بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي جانشۋ ماداگاسكار حالىقتىق پارلامەنتىنىڭ باستىعى كريستينامەن كەڭەس وتكىزدى

2021.05.20 15:51     كەلۋ قاينارى : حالىق تورابى

  شينحۋا اگەنتتىگى، 5 - ايدىڭ 19 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 5 - ايدىڭ 19 - كۇنى بەيجيڭدەگى حالىق سارايىندا بەينە ەكران ارقىلى ماداگاسكار حالىقتىق پارلامەنتىنىڭ باستىعى كريستينامەن كەڭەس وتكىزدى.

  لي جانشۋ بىلاي دەدى: ءتوراعا شي جينپيڭ مەن راچولينا زۇڭتۇڭنىڭ ستراتەگيالىق جەتەكشىلىگىندە جۇڭگو مەن ماداگاسكاردىڭ قاتىناسى اقاۋسىز، ورنىقتى دامىدى، ەكى ەلدىڭ ساياسي سەنىمدىلىگى ۇزدىكسىز تەرەڭدەپ، ءار سالاداعى ناقتى سەلبەستىكتەرى سۇبەلى تابىستارعا قول جەتكىزدى. جۇڭگو جۇڭگو - ماداگاسكارقاتىناسىن دامىتۋعا ايرىقشا ءمان بەرەدى، ماداگاسكارمەن بىرگە جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ جەتىستىكتەرىن تياناقتاندىرىپ، «ءبىر بەلدەۋ، ءبىر جولدى» بىرگە قۇرۋدى «ماداگاسكاردى گۇلدەندىرۋ دارىپتەمەسىمەن» ءونىمدى ۇشتاستىرىپ، ەكى ەلدىڭ جان - جاقتى سەلبەستىك سەرىكتەستىك قاتىناسىن اناعۇرلىم جوعارى دەڭگەيگە كوتەرۋدى قالايدى.

  لي جانشۋ مىنالاردى اتاپ كورسەتتى: كەلەر جىلى ەكى ەل ديپلوماتيالىق قاتىناس ورناتۋدىڭ 50 جىلدىعىن قارسى الادى. جۇڭگو وسىنى وراي ەتىپ، جۇڭگو مەن ماداگاسكاردىڭ قاتىناسىن ونان ارى دامىتۋدى قالايدى. ءبىرىنشى، ساياسي سەنىمدىلىكتى كۇشەيتىپ، ءوزارا باتىل قولداۋ كورسەتۋ كەرەك. جوعارى جىكتەگىلەردىڭ بارىس - كەلىس جاعدايىن جالعاستىرىپ، ءار جىكتەگىلەردىڭ بارىس - كەلىسىن جيىلەتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا قولداۋ كورسەتۋ؛ كوپ جاقتى قۇرىلىمدار مەن ورىندارداعى سەلبەستىكتى نىعايتىپ، حالىقارالىق ادىلدىك پەن ادىلەتتىلىكتى جانە وركەندەپ كەلە جاتقان ەلدەردىڭ ورتاق مۇددەسىن بىرگە قورعاۋ كەرەك. ەكىنشى، ناقتى سەلبەستىكتى تەرەڭدەتىپ، ەكى ەل حالىقتارىنا باقىت جاراتۋ كەرەك. ءوز ابزالدىقتارى مەن دامۋ قاجەتىنە ۇشتاستىرىپ، اۋىل شارۋاشىلىعى، ەنەرگيا، نەگىزدىك قۇرىلعىلار قۇرىلىسى سياقتى سالالارداعى سەلبەستىكتى كۇشەيتۋ كەرەك. ءۇشىنشى، دەنساۋلىق ساقتاۋ سەلبەستىگىن ىلگەرىلەتىپ، ىندەتكە قول ۇستاسا قارسى اتتانۋ كەرەك. جۇڭگو جۇڭگو - افريكا ىنتىماقتاسا وتىرىپ ىندەتكە قارسى اتتانۋ ەرەكشە باسشىلار باس قوسۋىنىڭ جەتىستىكتەرىن ۇزدىكسىز بەلسەنە تياناقتاندىرىپ، ماداگاسكارمەن بىرگە جۇڭگو - افريكا دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتەدى. ءتورتىنشى، گۋمانيتارلىق اۋىس - كۇيىستى جيىلەتىپ، ءداستۇرلى دوستىقتى بەكەمدەۋ كەرەك. جاڭا مادەنيەت سەلبەستىگى كەلىسىمى مەن ءوزارا مادەنيەت ورتالىعىن قۇرۋ كەلىسىمى سياقتىلاردى اقىلداسىپ قول قويۋدى جەدەلدەتىپ، ەكى جاقتىڭ ۇزاق ۋاقىتتىق دوستىعىنىڭ حالىق رايى نەگىزىن ۇزدىكسىز بەكەمدەۋ كەرەك.

  لي جانشۋ مىنالاردى دارىپتەدى: زاڭ شىعارۋ قۇرىلىمدارىنىڭ بارىس - كەلىسى − جۇڭگو مەن ماداگاسكاردىڭ جان - جاقتى سەلبەستىك سەرىكتەستىك قاتىناسىنىڭ ماڭىزدى قۇرامداس بولىگى. جۇڭگو مەملەكەتتىك حالىق قۇرىلتايى ماداگاسكار حالىق پارلامەنتىمەن تىعىز قاتىناستى ساقتاپ، ارناۋلى كوميتەتتەر مەن دوستىق گرۋپپالاردىڭ باعىتتامالى اۋىس - كۇيىسىن كۇشەيتىپ، مەملەكەتتى زاڭمەن جونگە سالۋ، ەكونوميكانى دامىتۋ، حالىق تۇرمىسىن جاقسارتۋ، كەدەيلىكتى جويۋ سياقتى جاقتارداعى تاجىريبە اۋىس - كۇيىسىن ۇزدىكسىز ورىستەتىپ، وزدەرىنىڭ جونگە سالۋ قابىلەتى مەن دامۋ دەڭگەيىن جوعارىلاتۋعا بەلسەندى ۇلەس قوسۋدى قالايدى؛ ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وزگەرىس ەنگىزىپ نەمەسە شىعارىپ، ەكى ەلدىڭ دامۋ ستراتەگياسىن تۇيىلىستىرۋىنە جانە ءار سالاداعى ناقتى سەلبەستىگىنە دەم بەرۋ؛ كوپ جاقتى پارلامەنت ورىندارىندا پىكىرلەسۋدى، سايكەسۋدى جانە ءوزارا قولداۋدى كۇشەيتىپ، ورتاق مايدان مەن مۇددەنى قورعاۋ كەرەك.

  كريستينا بىلاي دەدى: ماداگاسكار مەن جۇڭگونىڭ شۇعىلالى، وزگەشە وركەنيەتى بار، ديپلوماتيالىق قاتىناس ورناتقاننان بەرى ۇزاق ۋاقىتتان بەرى باۋىرلاس دوستىق قاتىناستى جالعاستىرىپ كەلەدى. ەكى ەل باسشىلارى ەكى جاقتى قاتىناستىڭ جوعارى دەڭگەيدە دامۋىنا بىرگە جەتەكشىلىك ەتتى جانە ونى ىلگەرىلەتتى. جۇڭگونىڭ ماداگاسكاردىڭ ەكونوميكالىق، قوعامدىق دامۋدى جەبەۋ، ىندەتكە قارسى اتتانۋ بارىسىندا كورسەتكەن ماڭىزدى قولداۋىنا العىس ايتامىن. ماداگاسكار حالىق پارلامەنتى ەكى ەلدىڭ جالپى بەتتىك سەلبەستىك سەرىكتەستىك قاتىناسىن تەرەڭدەتۋگە بەلسەندى ۇلەس قوسۋدى قالايدى.

  مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ديڭ جۇڭلي كەڭەسكە قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

چەحيا زۇڭتۇڭى زەمان (ماتەريالدىق سۋرەت)

سۋرەت ۋچيچيدىڭ الەۋمەتتىك جەلىدەگى پاراقشاسىنان الىنعان