رۋح ماڭگى شۇعىلا شاشادى، اۋەلگى ماقسات بولاشاقتى نۇرلاندىرادى
− باس شۋجي شي جينپيڭ بارعان قىزىل قاسيەتتى جەرلەر: فۋجيان ءبولىمى
شينحۋا اگەنتتىگىنىڭ تىلشىلەرى
2021.05.20 14:52 كەلۋ قاينارى : شينجياڭ گازەتى
وسى جەردە گۋتيان ءماجىلىسى ماڭگىگە شۇعىلا شاشىپ، «ۇشقىننان جالىن قاۋلايدى» سياقتى وشپەس ماقالالار جۇڭگو توڭكەرىسىنىڭ شام - شىراعى بولىپ جاعىلدى...
وسى جەردە 100 مىڭنان استام ادام قىزىل ارميا قاتارىنا ءوتىپ، 26 مىڭنان استام ادام ۇزاق جورىققا قاتىناستى، سولتۇستىك شانشيگە بارعاندا 2000 ادام عانا قالدى، سۇڭماۋليڭدى قورعاۋ شايقاسى، شياڭجياڭ شايقاسى... ولاردىڭ جالىندى ادال رۋحتارىنا كۋا بولدى.
بۇل باس شۋجي شي جينپيڭ ايرىقشا تانىس جانە ويىنان شىعارمايتىن جەر: فۋجياندا جانە ورتالىقتا قىزمەت ىستەگەن كەزىندە ول بۇل جەرگە ارت - ارتىنان 20 رەت كەلىپ، دامۋ جوباسىن تىكەلەي كەسكىندەدى؛ 2014 - جىلى ول تىكەلەي شەشىم جاساپ جانە باسشىلىق ەتىپ، گۋتياندا بۇكىل ارميانىڭ ساياسي قىزمەت ءماجىلىسىن اشىپ، حالىق ارمياسىنىڭ ساقاداي سايلانىپ قايتا اتتانۋىنا جەتەكشىلىك ەتتى.
”قىزىل تۋ تيڭجياڭ سۋىن ءوتتى جارىپ، اتويلاپ لۇڭيان مەنەن شاڭحاڭ باردىق“. جاڭا داۋىرگە وتكەندە باتىس فۋجيانداعى بايىرعى رايون حالقى تاپسىرمانى ەستەن شىعارماي، قىزىل گەندى جالعاستىرىپ، جالعاستىرا كۇرەس جۇرگىزدى، اۋىل - قىستاقتى گۇلدەندىرۋدىڭ كوركەم كارتيناسى كەسكىندەلىپ كەلەدى.
ۇزاق جورىقتا باتىس فۋجياننىڭ 24 مىڭ پەرزەنتى ەرلىكپەن قۇربان بولدى
[قۇربانداردىڭ سوڭعى ۇرپاقتارى شەرتكەن قىزىل حيكايالارعا قۇلاق ءتۇرۋ]
بيىلعى چيڭميڭ كۇنىندە لۇڭيان قالاسى چاڭتيڭ اۋدانى نانشان قالاشىعى جۇڭفۋ قىستاعىنداعى 64 جاستاعى قاريا جۇڭ تيەلين سول جەردەگى 30 نەشە قىستاق تۇرعىنىمەن بىرگە مىڭ شاقىرىم الىستاعى گۋاڭشيدىڭ چۋانجوۋىنا كەلىپ، وسىندا جەرلەنگەن جاقىندارىنىڭ قابىر باسىنا كەلدى.
جۇڭ تيەليننىڭ كوكەسى جۇڭ جاۋحۋاڭ 1903 - جىلى تۋعان. ”1931 - جىلى جۇڭفۋ قىستاعىندا قىزىل ارمياعا قاتىناسقان كوكەم اسكەر قاتارىندا اتتانعالى حابار - وشارسىز كەتىپتى“. جۇڭ تيەلين تىلشىگە: نەشە 10 جىلدان بەرى ءۇي ءىشىمىز كوكەمنىڭ دەرەگىن ىزدەۋمەن بولدىق، - دەدى.
2017 - جىلعا كەلگەندە لۇڭيان تەلەۆيزياسىنىڭ ءبىر ءتىلشىسى گۋاڭشيدە شياڭجياڭ شايقاسىنداعى قاھارمان قۇرباندار ءتىزىمىن سۋرەتكە تۇسىرگەندە بارىپ جۇڭ تيەلين ءتىزىم ىشىنەن وزىنە تانىس سول ەسىمدى كورىپ، كوكەسىنىڭ سول جىلداردا شياڭجياڭدا قان توگىپ، قىرشىن ءومىرىن قيعاندىعىن بىلەدى.
[حيكايانىڭ استارىنداعى تاريح]
باتىس فۋجيانداعى لۇڭيان، سانميڭ بۇرىنعى ورتالىق سوۆەتتىك رايونىنىڭ وزەكتى اۋماعى بولعان. جەر توڭكەرىسى كەزىندە باتىس فۋجياننان 100 مىڭنان استام پەرزەنت قىزىل ارميا قاتارىنا قوسىلىپ، 26 مىڭنان استام ادام ۇزاق جورىققا قاتىناسىپ، جول اشىپ اتويلاپ الدا ءجۇرىپ، ارتتا قالىپ توسقاۋىل سوققى بەرىپ، شياڭجياڭدا قان توگىپ، ۋجياڭنان كۇشپەن ءوتىپ، لۋديڭچياۋ كوپىرىن تارتىپ الادى... 24 مىڭنان استام ادام جولدا قۇربان بولىپ، ورتاشا ەسەپپەن ءبىر شاقىرىم جەردە باتىس فۋجياندىق ءبىر جاۋىنگەر قۇربان بولادى.
1934 - جىلدىڭ سوڭىندا باستالعان شياڭجياڭ شايقاسىندا قىزىل ارميا نەگىزگى كۇشىنىڭ شياڭجياڭداعى جاۋ توسقاۋىلىن بۇزىپ ءوتۋىن قورعاۋ ءۇشىن، باستىسى، لۇڭيان مەن سانميڭنىڭ 6000نان استام پەرزەنت اسكەرىنەن قۇرالعان باس ارتقى قورعانىس قىزىل 34 - شىسى تۇگەلگە جۋىق قۇربان بولادى، ولاردىڭ ىشىندە كوپشىلىگىنىڭ اتى - ءجونىن انىقتاۋ مۇمكىن بولمايدى.
جۇڭگو كوممۋنيستىك پارتياسى لۇڭيان قالالىق پارتكوم پارتيا تاريحى جانە جەرگىلىكتى شەجىرە زەرتتەۋ كەڭسەسىنىڭ مەڭگەرۋشىسى سۋ جۇنساي تىلشىگە بىلاي دەدى: گۋاڭشيدىڭ شيڭان اۋدانىنداعى شياڭجياڭ شايقاسىنىڭ قۇرباندارى اتى جازىلعان دالىزدەن چاڭتيڭدىق 400دەن استام قۇرباننىڭ اتى تابىلعان، تەك 23 قۇرباننان عانا ۇرپاق قالعان، مۇنىڭ ىشىندە 6 ادامنىڭ ءوز كىندىگىنەن ۇل - قىز بولسا، قالعاندارىنىڭ اتىنا تۋىس - تۋعاندارى بالالارىن وتكىزىپ بەرگەن.
باتىس فۋجيان جۇڭگو كوممۋنيستىك پارتياسىنىڭ 100 جىلدىق تاريحىندا ايرىقشا سالماققا يە. شاڭحاڭ اۋدانى گۋتيان قالاشىعى، گۋتيان ءماجىلىسىنىڭ كوك قاڭىلتاق كەرپىشتى، اق قابىرعالى كونە ورنى سان وزگەرىستى باستان كەشىرىپ، سالتاناتتى قالپىن ساقتاپ تۇر. 1929 - جىلى 12 - ايدا قىزىل 4 - ارميانىڭ پارتيا 9 - رەتكى ۋاكىلدەر ءماجىلىسى گۋتياندا اشىلىپ، ”پارتيانى يدەيالىق جاقتان قۇرۋ، ارميانى ساياسي جاقتان قۇرۋ“ پرينسيبىن ورناتىپ، جۇڭگو توڭكەرىسىن جەڭىستەن جاڭا جەڭىسكە جەتۋگە جەتەكتەدى.
”قىزىل كىشى شاڭحاي“ اتانعان چاڭتيڭ اۋدانىندا، قىزىل ارميا العاش رەت ءبىر تۇتاس اسكەري كيىم كيىپ، وزدەرىنە ءتان ءشي قالپاق زاۆودىن، كورپە زاۆودىن، باسپا زاۆودىن، قارۋ - جاراق زاۆودىن قۇردى؛ ”ورتالىق سوۆەتتىك رايوننىڭ ۋكرايناسى“ اتالعان سانميڭدەگى نيڭحۋا ورتالىق قىزىل ارميانىڭ ماڭىزدى قامداۋ جانە ارتقى شەپ قامتاماسىز ەتۋ بازاسى بولدى...
بايىرعى رايوندى ماڭگى ۇمىتپاۋىمىز، بايىرعى رايون حالقىن ماڭگى ۇمتىپاۋىمىز كەرەك
[باس شۋجي شەرتكەن قىزىل حيكايالارعا قۇلاق ءتۇرۋ]
باتىس فۋجيان سىندى قىزىل توپىراق باس شۋجي شي جينپيڭ ءۇشىن تانىس جانە ويىنان شىعارمايتىن جەر.
2014 - جىلى بۇكىل ارميانىڭ ساياسي قىزمەت ءماجىلىسى كەزىندە، باس شۋجي شي جينپيڭ فۋجياننىڭ گۋتيانىنداعى ساقا قىزىل ارميا، اسكەري قۇربانداردىڭ تۋىس - تۋعاندارى سياقتىلاردىڭ ۋاكىلدەرىمەن اڭگىمەلەسكەن كەزدە تەرەڭ سەزىممەن بىلاي دەدى: ”باتىس فۋجيانعا مەن وتە قانىقپىن. بۇل بۇرىنعى ورتالىق سوۆەتتىك رايون تۇرعان جەر، بۇكىل مەملەكەتتىڭ ازات بولۋى، جاڭا جۇڭگونىڭ قۇرىلۋى، پارتيانىڭ قۇرىلىسى، ارميانىڭ قۇرىلىسى ءۇشىن ماڭىزدى، ورنىن باسقا ەشتەڭە باسا المايتىن ەسەلى ۇلەس قوسقان“. ”ءبىز بايىرعى رايوندى ماڭگى ۇمىتپاۋىمىز، بايىرعى رايون حالقىن ماڭگى ۇمىتپاۋىمىز كەرەك“.
ءماجىلىس كەزىندە باس شۋجي شي جينپيڭ گۋتيان ءماجىلىسىنىڭ ءماجىلىس ورنىن ىززەت - قۇرمەتپەن كورىپ، گۋتيان ءماجىلىسى ەسكەرتكىش سارايىن ەكسكۋرسيالاعاندا، سول جەردىڭ وزىندە ”ءتۇسىندىرۋشى“ بولعان جاعداي گۋتيان ءماجىلىسى ەسكەرتكىش سارايىنىڭ باستىعى زىڭ حانحۇيدىڭ ءالى ەسىندە.
”باس شۋجي ەسكەرتكىش سارايدىڭ ىشىندەگى كورمە تاقتاسىنا، مادەني ەسكەرتكىشتەرگە جانە ونىڭ استارىنداعى حيكايالارعا ەرەكشە قانىق ەكەن، سول جەردىڭ وزىندە 6000نان استام باتىس فۋجيان پەرزەنتىنىڭ شياڭجياڭدا قاندى شايقاس جۇرگىزگەن حيكاياسىن تەبىرەنە اڭگىمەلەپ، سول اراداعى جولداستارعا جان تەبىرەنتەرلىك پارتيا تاريحى ساباعىن ءوتتى“، - دەدى زىڭ حانحۇي.
سوڭعى جىلدارى، باس شۋجي شي جينپيڭ تۇرلىشە ورىنداردا، باتىس فۋجيان توڭكەرىس حيكايالارىن تەرەڭ سۇيىسپەنشىلىكپەن ەسكە الدى.
[اڭگىمەنىڭ استارىنداعى مۇراگەرلىك]
”قىزىل تۋدى ۇرپاقتان - ۇرپاققا جەلبىرەتە بەرەمىز دەسەك، كەلەسى ۇرپاقتى تاربيەلەۋگە ءمان بەرۋىمىز كەرەك“، چاڭتيڭ اۋدانى نانشان قالاشىعى كىتوۋ قىستاعىنداعى 93 جاستاعى جۇڭ يلۇڭ قاريانىڭ ءۇيىنىڭ قاقپاسىندا وسىنداي ءبىر بوساعالىق جاپسىرۋلى تۇر.
1934 - جىلى 9 - ايدا لۇڭياننىڭ ليانچىڭ، چاڭتيڭ شەكاراسىندا تۋىلعان سۇڭماۋليڭدى قورعاۋ شايقاسى قىزىل ارميا ۇزاق جورىعىنىڭ الدىنداعى ەڭ سۇراپىل ءبىر شايقاس، 10 مىڭنان استام قىزىل ارميا جاۋىنگەرى سۇڭماۋليڭدى 7 كۇن 7 ءتۇن تاپجىلماي قورعاپ، نەشە مىڭ ادام قۇربان بولۋداي بوداۋ بەرىپ، ورتالىق قىزىل ارميا نەگىزگى كۇشىنىڭ ورىن اۋىستىرۋىنا قىمباتتى ۋاقىت ۇتىپ بەردى. وتكەن عاسىردىڭ 50 - جىلدارىنان باستاپ، جۇڭ يلۇڭ قىستاق تۇرعىندارىمەن بىرگە، وزدىكتەرىنەن سۇڭ ماۋليڭدى قورعاۋ شايقاسىندا قۇربان بولعان قىزىل ارميا جاۋىنگەرلەرىنىڭ سۇيەگىن ىزدەپ، تاۋ ورمانى اراسىنان 3000نان استام قاھارمان قۇرباننىڭ سۇيەگىن تاۋىپ الدى ءارى لايىقتى جەرلەدى. 60 نەشە جىلدان بەرى جۇڭ يلۇڭ ءار جىلى بارىپ قاھارمان قۇرباندارعا ازا بىلدىرەدى ءارى بارلىق امالدى قولدانىپ وسى اتسىز قۇربانداردىڭ ءومىر ىزدەرى مەن ىزگى ىستەرىن جينادى.
2016 - جىلى جەرگىلىكتى پارتكوم مەن ۇكىمەتتىڭ قولداۋىندا، جۇڭ يلۇڭ ءوز ءۇيىنىڭ قورا - جايىن قىزىل مادەنيەت كورمەحاناسىنا وزگەرتىپ سالىپ، ونداعان جىل جيناعان قىزىل مادەنيەت بۇيىمدارى، سۇڭماۋليڭ شايقاسىندا قۇربان بولعان جاۋىنگەرلەردىڭ ءتىزىمى جانە ءومىر بايانى سياقتىلاردى ءتىزىپ قويىپ، ءار جىلى سان مىڭ ادامدى ەكسكۋرسيالاۋعا باۋرادى. ەگدە تارتىپ، دەنساۋلىعى ناشارلاپ قالسادا، جۇڭ يلۇڭ ءالى دە ءار جىلى ورتا، باستاۋىش مەكتەپ وقۋشىلارى، پارتيا، ۇكىمەت ەكسكۋرسيا ۇيىرمەسى سياقتىلارعا سول جىلدارداعى قىزىل ارميانىڭ حيكايالارىن اڭگىمەلەپ كەلەدى.
”مەن اناعۇرلىم كوپ جاستارعا قازىرگى تاماشا تۇرمىستىڭ توڭكەرىستىك ارداگەر قۇربانداردىڭ ىستىق قانى مەن ءومىرى ارقىلى كەلگەندىگىن جانە قورعالعاندىعىن تۇسىندىرگىم كەلەدى“. جۇڭ يلۇڭ بىلاي دەدى: بۇگىن ءۇشىن، ولاردىڭ سول جىلدارى باسىن ءباي تىگىپ توڭكەرىسكە قاتىناسقاندىعىن ۇمىتپاۋىمىز كەرەك.
جوعارى ساپالى دامۋ ارقىلى بايىرعى رايوننىڭ، سوۆەتتىك رايوننىڭ كوركەيۋىن جۇزەگە اسىرامىز
[باس شۋجي شەرتكەن دامۋ تۋرالى حيكايالارعا قۇلاق ءتۇرۋ]
چاڭتيڭ اۋدانى كەزىندە ەلىمىزدىڭ وڭتۇستىگىندەگى قىزىل توپىراقتى وڭىردەگى سۋ مەن توپىراقتىڭ زايا بولۋى ەڭ اۋىر اۋدان ءوڭىرىنىڭ ءبىرى بولاتىن. فۋجياندا قىزمەت ىستەگەن كەزىندە شي جينپيڭ جولداس 5 رەت چاڭتيڭگە ىركەس - تىركەس بارىپ تەكسەرۋ - زەرتتەۋ جۇرگىزىپ، سۋ مەن توپىراقتىڭ زايا بولۋىن جونگە سالۋدى ۇزدىكسىز ىلگەرىلەتتى؛ ورتالىقتا قىزمەت ىستەگەننەن كەيىن، شي جينپيڭ جولداس تاعى 2 رەت ماڭىزدى نۇسقاۋ بەرىپ، ”ىلگەرىلەسەك تولىق جەڭەمىز، ىلگەرىلەمەسەك ارتقا شەگىنەمىز“، چاڭتيڭدە سۋ مەن توپىراقتىڭ زايا بولۋىن جونگە سالۋدى ۇزدىكسىز كۇشەيتۋ كەرەك دەپ باسا دارىپتەدى.
بيىل 3 - ايدا باس شۋجي شي جينپيڭ فۋجياندا قىزمەت تەكسەرگەندە مىنانى تىلگە الدى: بايىرعى رايونداردىڭ، سوۆەتتىك رايونداردىڭ جاپپاي گۇلدەنۋىن ىلگەرىلەتىپ، بايىرعى رايونداردىڭ، سوۆەتتىك رايونداردىڭ ەرەكشە كاسىپ سالالارىنىڭ دەڭگەيىن جوعارىلاتۋ، نەگىزدىك قۇرىلعى قۇرىلىسى جانە الەۋمەتتىك قىزمەت وتەۋدى قامتاماسىز ەتۋ سياقتىلارعا كۇش سالا قولداۋ كورسەتۋ كەرەك.
[حيكايانىڭ استارىنداعى جاۋاپناما]
جاز باسى، چاڭتيڭ اۋدانىنىڭ حىتيان قالاشىعى، باياعىداعى شاڭى شىعىپ جاتاتىن تاڭۋيجياۋ تاۋىنىڭ باسىندا ءمولدىر وزەن بويى ساياعا اينالىپ، گۇل، جەمىستەردىڭ حوش ءيىسى اڭقىپ تۇر.
”ءاسىلى تاۋدىڭ باسى دەرلىك شاعىل ەدى، جاڭبىر جاۋسا بارلىق جەر ’سارقىراماعا‘ اينالاتىن، جاز كۇندەرى جەر بەتىنىڭ تەمپەراتۋراسى ەڭ جوعارى بولعاندا ℃72قا جەتەتىن، ەشتەڭە شىقپايدى، باققان تاۋىقتىڭ ءوزى ىستىقتاپ ولەدى“. 20 نەشە جىلدىڭ الدىندا وسى تاۋلى جەردى كوتەرمەگە العان ما شۋەمەي ءبىر اۋىل شارۋاشىلىعىن دامىتۋ سەرىكتەستىگىن جۇرگىزەدى. ول بىلاي دەدى: باياعىداعى ”جالىن تاۋ“ بۇل كۇندەرى ”باۋ - باقشالى تاۋعا“ اينالدى، ەكولوگياسى جاقساردى، توپىراعى دا قۇنارلانا ءتۇستى، ەگىلگەن تالشىننىڭ، باعىلعان حىتيان تاۋىعىنىڭ ساپاسى جاقسى، باعاسى قىمبات، بىلتىر جالپى كىرىس ءبىر ميلليون 800 مىڭ يۋاننان اسىپ، 10 نەشە قىستاق تۇرعىنىن جۇمىستانۋعا جەتەكتەدى.
تالىقپاي تالاي جىل جونگە سالۋ ارقىلى چاڭتيڭدەگى سۋ مەن توپىراقتىڭ زايا بولۋى وتكەن عاسىردىڭ 80 - جىلدارىنىڭ ورتا شەنىندەگى ％31.5تەن تومەندەپ 2020 - جىلى ％6.78كە ءتۇستى، ورمانمەن كومكەرىلۋ سالىستىرماسى ％60كە جەتپەۋدەن ％80.3كە جوعارىلاپ، ”تاقىر تاۋ − جاسىل القاپ − ەكولوگيالىق مەكەن“ سىندى تاريحي بۇرىلىستى جۇزەگە اسىردى.
چاڭتيڭدەگى سۋ مەن توپىراقتىڭ زايا بولۋىن جونگە سالۋدىڭ ناتيجەسى − سوڭعى جىلدارداعى باتىس فۋجيان بايىرعى رايونىنىڭ جاسىل دامۋىنىڭ ىقشام كورىنىسى.
”ەكولوگيا − لۇڭياننىڭ ەڭ ۇلكەن دامۋ ارتىقشىلىعى جانە سارا ماركاسى“. لۇڭيان قالالىق پارتكومنىڭ شۋجيى لي جيانچىڭ بىلاي دەدى: جاڭا داۋىرگە قادام تاستاعان لۇڭيان تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، نەگىزگى وزەن اعارلارىنداعى جاقسى سۋ ساپاسىنىڭ سالىستىرماسى ％100كە جەتتى، اۋا ساپاسىنىڭ تاماشا بولعان كۇن سانى سالىستىرماسى بۇكىل ولكەدە الدىڭعى ورىندى ساقتادى، ورمانمەن كومكەرىلۋ سالىستىرماسى ％79.39كە جەتتى، جەرگىلىكتى جاعدايعا قاراي ەكولوگيالىق اۋىل شارۋاشىلىعى، ورمان - توعاي سالاماتتىق كۇتىنۋى، تۇتاس وڭىرلىك ساياحات سياقتى كاسىپ سالالارىن دامىتىپ، مەيىرىمگە تولى باقىتتى لۇڭيان تۇلعالاپ، ”كاسىپ سالاسى ساپالى، بۇقاراسى باي، ەكولوگياسى كوركەم“ جوعارى ساپالى دامۋ ارناسىن قالىپتاستىرۋدا، اۋىل - قىستاق كۇن سايىن جاڭارىپ، كوركەيىپ - گۇلدەنىپ كەلەدى.
(تىلشىلەر زوۋ شىڭۋىن، جىڭ لياڭ، لين چاۋ، چىن حۇڭي، چين حۇڭ)
(شينحۋا اگەنتتىگىنىڭ 5 - ايدىڭ 18 - كۇنى فۋجوۋدان بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
