كەز كەلگەن ۋاقىتتا ساپارعا شىعىپ، شينجياڭدى ەمىن - ەركىن ساياحاتتايتىن بولدى
− ساياحاتتىڭ جوعارى ساپالى دامۋىن ىلگەرىلەتۋگە نازار (3)
انار بۇلت / شينجياڭ گازەتىنىڭ ءتىلشىسى لۋ فىڭباۋ
2021.05.20 14:55 كەلۋ قاينارى : شينجياڭ گازەتى
شينجياڭ سونشاما شالعاي، سونشاما كەڭ، وسى اراعا كەلىپ ”كوركەم ءومىردى“ ىزدەگەندە ۋاقىتتى، كۇشتى ۇنەمدەۋگە بولا ما؟ بۇگىنگى تاڭدا بۇل باس قاتىراتىن ءىس ەمەس.
تاياۋ جىلداردان بەرى شينجياڭ ساياحات قاتىناس قىزمەت وتەۋ جۇيەسىن ساپالىلاندىرۋدى، ساياحات قاتىناس تورىنىڭ جالپى اۋماقتى قامتۋىن جۇزەگە اسىرۋدى نىسانا ەتىپ، قاتىناس نەگىزدىك قۇرىلعى قۇرىلىسىن تەزدەتىپ، ساياحاتشىلارعا ”كەز كەلگەن ۋاقىتتا ساپارعا شىعاتىن“ قاتىناس قامتاماسىزدىعىن ازىرلەدى، سونىمەن بىرگە ساياحاتتىق قىزمەت وتەۋ قۇرىلعىلارىن ۇزدىكسىز كەمەلدەندىرىپ، ”قاتىناس + ساياحات“ ۇلگىسىندە جاڭالىق اشىپ، ساياحاتشىلاردى ساپار بارىسىندا جول بويى ءان - جىرعا بولەپ، ولارعا ساياحاتتىڭ سالتاناتىن سەزىندىردى.
ۇيدەن اتتاي سالا جولعا شىقتى، قايدا بارسا دا قولايلى بولدى
5 - ايدىڭ 14 - كۇنى اۋا رايى قۇرىلىس جۇرگىزۋگە وتە ۇيلەسىمدى بولدى، اقسۋ قالاسى حۋاڭگۇڭحۋ كورىنىس ءوڭىرى جولى قۇرىلىس نىسانىنىڭ جۇمىس باسى قاربالاستىققا شومدى. ”ءبىز تەزدەتىپ قۇرىلىس جۇرگىزىپ، 6 - ايدا قۇرىلىستى تامامداۋعا ۇمتىلىس جاساپ، ساياحاتشىلاردىڭ اناعۇرلىم جاقسى جولدا جۇرۋىنە مۇمكىندىك جاسايمىز“، - دەدى وسى نىساننىڭ جۇمىس باسى جاۋاپتىسى يۋان ليميڭ.
بۇل تاياۋ جىلداردان بەرى شينجياڭنىڭ ساياحات قاتىناس تورىن جىلدام قۇرۋىنىڭ شاعىن كارتيناسى.
2020 - جىلدىڭ سوڭىنا دەيىن شينجياڭدا تاس جولدىڭ جالپى ۇزىندىعى 200 مىڭ كيلومەتردەن (بيڭتۋاندى قامتيدى) اسىپ، ءۇرىمجىنى وزەك، جوعارى جىلدامدىقتى تاس جولدى، مەملەكەت تاس جولى نەگىزگى جەلىسىن نەگىزگى تولعا ەتكەن، جوڭعار مەن تارىم سىندى ەكى ويپاتتى اينالىپ ءارى ەندەي وتەتىن، ايماق، وبلىس، قالا، اۋدان، اۋىل جانە ەگىن، مال شارۋاشىلىق تۋان - الاڭدارىن شارپىعان، شىعىستا گانسۋمەن، چيڭحايمەن تۇتاساتىن، وڭتۇستىكتە شيزاڭمەن جالعاساتىن، باتىستا ورتا ازيا، باتىس ازيا ەلدەرىنە شىعاتىن، سولتۇستىكتە موڭعۇلياعا جەتەتىن نەگىزگى، تارماق جەلى تاس جول قاتىناس تورى قالىپتاستى، بۇكىل شينجياڭنىڭ جول تورى قۇرىلىمى ۇزدىكسىز كەمەلدەنىپ، ساياحاتشىلار ەندىگارى كونە شيىرمەن جۇرمەيتىن بولدى.
شينجياڭ تەمىر جولى ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ“ تەمىر جول تورىن قۇرۋعا كۇش سالدى. 2020 - جىلى التاي - كوكتوعاي - جۇندۇڭ تەمىر جولى، گولمۋد - كۇشار تەمىر جولىنىڭ شينجياڭ بولىگى اشىلىپ ىسكە قوسىلدى، تەمىر جولدىڭ قاتىناۋ ۇزىندىعى 7720.838 كيلومەترگە جەتتى، سولتۇستىك شينجياڭ تەمىر جولى اينالما جەلىسى قالىپتاستى، وڭتۇستىك شينجياڭ تەمىر جولى اينالما جەلىسى جەدەل قالىپتاسۋ ۇستىندە.
شينجياڭ كوپ تۇيىندەردە ورنالاستىرىپ، اۋەجاي قۇرىلىسى تەبىنىن ارتتىردى، 2020 - جىلدىڭ سوڭىنا دەيىن اۋەجاي سانى 22گە جەتىپ، ەل ىشىندەگى اۋەجاي سانى ەڭ كوپ ولكە، رايونعا اينالدى. كوپ اۋەجايدى نەگىز ەتكەن شينجياڭدا ءۇرىمجى ديۋوباۋ حالىقارالىق اۋەجايىن وزەك ەتكەن ”شينجياڭ ىشىندە تور قالىپتاستىرۋ، شىعىس - باتىستا جەلپۋىش ءپىشىن قالىپتاستىرۋ، شىعىسپەن تۇتاسىپ، باتىسقا شىعارۋ“ اۆياتسيا جەلىسى تور ارناسى نەگىزىنەن قالىپتاستى.
جۇرگەن سايىن ىركىلىسسىزدەنىپ، ءاپ - ساتتە جەتىپ باراتىن بولدى
باسقا ولكە، رايوندارمەن سالىستىرعاندا شينجياڭنىڭ كورىنىس تۇيىندەرى بىتىراڭقى، كەڭىستىك ارالىعى شالعاي، وسى اراعا كەلىپ ساياحاتتاۋدا باستى ەڭ قاتىراتىنى ۋاقىت جۇمسالىمىنىڭ كوپتىگى.
”جوعارى جىلدامدىقتى تاس جولدا قاتىناۋ قۋاتىن كوتەرۋ شينجياڭدا ساپار ۋاقىتىنىڭ ۇزاق بولۋ، سەيىلدەۋ ۋاقىتىنىڭ قىسقا بولۋ ماسەلەسىن شەشۋگە پايدالى“، - دەدى اۆتونوميالى رايوندىق قاتىناس - تاسىمال مەڭگەرمەسى تاس جول باسقارماسىنىڭ باستىعى سۇن جين.
بارعان سايىن كوبەيگەن جوعارى جىلدامدىقتى تاس جول ساياحات ۋاقىتىن بارىنشا قىسقارتتى. تاياۋ جىلداردان بەرى، شينجياڭ تاس جول قۇرىلىسى تەبىنىن ۇزدىكسىز ارتتىرىپ، جوڭعار ويپاتى مەن تارىم ويپاتىن اينالىپ ءوتۋدى جالپى بەتتىك جوعارى جىلدامدىقتاندىرۋدى ءۇرتىس ىلگەرىلەتتى. 2020 - جىلدىڭ سوڭىنا دەيىن شينجياڭنىڭ جوعارى جىلدامدىقتى تاس جولى 5500 كيلومەتردەن استى، بارلىق ايماق، وبلىس، قالا جوعارى جىلدامدىقتى تاس جول داۋىرىنە قادام باستى. بيىل شينجياڭنىڭ جوعارى جىلدامدىق تاس جولىنىڭ جالپى ۇزىندىعى 6000 كيلومەتردەن اسادى، وڭتۇستىك، سولتۇستىك شينجياڭ جوعارى جىلدامدىقتى (1 - دارەجەلى) تاس جولىنىڭ قوس اينالما جەلىسى سالىنادى.
2014 - جىلى لانجوۋ - شينجياڭ جوعارى جىلدامدىقتى تەمىر جولى اشىلعاننان بەرى، شينجياڭنىڭ قاتىناسىندا جاڭا پاراق اشىلدى، ءۇرىمجى، تۇرپان، قۇمىل اراسىنداعى جوعارى جىلدامدىقتى تەمىر جولدا ”الەۋمەتتىك قاتىناستاندىرىلعان“ قاتىناۋ جارىققا شىعىپ، ساياحاتتىڭ دامۋىنىڭ ”جوعارى جىلدامدىقتى تەمىر جول ءداۋىرى“ باستالدى. 2019 - جىل شينجياڭ تەمىر جولىندا ”فۋشيڭ ءنومىرلى“ كەزەكشى پويەزى قاتىناپ، وڭتۇستىك، سولتۇستىك شينجياڭ قالالارى اراسىنداعى ۋاقىت، كەڭىستىك ارالىعىن بارىنشا قىسقارتىپ، ءۇرىمجىنى ورتالىق ەتكەن 4 ساعاتتىق جىلدام قاتىناس تورىن قالىپتاستىردى.
جىلدام تەمىر جول تورى ءارى بۇقارانىڭ ءجۇرىس - تۇرىسىنا قولايلى ”باقىت كارتاسى“، ونان دا ماڭىزدىسى، كوڭىلدى ساياحاتقا شىعاتىن ”ساياحاتتاۋ كارتاسى“ بولىپ تابىلادى.
”پويەزعا وتىرىپ 5 ساعاتتان استام ۋاقىتتا قۇلجا قالاسىنا جەتەسىڭ، ساپار ۋاقىتى قىسقاردى، ساياحاتتاۋ ۋاقىتى سايكەستى ارتتى“. ەندى عانا وتكەن ”1 - مامىر“ دەمالىسى كەزىندە ءۇرىمجى قالاسىنىڭ تۇرعىنى لي يۋەچيڭ مەن وتباسىنداعىلار ىلە قازاق اۆتونوميالى وبلىسىنىڭ كوركەم جەرلەرىنە بارىپ ساياحاتتاپ قايتىپتى.
جول ازابىن تارتپايسىڭ، بەينە ۇيدە ءجۇرىپ - تۇرعانداي بولاسىڭ
تاياۋ جىلداردان بەرى شينجياڭنىڭ قاتىناس نەگىزدىك قۇرىلعىسى دا جالاڭ ءجۇرىس - تۇرىس يقۋاتىن قاناعاتتاندىرۋدان ساياحات، ەكولوگيا، تۇتىنۋ، مادەنيەت تاراتۋ سياقتى كەشەندى يقۋاتتارعا قاراي بۇرىلىس جاسادى. جوعارى جىلدامدىقتى تاس جول قىزمەت وتەۋ اۋماعىنداعى وزگەرىستەر وسىنداي بۇرىلىستى ايگىلەيدى.
G30 ليانيۇنگاڭ - قورعاس جوعارى جىلدامدىقتى تاس جولى يانحۋ قىزمەت وتەۋ اۋماعىنا بارساڭىز، ”كريستال تۇز“ ۇلگىسىندە سالىنعان شاعىن عيمارات جاڭاشا، ۇنامدى كورىنەدى، تۇتاس قىزمەت وتەۋ اۋماعىنىڭ يەلەگەن جەر اۋدانى 118 مىڭ شارشى مەتر، كونە قىزمەت وتەۋ اۋماعىنان 5 تە 6 ەسە ۇلكەن، ارى - بەرى قاتىناعان شوفەرلەرگە، جولاۋشىلارعا اۆتوكولىك توقتاتۋ، جانارماي قۇيۋ، دەمالۋ سياقتى قىزمەت وتەيدى. قىزمەت وتەۋ اۋماعىنىڭ ءىشى تاپ - تازا، رەتتى، اس - سۋ، زات ساتىپ الۋ، دارەتحانا سياقتى قىزمەت وتەۋ قۇرىلعىلارى تولىق ازىرلەنگەن. تازالىق بولمەسىندەگى كورسەتكىش بەلگى، مەيىرىمدى ەسكەرتۋ سياقتىلار ەرەكشە كوزگە تۇسەدى، قول جۋۋ ناۋاسىنىڭ قاسىندا قول جۋۋ سۇيىقتىعى، قاعاز ورامال، قۇرعاتقىش سياقتىلاردىڭ بارلىعى بار، تازالىق بولمەسىنىڭ سىرتىنا تۇبەكتىك كورىنىس، جاسىل وسىمدىك سياقتىلار قويىلعان.
”ءبىز الداعى جەردە قىزمەت وتەۋ اۋماعىنىڭ قىزمەت وتەۋ دەڭگەيىن ۇزدىكسىز ءوسىرىپ، قىزمەت وتەۋ اۋماقتارىن كورىنىس تۇيىندەرىنە اينالدىرىپ، ساياحاتشىلاردىڭ سەزىنۋ اسەرىن كۇشەيتەمىز“، - دەدى شينجياڭ قاتىناس قارجى قوسۋ شەكتى جاۋاپكەرشىلىك سەرىكتەستىگىنىڭ ورىنباسار باس ينجەنەرى شۇي يافىڭ.
”جۇڭگوداعى ەڭ كوركەم تاس جول“ دەپ اتالعان مايتاۋ - كۇشار تاس جولى ءوز اۆتوكولىگىمەن ساياحاتتاۋ اۋەسكەرلەرىن قاتتى باۋرادى. ىلگەرى، مايتاۋ - كۇشار تاس جولىنىڭ جول جاعدايى ءبىرشاما ناشار، قاتىناۋ قۋاتى ءالسىز بولاتىن، مىسالى، دارەتحاناعا وتىرۋ قيىن، اۆتوكولىك توقتاتۋ قيىن بولعاندىقتان، ءوز اۆتوكولىگىمەن ساياحاتتاۋ اۋەسكەرلەرى مايتاۋ - كۇشار تاس جولىمەن ءجۇرۋدى تىم ۇناتا قويمايتىن.
2019 - جىلى، 2020 - جىلى اۆتونوميالى رايوندىق قاتىناس - تاسىمال مەڭگەرمەسى مايتاۋ - كۇشار تاس جولىنىڭ دەڭگەيىن جوعارىلاتىپ، ءۇرتىس جاڭالاۋ جۇرگىزىپ، جول بەتىن جاقسارتىپ، جولدى كەڭەيتىپ، كورىنىستىك تەكشە، اۆتوكولىك توقتاتۋ اۋماعىن سالىپ، الەۋمەتتىك دارەتحانا، قوقىر - قوقسىق ساندىعى سياقتىلارى كوبەيتىپ ورنالاستىردى، ءسويتىپ، مايتاۋ - كۇشار تاس جولى سانسىز جولاۋشىلاردىڭ نازارىن اۋداردى.
”بۇگىنگى تاڭدا شينجياڭدا ءوز اۆتوكولىگىڭمەن ساياحاتتاساڭ، جول جاعدايى جاقسى، قىزمەت وتەۋ قۇرىلعىلارى تولىق ەكەن، جول بويى كوڭىل كۇيىمىز كوتەرىڭكى بولدى“، - دەدى شاندۇڭدىق ساياحاتشى شىن جيە.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
