ج ك پ ورتالىق كوميتەتى كەڭسەسى «تۇتاس قوعامدا پارتيا تاريحى، جاڭا جۇڭگو تاريحى، رەفورما جاساپ، ەسىك اشۋ تاريحى، سوتسياليزمنىڭ دامۋ تاريحى ۇگىت - تاربيەسىن ورىستەتۋ جونىندەگى ۇقتىرۋدى» باسىپ تاراتتى
2021.05.26 16:06 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 25 - كۇنى، بەيجيڭ. تاياۋدا ج ك پ ورتالىق كوميتەتى كەڭسەسى «تۇتاس قوعامدا پارتيا تاريحى، جاڭا جۇڭگو تاريحى، رەفورما جاساپ، ەسىك اشۋ تاريحى، سوتسياليزمنىڭ دامۋ تاريحى ۇگىت - تاربيەسىن ورىستەتۋ جونىندەگى ۇقتىرۋدى» باسىپ تاراتىپ، جۇڭگو كوممۋنيستىك پارتياسى قۇرىلعانىنىڭ 100 جىلدىعى قارساڭىندا «4 تاريح» ۇگىت - تاربيەسىن ورىستەتۋ جونىندە ورنالاستىرۋ جاسادى.
«ۇقتىرۋدا» مىنالار دارىپتەلدى: جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتى تياناقتاندىرىپ، « ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋدى ارقاۋ ەتىپ، تۇتاس قوعامدا پارتيا تاريحى، جاڭا جۇڭگو تاريحى، رەفورما جاساپ، ەسىك اشۋ تاريحى، سوتسياليزمنىڭ دامۋ تاريحى ۇگىت - تاربيەسىن كەڭ كولەمدە ورىستەتىپ، پارتيا تاريحى بىلىمدەرىن جالپىلاستىرىپ، پارتيا تاريحىن ۇيرەنۋ تاربيەسىنىڭ بۇقاراعا، نەگىزگى ساتىعا، جۇرت جۇرەگىنە تەرەڭ ۇيالاۋىن ىلگەرىلەتىپ، قالىڭ حالىق بۇقاراسىن جۇڭگو كوممۋنيستىك پارتياسىنىڭ مەملەكەت پەن ۇلتقا قوسقان ۇلى ۇلەسىن تەرەڭ تانۋعا، جۇڭگو كوممۋنيستىك پارتياسىنىڭ باستان - اياق حالىق ءۇشىن قىزمەت ىستەۋ اۋەلگى ماقساتىن تەرەڭ ۇعىنۋعا، جۇڭگو كوممۋنيستىك پارتياسىنىڭ ماركسيزمنىڭ جۇڭگوشالانۋىن ىلگەرىلەتىپ قالىپتاستىرعان كەلەلى نازاريالىق جەتىستىكتەرىن ۇيرەنۋگە، جۇڭگو كوممۋنيستىك پارتياسىنىڭ ۇزاق ۋاقىت كۇرەس جاساۋ بارىسىندا سومداعان ۇلى رۋحىنا مۇراگەرلىك ەتۋگە، تاباندىلىقپەن پارتيانىڭ سوزىنە قۇلاق اسىپ، پارتياعا ىلەسىپ، جاپپاي سوتسياليستىك وسىزاماندانعان مەملەكەت قۇرۋدىڭ ۇلى امالياتى بارىسىندا ۇلەس قوسۋعا جەتەكتەۋ كەرەك.
«ۇقتىرۋدا» مىنالار ايقىن بەلگىلەندى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى نەگىزگى جەلى ەتىپ، وسى ماڭىزدى يدەيانىڭ نازاريالىق لوگيكاسىن، تاريحي لوگيكاسىن، امالياتتىق لوگيكاسىن دۇرىس يگەرىپ، وسى ماڭىزدى يدەيانىڭ تاريحي ورنى مەن كەلەلى ءمانىن ىشكەرىلەي ءتۇسىنىپ، ساياسي، يدەيالىق، نازاريالىق، سەزىمدىك ورتاق تانىمدى ۇزدىكسىز كۇشەيتۋ كەرەك. باس شۋجي شي جينپيڭنىڭ پارتيا تاريحى، جاڭا جۇڭگو تاريحى، رەفورما جاساپ، ەسىك اشۋ تاريحى، سوتسياليزمنىڭ دامۋ تاريحى جونىندەگى ماڭىزدى پايىمداۋلارىن، اسىرەسە، پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، دەر كەزىندە ىلەسە ۇيرەنىپ، ىلگەرىندى - كەيىندى ساباقتاستىرىپ ۇيرەنىپ، ءىس جۇزىندىكپەن ۇشتاستىرىپ ۇيرەنۋ كەرەك. «4 تاريح» ۇگىت - تاربيەسىنىڭ ءمانىن يگەرىپ، مازمۇن جاعىنان توعىستىرۋعا، تۇتاستىرۋعا، لوگيكالىق جاقتان ءبىر - بىرىمەن بايلانىستىرۋعا دەن قويىپ، قالىڭ حالىق بۇقاراسىن، اسىرەسە، جاستار مەن ورەندەردى جۇڭگو كوممۋنيستىك پارتياسىنىڭ نە ءۇشىن ىسكەر بولاتىنى، ماركسيزمنىڭ نە ءۇشىن جۇزەگە اساتىنى، جۇڭگوشا سوتسياليزمنىڭ نە ءۇشىن جاقسى بولاتىنى سياقتى نەگىزگى قاعيدالاردى ايقىنداۋعا جەتەكتەپ، پارتيانىڭ تاريحى جونىندەگى تۇسىنىكتى جانە يگەرۋدى تەرەڭدەتىپ، پارتيانىڭ نازارياسى جونىندەگى تۇسىنىكتى جانە تانىمدى تەرەڭدەتۋ كەرەك.
«ۇقتىرۋدا» مىنالار اتاپ كورسەتىلدى: ءتۇرلى ۇگىت – تاربيە قيمىلدارىن ويداعىداي ۇيىمداستىرۋ كەرەك. ءبىرىنشى، كىتاپ وقۋ، تاريحتى ۇيرەنۋ قيمىلىن ورىستەتۋ. «كىتاپ وقۋ 100 جىلدىق ۇلى ءىستى ۇعىندىرادى» اتىنداعى جاقسى كىتاپتاردى كورسەتۋ، وقۋ قيمىلىن ورىستەتۋ، «قىزىل كلاسسيكالىق شىعارمالاردى 100 جىلدىق مەرەي تويعا تارتۋ ەتۋ» اتتى كىتاپ وقۋ قيمىلىن وتكىزۋ، «ساپانى كۇشەيتۋ، ۇلگى بولۋ» اتىنداعى كىتاپ وقۋ قيمىلىن ۇيىمداستىرۋ، پارتيا قۇرىلىسى قۇجاتتارىن ارناۋلى تاقىرىپتا وقۋ، ۇيرەنۋ قيمىلىن ورىستەتۋ. ەكىنشى، نەگىزگى ساتىنىڭ ۇگىت - لەكسيا قيمىلىن ۇيىمداستىرۋ. بۇقاراعا ۇگىت - لەكسيا جاساۋدى كەڭ كولەمدە ورىستەتىپ، نەگىزگى ساتىعا ىشكەرىلەي ارالاسىپ، ارالاپ ءجۇرىپ ۇگىت - لەكسيا جاساپ، شاعىن اڭگىمەلەر ارقىلى ۇلكەن قيسىندى تولىق ءتۇسىندىرۋ. جاعداي جونىندەگى بايانداما ءماجىلىسى، «4 تاريح» ارناۋلى تاقىرىپتىق ۇگىت - لەكسيا سياقتىلاردى وتكىزىپ، باسشى كادرلاردى باستاماشىلدىقپەن بايانداما جاساۋعا ۇسىنىس ەتۋ. ءۇشىنشى، ۇيرەنۋ، باستان كەشىرۋ قيمىلىن ورىستەتۋ. قىزىل مادەنيەتتىڭ ءمانىن ىشكەرىلەي اشىپ، سارا تۋىندىلار كورمەسىن، قىزىل ساياحات سارا جەلىلەرىن، ۇيرەنۋ، باستان كەشىرۋ جەلىلەرىن دەن قويا جوبالاۋ، اشۋ. سالتاناتتى جانە تاربيەلىك ماڭىزى بار سالت قيمىلدارىن ۇيىمداستىرىپ، مادەنيەت، عىلىم - تەحنيكا، دەنساۋلىق ساقتاۋ ىستەرىن اۋىل - قىستاققا جەتكىزۋ سياقتى قوعامدىق اماليات قيمىلدارىن ورىستەتۋ. ءتورتىنشى، توڭكەرىستىك قۇرباندارعا قۇرمەت ءبىلدىرۋ قيمىلىن ورىستەتۋ. قۇربانداردى ەسكە ءتۇسىرۋ كۇنى سياقتى ماڭىزدى ەسكە ءتۇسىرۋ كۇندەرىمەن جانە باسقا دا ءداستۇرلى مەرەكەلەرمەن ۇشتاستىرىپ، قۇربانداردىڭ قابىرىن سىپىرۋ، گۇل شارباق قويۋ، ازا ءبىلدىرۋ، مۇراعا قۇرمەت ەتۋ سياقتى قيمىلداردى ۇيىمداستىرىپ ورىستەتۋ. «قۇربانداردىڭ تۋىسىن ىزدەۋ» ارناۋلى قيمىلىن ورىستەتۋ، «كوڭىلدەگى تۋ» سياقتى قىزىل ءتۇسىندىرۋشى باسەكەسىن ۇيىمداستىرۋ، قاھارماندار رۋحىن اسقاقتاتۋ. بەسىنشى، وزات ۇلگىلەردەن ۇيرەنۋ قيمىلىن ورىستەتۋ. «ءۇش 100 تاڭداۋلى ادامدى» شوعىرلى ۇگىتتەپ، جاريالاپ، پارتياعا جانە مەملەكەتكە ەلەۋلى ەڭبەك ءسىڭىرىپ، داڭققا يە بولعاندار، ءداۋىر ۇلگىلەرى سياقتى وزات ۇلگىلەردەن ۇيرەنۋ، ولاردى ۇگىتتەۋ قيمىلىن ورىستەتۋ. ساقا جاۋىنگەرلەردەن، ساقا جولداستاردان، الدىڭعى شەپكە كومەكتەسۋدەگى ساقا ۇلگىلەردەن، قۇربانداردىڭ تۋىس - تۋعانىنان ىشكەرىلەي حال سۇراپ، ءىس جۇزىندىك قيىنشىلىقتارىن شەشۋگە كومەكتەسۋ. التىنشى، قىزىل وتباسى سالتىنا مۇراگەرلىك ەتۋ قيمىلىن ورىستەتۋ. وركەنيەتتى وتباسى، بەستە جاقسى وتباسى، ەڭ سۇيىكتى وتباسى قاتارلىلاردىڭ ۇلگى كورسەتۋ، جەتەكتەۋ رولىن ساۋلەلەندىرىپ، ارالاپ لەكسيا جاساۋ، تاقىرىپتىق كورمە، لەزدىك كوركەمونەر قيمىلى، وتباسى حيكايالارى جيناعى سياقتى تاسىلدەر ارقىلى وتباسى سالتىنا قاتىستى اسەرلى حيكايالاردى بايانداۋ. جەتىنشى، جالپى حالىقتىق مەملەكەت قورعانىسى تاربيە قيمىلىن ورىستەتۋ. «مەملەكەتتى قۇدىرەتتەندىرۋدىڭ جاڭا جورىعىنا قادام تاستاۋ، ارميا مەن حالىق ارميانى قۇدىرەتتەندىرۋ ارمانىن بىرگە ورىنداۋ» اتىنداعى جىلجىمالى لەكسيا ۇيىمداستىرۋ، اسكەري لاگەردى اشىق ۇستاۋ قيمىلىن ۇيىمداستىرۋ، جوعارى مەكتەپتەر مەن ورتا مەكتەپ وقۋشىلارىنىڭ اسكەري جاتتىعۋىن ويداعىداي يگەرۋ، قورعانىس تاربيەسى بازاسىنا سۇيەنىپ قىزىل زەرتتەۋ - ۇيرەنۋ جۇرگىزىپ، جالپى حالىقتىڭ قورعانىس كوزقاراسىن كۇشەيتۋ. سەگىزىنشى، بۇقارالىق مادەنيەت قيمىلدارىن ۇيىمداستىرۋ. اسەمونەر كورمەسى، تاڭداۋلى كينو - تەلە فيلم كورمەسى، تاڭداۋلى توراپتىق ادەبيەت - كوركەمونەر تۋىندىلارى كورمەسى سياقتى قيمىلداردى ۇيىمداستىرۋ، ءبىلىم باسەكەسى، لەكسيا جارىسى سياقتى قيمىلداردى ورىستەتۋ. مادەنيەت ارقىلى حالىققا تيىمدىلىك جاساۋ ينجەنەرياسىن جاسامپازدىقپەن اتقارۋ، «تاۋ جىرىن پارتياعا ارناۋ» اتىنداعى بۇقارالىق ءان ايتۋ، الاڭ ءبيى كورمەسى، «اۋىل كەشى» سياقتى قيمىلداردى ورىستەتۋ كەرەك.
«ۇقتىرۋدا» مىنالار دارىپتەلدى: جەر - جەر، تاراۋلار دۇرىس بەتالىستى باستان - اياق يگەرىپ، دۇرىس تاريح كوزقاراسىن ورناتىپ، پارتيا تاريحىنىڭ، جاڭا جۇڭگو تاريحىنىڭ، رەفورما جاساپ، ەسىك اشۋ تاريحىنىڭ، سوتسياليزمنىڭ دامۋ تاريحىنىڭ نەگىزگى تاقىرىبىن، نەگىزگى جەلىسىن دۇرىس يگەرىپ، تاريحي تەرىستەۋشىلىككە تۋدىى ايقىن ۇستاي وتىرىپ قارسى تۇرۋى كەرەك. جاستار مەن ورەندەر قاۋىمىن كورنەكتىلەندىرىپ، جاستار مەن ورەندەر قاۋىمىنىڭ ەرەكشەلىگى مەن ادەتىن يگەرىپ، جاستار مەن ورەندەردىڭ ۇيرەنۋ تاربيەسىن ويداعىداي ۇيىمداستىرىپ، پارتيانى، وتاندى، سوتسياليزمدى ءسۇيۋ سۇيىسپەنشىلىگىن نىعايتىپ، قىزىل گەندى، توڭكەرىس الاۋىن ۇرپاقتان - ۇرپاققا جالعاستىرۋ كەرەك. قيمىل دانەكەرىن بايىتىپ، وتانشىلدىق تاربيە بازاسىنىڭ رولىن ساۋلەلەندىرىپ، سارا تۋىندىلار جاراتۋعا كۇش سالىپ، قيمىلدىڭ مازمۇنى مەن دانەكەرىن دەن قويا جوبالاپ، تاربيەلەۋ، اسەرلەندىرۋ قۋاتىن كۇشەيتۋ كەرەك. ينتەرنەت تۇعىرىنان ويداعىداي پايدالانىپ، اقپارات قۇرالدارىن توعىستىرۋ ابزالدىعىن ساۋلەلەندىرىپ، بۇقارامەن جاناسىمدى، وڭاي تارالاتىن، بۇقارا ۇناتىپ تىڭدايتىن ءبىر توپ ينتەرنەت مادەنيەت ونىمدەرى مەن ادەبيەت - كوركەمونەر تۋىندىلارىن جاساۋ، تاراتۋ كەرەك. ءبىر تۇتاس سايكەستىرۋدى كۇشەيتىپ، «4 تاريح» ۇگىت - تاربيەسىن پارتيا تاريحىن ۇيرەنۋ تاربيەسى، «پارتياعا ماڭگى ىلەسۋ» اتىنداعى بۇقارالىق نەگىزگى تاقىرىپتىق ۇگىت - تاربيە قيمىلى سياقتىلارمەن ورگانيكالى ۇشتاستىرىپ، ءبىرىن - ءبىرى جەبەۋىنە، ءبىر - بىرىنە ساي كەلۋىنە مۇمكىندىك جاراتۋ كەرەك. ورتالىقتىڭ «8 ءتۇرلى بەلگىلەمەسىنىڭ» جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ اتقارىپ، فورماشىلدىقتى، تورەشىلدىكتى باتىل جويۋ كەرەك. حاۋىپسىزدىكتى باسقارۋدى كۇشەيتىپ، جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋ قىزمەتىن ويداعىداي ىستەپ، ۇگىت - تاربيەدەگى ءتۇرلى قىزمەتتىڭ حاۋىپسىز، ءتارتىپتى ورىستەتىلۋىنە كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
