الاتاۋ ساعاسى:
”جول ەكونوميكاسىنان“ ”وتىرىقتى ەكونوميكاعا“ قادام تاستادى
2021.05.25 15:16 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى سۇڭ يا - ۋىن 5 - ايدىڭ 23 - كۇنى الاتاۋ ساعاسىنان حابارلايدى. 5 - ايدىڭ 16 - كۇنى تۇستەن بۇرىن گۋدەك ءۇنى كوتەرىلىپ، كيىم - كەشەك، اياق كيىم، باس كيىم، تۇرمىستىق ءۇي جيھازدارى، كۇندەلىكتى تۇتىنۋ بۇيىمدارى سياقتى زاتتار تيەلگەن 49 جۇك قوراپتى ارناۋلى پويەز الاتاۋ ساعاسى شەكارا وتكەلىنەن باياۋ قوزعالدى. 13 كۇننەن كەيىن بۇل زاتتار پولشا مالاسۆيش پورتىنا جەتەدى.
”زاتتار الاتاۋ ساعاسىنا جينالعاننان كەيىن ارناۋلى پويەزبەن ەۆروپا قۇرلىعىنا تاسىمالدانادى. تەڭىز تاسىمالىنا كەتەتىن 39 كۇنمەن سالىستىرعاندا، ارناۋلى پويەزدىڭ تاسىمالداۋ ۋاقىتى اناعۇرلىم قىسقا؛ قاراجات جاعىنان العاندا، ارناۋلى پويەزدىڭ زات تاسىمال اقىسى اۋە تاسىمالى اقىسىنىڭ بەستەن بىرىندەي عانا بولادى“، - دەدى الاتاۋ ساعاسى حالىقارالىق جەدەل تەمىر جول تاسىمالى شەكتى سەرىكتەستىگىنىڭ باس ديرەكتورى جاڭ ميڭجۋ.
2020 - جىلى تەمىر جول حالىقارالىق پوچتا جولدامالارىن اۋىستىرۋ پۋنكتى تولىمدىلىعىنا يە الاتاۋ ساعاسى جالپىلىق باجىسىز اۋماعىنا ارقا سۇيەگەن الاتاۋ قالاسى شەكارا اتتاعان ەلەكتروندى ساۋدانى باقىلاۋ - باسقارۋ ورتالىعىن قارجى قوسىپ سالىپ، ەكى زەردەلى تەكسەرۋ - سۇرىپتاۋ جەلىسىن، سونداي - اق 5000 شارشى مەترلىك قامبا قىزمەت اۋماعىن سالدى.
الاتاۋ ساعاسى كەدەنىنىڭ ساناعىنا نەگىزدەلگەندە، 2020 - جىلى 1 - ايدىڭ 21 - كۇنى الاتاۋ ساعاسى شەكارا وتكەلى تۇڭعىش رەت شەكارا اتتاعان ەلەكتروندى ساۋدا كاسىبىن باستاعاننان بيىلعى 5 - ايدىڭ ورتاسىنا دەيىن ەكسپورت ەتكەن شەكارا اتتاعان ەلەكتروندى ساۋدا جولداماسى جالپى 56 ميلليون 64 مىڭ 500گە جەتىپ، زات قۇنى 155 ميلليون دوللارعا جەتتى.
كەدەننەن وتكىزۋ شارت - جاعدايىنىڭ قولايلى بولۋىنىڭ جانە ءتۇرلى سايكەستى رەفورمالاردىڭ ۇزدىكسىز تەرەڭدەتىلۋىنىڭ باۋراۋىمەن ءبىر توپ حالىقارالىق ايگىلى ەلەكتروندى ساۋدا كاسىپورىندارى ىركەس - تىركەس جالپىلىق باجىسىز اۋماققا ىرگە تەپتى، 506 مىڭ 700 ەلەكتروندى ساۋدامەن شۇعىلدانۋشىلار الاتاۋ شەكارا اتتاعان ەلەكتروندى ساۋدا تۇعىرىنا تىركەلىپ، الاتاۋ ساعاسى شەكارا وتكەلىنىڭ ”جول ەكونوميكاسىنان“ ”وتىرىقتى ەكونوميكاعا“ قادام تاستاۋىن ىلگەرىلەتتى.
”ءبىز دامۋ ورايىن ۇزدىكسىز مىقتى ۇستاپ، كەدەننەن وتكىزۋ قابىلەتى مەن ونىمدىلىگىن بىردەي جوعارىلاتۋدى ىلگەرىلەتىپ، ’وتىرىقتى ەكونوميكانىڭ‘ دامۋ ساپاسىن اناعۇرلىم جوعارىلاتۋىمىز كەرەك“. الاتاۋ قالالىق پارتكومنىڭ شۋجيى، جالپىلىق باجىسىز اۋماق پارتيا قىزمەتى كوميتەتىنىڭ شۋجيى پي لۇيپيڭ مىنالاردى ءبىلدىردى: جۋىق جىلداردان بەرى شەكارا وتكەلى كەدەننەن وتكىزۋدىڭ نەگىزدىك قۇرىلعىلارىن جانە سايكەستى قىزمەت وتەۋ قۇرىلعى قۇرىلىسىن ۇزدىكسىز ىلگەرىلەتتى، قازىر تەمىر جول شەكارا وتكەلى اۋماعى، تاس جول شەكارا وتكەلى اۋماعى، شەكارالىق تۇرعىندار بازار اۋماعى، جالپىلىق باجىسىز اۋماق سياقتى 9 ۇلكەن يقۋات اۋماعى قالىپتاسىپ، شارپۋ اۋماعى اناعۇرلىم كەڭ، شوعىرلاندىرۋ ونىمدىلىگى اناعۇرلىم كۇشتى، قىزمەت وتەۋ يقۋاتى اناعۇرلىم جاقسى، جۇمىس ونىمدىلىگى اناعۇرلىم جوعارى امبەباپ زات تاسىمالى تورابىن بار كۇشپەن تۇلعالادى.
بۇل كۇندەرى الاتاۋ شەكارا وتكەلىنە ىرگە تەپكەن سىرتقى ساۋدا كاسىپورىندارى 600گە تاياپ، يمپورت ەتىلگەن استىقتى وڭدەۋ، اعاش ماتەريالدارىن وڭدەۋ، ەكسپورت ەتىلەتىن جابدىقتاردى جاساۋ، مەديتسينادا پايدالانىلاتىن ماتەريالدار جانە شەكارا اتتاعان ەلەكتروندى ساۋدا سياقتى كاسىپ سالالارى شوعىرىن قالىپتاستىردى.
الاتاۋ ساعاسىندا زات تاسىمالى كاسىبىمەن شۇعىلدانعانىنا 16 جىل بولعان ۋاڭ ۋي شەكارا وتكەلىنىڭ كەدەننەن وتكىزۋ جىلدامدىعىنىڭ ۇزدىكسىز تەزدەگەنىنە كۋا بولدى، ”بۇرىن كەدەنگە مالىمدەگەندە بارىپ ءبىتىرۋ قاجەت بولاتىن، قازىر شەكارادان كىرگىزىلىپ وتكەرمەلەنىپ تاسىمالداناتىن زاتتاردى تەكسەرۋ - بەكىتۋ راسمياتتارىن دەرلىكتەي ينتەرنەت جەلىسىندە بىتىرۋگە بولادى، نەبارى جارتى ساعاتتاي ۋاقىت كەتەدى“، - دەدى ۋاڭ ۋي.
الاتاۋ ساعاسى كەدەنىنىڭ ورىنباسار باستىعى يان گاڭ بىلاي دەپ تانىستىردى: كەدەننەن وتكىزۋ ونىمدىلىگىن اناعۇرلىم جوعارىلاتۋ ءۇشىن، شەكارا وتكەلى ”ۇلكەن كەدەننەن وتكىزۋ“ سايكەستى قىزمەت وتەۋ مەحانيزمىن قۇردى، الاتاۋ ساعاسى كەدەنى، تەمىر جول جانە وكىلەتتى كاسىپورىندار ءار كۇنگى اقىلداسۋ ءماجىلىسى، اي سايىنعى كەدەن، تەمىر جول بىرىككەن ءماجىلىسى سياقتى مەحانيزمدەر ارقىلى شەكارا وتكەلىنىڭ كەدەننەن وتكىزىلەتىن زاتتار ماسەلەسىنە قاراتا يكەمدىلىكپەن وتكىزىپ بولۋدى جۇزەگە اسىردى. تۇتاس شينجياڭ بويىنشا ”ەكى قادامدا ءوتىنىش ەتۋ“ سىناق ءتۇيىنىن الدىمەن جۇرگىزىپ، ”سيفرلى شەكارا وتكەلى“ جۇيەسىن تۇتاستىرۋدى، ۇلاستىرۋدى، ءوزارا كۋالاندىرۋدى ىلگەرىلەتتى، شەكارا وتكەلىندەگى بىرلەسىپ تەكسەرەتىن ورىندار ”بىرلەسىپ تەكسەرۋدى، ءبىر رەتتە وتكىزۋدى“ بىرگە اتقارىپ، ”جارىستىرا“ جۇمىس ىستەۋ فورماسىن، ”ءبىر پۋنكتتىك“ قىزمەت وتەۋدى جولعا قويىپ، ”ءبىر تەرەزەلى“ نەگىزگى كاسىپتەردىڭ پايدالانىلۋ، قامتۋ مولشەرى ％100كە جەتىپ، شەكارادان كىرگەن - شىققان زاتتاردى ”كەز كەلگەن ۋاقىتتا مالىمدەۋدى، مالىمدەگەن ۋاقىتتا تەكسەرۋدى“ جۇزەگە اسىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
