا كەلبەتى . ءداستۇرلى كاسىپ سالاسىنداعى شىت جاڭا وزگەرىس】

  جان سانى ءبىر ميلليوننان اساتىن يۇيدۋ اۋدانىندا اۋداننىڭ وڭىرلىك ەكونوميكاسى ءبىر مەزەت قوزعالتقىشتىق، تايانىشتىق جەتەكتەۋدەن كەندە بولىپ كەلگەن ەدى، بۇرىنعى ەڭبەككۇشتىڭ شوعىرلانۋىن نەگىز ەتكەن كيىم - كەشەك كاسىپ سالاسىنىڭ قوسىمشا قۇنى تومەن، اۋىل شارۋاشىلىعىن دامىتۋدىڭ ايگىلى ماركا ەرەكشەلىگى جوق بولاتىن. جۋىق جىلداردان بەرى يۇيدۋ اۋدانى زەردەلى جاساۋدى وزەك ەتىپ، ءداستۇرلى كيىم - كەشەك كاسىپ سالاسىنىڭ جاڭا ارتىقشىلىعىن قايتا تۇلعالادى.

  يۇيدۋ اۋدانى يىڭجيا جاڭا ۇلگىدەگى كيىم - كەشەك (گانجوۋ) شەكتى سەرىكتەستىگىندە قاريدارلارعا قاجەتىنە قاراي ينتەرنەت جەلىسىندە كەزدەمەنىڭ رەڭىن نەمەسە ۇلگىسىن تاڭداتىپ، تاپسىرىس تۇسكەننەن كەيىن ساندى مالىمەت تىكەلەي ءوندىرىس جەلىسىنە جەتكىزىلىپ، ءبىر پارشا، ءبىر پارشا كەزدەمە قاريداردىڭ دارا ساندى مالىمەتىنە ساي اۆتوماتتى ءپىشىلىپ - كەسىلىپ، كەزدەمە ماتەريالدارى زەردەلى وندىرىسكە ازىرلەۋ جۇيەسى ارقىلى سايكەستى جۇمىس ورنىنا جەتكىزىلەدى. كاسىپورىن جاۋاپتىسى تىلشىگە بىلاي دەدى: زەردەلىلەنگەن تەحنيكانى پايدالانۋ كاسىپورىننىڭ باسقارۋ وزىندىك قۇنىن %70 تومەندەتتى.

  زەردەلى عىلىم - تەحنيكا ”بايىرعى كاسىپكە“ جاڭا ومىرشەڭدىك كۇش بەردى. بىرنەشە جىلدان بەرى يۇيدۋ اۋدانى 3000نان استام توقىماشىلىق، كيىم - كەشەك كاسىپورىندارىن شوعىرلاندىردى، تۇتاس كاسىپ سالاسىنىڭ ءوندىرىس قۇنى 50 ميلليارد يۋاننان اسىپ، 80 مىڭنان استام كيىم - كەشەك كاسىبىمەن شۇعىلداناتىن شارۋا حالىق جۇمىسكەرلەرىن اۋىلىنا قايتىپ شارۋاشىلىق قۇرۋعا، جۇمىستانۋعا جەتەكتەدى.

  ءداستۇرلى اۋىل شارۋاشىلىعى سەلەندى ايگىلى ماركاسىنان پايدالانىپ اتاعىن اسپانداتتى. جاز باسىندا يۇيدۋ اۋدانى زىشان قالاشىعىنىڭ 10 مىڭ مۋلىق سەلەندى كوكونىس بازاسىنا بارساڭىز، سۋقيار، قىزىل بۇرىش سياقتى كوكونىستەردىڭ جايقالا ءوسىپ، قىستاق تۇرعىندارىنىڭ جىلىجاي ىشىندە كوكونىس ءۇزىپ، اۆتوموبيلگە تيەپ بازارعا تاسىمالداۋعا دايىندىق كورىپ جاتقانىن بايقايسىز. يۇيدۋ اۋدانى اۋىل شارۋاشىلىعى، اۋىل - قىستاق مەكەمەسى ەكونوميكالىق داقىلدار كەڭسەسىنىڭ مەڭگەرۋشىسى وۋياڭ تيانچۋان تىلشىگە بىلاي دەدى: ادەتتەگى قىزىل بۇرىشتىڭ ساتىلۋ باعاسى ءار جىڭى 2 يۋان اينالاسىندا بولادى، سەلەندى قىزىل بۇرىشتىڭ ءار جىڭىنىڭ باعاسى 7 يۋان بولسا دا تالاسا ساتىپ الىپ كەتەدى.

  جۋىق جىلداردان بەرى يۇيدۋ اۋدانى مول سەلەندى توپىراق بايلىعىنان پايدالانىپ، سەلەندى اۋىل شارۋاشىلىق كاسىپ سالاسىن زور كۇشپەن دامىتىپ، قالا دارەجەلى 9 سەلەندى كوكونىس ءوندىرىس بازاسىن قۇردى، بىلتىر تۇتاس اۋداندا كوكونىس ەگىلگەن جەر اۋدانى 220 مىڭ مۋ بولىپ، جالپىلىق ءوندىرىس ءونىم قۇنى 3 ميلليارد يۋانعا جەتتى. يۇيدۋ اۋداندىق پارتكومنىڭ شۋجيى چىن ياڭشان بىلاي دەدى: يۇيدۋ اۋدانى ءتۇيىندى تۇردە جۇڭگو يۇيدۋ سەلەندى ايگىلى ماركاسىن قالىپتاستىرىپ، بۇقارانىڭ تۇرمىسىنىڭ بارعان سايىن جاقسارۋىنا مۇمكىندىك جاسايدى.

  (شينحۋا اگەنتتىگىنىڭ 5 - ايدىڭ 17 - كۇنى نانچاڭنان بەرگەن حابارى)

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار