بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اۆتونوميالى رايوننىڭ ءتۇيىندى نىساندار قۇرىلىسى ءساتتى ىلگەرىلەدى

2021.05.26 15:15     كەلۋ قاينارى : شينجياڭ گازەتى


  انار بۇلت / شينجياڭ گازەتىنىڭ ءتىلشىسى شى شين 5 - ايدىڭ 24 - كۇنى ۇرىمجىدەن حابارلايدى. جالعاستى جۇرگىزىلەتىن ءتۇيىندى نىساندار قۇرىلىسى جەدەلدەدى؛ ءبىر توپ ءتۇيىندى حالىق تۇرمىسى نىساندارىن قامتىعان 44 جاڭا نىساننىڭ قۇرىلىسى باستالدى؛ ءبىر ءبولىم سالالار مەن ايماق، وبلىستارداعى نىساندارى زور سەرپىنمەن ىلگەرىلەتىلىپ، قارجى قوسۋدىڭ ورىندالۋ جاعدايى ءبىرشاما جاقسى بولدى... 1 - ايدان 4 - ايعا دەيىن اۆتونوميالى رايوننىڭ ءتۇيىندى نىساندار قۇرىلىسى ءساتتى ىلگەرىلەپ، ناقتى جۇمىس مولشەرى بويىنشا جيىنى 48 ميلليارد 600 ميلليون يۋان قارجى قوسىلىپ، بىلتىرعى سايكەس مەزگىلدەگىدەن 16 ميلليارد 300 ميلليون يۋان ارتتى.

  بيىل جىل باسىنان بەرى اۆتونوميالى رايون نىسان قۇرىلىسىن ەكونوميكانىڭ ارتۋىن ورنىقتىرۋدىڭ جانە جوعارى ساپالى دامۋدى ىلگەرىلەتۋدىڭ ماڭىزدى تۇتقاسى ەتۋگە تاباندى بولىپ، نىسانانى باعدار ەتۋدەن، ماسەلەنى باعدار ەتۋدەن، ناتيجەنى باعدار ەتۋدەن جازباي، سايكەستىرۋدى، قىزمەت وتەۋدى كۇشەيتىپ، قىزمەتتەردى تياناقتاندىرۋدى مىقتاپ يگەرىپ، بۇكىل رايونداعى نىسان قۇرىلىسىن جوعارى ساپامەن ىلگەرىلەتتى.

  قۇرىلىسى جالعاستىرىلاتىن 160 ءتۇيىندى نىساننىڭ قۇرىلىسى جەدەلدەتىلىپ، ناقتى جۇمىس مولشەرى بويىنشا 34 ميلليارد 900 ميلليون يۋان قارجى قوسىلىپ، جىلدىق جوسپاردىڭ %21ى ورىندالدى. جاڭادان سالىناتىن نىساندار جاعىندا جاڭادان قۇرىلىس باستالاتىن جىلدىق 80 نىسانا - مىندەتتىڭ %55ى ورىندالىپ، بىلتىرعى سايكەس مەزگىلدەگىدەن 8ى كوبەيدى. مۇناي جانە تابيعي گاز، قالا - قالاشىق قۇرىلىسى، تاس جول، ەلەكتر قۋاتى، سۋ يگىلىگى، تەمىر جول سياقتى 6 سالاداعى ءتۇيىندى نىساندار ءبىرشاما تەز ىلگەرىلەپ، قارجى قوسۋدىڭ ورىندالۋ مولشەرى بۇكىل شينجياڭنىڭ ورتاشا دەڭگەيىنەن جوعارى بولدى.

  اۆتونوميالى رايوننىڭ ءتۇيىندى حالىق تۇرمىسى نىساندارىنىڭ ىلگەرىلەۋ جاعدايى جاقسى بولدى. مۇنىڭ ىشىندە اۆتونوميالى رايونداعى جوعارى مەكتەپتەردىڭ مەكتەپ رايونى قۇرىلىس نىسانى، قارامايلى قالاسى ورحى رايونى باتىس بولىك ۋجىن قالاشىعى نىسانى، اۆتونوميالى رايوندىق جۇڭي شيپاحاناسى جۇڭگوشا شيپاگەرلىك، ءدارى - دارمەكتى جالعاستىرۋ جانە وندا جاڭالىق اشۋ ينجەنەرياسىنىڭ ءتۇيىندى جۇڭي شيپاحاناسى قۇرىلىسى نىسانى، كۇيتۇن - مايتاۋ ەكونوميكالىق تەحنيكالىق اشۋ رايونى قايتا تۋىندايتىن سۋدى قايتالاي پايدالانۋ قۇرىلىس نىسانى سياقتىلاردىڭ قۇرىلىسى جەدەل جۇرگىزىلىپ، قارجى قوسۋدىڭ ورىندالۋ جاعدايى ءبىرشاما جاقسى بولدى. كومىر نەگىزدى ەنەرگيا بايلىعى حيمياسى جانە ودان پايدالانۋ مەملەكەتتىك ءتۇيىندى تاجىريبەحاناسى، شينجياڭ تەمىر جول كاسىپتىك تەحنيكالىق شۋەيۋانى قۇمىل جاڭا مەكتەپ رايونى 1 - مەرزىمدىك قۇرىلىس نىسانى، التاي جىكپەلەڭ مەملەكەتتىك قار - مۇز ساياحات بازاسىنىڭ نەگىزدىك قۇرىلعى قۇرىلىس نىسانى، بۇراتالا قالاسى وسى زامانعى اۋىل شارۋاشىلىعى كاسىپ سالاسى باقشاسى باعىمشىلىق بازاسى قۇرىلىس نىسانى، قالا - قالاشىقتارداعى لاشىقتى ۇيلەر اۋماعىن جاڭالاۋ جانە الەۋمەتتىك جالعا بەرىلەتىن ۇيلەر نىسانى، 2021 - جىلعى قالا - قالاشىقتاعى كونە، ەسكى شاعىن اۋماقتاردى جاڭالاۋ ينجەنەرياسى سياقتى ءبىر توپ ءتۇيىندى حالىق تۇرمىسى نىساندارى جاڭادان قۇرىلىس باستاپ، ساياتىن قارجى 49 ميلليارد 500 ميلليون يۋانعا جەتتى.

  اۆتونوميالى رايوننىڭ ءتۇيىندى قاتىناس نىساندارىنىڭ قۇرىلىسى جەدەلدەدى. تەمىر جول جاعىندا لانجوۋ - شينجياڭ جەلىسىنىڭ جيجيساۋزى - ءۇرىمجى وڭتۇستىك ۆوكزالى - ءۇرىمجى باتىس ۆوكزالى بولىگىنىڭ كىشى راديۋستىق قيسىق سىزىعىن وزگەرتۋ نىسانىنىڭ قۇرىلىسى اياقتاپ پايدالانۋعا بەرىلسە، ءۇرىمجى - جياڭجۇنمياۋ تەمىر جولىنىڭ تاسىمال قۋاتىن كەڭەيتۋ ينجەنەرياسى، جياڭجۇنمياۋدان نومعا دەيىنگى تەمىر جول سياقتى نىسانداردىڭ قۇرىلىسى باستالدى؛ تاس جول جاعىندا S21 جەلىسى التاي - ءۇرىمجى تاس جولى نىسانىنا قوسىلعان قارجىنىڭ جىلدىق جوسپارىنىڭ %14.1ى ورىندالىپ، وسى جىل ىشىندە سالىنىپ بولىپ اۆتوكولىك قاتىناۋ جوسپارلاندى، S254 جەلىسى لوپنۇر - چەرچەن تاس جولى قۇرىلىسىنىڭ نىسانىندا اسفالت جاتقىزۋ جۇمىسى باستالدى؛ اۋەجاي جاعىندا تۇرپان اۋەجايىن وزگەرتىپ - كەڭەيتىپ سالۋ ينجەنەرياسىنىڭ 3200 مەترلىك سىرعىما جولى رەسمي ىسكە قوسىلسا، موڭعۇلكۇرە اۋەجايىنىڭ تەرمينال عيماراتىنىڭ نەگىزگى تۇلعا ينجەنەرياسىنىڭ توبەسى جابىلدى، باركول اۋەجايى، بايىنبۇلاق اۋەجايى، جۇندۇڭ (شونجى) اۋەجايى سياقتى نىسانداردىڭ تەحنيكالىق - ەكونوميكالىق نەگىزدەمەسىن ساراپتاۋ ءماجىلىسى اشىلدى.

  تۇرپان - بايىنعولين - كۇشارⅡ قايتىندى 750 كيلوۆولتتىق كەرنەۋ وزگەرتۋ ەلەكتر جەتكىزۋ ينجەنەرياسى، جۇندۇڭ اشۋ رايونى بەيسان ەلەكتر ستانسياسى (حۋانىڭ) نىسانى، فۋكاڭ سۋ تارتىپ شىعارىپ ەنەرگيا ساقتاۋ ەلەكتر ستانسياسى سياقتى قۇرىلىسى جالعاستىرىلاتىن ەنەرگيا نىساندارىنىڭ قۇرىلىسى جەدەلدەدى، اسىرەسە، مۇناي، تابيعي گاز نىساندارىنا 13 ميلليارد 800 ميلليون يۋان قارجى قوسىلىپ، جىلدىق جوسپاردىڭ %32.5ىن ۇستادى. ءتۇيىندى ەنەرگيا نىساندارىنىڭ الدىڭعى مەرزىمدىك قىزمەتتەرى تىڭعىلىقتى، پارمەندى جۇرگىزىلىپ، كەزەڭدىك ىلگەرىلەۋشىلىككە قول جەتىپ، جەل ەلەكتر، فوتوۆولتتىق ەلەكتردى قوساقتاۋ نىسانى، ۋىنجيساڭ گاز ساقتاۋ قويما شوعىرى ۋىنشي 1 - قامباسى قۇرىلىسى نىسانى سياقتى 8 ءتۇيىندى ەنەرگيا نىسانىنىڭ قۇرىلىسى باستالدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار