جۋىردا مىناداي كەلتە حات تاپسىرىپ الساڭىز، استە، اشپاڭىز!
تالاي ادام شىرعاعا ءتۇسىپ قالعان
2021.05.25 14:10 كەلۋ قاينارى : حالىق تورابى
كوبىمىز ۇنەمى ءتۇرلى تيىمدىلىك ۇپايلارىنىڭ ۋاقىتى جەتكەنى تۋرالى كەلتە حات تاپسىرىپ الامىز، كوپشىلىك نەلىكتەن ءوزى جيناعان تيىمدىلىك ۇپايلارىنىڭ ۋاقىتى وتە بەرەتىنىنە تاڭدانادى.
جياڭسۋ ولكەسى نانجيڭ قالالىق ساقشى جاعى الدامكوستىككە قارسى تۇرۋ ەسكەرتۋىن جاريالادى: وسىنداي ەلەۋسىز كەلتە حاتتا الدامكوستىك شىرعاسى جاسىرىنىپ جاتقان بولۋى مۇمكىن، تاپسىرىپ العاندا، استە، وڭايلىقپەن سەنە كەتپەڭىز.
جۋىردا نانجيڭ قالاسىنىڭ تۇرعىنى لي حانىم ءبىر كەلتە حات تاپسىرىپ الادى، كەلتە حاتتا جىلجىمالى حابارلاسۋ سەرىكتەستىگىنىڭ تيىمدىلىك ۇپايىنىڭ ۋاقىتى وتەيىن دەگەنى ەسكەرتىلىپ، قولفونداعى جىلجىمالى حابارلاسۋ سەرىكتەستىگى تيجارات زالىنا تەزىرەك تىركەلىپ، ناق اقشا سياقتى ءتۇرلى ساۋعالاردى تيىمدىلىك ۇپايىمەن اۋىستىرىپ الۋعا بولاتىنى ايتىلعان ءارى كەلتە حات سوڭىنا جالعانىم قوسا بەرىلگەن.
لي حانىم كوپ ويلانباستان كەلتە حاتتاعى جالعانىمدى باسىپ، ەسكەرتۋ بويىنشا بانكە كارتۋچكاسى، اتى – ءجونى، قولفون ءنومىرى، ەسەپ اشقان بانكەسى جانە بانكە كارتۋچكاسىنىڭ قۇپيا سيفرى قاتارلى ينفورماتسيالاردى كىرگىزگەن، الايدا تيىمدىلىك ۇپايىن زاتقا الماستىرۋ ءساتتى بولماعان، لي حانىم دەرەۋ جالعانىمدى وشىرگەن.
كوپ وتپەي، لي حانىم تاعى ءبىر كەلتە حات تاپسىرىپ العان، ونىڭ بانكە كارتۋچكاسىنداعى 2000 يۋاننان استام اقشاسىن جوتكەپ اكەتكەن ەكەن. ول امالسىز ساقشىعا مالىمدەپ، كومەك سۇراعان.
ساقشى جاقتىڭ تانىستىرۋىنشا، مۇنداي كەلتە حاتتاردىڭ ىشىندەگى جالعانىمدار رەسمي قىزمەت وتەيتىن توراپتىڭ جالعانىمى ەمەس، الدامكوستەر جاساعان اعاش ات ۆيرۋسىنىڭ جالعانىمى. نانجيڭ قالالىق قوعام حاۋىپسىزدىگى مەكەمەسى جياڭنيڭ بولىمشە مەكەمەسى الدامكوستىككە قارسى تۇرۋ ورتالىعى جيناقتاپ قورىتىندىلاۋ ارقىلى تيىمدىلىك ۇپايىنا قاتىستى الدامكوستىكتەردىڭ امالىن مىناداي ءۇش تۇرگە جيناقتاعان:
ءبىرىنشى امالى، «جالعان بازادان» پايدالانىپ، تيجارات سەرىكتەستىكتەرىنىڭ تەلەفون نومىرىنە ۇقسايتىن ءنومىردى جاساپ، شىرعا ورنالاستىرىلعان جالعانىم بار كەلتە حاتتى جولداپ، «تيىمدىلىك ۇپايىن اۋىستىرۋ» نەمەسە «تيىمدىلىك ۇپايىن ءوشىرۋ، ۋاقىتى وتكەندىكتەن كۇشىنەن قالدىرۋ» دەگەن سەبەپتەرمەن تۇتىنۋشىلاردى وزدەرى بەرگەن جالعانىمعا كىرۋگە، بانكە كارتۋچكاسىنىڭ ءنومىرىن، قۇپيا سيفرىن جازۋعا جەتەلەپ، ولاردىڭ مال – مۇلىكتەرىن الداپ الادى.
ەكىنشى امالى، الدامكوستەر قىزمەتكەرلەردىڭ اتىندا تەلەفون جالعاۋ ارقىلى تيىمدىلىك ۇپايىمەن قولفون الماستىرۋعا، قولفونعا اقى تولەۋ كارتۋچكاسىنا الماستىرۋعا بولاتىنىن ايتىپ، كۋالاندىرۋ ءنومىرى مەن قۇپيا سيفردى سۇرايدى.
ءۇشىنشى امالى، الدامكوستەر قىزمەت وتەۋشىلەردىڭ اتىن جامىلىپ، جالعاننان تۇتىنۋشىنىڭ سيلىققا يە بولعانىن نەمەسە تيىمدىلىك ۇپايىن بەرۋ قيمىلىنىڭ وتكىزىلىپ جاتقانىن ايتىپ، ءتۇرلى كۋالاندىرۋ ينفورماتسيالارىن سۇراپ، وسى ارقىلى اقشانى الداپ اكەتەدى.
ساقشى جاق مىنانى ەسكەرتەدى: قالىڭ توردوستاردىڭ الدامكوستىككە ۇقسايتىن قولفون كەلتە حاتتارىنا ايرىقشا كوڭىل ءبولۋى، بوتەن نومىرلەر مەن سەنىمسىز كەلتە حاتتاردا بەرىلگەن جالعانىمداردى مۇلدە اشپاۋى كەرەك. كەلتە حاتتارداعى جالعانىمداردا بانكە كارتۋچكاسىنىڭ قۇپيا ءنومىرىن، بانكەنىڭ كەلتە حات ارقىلى كۋالاندىرۋ ءنومىرىن جازۋ تالاپ ەتىلسە، مۇنىڭ بارلىعى الدامكوستىك! ەگەر شىنىمەن دە تيىمدىلىك ۇپايىن الماستىرۋدى ويلاساڭىز، تيجارات زالىنا بارۋىڭىز نەمەسە سەرىكتەستىكتەردىڭ رەسمي تورابىنا شىعىپ، ينتەرنەتتەگى تيجارات زالى ارقىلى جۇمىس ءبىتىرۋىڭىز كەرەك.
سونىمەن بىرگە، جەكەلىك قۇپيالىقتى ساقتاۋعا كوڭىل ءبولىڭىز، كوزىڭىز جەتپەگەن جالعانىمدى باسپاڭىز، كۇماندى جالعانىمدارعا جەكەلىك ينفورماتسيالارىڭىزدى مۇلدە جازباڭىز؛ مال – مۇلكىڭىزدىڭ زيانعا ۇشىراۋىنان ساقتانۋ ءۇشىن، قىراعىلىقتى ءسوزسىز جوعارىلاتىپ، بوتەن ادامدارعا جەكەلىك ينفورماتسيالارڭىزدى الباتى ايتپاعانىڭىز ءجون.
ەگەر الدامكوستەرگە جولىقساڭىز، دەر كەزىندە 110 نومىرىنە تەلەفون سوعىپ، ساقشىلاردان كومەك سۇراڭىز!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
