مالشىلار وتىرىقتى تۇرعىنعا اينالىپ، تۇرمىستارىندا جاڭا بەينە جارىققا شىقتى
□ انار بۇلت / شينجياڭ گازەتىنىڭ ءتىلشىسى ءجازيرا نەسىپبەك
2021.05.25 15:16 كەلۋ قاينارى : شينجياڭ گازەتى
5- ايدىڭ 17 - كۇنى تاڭەرتەڭ ەرتە شاپشال سىبە اۆتونوميالى اۋدانى ۇزىنبۇلاق اۋىل - قىستاق الەۋمەتتىك اۋماعىنىڭ تۇرعىنى جاقسىبەك كانەمقان ەلەكترسيكلمەن الەۋمەتتىك اۋماقتىڭ شىعىس جاعىنداعى ىلە باۋ - باقشا ساياحاتى اشۋ شەكتى جاۋاپكەرشىلىك سەرىكتەستىگىنە قىزمەتكە كەلدى، ونىڭ ءۇيى بۇل ارادان ءبىر كيلومەتردەي جەردە.
”تاۋدان كوشىپ تۇسكەن سوڭ تۇرمىسىمىز بارعان سايىن جاقساردى. قازىر مەن ءۇيدىڭ ماڭايىندا جۇمىستاندىم، باۋ - باقشانى قاراۋعا جاۋاپتىمىن، اي سايىن 4000 يۋان كىرىسىم بار، مۇنداي كىرىستى بۇرىن ويلاۋ مۇمكىن ەمەس“، - دەدى جاقسىبەك.
ۇزىنبۇلاق اۋىل - قىستاق الەۋمەتتىك اۋماعى 2014 - جىلى قۇرىلعان، ماڭايداعى 5 − 6 اۋىل - قالاشىقتان 600 نەشە وتباسى كوشىرىلىپ وسى اراعا شوعىرلاندىرىلعان. كەزىندە تاۋ قويناۋىندا تۇرعان وسى مالشىلار بۇرىن اۋرۋ كورسەتۋ ءۇشىن 50 − 60 كيلومەتر جول باسىپ اۋدان قالاشىعىنا كەلەتىن، بالالارى تۋىستارىنىڭ ۇيىندە جاتىپ وقيتىن. قازىر ولار زاماناۋي الەۋمەتتىك اۋماقتا تۇرادى، ءوندىرىس، تۇرمىس تاسىلدەرىندە زور وزگەرىس تۋىلدى.
سول كۇنى قاليجان دەمەۋ قۇرال - سايماندارىن الىپ جاياۋ ءجۇرىپ قۇرىلىس الاڭىنا جۇمىسقا باردى. ”تۇستە ۇيىمە قايتىپ ايەلىمە كومەكتەسىپ، وتباسىمىزداعى شارۋالار شاتتىعى ساياجايىنىڭ ساۋداسىن جۇرگىزەمىن“، - دەدى قاليجان كۇلىپ تۇرىپ، - ”قازىر ايەلىمىز ەكەۋىمىزدىڭ كىرىسىمىزدى قوسقاندا، ءبىر جىلدا 70 − 80 مىڭ يۋان كىرىس كىرگىزەمىز“.
بۇرىن مال باعاتىن قاليجان قازىر دانەكەرلەۋ، اسپازدىق، تامشىلىق، B2 شوفەرلىك كۋالىگى سياقتى شەبەرلىك كۋالىكتەرىن الدى، وسى شەبەرلىكتەردىڭ بارلىعىن الەۋمەتتىك اۋماق وتكىزگەن ەگىنشى - مالشىلاردى كاسىپتىك شەبەرلىككە باۋلۋ كۋرسىنان ۇيرەنگەن.
ۇزىنبۇلاق اۋىل - قىستاق الەۋمەتتىك اۋماعىندا بۇرىن سۋدىڭ تۇنىعىن، ءشوپتىڭ شۇيگىنىن قۋالاي قونىستانعان مالشىلار قازىر بەيقۇت ۇيگە كوشىپ كىردى، كەيبىرەۋى اۋلا شارۋاشىلىعىن دامىتتى، كەيبىرەۋى دۇكەن جالعا الىپ اسحانا اشتى، كەيبىرەۋى تەحنيكا ۇيرەنىپ ءۇي سالدى، كەيبىرەۋى كاسىپورىنعا بارىپ جۇمىسشى بولدى، بارلىعى تاماشا تۇرمىس كەشىرۋدە. 2020 - جىلى الەۋمەتتىك اۋماقتىڭ جان باسىندىق قولداعى تابىسى 17 مىڭ 735 يۋانعا جەتتى.
2019 - جىلدان باستاپ ۇزىنبۇلاق اۋىل - قىستاق الەۋمەتتىك اۋماعى اۋدان بويىنشا قالا رايونىنا ەڭ جاقىن قازاق سالت - سانا، مادەنيەت قىستاعىن تۇلعالاپ، اقباستاۋ ساياحات سەرىكتەستىگىن قۇرىپ، 19 وتباسىن سەلبەستىك كووپەراتيۆىن قۇرۋعا جەتەكتەپ، ”كاسىپورىن + سەلبەستىك كووپەراتيۆى + شارۋا وتباسى“ ءتاسىلى ارقىلى تۇرعىنداردىڭ اۋىل - قىستاق ساياحاتىن دامىتۋعا ات سالىسۋىنا مۇمكىندىك جاسادى.
”تۇستە 20 ادام كەلىپ تاماق ىشەتىن بولدى، مەن ەرتە دايىندىق كورۋىم كەرەك“. قاليجاننىڭ شاعىن اۋلاسىندا ايەلى ءجاميلا قامزا قاربالاس كوكونىس جۋۋدا. بۇل اۋلا الەۋمەتتىك اۋماقتاعى جۇلدىز اۋلا، اۋلانىڭ الدىندا ءتۇرلى گۇلدەر جايقالا اشىلىپ، اۋلا ىشىندەگى ءجۇزىم سورەسى، الپەنشەك جانە اقبوز ءۇي وزگەشە كورىك قوسىپ، جاڭا عانا ەگىلگەن اق بالاۋىز، قىزىل جاپىراقتى تاس الما اعاشى جايقالا ءوسىپ كەلەدى.
”بيىل الەۋمەتتىك اۋماقتى تاعى دا جاسىلداندىرىپ، 10 مىڭ تۇپتەن ارتىق اعاش ەكتىك، بۇرىنعى 60 مىڭ ءتۇپ اعاشتى قوسقاندا، قازىر الەۋمەتتىك اۋماق تۇگەلدەي جاسىل تۇسكە ەندى“، - دەدى ءجاميلا.
الەۋمەتتىك اۋماقتى ارالاعان تىلشىگە تەپ - تەگىس اسفالت جول، دۋماندى كەشكى بازار، جاڭالىققا تولى باقىت الاڭى مەن ءار وتباسىنداعى جايلى جوبالانعان اۋلالار تەرەڭ اسەر قالدىردى.
”الەۋمەتتىك اۋماق ماسەلەنى كوپشىلىكپەن بىرگە اقىلداسۋعا، جۇمىس بولسا كوپشىلىك بىرگە ىستەۋگە، يگىلىكتى كوپشىلىك بىرگە بولىسۋگە تاباندى بولىپ، بىرگە قۇرۋ، بىرگە جونگە سالۋ، بىرگە يگىلىكتەنۋدىڭ تاماشا رايىن قالىپتاستىردى“. الەۋمەتتىك اۋماق پارتيا ياچەيكاسىنىڭ شۋجيى ياڭ گۋاڭي تىلشىگە الدىڭعى ءبىر مەزگىل ۋاقىتتا الەۋمەتتىك اۋماق اعاش ەككەندە تۇرعىن دۇيسەنالى كانەلقاننىڭ كوشەتتى ماشينادان تۇسىرۋدەن باستاپ قاربالاستانىپ، كۇن سايىن كوپشىلىكپەن بىرگە جۇمىس ىستەگەنىن، ۇنەمى ەڭ سوڭىنان قايتىپ، كوپشىلىكتىڭ القاۋىنا بولەنگەنىن ايتتى.
”بۇرىن بىتىراڭقى قونىستانعاندىقتان، قىستاقتاعى كوپ شارۋاعا ات سالىسا المايتىنبىز. قازىر كوپشىلىك بىرگە تۇرعان سوڭ ارالاسۋ وتە قولايلى، تۇرمىس شارت - جاعدايىمىز دا وتە جاقسى بولدى، ءبىز مەكەنىمىزدى كوركەيتە تۇسەمىز“، - دەدى دۇيسەنالى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
