چىن چۋانگو لاتىن امەريكاسى مەن كارايب ەلدەرىنىڭ جۇڭگودا تۇراتىن ەلشىلەرىمەن كەزدەستى
2021.05.20 14:53 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 18 - كۇنى ۇرىمجىدەن حابارلايدى. 5 - ايدىڭ 17 - كۇنى تۇستەن كەيىن اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە شينجياڭدا ەكسكۋرسيادا، ساپاردا بولعان لاتىن امەريكاسى مەن كارايب ەلدەرىنىڭ جۇڭگودا تۇراتىن ەلشىلەرىمەن جانە ولاردىڭ ساپارلاستارىمەن كەزدەستى.
چىن چۋانگو اۆتونوميالى رايوندىق پارتكوم جانە ۇكىمەت اتىنان، لاتىن امەريكاسى مەن كارايب ەلدەرىنىڭ جۇڭگودا تۇراتىن ەلشىلەرىن قارسى الدى. چىن چۋانگو بىلاي دەدى: جۇڭگو كوممۋنيستىك پارتياسى 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىسقا قول جەتكىزدى، تيانشان الابىندا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى، بۇل كۇللى دۇنيە جۇزىنە ايان. بۇل ەڭ تابىستى ادامدىق ۇقىق حيكايالارىنىڭ ءبىرى، سونداي - اق حالىقاراداعى ءىشىنارا كۇشتەردىڭ شينجياڭعا ساياتىن وسەك - اياڭدارىنا بەرىلگەن ەڭ پارمەندى قايتارما سوققى. حالىقارادا ءىشىنارا كۇشتەر شىندىقپەن ساناسپاي، اق پەن قارانى شاتاستىرىپ، شينجياڭعا ساياتىن قىرۋار وسەك - اياڭ جانە جالعان ينفورماتسيانى ويدان قۇراپ، تاراتىپ، شينجياڭنىڭ ادامدىق ۇقىعىنىڭ دامۋ جاعدايىنا ورشەلەنە كۇيە جاعىپ، شينجياڭنىڭ حاۋىپسىزدىگىن، ورنىقتىلىعىن، گۇلدەنۋىن، دامۋىن بۇلدىرۋگە ۇرىندى. بۇعان شينجياڭداعى ءار ۇلت حالقى باتىل قارسى تۇرادى جانە ونى قاتاڭ جازعىرادى. شينجياڭنىڭ ورنىقتىلىق، دامۋ تابىسى 25 ميلليوننان استام شينجياڭداعى ءار ۇلت بۇقاراسىنىڭ جاپپاي قولداۋى مەن جاقتاۋىنا يە بولدى ءارى حالىقارالىق قوعامنىڭ دا بەلسەندى باعاسىنا يە بولدى. بۇگىنگى تاڭداعى شينجياڭدا ءار ۇلت حالقى ءبىر تىلەكپەن ىنتىماقتاسىپ، تىنىش ءومىر، شات - شادىمان تىرشىلىك كەشىرىپ، وڭاي - وسپاق قولعا كەلمەگەن اسا تاماشا جاعدايدى بارىنشا قاستەرلەۋدە. ءبىزدىڭ اناعۇرلىم جاراسىمدى، ورنىقتى، گۇلدەنىپ - كوركەيگەن، دامىعان جاڭا داۋىردەگى جۇڭگوشا سوتسياليستىك شينجياڭ قۇرۋعا سەنىمىمىز، بەكىمىمىز، قابىلەتىمىز بار.
چىن چۋانگو بىلاي دەدى: ”مۇراتتاستاردىڭ اراسىن تاۋ مەن تەڭىز الىستاتا المايدى“. تاياۋ جىلداردان بەرى جۇڭگونىڭ شينجياڭى مەن لاتىن امەريكاسىنىڭ جانە كارايب ەلدەرىنىڭ جەرگىلىكتى ورىندار ارا سەلبەستىگى جەدەل دامىدى. شينجياڭنىڭ لاتىن امەريكاسىمەن جانە كارايب ەلدەرىمەن كاسىپ سالاسى قۇرىلىمىن ءوزارا تولىقتاۋ سيپاتى ءبىرشاما كۇشتى، ەكى جاقتىڭ ەكونوميكا - ساۋدا سەلبەستىگىنىڭ دامۋ كومەسكى كۇشى ءبىرشاما زور، ەكى جاقتىڭ جەرگىلىكتى ورىندارى اراسىنداعى سەلبەستىكتى كۇشەيتۋ تاماشا ورايعا ءدوپ كەلدى، تاماشا نەگىز ازىرلەدى، تاماشا شارت - جاعدايعا يە بولدى، اۋقىمعا سايكەسسەك، اناعۇرلىم زور دامۋدى جۇزەگە اسىرۋعا تولىق نەگىزىمىز بار. ءبىز ءتوراعا شي جينپيڭنىڭ لاتىن امەريكاسى مەن كارايب ەلدەرى باسشىلارىمەن كەلىسكەن ورتاق تانىمىن مۇقيات تياناقتاندىرىپ، ”ءبىر بەلدەۋ، ءبىر جولدى“ بىرگە قۇرۋدى وراي ەتىپ، جەرگىلىكتى ۇكىمەتتەردىڭ كەڭەسۋىن، سەلبەسۋىن ونان ارى كۇشەيتىپ، ەكونوميكا، وقۋ - اعارتۋ، مادەنيەت، ساياحات سياقتى سالالارداعى اۋىس - كۇيىس پەن سەلبەستىكتى ۇزدىكسىز تەرەڭدەتىپ، ابزالدىلىقتارمەن ءوزارا تولىقتاۋدى جۇزەگە اسىرىپ، ورتاق دامۋدى جەبەۋىمىز كەرەك.
لاتىن امەريكاسى مەن كارايب ەلشىلەر ۇيىرمەسىنە سەرىك بولىپ، شينجياڭعا ەكسكۋرسيالاي، ساپارلاي كەلگەن سىرتقى ىستەر مينيسترلىگىنىڭ ورىنباسار مينيسترى شيە فىڭ بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭدا دۇنيەنى ءدۇر سىلكىندىرگەن وزگەرىستەر تۋىلدى، لاتىن امەريكاسى مەن كارايبتىڭ جۇڭگودا تۇراتىن ەلشىلەرىنە ەكونوميكاسى شالقىعان، قوعامى ورنىقتى، ۇلتتارى ىنتىماقتى، مادەنيەتى گۇلدەنگەن، ءدىني سەنىم ەركىندىگى بار تاماشا كورىنىستەردى ايگىلەدى، حالىقاراداعى جۇڭگوعا قارسى كۇشتەر قايتا - قايتا دابىرالاعان ايتىلمىس ”ءناسىل جويۋ“، ”زورلىقپەن ەڭبەككە سالۋ“ سياقتى وسەك - اياڭدار ناقتى شىندىق الدىندا تويتارىسسىز - اق توزىپ - جوعالادى. ەلشىلەر جۇڭگو ۇكىمەتىنىڭ شينجياڭنىڭ لاڭكەستىككە قارسى تۇرۋدا جانە ۇشقارلىقتى الاستاۋدا كورسەتكەن قۇلشىنىسىن تولىق ءتۇسىنىپ، قولداپ، تاربيەلەۋ، باۋلۋ ورتالىعىن قۇرۋ مۇندا ماڭىزدى رول اتقاردى دەپ قارادى. ەلشىلەر شينجياڭ جاقسى جەر ەكەن دەپ شىن جۇرەكتەن ءسۇيىندى، ءوزارا پايدا جەتكىزۋ سەلبەستىگى اياسىن اناعۇرلىم كەڭەيتۋدى شىنايى ءۇمىت ەتتى. وسى ساپار شينجياڭ مەن لاتىن امەريكاسى ەلدەرى اراسىندا اناعۇرلىم كوپ سەلبەستىك كوپىرىن، دوستىق كوپىرىن سالىپ، جۇڭگو مەن لاتىن امەريكاسىنىڭ ناقتى ىستەر سەلبەستىگىنە جانە گۋمانيتارلىق اۋىس - كۇيىسىنە جاڭا قوزعاۋشى كۇش، جاڭا ومىرشەڭدىك كۇش ۇستەيدى. سىرتقى ىستەر مينيسترلىگى شينجياڭنىڭ سىرتپەن ونان ارى اۋىس - كۇيىس، سەلبەستىك ورىستەتۋىنە كومەك كورسەتەدى.
ەلشىلەر ۇيىرمەسىنىڭ باستىعى، ۋرۋگۆايدىڭ جۇڭگودا تۇراتىن باس ەلشىسى فيرناندو لۋگىليس مىنالاردى ءبىلدىردى: وسى رەت جۇڭگونىڭ شينجياڭىندا ەكسكۋرسيادا، ساپاردا بولىپ، وسى ارانىڭ گۇلدەنگەن، جاراسىمدى كوركىن كوردىك، الداعى جەردە اناعۇرلىم كوپ ادامدارعا، اسىرەسە، ۋرۋگۆاي ەلى ىشىندە شينجياڭنىڭ جاعدايىن وبيەكتيۆ، شىنايى، دالمە - ءدال تانىستىرامىن. لاڭكەستىك − تۇتاس ادامزاتتىڭ ورتاق جاۋى، لاڭكەستىككە قارسى تۇرۋ − الەمدىك سيپاتتى تاقىرىپ، شينجياڭ حالىقارالىق قوعامنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىنە ماڭىزدى ۇلەس قوستى، قۇندى تاجىريبەلەر توپتادى، اسا جوعارى ۇلگى الۋ قۇنى بار. لاتىن امەريكاسى مەن كارايب ەلدەرىندە مول سۋ يگىلىگى، كەن، ەنەرگيا بايلىعى بار، ەكونوميكالىق دامۋ جاعىندا شينجياڭمەن وتە كۇشتى ءوزارا تولىقتاۋ سيپاتىنا يە، كەڭ اۋىس - كۇيىس جاساۋ كەڭىستىگىنە، سەلبەستىك جاساۋدىڭ اسا زور كومەسكى قۋاتىنا يە. ءبىز ”ءبىر بەلدەۋ، ءبىر جول“ باستاماسىنا بەلسەنە ءۇن قوسىپ، تۇسىنىستىكتى تەرەڭدەتىپ، ورتاق تانىمدى ارتتىرىپ، دوستىقتى نىعايتىپ، جۇڭگونىڭ ءارقايسى ولكە، رايون، قالالارىمەن، اسىرەسە، شينجياڭىمەن جەرگىلىكتى ورىندار سەلبەستىگىن ورىستەتىپ، اۋىل شارۋاشىلىعى، ەنەرگيا، ساياحات، كەدەيلىكتى ازايتۋ، وقۋ - اعارتۋ، قورشاعان ورتانى قورعاۋ، گۋمانيتارلىق، باياندى دامۋ سياقتى سالالارداعى اۋىس - كۇيىستى ءتۇيىندى ىلگەرىلەتىپ، ءار ەل حالقىن اناعۇرلىم ويداعىداي باقىتقا كەنەلتۋدى قالايمىز.
كۋبانىڭ جۇڭگودا تۇراتىن باس ەلشىسى كارلوس پەيليلا مىنالاردى ءبىلدىردى: وسى رەتكى شينجياڭداعى ەكسكۋرسيامىز، ساپارىمىز ەرەكشە باي مازمۇندى بولدى، ءبىز شينجياڭنىڭ ناقتى جاعدايىن ىشكەرىلەي تۇسىندىك. امەريكا، باتىس ەلدەرى جۇڭگونىڭ شينجياڭى ”ءناسىل جويدى“، ”زورلىقپەن ەڭبەككە سالدى“ دەپ جالا جاپتى، قۇددى بۇل كۋباعا جۇرگىزگەن 60 نەشە جىلعى قۇرساۋلاۋمەن ۇقساس، بۇكىلدەي ساياسي ماقساتتان تۋىنداعان. امەريكانىڭ، باتىس ەلدەرىنىڭ ايىپتاۋى ساياسي ويىن ەكەندىگى، ادامدىق ۇقىقتى قورعاۋمەن جانە ءدىن ەركىندىگىمەن مۇلدە قاتىسسىز ەكەندىگى جالپى جۇرتقا بەلگىلى. امەريكا، باتىس ەلدەرى حالىقارالىق قوعامعا ۋاكىلدىك ەتە المايدى، كۋبا بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ مۇشەسى رەتىندە ءوزارا قۇرمەت ەتەتىن، سىندارلى ادامدىق ۇقىق كەڭەسىن ورىستەتۋدى اۋەلگىدەي قولدايدى، ادامدىق ۇقىق ماسەلەسىن ساياسيلاندىرۋعا جانە قوس ولشەم قولدانۋعا باتىل قارسى تۇرادى، شينجياڭعا ساياتىن ماسەلەدەن پايدالانىپ جۇڭگوعا شابۋىل جاساۋعا باتىل قارسى تۇرادى.
برازيليانىڭ جۇڭگودا تۇراتىن باس ەلشىسى باۋلو ۋالاي مىنالاردى ءبىلدىردى: وسى رەت ناقتى جەرلەردە ساپاردا بولۋ ارقىلى ءبىز كورىكتى، الۋان ءتۇرلى، تەز قارقىنمەن دامىعان، گۇلدەنگەن، جاراسىمدى شينجياڭدى كوردىك. شينجياڭ جىبەك جولى ەكونوميكالىق بەلدەۋىندەگى ماڭىزدى بەكەت، ءبىز جۇڭگونىڭ شينجياڭىمەن ەكونوميكا - ساۋدا سياقتى سالالارداعى اۋىس - كۇيىس پەن سەلبەستىكتى كۇشەيتىپ، ەكى جاقتى سەلبەستىك پەن دوستىقتى اناعۇرلىم تەرەڭدەتۋدى كۇتەمىز.
چيليدىڭ جۇڭگودا تۇراتىن باس ەلشىسى لۋيىس شىميت مىنالاردى ءبىلدىردى: تاعى ءبىر رەت ناقتى جەرلەردە ساپاردا بولۋ ارقىلى كەڭ - بايتاق، كورىكتى شينجياڭنىڭ ەكونوميكالىق دامۋ، قوعام ورنىقتىلىعى، الەۋمەتتىك حاۋىپسىزدىك سياقتى جاقتاردا قول جەتكىزگەن جاڭا تابىستارىنا، جاڭا ىلگەرىلەۋشىلىگىنە كۋا بولدىق. چيلي بۇكىل الەمدەگى ماڭىزدى جەمىس - جيدەك جانە ءجۇزىم اراعىن وندىرەتىن ەل، الداعى جەردە شينجياڭمەن بايلانىستى ساقتاپ، وسى سالالاردا اناعۇرلىم تەرەڭ، اناعۇرلىم ناقتى سەلبەستىك ورىستەتۋدى ىلگەرىلەتەدى، شينجياڭنىڭ اناعۇرلىم كوركەيىپ - گۇلدەنۋىنە، قۇلپىرا بەرۋىنە تىلەكتەسپىز.
كولۋمبيانىڭ جۇڭگودا تۇراتىن باس ەلشىسى لۋيس مىڭسارۋي مىنالاردى ءبىلدىردى: جۇڭگونىڭ شينجياڭىنىڭ تاريحى ۇزاق، مادەنيەتى الۋان ءتۇرلى، جاراتىلىستىق كورىنىسى كوركەم. ءبىز شينجياڭنىڭ ەكونوميكالىق، قوعامدىق دامۋ، كەدەيلىكتەن ارىلتۋدان قامال الۋ، نەگىزدىك قۇرىلعى قۇرىلىسى سياقتى جاقتاردا قول جەتكىزگەن وراسان زور تابىستارىن ناقتى كوردىك. ءبىز الداعى جەردە شينجياڭمەن اۋىل شارۋاشىلىعى، تازا ەنەرگيا سياقتى سالالاردا اۋىس - كۇيىس سەلبەستىك جاساپ، بىرگە دامۋدى جەبەۋگە ونان ارى كۇش سالامىز.
اۆتونوميالى رايوننىڭ باسشىلارىنان شۇي حايرۇڭ، لي شۋەجۇن قاتارلىلار كەزدەسۋگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
