بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ءزاۋلىم باۋتا مۇناراسىندا اۋەلگى ماقسات ماڭگى ساۋلە شاشادى

− باس شۋجي شي جينپيڭ بارعان قىزىل قاسيەتتى جەرلەر: شانشي ءبولىمى

□ شينحۋا اگەنتتىگىنىڭ تىلشىلەرى / حى جانجۇن، جاڭ بين

2021.05.26 15:12     كەلۋ قاينارى : شينجياڭ گازەتى


  ءزاۋلىم باۋتا مۇناراسى، بۋىرقانعان يانحى وزەنى − يان - ان، توڭكەرىستىڭ قاسيەتتى جەرى. يان - ان مەزگىلى جۇڭگو كوممۋنيستىك پارتياسىنىڭ باسشىلىعىنداعى جۇڭگو توڭكەرىس ىستەرىنىڭ قۇلدىراۋدان شارىقتاۋعا قاراي بەت العان، تاريحي بۇرىلىستى جۇزەگە اسىرعان مەزگىل.

  قىزىل قۇنارلى توپىراق، ايبىندى ەپوس − جاۋجين، ارميا مەن حالىقتىڭ ەتەنە سۇيىسپەنشىلىگى. 20 - عاسىردىڭ 30 - جىلدارىنىڭ باسىندا جاۋجيندى ورتالىق ەتكەن شانشي - گانسۋ شەكارا رايونى توڭكەرىستىك بازاسى جۇڭگو توڭكەرىسىنىڭ تاريحىنداعى شۇعىلالى ءبىر بەتتى جازدى.

  جاڭا داۋىردە ەكپىندەي ىلگەرىلەپ، باس شۋجيدىڭ تاپسىرماسىن ەستە بەرىك ساقتادى، شانشيدىڭ جەر - جەرىندەگى بايىرعى رايون حالقى يان - ان رۋحىمەن اۋەلگى ماقساتتى نارلەندىرىپ، توڭكەرىستىك رۋح پەن تاڭداۋلى ستيل ارقىلى جان جۇيەنى سومداپ، العا باسۋعا ۇزدىكسىز اقىل - پاراسات جانە كۇش - قۋات قابىلدادى.

وسى ارادا اۋەلگى ماقساتتى، بورىشتى قايتا ەسكە الدى

[قىزىل تاريح . جۇڭگو كوممۋنيستىك پارتياسىنىڭ 7 - قۇرىلتايى]

  يان - انداعى ياڭجياليڭ، 76 جىلدىڭ الدىندا اسقاق «ينتەرناتسيونال ءانى» ءۇنى ىشىندە بۇكىل ەلدەگى ءبىر ميلليون 210 مىڭ پارتيا مۇشەسى اتىنان 547 رەسمي ۋاكىل جانە 208 كانديدات ۋاكىل ءبىر اراعا باس قوسىپ، جۇڭگو كوممۋنيستىك پارتياسى مەملەكەتتىك 7 - قۇرىلتايىن سالتاناتپەن اشتى. بۇل جۇڭگو كوممۋنيستىك پارتياسىنىڭ ءبىرىنشى رەت وزدەرى سالعان ۇيدە قۇرىلتايدى اشۋى بولىپ تابىلادى.

  بۇل رەتكى 50 كۇنگە جالعاسقان قۇرىلتاي ماۋ زىدۇڭ يدەياسىن بارلىق قىزمەتتىڭ باعدارناماسى ەتۋدى ايقىنداپ، پارتيامىزدىڭ ساياسي، يدەيا، ۇيىمدىق جاقتان بۇرىن بولماعان ىنتىماققا جانە بىرلىككە كەلىپ، جاپون شاپقىنشىلارىنا قارسى تۇرۋ سوعىسى مەن ازاتتىق سوعىستىڭ جەڭىسىنە قول جەتكىزۋگە نەگىز قالادى.

[قىزىل ىزدەر. ياڭجياليڭ توڭكەرىستىك بايىرعى تۇراعى]

  يان - ان قالاسىنىڭ باتىس سولتۇستىك باعىتىنان شامامەن 5 كيلومەتر قاشىقتىقتاعى جەردە ياڭجياليڭ توڭكەرىستىك بايىرعى تۇراعى بار، ورتالىق زال ايبىندى بەينەمەن اسقاقتاپ تۇر. 2015 - جىلى 2 - ايدىڭ 14 - كۇنى تۇستەن بۇرىن باس شۋجي شي جينپيڭ وسى اراعا كەلىپ ەكسكۋرسيالادى. ول اسەرلى سەزىممەن بىلاي دەدى: بۇل اراعا مەن تالاي رەت كەلگەمىن، اۋىل - قىستاققا تۇسكەن كەزدە ءار رەت يان - انعا كەلگەندە كورگەلى بارامىن، ءار رەت رۋحاني جاقتان شىڭدالامىن.

باس شۋجي شي جينپيڭ بىلاي دەدى: پارتيا 7 - قۇرىلتايى دۇرىس تۇعىرناما جانە تاكتيكا بەلگىلەدى، پارتيانىڭ ۇزاق ۋاقىتتىق كۇرەس جۇرگىزۋ بارىسىندا قالىپتاستىرعان تاڭداۋلى ستيلىن شوعىرلى جيناقتادى، ماۋ زىدۇڭ يدەياسىنىڭ بۇكىل پارتياداعى جەتەكشى ورنىن تۇراقتاندىردى. جاپپاي دوڭگەلەك داۋلەتتى قوعام ورناتۋ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن جونگە سالۋ، پارتيانى جاپپاي قاتاڭ جونگە سالۋ ستراتەگيالىق ورنالاستىرۋىن ويداعىداي تياناقتاندىرۋ بۇكىل پارتياداعى جولداستاردان داۋىرمەن بىرگە ىلگەرىلەيتىن، قايراتقا ءمىنىپ، ىسكەرلىك كورسەتەتىن رۋحاني كۇيمەن امالياتتىق جاڭالىق اشۋ مەن نازاريالىق جاڭالىق اشۋدى ۇزدىكسىز ىلگەرىلەتىپ، ماركسيزمنىڭ جۇڭگوشالانۋىنىڭ، داۋىرلىك سيپات الۋىنىڭ جاڭا تاراۋىن ۇزدىكسىز جازۋدى تالاپ ەتتى.

[اۋەلگى ماقساتتى، بورىشتى قايتا ەسكە الدى]

  جازعىتۇرىمعى يان - اندا، توڭكەرىستىك بايىرعى تۇراقتى ەكسكۋرسيالاي كەلگەندەردىڭ اياعى ۇزىلمەيدى. ”13 - بەسجىلدىق“ مەزگىلىندە يان - ان 250 ميلليون ادام - رەتتەن استام ساياحاتشى قابىلدادى.

  ”ءبىزدىڭ بۇل قوسىنىمىز مۇلدە حالىقتى ازات ەتۋدى ويلادى، بۇكىلدەي حالىقتىڭ مۇددەسى ءۇشىن ءۇزىلدى - كەسىلدى قىزمەت ىستەدى...“، «حالىق ءۇشىن قىزمەت ىستەيىك» ءسوزى ەسكەرتكىش الاڭىندا، مەملەكەت ەلەكتر تورى جياشيڭ نانحۋ ەلەكترمەن قامداۋ سەرىكتەستىگى پارتكومىنىڭ شۋجيى ۋاڭ حۇڭتاۋ قىزمەتتەستەرىمەن كيىم - كەشەكتەرىن رەتتى كيىنىپ بىركەلكى ۇنمەن وسىلاي داۋىستاپ وقىدى.

  ”مەملەكەت ەلەكتر تورىنىڭ يان - اندا جاڭ سىدى قىزمەت وتەۋ اترەتى بار، جياشيڭدا دا ءبىز قىزىل قايىق كوممۋنيستىك پارتيا مۇشەلەرى قىزمەت وتەۋ اترەتىن قۇردىق، اتالۋى ۇقساماعانىمەن ءبىزدىڭ نىسانامىز بىردەي، بۇكىل ىنتا - پەيىلمەن حالىق ءۇشىن قىزمەت ىستەۋ. بۇل ءبىزدىڭ قىزمەت جاۋاپكەرشىلىگىمىز ءارى اۋەلگى ماقساتىمىز جانە بورىشىمىز“، - دەدى ۋاڭ حۇڭتاۋ.

  يان - ان توڭكەرىستىك ەسكەرتكىش ورنىن باسقارۋ مەكەمەسى پارتكومىنىڭ شۋجيى شۋە ياۋجۇن بىلاي دەپ تانىستىردى: يان - اندا قازىر 445 ورىندا توڭكەرىستىك بايىرعى تۇراق ساقتالعان، توڭكەرىستى نەگىزگى تاقىرىپ ەتكەن 30 مۇراجاي بار، بۇكىل ەل بويىنشا توڭكەرىستىك بايىرعى تۇراق ەڭ كوپ، ۋاقىت ارالىعى ەڭ ۇزاق، مازمۇنى ەڭ باي قالا.

  ”ءبىز يان - اندى جۇڭگو توڭكەرىستىك مۇراجاي قالاسى ەتىپ قۇرىپ شىعىپ، جۇڭگولىق، شەتەلدىك ءتىپتى دە كوپ ساياحاتشىلاردى ەكسكۋرسيالاۋعا، ۇيرەنۋگە باۋراپ، يان - ان رۋحىن ۇزدىكسىز جالعاستىرامىز جانە اسقاقتاتامىز“، - دەدى شۋە ياۋجۇن.

وسى ارادان سەنىم كۇشىن الدى

[قىزىل تاريح . باتىس سولتۇستىك وڭىردەگى العاشقى تاۋلى رايون توڭكەرىستىك بازاسى قۇرىلدى]

  تۇڭچۋاننىڭ جاۋجينى، 20 - عاسىردىڭ 30 - جىلدارىنىڭ باسىندا، ەرەكشە جاپالى دا ماشاقاتتى جاعدايدا، ليۋ جىدان، شيە زىچاڭ، شي جۇڭشۇن قاتارلى اعا بۋىن توڭكەرىسشىلەر وسى ارادا توڭكەرىستىك قيمىلداردى ەرلىكپەن ورىستەتىپ، جاۋجيندى ورتالىق ەتكەن باتىس سولتۇستىك ءوڭىر العاشقى تاۋلى رايون توڭكەرىستىك بازاسى − شانشي - گانسۋ شەكارا رايون توڭكەرىستىك بازاسىن قۇردى. كەيىن، شۋەجياجاي بازانىڭ ساياسي، ەكونوميكا، اسكەري ىستەر ورتالىعىنا جانە قىزىل ارميانىڭ، پارتيزاندار اترەتىنىڭ ارتقى شەپ بازاسىنا اينالدى.

  ارميا مەن حالىقتىڭ ەتەنە سۇيىسپەنشىلىك حيكاياسى جاۋجيندا بۇگىنگە دەيىن اۋىزدان - اۋىزعا تارالۋدا. ”اكەم كوزى تىرىسىندە ماعان سول جىلدارى تاۋدا قورعانىس بەكىنىسىن سالعاندا، بەكىنىستى سالۋعا، داۋال سوعۋعا قاجەتتى سارى توپىراقتى اق ەدىل بۇقارا ارقالاپ تاسىپ اكەلىپ بەرگەندىگىن ايتىپ بەرەتىن“. جاۋجين قالاشىعىنىڭ ەگىنشىسى تيان فا - ي ساقا قىزىل ارميا تيان دىفانىڭ ۇلى، ول بىلاي دەدى: ”شەكارا رايوننىڭ ارتقى شەپ ءبولىمى تاۋ باۋرايىنان ساۋدا بازارىن سالىپ، ’ءادىل ساۋدا جاساسۋ، بۇقاراعا الدىمەن ساتىپ بەرۋ‘ پرينسيبىنە تاباندى بولدى، سوعىس بولماسا عانا بۇل ارادا ءار كۇنى بازار بولدى“.

[قىزىل ىزدەر . شانشي - گانسۋ شەكارا رايون توڭكەرىستىك بازاسى جاۋجين ەسكەرتكىش سارايى + شۋەجياجاي توڭكەرىستىك بايىرعى تۇراعى]

  2015 - جىلى 2 - ايدىڭ 14 - كۇنى تۇستەن كەيىن، باس شۋجي شي جينپيڭ تۇڭچۋان قالاسى ياۋجوۋ رايونى جاۋجين قالاشىعىنا كەلىپ قىزمەت تەكسەردى. ول شانشي - گانسۋ شەكارا رايونى توڭكەرىستىك بازاسى قاھارماندار ەسكەرتكىشىنە قۇرمەتپەن گۇل شارباق قويدى، شانشي - گانسۋ شەكارا رايونى توڭكەرىستىك بازاسى جاۋجين ەسكەرتكىش سارايىن ەكسكۋرسيالادى، سول جىلدارداعى قىزىل 26 - ارميا مەن شانشي - گانسۋ شەكارا رايونى پارتيزاندار اترەتىنىڭ قۇلاما جاردا تابيعي ۇڭگىردەن پايدالانىپ سالعان شۋەجياجاي توڭكەرىستىك بايىرعى تۇراعىن كوزدەن كەشىردى.

  باس شۋجي شي جينپيڭ بىلاي دەپ اتاپ كورسەتتى: جاۋجيندى ورتالىق ەتكەن شانشي - گانسۋ شەكارا رايون توڭكەرىستىك بازاسى جۇڭگو توڭكەرىسىنىڭ تاريحىندا شۇعىلالى ءبىر بەت جازدى. توڭكەرىستىك بازا تاريحىن زەرتتەۋدى كۇشەيتىپ، تاريحي تاجىريبەرلەردى قورىتىندىلاپ، توڭكەرىستىك رۋح تاڭداۋلى ستيلدى اناعۇرلىم ويداعىداي اسقاقتاتۋ كەرەك.

[قىزىل گەندى جالعاستىرۋ]

  تاياۋ جىلداردان بەرى جاۋجين قالاشىعى قىزىل بايلىقتاردى ۇزدىكسىز اشىپ، قىزىل رۋحتى جالعاستىردى جانە اسقاقتاتتى. 2015 - جىلدان بەرى جاۋجين ەسكەرتكىش سارايى ىلگەرىندى - كەيىندى بەيجيڭ، شاڭحاي، گۇيجوۋدىڭ زۇن - ي قالاسى سياقتى 44 قالادا 55 كەزەك جىلجىمالى كورمە اشتى. بۇدان تىس، ەسكەرتكىش سارايى تاعى دارەجەسىن ءوسىرىپ ينتەرنەت ”شاعىن ساباقحاناسىن“ اشىپ، ءتىپتى دە كوپ توراپتاستاردىڭ وسىدان سەنىم كۇشىن الۋىنا مۇمكىندىك جاسادى.

  جالعاستىرۋ قوسىنىندا تاعى ءبىر توپ ”قىزىل بالالار“ بار. بيىل جىل باسىنان بەرى دەرلىك ءار اپتانىڭ سوڭىندا قىزىل ارميا كيىمىن كيىنگەن 11 جاستاعى سۇڭ تيان - ي جاۋجين ەسكەرتكىش سارايى، شۋەجياجاي توڭكەرىستىك بايىرعى تۇراعى سياقتى جاۋجينعا ورنالاسقان توڭكەرىستىك ەسكەرتكىش ورىندارىنان دۇركىن - دۇركىن بوي كورسەتىپ، ساياحاتشىلارعا مىندەتتى تۇردە تۇسىندىرمەشى بولدى.

  2019 - جىلى اكەسىنىڭ شابىتتاندىرۋىمەن تارتىنشاق سۇڭ تيان - ي دا ۇگىت - لەكسيا ۇيىرمەسىنە قوسىلدى. قازىر ول سوزگە شورقاق باستاۋىش مەكتەپ وقۋشىسىنان توسەلگەن تۇسىندىرۋشىگە اينالدى. سۇڭ تيان - يدىڭ شەشەسى سۇڭ ا - جيڭ: ”بۇل بالالاردى شىنىقتىرۋ ءارى توڭكەرىستىك ارداگەرلەردىڭ رۋحىن جالعاستىرۋ“، - دەدى.

  كەزەكتە، جاۋجين تۇرعان تۇڭچۋان قالاسى ياۋجوۋ رايونى قۇرعان ”قىزىل بالالار“ ۇگىت - لەكسيا ۇيىرمەسىنىڭ مۇشەلەرى بۇكىل رايونداعى بارلىق ورتا، باستاۋىش مەكتەپتەردى قامتىدى.

  جاۋجين ەسكەرتكىش سارايىنىڭ ورىنباسار باستىعى سۇڭ جيانبين بىلاي دەدى: ”نەگىزگى ساتى پارتيا تاريحى قىزمەتكەرى بولعان ءبىزدى باس شۋجيدىڭ ماڭىزدى نۇسقاۋى ۇزدىكسىز العا ىلگەرىلەۋگە شابىتتاندىرۋدا، ءبىز قىزىل حيكايانى ويداعىداي بايانداپ، قىزىل گەندى ۇرپاقتان - ۇرپاققا جالعاستىرامىز“.

وسى ارادا گۇلدەنۋدىڭ قوزعاۋشى كۇشى توپتالدى

[قىزىل تاريح . ناننيۋان ”كورىكتى القاپقا“ + ” قۇلاما جار تاس قارۋ - جاراق زاۆودىنا“ وزگەردى]

  يان - انداعى ناننيۋان ”ءبىر كەتپەن، ءبىر مىلتىق، وندىرىسپەن ءوزىن قامداپ، پارتيا ورتالىق كوميتەتىن قورعاۋ“ جاۋىنگەرلىك ءانىن شىرقادى، 359 - لۇيدىڭ جاۋىنگەرلەرى اسقاق جىگەرمەن وسى اراعا شەرۋ تارتىپ، جان بالاسى باسپاعان لاي - باتپاق قايراڭدى سولتۇستىك شانشيدەگى كورىكتى القاپقا اينالدىردى.

  جاۋجيندەگى شۋەجياجاي، تەڭىز دەڭگەيىنەن 1600 مەتردەن استام كەلەتىن قۇلاما جاردا، تابيعي قالىپتاسقان تاس ۇڭگىردەن پايدالانىپ، قىزىل ارميا قارۋ - جاراق زاۆودى، قىزىل شيپاحانا، كيىم - كەشەك زاۆودى سياقتى 4 قىزىل ارميا قىستاعىن قۇردى. ەڭ قاراپايىم قارۋ - جاراق زاۆودىندا قۋاتى اسا زور ”ورمە گراناتى“ ءوندىرىلدى.

[قىزىل ىزدەر . جاۋجين قىستاعى]

  2015 - جىلى 2 - ايدىڭ 13 - كۇنى تۇستەن كەيىن، شي جينپيڭ جۇڭگو يان - ان كادرلار شۋەيۋانىندا شانشي - گانسۋ - نيڭشيا توڭكەرىستىك بايىرعى رايونىن كەدەيلىكتەن ارىلتىپ، بايىتۋ اڭگىمە ءماجىلىسىن باسقارىپ اشتى. ”ءبىز ءبىرىنشى 100 جىلدىق كۇرەس نىساناسىن جۇزەگە اسىرۋدا، جاپپاي دوڭگەلەك داۋلەتتى قوعام ورناتۋدا، بايىرعى رايوندار جاپپاي دوڭگەلەك داۋلەتتىلىككە جەتپەسە، اسىرەسە، بايىرعى رايونداعى كەدەيلەر كەدەيلىكتەن ارىلىپ بايىماسا، وندا كەمەلدى بولمايدى. بۇل مەنىڭ ۇنەمى ايتاتىن دوڭگەلەك داۋلەتتىلىككە جەتتىك پە - جەتپەدىك پە، باستىسى، اۋىلداستارعا قاراۋ كەرەك دەگەنمىنىڭ ماعىناسى بولىپ تابىلادى“، - دەدى باس شۋجي.

  باس شۋجي شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر بورىشتىلىق سەزىم مەن جاۋاپكەرشىلىك سەزىمدى كۇشەيتىپ، بايىرعى رايونداردىڭ دامۋى مەن بايىرعى رايون حالقىنىڭ تۇرمىسىن جاقسارتۋدى قاي - قاشان دا كوكەيدە ساقتاپ، مىقتى يگەرىپ، شىنايى يگەرىپ، ناقتى ىستەپ، كەدەيلەردى دالمە - ءدال سۇيەمەلدەۋ تالابىن دايەكتىلەندىرىپ، نىسانانى ايقىنداپ، مىندەت ايقىنداپ، جاۋاپكەرشىلىك ايقىنداپ، شارانى ايقىنداپ، اقشانى ەڭ قاجەتتى ورىنعا شىنايى جۇمساپ، كەدەيلىك تامىرىنا بالتا شابۋ رولىن شىن مانىندە ساۋلەلەندىرۋ كەرەك.

  2 - ايدىڭ 14 - كۇنى تۇستەن كەيىن، باس شۋجي شي جينپيڭ تاعى جاۋجين قالاشىعى جاۋجين قىستاعىنىڭ قىستاق تۇرعىندار كوميتەتىنە كەلىپ، جەرگىلىكتى ورىننىڭ دامۋ جاعدايى جانە جوسپارى جونىندەگى تانىستىرۋىن تىڭدادى. ول قىستاق پارتيا ياچەيكاسى مەن قىستاق تۇرعىندار كوميتەتىندەگى كادرلاردان ءبىر نيەتپەن ىنتىماقتاسىپ، اۋىلداستاردىڭ ءىسىن ويداعىداي ىستەۋدى ءۇمىت ەتتى.

[تاپسىرمانى ۇمىتپاۋ]

  باس شۋجيدىڭ تاپسىرماسىن بايىرعى رايون حالقى ەشقاشان ۇمىتقان ەمەس. ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ رۋحىن ۇزدىكسىز ساۋلەلەندىردى، توڭكەرىستىك بايىرعى رايوندا بۇگىنگى تاڭدا وراسان زور وزگەرىس تۋىلدى.

  2019 - جىلى 5 - ايدىڭ 7 - كۇنى ەڭ سوڭعى 2 كەدەي اۋدان يانچۋاننىڭ، يچۋاننىڭ كەدەيلىك تىزىمىنەن شەگەرىلۋىنە ىلەسە، توڭكەرىستىك قاسيەتتى جەر يان - ان مۇلدەم كەدەيلىككە قوش ايتتى.

  تاياۋ جىلداردان بەرى يان - ان قاجىرلىلىقپەن ورگە ۇمتىلىپ، قيىندىقتاردان ءوتىپ، تيبىن جاڭالاۋعا بەل بۋدى. قۋاڭ، جاۋىن - شاشىن از، جىرا - جىلعالى كەزىندەگى سارى توپىراقتى ۇستىرتتەن ”كوكتەمدە الۋان گۇلدەر قۇلپىرعان، كۇزدە كۇرىش جايقالعان“ جياڭناننىڭ كوركەم كورىنىسى مەن مۇندالادى؛ ۋحان گۋاڭگۋ، تىڭشۇن جۇڭچۋاڭ، بەيحاڭ كىچۋاڭ سياقتى ءبىر توپ جاڭالىق اشۋ، شارۋاشىلىق قۇرۋ تۇعىرى، حۋاۋي بۇلتتىق ەسەپ سياقتى جالپى 1125 جاڭا ەكونوميكا كاسىپورىندارى يان - اندا ىرگە تەۋىپ، جاڭا ەكونوميكا، جاڭا كاسىپ كۇيى كوركەيىپ - گۇلدەندى؛ مەملەكەتتىك قۇرلىق پورتى تيبىندەگى زات اينالىم تورابى تىرەكتى قالا بولىپ بەكىتىلدى، باۋتوۋ - ماۋميڭ، چيڭداۋ - لانجوۋ سياقتى بىرنەشە جوعارى جىلدامدىقتى تاس جول شار تاراپپەن تۇتاسىپ، ءار كۇنى 115 جولاۋشى، زات تاسىمالى كەزەكشى پويەزى قاتىنايدى، ناننيۋان جاڭا اۋەجايى ەل ىشىندەگى 27 قالامەن اۆياتسيالىق قاتىناستى جۇزەگە اسىردى...

  بايىرعى رايوننىڭ كەلبەتى كۇن سايىن جاڭاردى. تاياۋ جىلداردان بەرى جاۋجين قىستاعى قىزىل ساياحاتتى ۇزدىكسىز دامىتىپ، الەۋمەتتىك اۋماق زاۆودى سياقتىلاردى قۇردى، كاسىپ سالاسى جاپپاي گۇلدەندى. جەرگىلىكتى بۇقارانىڭ قونىس ورتاسى ۇزدىكسىز جاقساردى، سۋ، ەلەكتر، گاز، جىلۋ، ينتەرنەت سياقتى قۇرىلعىلارمەن جاپپاي قامتىپ قالماستان، ەرەن بازار، بانكە، مەكتەپ، شيپاحانا سياقتىلار دا كەمەلدەندى.

  سىرتتا بىرنەشە جىل شاپقىلاپ، كوشىرىلگەن تۇرعىنداردى ورنالاستىرۋ شاعىن اۋماعىنا 2019 - جىلى كوشىپ كىرگەن جاۋجين قىستاعىنىڭ 37 جاستاعى تۇرعىنى جاڭ چيان ”باياندى باقىتتى“ اقىرى سەزىندى: ”بالام مەكتەپكە جاياۋ 10 مينۋتتا بارادى، مەن قىزمەتكە جاياۋ 5 مينۋتتا بارامىن، ايلىق ەڭبەكاقىم 2000 يۋاننان اسادى، قازىر كۇيەۋىم ەكەۋىمىزدىڭ جىگەر - قايراتىمىز تاسىپ تۇر!“.

  ”2020 - جىلى بۇكىل قىستاقتىڭ ادام باسىنا شاققانداعى قولداعى تابىسى 17 مىڭ 554 يۋانعا جەتىپ، 2015 - جىلداعىدان 2076 يۋان ارتتى، قازىر بۇقارانىڭ باقىتتى تۇرمىسى بالدان ءتاتتى“، - دەدى جاۋجين قىستاعى پارتيا ياچەيكاسىنىڭ شۋجيى لياڭ ۋانيىڭ.

  ”بۇرىنعىدان وزگەرىپسىڭ تىم بولەك، يان - اندا انام كيدى جاڭا كيىم تىم ەرەك“. بۇگىنگى تاڭدا باۋتاشان باۋرايىندا، يانحى وزەنى جاعاسىندا سەيىلدەپ، جاۋجين قىستاعىن، شۋەجياجايدى جاياۋ ارالاپ، ”ءور اسۋدى دەمە بەينە قۇرىش قامال سوعىلعان“ داڭقتى جىلداردى باستان كەشكەن وسىناۋ قىزىل قۇتتى مەكەن ”دۇنيە جولى − كوك تەڭىزدەر ەگىنجايعا وزگەرمەك“ سىندى ەكپىندەي ىلگەرىلەۋ جولىمەن ارشىنداي قادام باسىپ كەلەدى.

  (شينحۋا اگەنتتىگىنىڭ 5 - ايدىڭ 24 - كۇنى شي - اننان بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار