حۇڭمىڭ مەڭگەرۋ جۇيەسىندەگى قولفوندار شىعارىلاتىن بولدى

2021.05.26 14:52   كەلۋ قاينارى : حالىق تورابى

　　حۋاۋەي تەحنيكالىق شەكتى سەرىكتەستىگىنىڭ 5 – ايدىڭ 25 – كۇنى جاريالاۋىنشا، اتالعان سەرىكتەستىك 6 – ايدىڭ 2 – كۇنى حۇڭمىڭ مەڭگەرۋ جۇيەسىنە قاتىستى ءونىم جاريالاۋ ءماجىلىسىن رەسمي اشادى، وسىنىڭ الدىندا تەك زەردەلى ەكران، تاعۋعا ارنالعان اسپاپتار قاتارلى ونىمدەردە قولدانىلىپ كەلگەن حۇڭمىڭ مەڭگەرۋ جۇيەسى اناعۇرلىم كوپ ونىمدەرگە قولدانىلاتىن بولعان.

　　حۋاۋەي سەرىكتەستىگىنىڭ رەسمي ميكروبلوگى 5 – ايدىڭ 25 – كۇنى حۇڭمىڭ مەڭگەرۋ جۇيەسىندەگى قولفوننىڭ اشىلعان كەزىندەگى ەكرانىن كورسەتەتىن ۆيدەونى جاريالاعان ءارى يگى ماقسات ءۇشىن تىنباي تالپىنىپ، قامقورلىقتى ۇمىتپاي، ءۇمىتتى اقتايتىنىن بىلدىرگەن، بۇل حۇڭمىڭ مەڭگەرۋ جۇيەسىنىڭ قولفون قۇرىلعىلارىنا قولدانىلاتىنىن كورسەتەدى.

　　ءتىلشىنىڭ ۇعىسۋىنشا، قازىر حۋاۋەي دۇنيە ءجۇزى بويىنشا الدىڭعى 200 ورىندا تۇراتىن App تەكشەلەرىمەن سەلبەستىك ورناتىپ، كوپ ءتۇرلى تەرمينال قۇرىلعىلارىنا قولدانىلاتىن جۇيەنى بىرگە زەرتتەپ جاساۋدا. حۋاۋەي سەرىكتەستىگىنىڭ مەجەلەۋىنشە، 2021 – جىلدىڭ سوڭىنا دەيىن، حۇڭمىڭ مەڭگەرۋ جۇيەسى ورناتىلعان قۇرىلعىلاردىڭ سانى 300 ميلليون داناعا جەتەدى، مۇندا حۋاۋەي ماركاسىنداعى اسپاپتاردىڭ سانى 200 ميلليوننان اسادى، ءۇشىنشى جاقتاعى سەلبەستىك سەرىكتەرىنە باعىتتالعان ءتۇرلى تەرمينال قۇرىلعىلارىنىڭ سانى 100 ميلليوننان اسادى.

　　كەلۋ قاينارى: حالىق تورابى