لي كىچياڭ جىجياڭدا قىزمەت تەكسەرگەندە مىنانى دارىپتەدى
رەفورمانى ىشكەرىلەي ىلگەرىلەتىپ، ەسىك اشۋدى ۇزدىكسىز كەڭەيتىپ، بازار تۇلعالارىنىڭ ومىرشەڭدىك كۇشىن ارتتىرىپ، ەكونوميكانىڭ ورنىقتى جاقسارۋىن ىلگەرىلەتۋ كەرەك
2021.05.26 16:04 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 25 - كۇنى، حاڭجوۋ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 5 - ايدىڭ 24 - كۇنىنەن 25 - كۇنىنە دەيىن جىجياڭ ولكەلىك پارتكومنىڭ شۋجيى يۋان جياجۇننىڭ، ولكە باستىعى جىڭ شانجيەنىڭ سەرىك بولۋىندا نيڭبودا قىزمەت تەكسەردى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن تياناقتاندىرىپ، جاڭا دامۋ ۇستانىمىن دايەكتىلەندىرىپ، رەفورما جاساۋدى، ەسىك اشۋدى ونان ارى ىلگەرىلەتىپ، بازار تۇلعالارىنىڭ ومىرشەڭدىك كۇشىن ارتتىرىپ، ىشكى - سىرتقى ورتانىڭ وزگەرىسىنە بەلسەنە توتەپ بەرىپ، ەكونوميكانىڭ ورنىقتى جاقسارۋىن ىلگەرىلەتۋ كەرەك.
نيڭبو جوۋشان پورتى − ەل ىشىندەگى نەگىزگى كوپ قولدى تاۋارلاردى جوتكەۋ بازاسى. لي كىچياڭ پورت اينالىمى، كوپ قولدى تاۋارلاردىڭ باعا بەتالىسى سياقتى جاعدايلاردى ەگجەي – تەگجەيلى ۇعىستى. ول بىلاي دەدى: دۇنيە ءجۇزى ەكونوميكاسىنىڭ پەريودتىق وزگەرىسىنە جانە حالىقارالىق كوپ قولدى تاۋارلار باعاسىنىڭ تولقۋىنا ايرىقشا نازار اۋدارىپ، ەسىكتى ايقارا اشۋدا تاباندى بولىپ، كەدەننەن ءوتۋدىڭ قولايلىلانۋىن ونان ارى ىلگەرىلەتىپ، حالىقارالىق بازارمەن اناعۇرلىم ويداعىداي توعىسىپ، ەركىن، ءادىل ساۋدانى ورىستەتىپ، ەكى بازاردان، ەكى ءتۇرلى بايلىقتان اناعۇرلىم ءونىمدى پايدالانۋ كەرەك. ول مىنانى تالاپ ەتتى: نيڭبو جوۋشان پورتىنىڭ وڭىرلىك ورنى، سۋ جولى جانە وزەن - تەڭىز بىرلەسكەن تاسىمالى سياقتى ابزالدىعىن ويداعىداي ساۋلەلەندىرىپ، ساپالى ورنالاستىرۋ سىندى قىزمەت بەتالىسىن مىقتى يگەرىپ، بازارلاندىرۋ ءادىسى ارقىلى كوپ قولدى تاۋارلاردى يمپورت ەتۋ، ساقتاۋ - تاسۋ، ساۋدالاۋدى ويداعىداي ىستەپ، بولاشاقتاعى دۇنيە ءجۇزى ەكونوميكاسىنىڭ پەريودتىق تولقۋىنا توتەپ بەرۋ، كاسىپ تىزبەگى مەن قامداۋ تىزبەگىن ورنىقتىرۋ قابىلەتىن كۇشەيتۋ كەرەك.
لي كىچياڭ پورت رايونىنداعى جۇك اۆتوموبيلىنىڭ شوفەرلەرىمەن اڭگىمەلەسىپ، قانداي قيىنشىلىق بار ەكەنىن سۇرادى. ءبىر شوفەردىڭ ايتۋىنشا، جۇك تاسىمال تولىمدىلىق كۋالىگىن جىلدىق تەكسەرۋدەن وتكىزگەندە نوپوس تۇرعان جەرگە قايتا بارۋ وتە قولايسىز ەكەن. لي كىچياڭ قاتىستى تاراۋلاردان ۇيلەسىمدى تالاپتارعا جاۋاپ قايتارىپ، وسى جىلدىڭ ىشىندە ماسەلەنى شەشۋگە كەپىلدىك ەتۋدى تالاپ ەتتى. ول وزىمەن بىرگە جۇرگەن جولداستارعا ءبىرىنشى شەپتەگى جۇمىسشىلاردىڭ، جەكە ونەركاسىپشىلەر مەن ساۋداگەرلەردىڭ جانە شاعىن، ۇساق كاسىپورىنداردىڭ پىكىرىن كوبىرەك تىڭداپ، ولاردىڭ قيىنشىلىعىن شەشۋگە كۇش سالۋدى تاپسىردى. بازار تۇلعاسى جاقسارسا، مەملەكەت گۇلدەنىپ - كوركەيەدى.
لي كىچياڭ نيڭبو قالاسىنىڭ دارىندىلار بازارىندا جەرگىلىكتى ورىننىڭ جۇمىستاندىرۋدى جەبەۋ جاعدايىن ەگجەي – تەگجەيلى ۇعىسىپ، يكەمدى جۇمىستانۋشىلاردىڭ نەگىزگى ۇقىق – مۇددەسىن قامتاماسىزداندىرۋ جونىندەگى ىزدەنىسىن تۇراقتاندىردى. لي كىچياڭ قىزمەت ىزدەۋشىلەرمەن اڭگىمەلەسىپ، ولاردى ونەردى جاقسى ۇيرەنۋگە شابىتتاندىردى. ول قىزمەت ىزدەگەن ستۋدەنتتەرگە بىلاي دەدى: ۇكىمەت جۇمىستاندىرۋدى جەبەۋ جاعىنان اناعۇرلىم كوپ تاماشا تەكشە ازىرلەيدى. ءبىرتالايىڭ بولاشاقتا يگىلىك جاراتۋدى دا ويلايسىڭدار، سەندەردىڭ ۇلى مۇرات ورناتىپ، كوپ بولىپ يگىلىك جاراتۋ، كوپ بولىپ جاڭالىق اشۋ ارقىلى ءىرى ىستەردى تىندىرۋلارىڭدى ءۇمىت ەتەمىن.
لىگى سەرىكتەستىگىندە لي كىچياڭ جاڭا ونىمدەردى كوزدەن كەشىرىپ، سەرىكتەستىكتىڭ ەۆروپاداعى قامبا قىزمەتكەرلەرىمەن بەينە ەكران ارقىلى پىكىر الماستىرىپ، كاسىپورىندى تۇتىنۋشىلار قارسى الاتىن جاڭا ونىمدەردى كوبىرەك اشىپ، جاڭا قوزعاۋشى كۇشتى دامىتىپ، زورايتىپ، شەتەلدەگى قامبانىڭ رولىن اناعۇرلىم ويداعىداي ساۋلەلەندىرىپ، ەل ىشىندەگى ءتىپتى دە كوپ ونىمدەردىڭ حالىقارالىق بازارعا بەت الۋىنا جەتەكشىلىك ەتۋگە شابىتتاندىردى.
لي كىچياڭ جاساۋ كاسىبىندەگى ون نەشە كاسىپورىننىڭ جاۋاپتىلارىمەن پىكىر الماستىرىپ، جوعارعى اعارداعى شيكىزات – ماتەريال باعاسىنىڭ وزگەرىسى سياقتىلاردىڭ كاسىپورىننىڭ تيجاراتىنا جاسايتىن ىقپالىن ۇعىستى. ول بىلاي دەدى: كوپ قولدى تاۋارلار باعاسىنىڭ ءوسۋى ءىرى، ورتاشا جاساۋ كاسىپورىندارىنا كوپ قىسىم ءتۇسىرىپ قانا قويماي، ونىڭ ۇستىنە شاعىن، ۇساق كاسىپورىنداردىڭ جانە جەكەشە ونەركاسىپشىلەر مەن ساۋداگەرلەردىڭ تيجاراتىنا دا ىقپال جاسايدى، باعانىڭ تومەنگى اعارعا اسەرى تۇتىنۋعا دا ىقپال جاسايدى، سالىقتى كەمەيتۋ، اقىنى تومەندەتۋ، جالپىعا ءتيىمدى فينانس سياقتى بازار تۇلعالارىن قولداۋ ساياساتتارىنان ويداعىداي پايدالانىپ، بازار ارقىلى رەتتەۋدى كۇشەيتىپ، باعانىڭ جوعارىلاۋىن، باعانىڭ تومەنگى اعارعا اسەرىن كۇش سالا باسەڭدەتۋ كەرەك. كاسىپورىندار دا كومەسكى كۇشتەردى اشۋعا جانە جاڭالىق اشۋعا ءمان بەرىپ، وزىندىك قۇن قىسىمىن جەڭىلدەتىپ، باسەكەلىك قۋاتىن جوعارىلاتۋى كەرەك.
لي كىچياڭ يىنجوۋ رايونىنىڭ اكىمشىلىك قىزمەت وتەۋ ورتالىعىندا ولكەنىڭ، قالانىڭ ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتۋ جونىندەگى مالىمەتىن تىڭداپ، ولاردىڭ كاسىپورىندار مەن بۇقاراعا قولايلىلىق جاراتىپ، بازار تۇلعالارىنىڭ زور مولشەردە ارتۋىن جەبەۋ ءادىسىن تۇراقتاندىردى. ول ناق مايداندا كاسىپورىندى تىزىمگە الدىرعان، سالىق تاپسىرعان بۇقارامەن پىكىر الماستىردى. ول بىلاي دەدى: بازار تۇلعاسى − دامۋدىڭ نەگىزى، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسى ولاردىڭ قيىنشىلىعىن، بوگەلۋ تۇيىندەرىن شەشەدى، جۇمىس بىتىرۋدە «ەڭ كوپ بولعاندا ءبىر رەت بارۋدى» جۇزەگە اسىرۋمەن بىرگە، ينفورماتسيادان ورتاق يگىلىكتەنۋ ارقىلى داعدىلى ينفورماتسيانى «ەڭ كوپ بولعاندا ءبىر رەت مالىمدەۋدى» جۇزەگە اسىرىپ، كاسىپورىنداردىڭ اۋىرتپالىعىن جەڭىلدەتۋ كەرەك. ساۋدا ورتاسىن ۇزدىكسىز ساپالىلاندىرىپ، كاسىپورىننىڭ، بۇقارانىڭ جۇمىس بىتىرۋىنە اناعۇرلىم زور قولايلىلىق جاراتۋ، بازار باسەكەسىنىڭ اناعۇرلىم ءادىل بولۋىنا مۇمكىندىك جاساۋ كەرەك.
لي كىچياڭ جىجياڭ ولكەسىنىڭ ەكونوميكالىق، قوعامدىق دامۋدا قول جەتكىزگەن تابىستارىن تولىق تۇراقتاندىردى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا ءورىس اشا جاڭالىق جاراتىپ، باتىلدىقپەن الدا ءجۇرىپ، ساپالى دامۋدى ىلگەرىلەتۋدە اناعۇرلىم زور ىستەردى تىندىرۋىن ءۇمىت ەتتى.
شياۋ جيە، حى ليفىڭ قىزمەت تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
