شي جينپيڭ ۆيەتنامنىڭ مەملەكەت ءتوراعاسى رۋان چۇنفۋمەن تەلەفوندا سويلەستى
2021.05.25 16:38 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 24 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 24 - كۇنى ۆيەتنامنىڭ مەملەكەت ءتوراعاسى رۋان چۇنفۋمەن تەلەفوندا سويلەستى.
شي جينپيڭ رۋان چۇنفۋ ارقىلى باس شۋجي رۋان فۋجۇڭعا ىقىلاستى سالەم جولدادى. شي جينپيڭ مىنالاردى اتاپ كورسەتتى: جۇڭگو مەن ۆيەتنامنىڭ تاۋ - وزەندەرى تۇتاسقان، «جولداستىق جانە باۋىرلاستىق» ءداستۇرلى دوستىعى − ەكى پارتيانىڭ، ەكى ەلدىڭ ورتاق باعالى بايلىعى، تاتۋ - ءتاتتى، كورشىلەس بولۋى − ەكى پارتيا، ەكى ەل قاتىناسى دامۋىنىڭ جالپى جاعدايى. جۇڭگو كوممۋنيستىك پارتياسى 100 جىلدىق مەرەي تويىن قارسى الۋ الدىندا تۇر، جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى، ۆيەتنام دا ەكى 100 جىلدىق نىساناعا قاراي ۇدىرە العا تارتادى. ەكى جاق ەكى پارتيا، ەكى ەل قاتىناسىنا ستراتەگيالىق جانە ۇزاق بولاشاقتىق تۇرعىدان مامىلە جاساۋدا جانە ونى يگەرۋدە تاباندى بولىپ، جۇڭگو - ۆيەتنام قاتىناسىنىڭ العا باسۋ دۇرىس بەتالىسىنان مىزعىماۋى كەرەك. جۇڭگو پارتياسى مەن ۇكىمەتى ۆيەتناممەن دوستىق باعىتىن باتىل اتقارادى، ۆيەتنامنىڭ جاڭا كەزەكتى باسشىلىق كوللەكتيۆىنىڭ جۇڭگومەن قاتىناسىن ديپلوماتيالىق ساياساتتا ۇزدىكسىز ماڭداي الدى ورىنعا قويعانىن القايدى، ۆيەتناممەن بىرگە جۇڭگو مەن ۆيەتنامنىڭ ءداستۇرلى دوستىعىنىڭ اۋەلگى ماقساتىن ۇمىتپاي، ەكى جاقتىڭ ورتاق مۇرات - سەنىمى مەن تاريحي بورىشىن ەستە بەرىك ساقتاپ، جۇڭگو مەن ۆيەتنامنىڭ جان - جاقتى ستراتەگيالىق سەلبەستىگىنە ۇزدىكسىز جاڭا داۋىرلىك ءمان قوسىپ، جۇڭگو مەن ۆيەتنامنىڭ ستراتەگيالىق مانگە يە تاعدىرلاس ورتاق تۇلعاسىن بەلسەنە قۇرىپ، ەكى پارتيانىڭ، ەكى ەلدىڭ قاتىناسى مەن سوتسياليزم ىستەرىنىڭ دامۋىنا تىڭ قوزعاۋشى كۇش قوسۋدى قالايدى.
شي جينپيڭ بىلاي دەپ دارىپتەدى: ەكى جاق پارتيالار ارا بارىس - كەلىستىڭ ەرەكشە ابزالدىعىنان ۇزدىكسىز ويداعىداي پايدالانىپ، ەل باسقارۋ تاجىريبەلەرىن اۋىستىرۋدى تەرەڭدەتۋى كەرەك. ەكى جاقتى سەلبەستىككە جەتەكشىلىك ەتۋ كوميتەتىنىڭ ءبىر تۇتاس جوسپارلاۋ، سايكەستىرۋ رولىن تولىق ساۋلەلەندىرىپ، «ءبىر بەلدەۋ، ءبىر جول» مەن «ەكى ءدالىز، ءبىر شەڭبەردىڭ» ۇشتاسۋىن جوعارى ساپامەن ىلگەرىلەتىپ، ەكى جاقتى ساۋدا كولەمىن ۇزدىكسىز كەڭەيتىپ، نەگىزدىك قۇرىلعىلاردىڭ ءوزارا بايلانىسىن جەدەلدەتىپ، جاڭا كاسىپ كۇيى، جاڭا قوزعاۋشى كۇش سەلبەستىگىنىڭ كومەسكى كۇشىن تولىق اشىپ، ەكى ەلدىڭ ەكونوميكالىق، قوعامدىق دامۋىنا اناعۇرلىم ويداعىداي قىزمەت ەتۋ كەرەك. حالىقتىق بارىس - كەلىستى كۇشەيتىپ، جۇڭگونىڭ ۆيەتنامعا كومەكتەسۋدەگى حالىق تۇرمىسى نىساندارىن جەدەل تياناقتاندىرىپ، ءوزارا ءتيىمدى سەلبەستىك جەتىستىكتەرىنەن ەكى ەل بۇقاراسىن اناعۇرلىم كوپ يگىلىكتەندىرۋ كەرەك. ەكى جاق ءبىر جاعادان باس، ءبىر جەڭنەن قول شىعارۋ تاڭداۋلى ءداستۇرىن جالعاستىرىپ، جاڭا تيپتى ايدارشا ۆيرۋس وكپە قابىنۋ ىندەتىنە قول ۇستاسا ويداعىداي توتەپ بەرىپ، ويداعىداي تىزگىندەپ، حالىقتىڭ باس اماندىعى مەن دەنساۋلىعىن شىنايى قامتاماسىز ەتۋى كەرەك. جۇڭگو ۆيەتنامنىڭ ىندەتپەن كۇرەسۋىنە شاماسىنىڭ جەتىسىنشە ۇزدىكسىز كومەكتەسۋدى قالايدى.
رۋان چۇنفۋ باس شۋجي رۋان فۋجۇڭنىڭ شي جينپيڭگە جولداعان ىقىلاستى سالەمىن جەتكىزىپ، جۇڭگو كوممۋنيستىك پارتياسىنىڭ 100 جىلدىق مەرەي تويىن قىزۋ قۇتتىقتاپ، بىلاي دەدى: باس شۋجي شي جينپيڭدى ۇيىتقى ەتكەن جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگو جاڭا تيپتى ايدارشا ۆيرۋس وكپە قابىنۋىنىڭ ىقپالىن جەڭىپ، ىندەتكە قارسى اتتانۋ، ەكونوميكانى قالپىنا كەلتىرۋ، كەدەيلىكتەن ارىلتۋدان قامال الۋ سىندى 3 ءىرى شايقاستىڭ جەڭىسىنە قول جەتكىزدى، جۇڭگو حالقىنىڭ تۇرمىسى بۇگىنگىدەي باي – باقىتتى بولعان ەمەس. ۆيەتنام جۇڭگونىڭ ەڭسە كوتەرۋدەن، بايۋدان قۇدىرەتتەنۋگە دەيىنگى وراسان زور بۇرىلىستى ءساتتى قارسى العانىن شىن جۇرەكتەن قۇتتىقتايدى، جۇڭگونىڭ ەكىنشى 100 جىلدىق كۇرەس نىساناسىن جۇزەگە اسىرۋ ساپارىندا اناعۇرلىم زور تابىستارعا قول جەتكىزەتىنىنە سەنەدى ءارى تىلەكتەستىك بىلدىرەدى. ۆيەتنام مەن جۇڭگو − باۋىرلاس جانە جاقىن كورشىلەر، ۆيەتنام سوتسياليستىك جۇڭگونىڭ دامىپ قۇدىرەتتەنۋىن باستان - اياق قولداپ، دەربەس، ءوز - وزىنە قوجا بولۋ ديپلوماتيالىق ساياساتىن باتىل اتقارادى، ۆيەتنام مەن جۇڭگونىڭ دوستىعىن ۇزدىكسىز تاباندىلىقپەن ىلگەرىلەتەدى، جۇڭگومەن ەكى ەلدىڭ جوعارى جىكتەگىلەرىنىڭ ورتاق تانىمىن مۇقيات تياناقتاندىرىپ، ساياسي بارىس - كەلىستى جيىلەتىپ، ىنتىماقتى، ءوزارا سەنىمدىلىكتى كۇشەيتىپ، ەكونوميكا - ساۋدا، ىندەتكە قارسى اتتانۋ، جاستار، گۋمانيتارلىق، جەرگىلىكتى ورىندار سياقتى سالالارداعى ءوزارا ءتيىمدى سەلبەستىكتى تەرەڭدەتىپ، ۆيەتنام مەن جۇڭگو پارتيالارىنىڭ، ەلدەرىنىڭ قاتىناسىن تىڭ دەڭگەيگە كوتەرىپ، ءوڭىردىڭ بەيبىتشىلىگى مەن سوتسياليزم ىستەرىنىڭ دامۋىنا ۇلەس قوسۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
