بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

سوعىس توقتاتۋ كەلىسىمشارتىن جاساستى

حاماس پەن يزرايل سوعىس توقتاتۋ كەلىسىمشارتىن جاساستى

2021.05.21 13:15   كەلۋ قاينارى : حالىق تورابى



  جەرگىلىكتى ۋاقىت بويىنشا 5 – ايدىڭ 20 – كۇنى كەشتە، يزرايل زۇڭلي كەڭسەسى يزرايل حاۋىپسىزدىك اكىمشىلىك كەڭسەسىنىڭ ءبىر اۋىزدان ماقۇلداۋىنا ساي، ەگيپەتتىڭ راقايلاستىرۋى بويىنشا، پالەستينا ءىسىلام قارسىلىق قوزعالىسى «حاماس» ۇيىمىمەن سوعىس توقتاتۋ كەلىسىمشارتىن جاساسقانىن جاريالاعان، «حاماس» تا بۇل حاباردى راستاعان. ەكى جاق جەرگىلىكتى ۋاقىت بويىنشا 5 – ايدىڭ 21 – كۇنى تۇنگى ساعات 2 دە، بەيجيڭ ۋاقىتى بويىنشا بۇگىن تاڭعى ساعات 7 دە سوعىس توقتاتقان. بەلگىلەمەدەگى ۋاقىت بويىنشا، قازىر ەكى جاقتىڭ سوعىس توقتاتۋ كەلىسىمشارتى كۇشىنە يە بولعان، سوعىس توقتاتىلعان، گازا وڭىرىندە قازىر وق داۋىسى ەستىلمەيدى.

  يزرايل اقپارات قۇرالدارىنىڭ حابارلاۋىنشا، سوعىس توقتاتۋ كەلىسىمشارتىنا ساي، يزرايل ارمياسى گازا ءوڭىرىن اۋەدەن بومبىلاۋدى توقتاتادى، الايدا، «حاماس» يزرايل شەكاراسىنا زىمىران وعىن اتاتىن بولسا، سوعىس توقتاتۋ كەلىسىمى دەرەۋ كۇشىن جويادى، يزرايل ارمياسى گازا وڭىرىنە جاپپاي اسكەري ارەكەت قولدانۋدى قالپىنا كەلتىرەدى.

  «حاماس» جاق تا ەگەر يزرايل سوعىس توقتاتۋ كەلىسىمشارتىنا بويسۇنباسا، وندا «حاماس» ۇيىمىنىڭ دەرەۋ زىمىران وعىمەن كەڭ كولەمدى شابۋىلعا وتەتىنىن، «كولەمى بۇكىل پالەستينا تەرريتورياسىن قامتيتىنىن» ايتقان.

  گۋتەرەس پالەستينا مەن يزرايلدىڭ سوعىس توقتاتۋ كەلىسىمشارتىن جاساسقانىن قولدايتىنىن ءبىلدىردى

  جەرگىلىكتى ۋاقىت بويىنشا 5 – ايدىڭ 20 – كۇنى ب م ۇ باس حاتشىسى گۋتەرەس مالىمدەمە جاريالاپ، پالەستينا مەن يزرايلدىڭ سوعىس توقتاتۋ كەلىسىمشارتىن جاساسقانىنا قولداۋ ءبىلدىردى. گۋتەرەس زورلىقتى كۇش ارەكەتى بارىسىندا زيانعا ۇشىراعاندار مەن ولاردىڭ تۋىس – تۋعاندارىنا شىنايى كوڭىل ايتتى. ول يزرايل مەن پالەستينا باسشىلارىنىڭ تىنىشتىقتى قالپىنا كەلتىرۋمەن بىرگە، مۇقيات كەڭەس وتكىزۋدى باستاپ، قاقتىعىستى ءتۇپ – قاينارىنان باستاپ شەشىم ەتۋ جاۋاپكەرشىلىگى بار ەكەنىن باسا دارىپتەدى.

  ۇعىسۋعا قاراعاندا، 11 كۇننەن بەرى، پالەستينا – يزرايل اراسىنداعى قاقتىعىس بارىسىندا گازا وڭىرىندە 232 پالەستينالىق قازا بولعان، ولاردىڭ اراسىندا 65 بالا بار، مۇنان وزگە 1900 دەن استام ادام جارالانعان، 120 مىڭ ادام مەكەنىن تاستاپ كوشكەن. يزرايل جاقتان 2 بالانى قامتىعان 12 ادام قازا بولعان.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت