بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ ۇيعۇر اۆتونوميالى رايوندىق مادەنيەت مۇراجايى پارتگرۋپپاسىنىڭ بۇرىنعى ورىنباسار شۋجيى، بۇرىنعى ورىنباسار مەكەمە باستىعى

فان جۇن تارتىپكە، زاڭعا اۋىر دارەجەدە قايشىلىق جاساعاندىقتان، پارتيادان شىعارىلىپ، ۇكىمەت قىزمەتىنەن قالدىرىلدى

2021.05.26 14:11     كەلۋ قاينارى : حالىق تورابى

  شينجياڭ گازەتىنىڭ حابارى. شينجياڭ ۇيعۇر اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى، باقىلاۋ كوميتەتى اۆتونوميالى رايوندىق مادەنيەت مۇراجايى پارتگرۋپپاسىنىڭ بۇرىنعى ورىنباسار شۋجيى، بۇرىنعى ورىنباسار مەكەمە باستىعى فان جۇننىڭ تارتىپكە، زاڭعا اۋىر دارەجەدە قايشىلىق جاساۋ ماسەلەسىنە دەلو تۇرعىزىپ، تەكتەۋ – تەكسەرۋ جۇرگىزدى.

  تەكسەرۋگە قاراعاندا، فان جۇن پارتياعا ادال بولماعان، الاياقتىق، ەكىبەتكەيلىك ىستەگەن، ۇيىم ونىمەن سويلەسكەندە، حات ارقىلى تىلدەسكەندە تارتىپكە، زاڭعا اۋىر دارەجەدە قايشى كەلگەن ماسەلەلەرىن باستان – اياق جاسىرىپ كەلگەن؛ ىسپاتتاردى جويىپ، ارام ولجالارىن جوتكەپ، ۇيىمنىڭ تەكسەرۋىنە قارسىلىق كورسەتكەن؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، اقشالاي تارتۋ – تارالعى، تۇتىنۋ كارتۋچكاسى سياقتىلاردى العان، قاتىناس، جاتاق قاتارلى جاقتاردا پارىقتى مامىلە جاساۋدى تالاپ ەتكەن؛ جەكەلىك قاتىستى ىستەرىن شىنايى مالىمدەمەگەن؛ قىزمەتتىك ۇقىعىنان پايدالانىپ، باسقالارعا پايدا جەتكىزگەن، ءوزى باسقاراتىن جانە قىزمەت وتەيتىن وبيەكتىلەردىڭ اقشاسىن، اۆتوموبيلدەرىن پايدالانعان؛ دەلولارعا قاتىستى قاراجاتتار مەن ءجىپ ۇشتارىن بەلگىلەمەگە قايشى تۇردە ءبىرجاقتى ەتىپ، ءادىليالىق ارەكەتتەرگە، ينجەنەريالىق نىساندارعا كيلىككەن جانە قول سۇققان؛ جەكە باسىنىڭ ءناپسىسى اسقىنىپ، ۇقىعىنا سۇيەنىپ، جەكە باسىنىڭ قامىن كۇيتتەگەن، قىزمەتتەگى قولايلى شارت – جاعدايدان پايدالانىپ، زاڭسىز تۇردە قوماقتى مال – مۇلىكتى سۇراپ العان نەمەسە قابىلداعان.

  فان جۇن پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەتتىك تارتىبىنە، تۇرمىستىق تارتىبىنە اۋىر دارەجەدە قايشىلىق جاساپ، قىزمەتتىك قىلمىس قالىپتاستىرعان ءارى پارا الۋ قىلمىس كۇمانىن قالىپتاستىرعان، ونىڭ ۇستىنە، پارتيا 18 – قۇرىلتايىنان كەيىن دە قولىن تارتپاعان، سيپاتى ناشار، كىناسى اۋىر، قاتاڭ ءبىرجاقتى ەتۋ كەرەك. «جۇڭگو كوممۋنيستىك پارتياسى ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىن اكىمشىلىك ىستەر بويىنشا جازالاۋ زاڭى» قاتارلى قاتىستى بەلگىلەمەلەرگە ساي، اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىس اشىپ زەرتتەۋ ءارى اۆتونوميالى رايوندىق پارتكومعا جولداپ بەكىتتىرۋ ارقىلى ونى پارتيادان شىعارۋدى ۇيعاردى؛ اۆتونوميالى رايوندىق باقىلاۋ كوميتەتى وعان ۇكىمەت قىزمەتىنەن بوساتۋ جازاسىن بەردى؛ ونىڭ بەلگىلەمەگە، زاڭعا قايشى قول جەتكىزگەن تابىستارىن ءمۇسادىرالادى؛ ونىڭ قىلمىس كۇمانىن قالىپتاستىرعان ماسەلەلەرىن پروكۋراتۋرا ورگاندارىنىڭ زاڭ بويىنشا تەكتەۋ جۇرگىزۋىنە، ايىپتاما كوتەرۋىنە جوتكەپ بەردى، بۇعان قاتىستى مال – مۇلكى دەلومەن بىرگە جوتكەلدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار